Monday, 31 October 2011

இந்திய நீதிமான்களின் இரட்டைவேசம்!

           " சட்டத்தின் முன்னால் அனைவரும் சமம்' என்று சொல்லப்பட்டாலும்,  இந்திய நீதிமன்றங்கள் அப்படித்தான் செயல்படுகின்றனவா?  எல்லோரும் சட்டத்தின் முன்னால் சமமாக நடதப்படுகின்றனரா? என்ற கேள்வி சிந்திப்பவர்களின் மத்தியில் இருந்துவருகிறது!     நீதிபதிகளின் தனித்த லாபங்கள்,விருப்பு வெறுப்புக்கள், அரசியல் நிர்பந்தங்கள், மதம்- சாதிய பற்றுக்களால் சமத்துவமான அணுகுமுறைத் தீர்ப்புகள் வருவது அருகி வருகிறது.     பலவழக்குகளில் பாரபட்சமான தீர்ப்புகள் கூறப்பட்டு, நீதித் துறையின்மீது மக்கள் கொண்டிருந்த நம்பிக்கை தகர்ந்து வருவதை பார்க்கமுடிகிறது!
 
       
        " பாபர் மசூதி யாருக்கு சொந்தம்? "என்று கூறவேண்டிய நீதிமன்றம்,  "குரங்கு அப்பத்தைப் பங்கிட்ட கதையாக",  ஆளுக்கு கொஞ்சம் சொந்தம் என்ற அலகாபாத் நீதி மன்றத் தீர்ப்பு சமீபத்து உதாரணம் ஆகும்!       ரத  யாத்திரை நடத்தி, நாட்டை ரத்தக் காடக்கிய  அத்வானிக்கு     நீதிமன்றம் வழங்கிய கருணைத் தீர்ப்பும்,       குஜராத் படுகொலை, கலவரத்தில் மோடியின் பங்களிப்பை கேள்விக்கு உள்ளாக்காத நீதிபன்றங்களின் பாராமுகமும்  இந்திய நீதித்துறையின்  பாசிச குணத்திருக்கு சான்றுகள்! 

         ராஜீவ்காந்தி கொலைக்கு காரணமான  'பெல்ட் பாம்'  யாரால் தயாரிக்கப் பட்டது?   என்பதைகூட கண்டு பிடிக்காத நிலையில், பெல்ட்பாம் செய்ய பேட்டரி வங்கிக் கொடுத்ததாகவும், அவர் வங்கிக் கொடுத்ததற்கு ஆதாரமான,    பேட்டரி வாங்கிய ரசீது 23  நாட்கள் கழித்து, அவரது சட்டை பையில் இருந்து எடுத்ததாகவும் போலிசு கூறிய  பொய்யின் அடிப்படையில் பேரறிவாளனுக்கு தூக்கு தண்டனையை நீதிமன்றம் விதித்துள்ளது என்றால், நீதிமன்றத்தை என்னவென்று சொல்லுவது?      23 நாட்களாக ஒரு சட்டையை   மாற்றாமலும்    துவைக்காமலும் வைத்திருக்கும் அப்பாவிப் பிள்ளை பேரறிவாளன் என்றுதானே ஆகிறது!?       போகட்டும், பேட்டரி [செல்] வாங்கினால்,  எந்த கடைக்காரன்    ரசீது போட்டு கொடுக்கிறான்?


        ராஜீவ்காந்தி படுகொலையில் சுப்பிரமணி சாமிக்கும், சந்திரா சாமிக்கும் தொடர்பு உள்ளது என்ற குற்றச்சாட்டு எழுந்தபோது,  புடுங்கி கத்தை கட்டும்  இந்திய  புலனாய்வு புலிகள் லண்டனுக்குவிசாரிக்கப் போனார்கள்!  விமான நிலையத்தில் கொண்டுபோன ஆவணங்களை காணோம்,தொலைந்து விட்டது என்று கையை வீசிக்கொண்டு திரும்பி வந்தார்கள்! ஆவணகளின் பிரதிகளைக் கூடவா எடுத்துவைக்காமல்,அசால்டாக  ராஜீவ்காந்தி கொலைவழக்கை விசாரணை செய்தார்கள்?  இன்று இரட்டை அலைவரிசை ஊழலில், 'யோக்கிய சிகாமணி சுப்பிரமணி சாமி' என்னையும் வழக்கில் சேர்த்து விசாரிக்க கோருகிறார்!, உச்ச நீதிமன்றத்துக்கு இதுவெல்லாம் தெரியாதா? சிதம்பரத்துக்கு தெரியாதா?   எல்லாம் தெரியும்!    கொலைகாரர்களை  காப்பாற்ற வேண்டிய நிர்பந்தம் இவர்களைப்போலவே நீதி மன்றத்திற்கும் இருப்பதாலும்    பலியாவது தமிழர்கள் என்பதாலும் நீதிமன்றங்கள் இரட்டைவேசத்தை போட்டுக் கொல்லுகிறது! 

இந்திய நீதிமான்களின் இரட்டைவேசம்!

" சட்டத்தின் முன்னால் அனைவரும் சமம்' என்று சொல்லப்பட்டாலும்,  இந்திய நீதிமன்றங்கள் அப்படித்தான் செயல்படுகின்றனவா?  எல்லோரும் சட்டத்தின் முன்னால் சமமாக நடதப்படுகின்றனரா? என்ற கேள்வி சிந்திப்பவர்களின் மத்தியில் இருந்துவருகிறது!     நீதிபதிகளின் தனித்த லாபங்கள்,விருப்பு வெறுப்புக்கள், அரசியல் நிர்பந்தங்கள், மதம்- சாதிய பற்றுக்களால் சமத்துவமான அணுகுமுறைத் தீர்ப்புகள் வருவது அருகி வருகிறது.     பலவழக்குகளில் பாரபட்சமான தீர்ப்புகள் கூறப்பட்டு, நீதித் துறையின்மீது மக்கள் கொண்டிருந்த நம்பிக்கை தகர்ந்து வருவதை பார்க்கமுடிகிறது!  
       
        " பாபர் மசூதி யாருக்கு சொந்தம்? "என்று கூறவேண்டிய நீதிமன்றம்,  "குரங்கு அப்பத்தைப் பங்கிட்ட கதையாக",  ஆளுக்கு கொஞ்சம் சொந்தம் என்ற அலகாபாத் நீதி மன்றத் தீர்ப்பு சமீபத்து உதாரணம் ஆகும்!       ரத  யாத்திரை நடத்தி, நாட்டை ரத்தக் காடக்கிய  அத்வானிக்கு     நீதிமன்றம் வழங்கிய கருணைத் தீர்ப்பும்,       குஜராத் படுகொலை, கலவரத்தில் மோடியின் பங்களிப்பை கேள்விக்கு உள்ளாக்காத நீதிபன்றங்களின் பாராமுகமும்  இந்திய நீதித்துறையின்  பாசிச குணத்திருக்கு சான்றுகள்! 
         ராஜீவ்காந்தி கொலைக்கு காரணமான  'பெல்ட் பாம்'  யாரால் தயாரிக்கப் பட்டது?   என்பதைகூட கண்டு பிடிக்காத நிலையில், பெல்ட்பாம் செய்ய பேட்டரி வங்கிக் கொடுத்ததாகவும், அவர் வங்கிக் கொடுத்ததற்கு ஆதாரமான,    பேட்டரி வாங்கிய ரசீது 23  நாட்கள் கழித்து, அவரது சட்டை பையில் இருந்து எடுத்ததாகவும் போலிசு கூறிய  பொய்யின் அடிப்படையில் பேரறிவாளனுக்கு தூக்கு தண்டனையை நீதிமன்றம் விதித்துள்ளது என்றால், நீதிமன்றத்தை என்னவென்று சொல்லுவது?      23 நாட்களாக ஒரு சட்டையை   மாற்றாமலும்    துவைக்காமலும் வைத்திருக்கும் அப்பாவிப் பிள்ளை பேரறிவாளன் என்றுதானே ஆகிறது!?       போகட்டும், பேட்டரி [செல்] வாங்கினால்,  எந்த கடைக்காரன்    ரசீது போட்டு கொடுக்கிறான்?

        ராஜீவ்காந்தி படுகொலையில் சுப்பிரமணி சாமிக்கும், சந்திரா சாமிக்கும் தொடர்பு உள்ளது என்ற குற்றச்சாட்டு எழுந்தபோது,  புடுங்கி கத்தை கட்டும்  இந்திய  புலனாய்வு புலிகள் லண்டனுக்குவிசாரிக்கப் போனார்கள்!  விமான நிலையத்தில் கொண்டுபோன ஆவணங்களை காணோம்,தொலைந்து விட்டது என்று கையை வீசிக்கொண்டு திரும்பி வந்தார்கள்! ஆவணகளின் பிரதிகளைக் கூடவா எடுத்துவைக்காமல்,அசால்டாக  ராஜீவ்காந்தி கொலைவழக்கை விசாரணை செய்தார்கள்?  இன்று இரட்டை அலைவரிசை ஊழலில், 'யோக்கிய சிகாமணி சுப்பிரமணி சாமி' என்னையும் வழக்கில் சேர்த்து விசாரிக்க கோருகிறார்!, உச்ச நீதிமன்றத்துக்கு இதுவெல்லாம் தெரியாதா? சிதம்பரத்துக்கு தெரியாதா?   எல்லாம் தெரியும்!    கொலைகாரர்களை  காப்பாற்ற வேண்டிய நிர்பந்தம் இவர்களைப்போலவே நீதி மன்றத்திற்கும் இருப்பதாலும்    பலியாவது தமிழர்கள் என்பதாலும் நீதிமன்றங்கள் இரட்டைவேசத்தை போட்டுக் கொல்லுகிறது! 

Thursday, 27 October 2011

விஜயகாந்த் காங்கிரசில் சேருவாரா?

காங்கிரசில் சேரச் சொல்லி இளங்கோவனும்,  இளைஞர் அணித் தலைவர் யுவராஜும் விஜயகாந்துக்கு அழைப்பு விட்டு உள்ளனர், தங்கபாலு அழைப்பு விடுவது தான் பாக்கி!  விஜயகாந்த், ஆந்திர சிரஞ்சீவியைப் போல தனது  கட்சியுடன் ஐக்கியமாக வேண்டும் என்ற ஆசை இவர்களுக்கு இருப்பதை பட்டவர்த்தனமாக சொல்லிவிட்டார்கள்!   வலையை வீசிவிட்டு காத்திருக்கிறார்கள்!        மாட்டிக்கொண்டால், லாபம்தான் என்பது இவர்களைப் பொறுத்தவரை சரிதான்!. விஜயகாந்த் காங்கிரசின் அழைப்பை நிராகரிக்கவில்லை, அதுபற்றி இதுவரை அவர் கருத்து எதுவும் சொல்லவில்லை. பத்திரிக்கையாளர்கள் கூட அவரிடம் கேட்டகவில்லை! பாவம் தன்னைப் பற்றிய அதீத நம்பிக்கையில், சந்தித்த உள்ளாட்சித் தேர்தலில் எதிர்பார்த்த வெற்றியை அவரால் பெற முடியாத சோகத்தில் இருந்து, மீண்டுவரவில்லை என்பது தெரிகிறது!



          அவரது கட்சியில் வெற்றிபெற்ற  பிரதிநிதிகள் கூட ஆளும் கட்சிக்கு தாவும் நிலை ஏற்பட்டு உள்ளது.தேர்தலில் போட்டியிட வாய்ப்பு கிடைக்கவில்லை,தொண்டர்களுக்கு{?}  கட்சியில் மரியாதை இல்லை என்ற குரல்கள்வேறு, இப்போது அக்கட்சியில் ஒலிக்கின்றன!  கூட்டணி இல்லை என்றால் விஜயகாந்தின் கட்சியால் வெற்றிபெற முடியாது என்ற உண்மை தெரிந்துள்ளது. விஜயகாந்த் காங்கிரசின் அழைப்பை ஏற்று கொள்வாரா? அல்லது தனியாகவே கட்சியை நடத்துவாரா? என்பது ஒருபுறம் இருந்தாலும், அவர் காங்கிரசில் சேர்த்துவிட்டால் என்னவாகும்?

        தீராத தலைவலியாக நினைக்கும் பாட்டாளி மக்கள் கட்சியும், விடுதலை சிறுத்தைகளும் உள்ளபடியே மகிழ்ச்சி அடையும்! ஆ தி.மு.கவும்,     தி.மு.கவும் கூட,     'இனி  நமக்குள் தான் பங்காளிச் சண்டையே'     என ஆறுதல் அடையும்!     சீமான்,நெடுமாறன்,வைகோ போன்றவர்கள் கடுமையாக      விஜயகாந்தை தமிழின துரோகி என்று, வறுத்து எடுப்பார்கள்!      எதிரிகளும்,     துரோகிகளும்   கைகொர்த்துவிட்டார்கள்! என்று கண்டன அறிக்கைகள் பறக்கும்.        பத்திரிக்கைகளுக்கு, "வேறு பரபரப்பு செய்தி" கிடைக்கும் வரை,    விஜயகாந்த் செய்தது சரியா,தவறா? என்று விவாதிக்கும்! பட்டிமன்ற அரசியலில் கூட    பரிகாசமாகப்   பேசப்படும்!

          காங்கிரஸ் பாரம்பரியத்தில் வந்த விஜயகாந்த்,மீண்டும்    'தேசிய நீரோட்டதில்'இணைத்துள்ளது மகிழ்ச்சி அளிப்பதாகவும் அவரைப் பாராட்டுவதாகவும் சோனியா,மன்மோகன் புகைப்படத்துடன் காங்கிரஸ் செய்தி வரும்! அவருக்கு நல்ல எதிர்காலம் உள்ளதாக ஜோதிடர்கள் கணிப்பார்கள்!     {காங்கிரசின்  சின்னம்  'கையாக' உள்ளதால்,ஜோதிடர்களில்  பலரும் கங்கிரசாமே,உண்மையா?}




                                                                  
          இவ்வளவும் நடந்தபிறகு, தமிழகத் தலைவர்களில் யார் பெரியவர் என்ற மோதல் நடந்து,காங்கிரசில் கூடுதலாக ஒரு அணி விஜயகாந்த் பெயரில் உருவாகும்! விஜயகாந்தை கட்சியில் இருந்து நீக்கி விட்டதாக தங்கபாலு அறிவிப்பு செய்தாலும் செய்வார்,அப்போதும் தங்கபாலு தலைவராக இருந்தால்!


எம்.ஜி. ஆர்  காங்கிரசில் இருந்தால் காணமல் போய்விடுவோம் என்று நினைத்து,  தி.மு. கவுக்கு வந்தார்!   தி.மு.கவில் இருந்தால் மதிப்பு இல்லை என்று நினைத்த, சிவாஜி கணேசன் காங்கிரசுக்கு போனார்.   பாவம்  அவருக்கு சிறந்த நடிகர் என்று  ஒரு தேசியவிருதைக் கூட கொடுக்காத காங்கிரஸ்......,         எம்.ஜி.ஆருக்கு, "பாரத ரத்னா" விருதையே கொடுத்து அழகு படுத்தியது! அதுவும் இந்திய அரசியல் சட்டத்தை வடிவமைத்த,   "அண்ணல் அம்பேத்கருக்கு" கொடுக்காமல்,    அவருக்கு முன்பே கொடுத்து,     தனது ஆரிய இனப்   பாசத்தை காட்டியது.! 
                                                                               தேசிய  முற்போக்கு திராவிட கழக தலைவருக்கு என்னவெல்லாம்  கிடைக்கும் என்பது காங்கிரசில்  சேர்ந்தால் தெரிந்துவிடும்!
               

Monday, 24 October 2011

தூக்கு தண்டனைக்கெதிரான உண்ணாநிலைப் போராட்டத்தில் எனது பங்கேற்பு.

   தூக்கு தண்டனையை சட்டத்தில் இருந்து முற்றிலும் நீக்கக் கோரி,தமிழுணர்வாளர்கள் சென்னையில் தொடர் உண்ணாநிலைப் போராட்டத்தை நடத்திவருகிறார்கள்." NO DEATH PENALITY ' என்ற முழக்கத்துடன் நடத்தப்பட்டு வரும் போராட்டத்தில்  23.10.2011  அன்று 32 -ஆம் நாள் போராட்டத்தில் கலந்து கொள்ளும் வாய்ப்பு கிட்டியது. எனக்கு அந்த வாய்ப்பை பகுஜன் சமாஜ் கட்சியின் மாநிலத் தலைவராக முன்பு இருந்தவரும்,தமிழக மக்கள் ஜனநாயக கட்சி என்ற அரசியல் கட்சியை தற்போது நடத்தி வருபவரும் ஆன புதுக்கோட்டை கே.எம்.ஷெரிப் என்பவர் வழங்கி இருந்தார்.திராவிட கழகத்தில் இருந்து,ஆனைமுத்து தலைமையில் திராவிட கழகம் இயங்கிய பொது அதில் இருந்து,பிறகு ம.தி.மு.க.,வந்து,பாட்டாளி மக்கள் கட்சிக்கு போனவர்,மாநில இளைஞர் அணித் தலைவராக இருந்து,திராவிட கட்சியாக சொல்லப்படும் பா.ம. க.வில்,  தலித்துக்களை,முஸ்லிம்களை பிரித்து சிறுபான்மைப் பிரிவு,தாழ்த்தப் பட்டோருக்கான sc /st  பிரிவுகள்  தொடங்குவதை எதிர்த்து வெளியேறியவர்!.{அரசியல் தீண்டாமையை தொடரும் ஆதிக்கவாதிகளின் சிந்தனைதான் ஜனநாயகத்தில் இதுபோன்ற பிரிவுகள் என்பார்}முஸ்லிமாக இருந்தாலும் முஸ்லிம்களால் ஏற்றுக்கொள்ளாத,தமிழரான அவரது அழைப்பை ஏற்று போராட்டத்தில் கலந்து கொண்டபோது தான் எத்துனை அரியவாய்ப்பு இது! என்று தெரிந்தது.

       நான் கலந்து கொண்ட போராட்டத்தில், விடுதலை ராஜேந்திரன்,பெரியார் தாசன்,,மார்சிஸ்ட் கட்சி மாநில பொறுப்பாளர் மகேந்திரன்,மக்கள் தமிழகம் அமைப்பு புரட்சிக் கவிதாசன்,ஆதி தமிழர் பேரவை வினோத் ஆகியோருடன்  ஆளூர் ஷானவாஸ்,பாண்டியன் ஆகிய பத்திரிக்கையாளர்களும் கலந்து கொண்டது இதமளித்தது. இந்தியாவில்  தூக்கு தண்டனையை முற்றிலும் நீக்க கோரும் இந்த தொடர் உண்ணாநிலைப் போராட்டத்துக்கு காரணம், இந்திய அரசின் தமிழின விரோதப் போக்கால் நிரபராதிகள் என்று தெரிந்தும்  விடுதலை செய்ய மனமின்றி சிறையில் வாடும்  பேரறிவாளன்,முருகன்,சாந்தன் ஆகியோர்களின் பரிதாப நிலைதான்.
          இந்த போராட்டத்தை ஆரம்பிக்க காரணமானவர்கள் சென்னை உயர்நீதி மன்றத்தில் வழக்காடும் மூன்று பெண் வழக்குரைஞர்கள் தான்!, உயர்நீதி மன்ற வளாகத்தில் சாகும் வரை உண்ணாநிலைப் போராட்டத்தில் ஈடுபட்ட இவர்களுக்கு அனுமதி மறுக்கப்பட்டதால் கோயம்பேடு பகுதிக்கு போராட்டம் மாற்றப்பட்டது. தொடர் உண்ணாவிரத போராட்டமாக மாற்றப்பட்டு,பல தமிழ் உணர்வாளர்கள்,அமைப்புகள் முலம் நடந்து வருகிறது! இதில் ஒரு பெரும் சோகம் என்னவென்றால்,தமிழக தலைநகரில் தங்களது உணர்வுகளை ஜனநாயக வழியில் வெளிப்படுத்த,எதிர்ப்புகள் பலமாக இருப்பது போல,இடமும் இல்லாத நிலை இருப்பதும் ஆகும்!  திருச்சி சவுந்தர ராஜன் என்ற முன்னாள் சட்டமன்ற உறப்பினர் தயவால் அவருக்கு சொந்தமான இடத்தில நடக்கும் போராட்டத்துக்கு  தினமும் ஒரு அமைப்பு பொறுப்பு ஏற்றுகொள்கிறது.

         உணர்வு ரீதியான இந்த போராட்டத்துக்கு தமிழ்நாடு வணிகர்கள் பேரவை, கிருஸ்துவ தோழமை இயக்கம்,மாற்றத்திற்கான செய்தியாளர்கள் அமைப்பு,ஓவியர்கள் சங்கம்,பெண்கள் அமைப்புகள் ஆகியவைகளும் தமிழர் தேசிய அமைப்புகளுடன்  பங்கேற்ப்பது நம்பிகை தருகிறது! மனித நேயம் மறைந்து போகவில்லை என்பதை காட்டுவதாக உள்ளது!    ஈழத்தில் நடத்தப்பட்ட படுகொலைகளுக்கு காரணம் என்னென்ன? தமிழர்கள் ஏன் தொடர்ந்து தாக்குதலுக்கு ஆளாக்கப் படுகிறார்கள்? ராஜீவ் காந்தி படுகொலைக்கு காரணம் என்ன? யாரெல்லாம் குற்றவாளிகள்? இதற்குதீர்வு தான் என்ன? என பேசப்பட்ட விஷயங்கள்,படங்களுடன் விரைவில் பகிர்ந்து கொள்ள இருக்கிறேன்!
    மார்டின் லூதர் கிங் சொன்னது, "இப்போது நாம்  மிகவும் வருத்தப் படவேண்டியது,கொடியவர்களின் தீமைகளைக் காட்டிலும் நல்லவர்கள் என்போரின் மவுனத்தையே!" ஈழதமிழர்களின் அழிவை வேடிக்கை பார்த்த நல்லவர்கள் அப்பாவி தமிழர்களின் உயிர் பிரச்சனையிலும் அவ்வாறே இருப்பது வருத்தத்தை தருகிறது!

தமிழர் உயிர் மலிவானதா,தன்மானம் இழிவானதா?

தூக்கு தண்டனையை சட்டத்தில் இருந்து முற்றிலும் நீக்கக் கோரி,தமிழுணர்வாளர்கள் சென்னையில் தொடர் உண்ணாநிலைப் போராட்டத்தை நடத்திவருகிறார்கள்." NO DEATH PENALITY ' என்ற முழக்கத்துடன் நடத்தப்பட்டு வரும் போராட்டத்தில்  23.10.2011  அன்று 32 -ஆம் நாள் போராட்டத்தில் கலந்து கொள்ளும் வாய்ப்பு கிட்டியது. எனக்கு அந்த வாய்ப்பை பகுஜன் சமாஜ் கட்சியின் மாநிலத் தலைவராக முன்பு இருந்தவரும்,தமிழக மக்கள் ஜனநாயக கட்சி என்ற அரசியல் கட்சியை தற்போது நடத்தி வருபவரும் ஆன புதுக்கோட்டை கே.எம்.ஷெரிப் என்பவர் வழங்கி இருந்தார்.திராவிட கழகத்தில் இருந்து,ஆனைமுத்து தலைமையில் திராவிட கழகம் இயங்கிய பொது அதில் இருந்து,பிறகு ம.தி.மு.க.,வந்து,பாட்டாளி மக்கள் கட்சிக்கு போனவர்,மாநில இளைஞர் அணித் தலைவராக இருந்து,திராவிட கட்சியாக சொல்லப்படும் பா.ம. க.வில்,  தலித்துக்களை,முஸ்லிம்களை பிரித்து சிறுபான்மைப் பிரிவு,தாழ்த்தப் பட்டோருக்கான sc /st  பிரிவுகள்  தொடங்குவதை எதிர்த்து வெளியேறியவர்!.{அரசியல் தீண்டாமையை தொடரும் ஆதிக்கவாதிகளின் சிந்தனைதான் ஜனநாயகத்தில் இதுபோன்ற பிரிவுகள் என்பார்}முஸ்லிமாக இருந்தாலும் முஸ்லிம்களால் ஏற்றுக்கொள்ளாத,தமிழரான அவரது அழைப்பை ஏற்று போராட்டத்தில் கலந்து கொண்டபோது தான் எத்துனை அரியவாய்ப்பு இது! என்று தெரிந்தது.
       நான் கலந்து கொண்ட போராட்டத்தில், விடுதலை ராஜேந்திரன்,பெரியார் தாசன்,,மார்சிஸ்ட் கட்சி மாநில பொறுப்பாளர் மகேந்திரன்,மக்கள் தமிழகம் அமைப்பு புரட்சிக் கவிதாசன்,ஆதி தமிழர் பேரவை வினோத் ஆகியோருடன்  ஆளூர் ஷானவாஸ்,பாண்டியன் ஆகிய பத்திரிக்கையாளர்களும் கலந்து கொண்டது இதமளித்தது. இந்தியாவில்  தூக்கு தண்டனையை முற்றிலும் நீக்க கோரும் இந்த தொடர் உண்ணாநிலைப் போராட்டத்துக்கு காரணம், இந்திய அரசின் தமிழின விரோதப் போக்கால் நிரபராதிகள் என்று தெரிந்தும்  விடுதலை செய்ய மனமின்றி சிறையில் வாடும்  பேரறிவாளன்,முருகன்,சாந்தன் ஆகியோர்களின் பரிதாப நிலைதான்.
          இந்த போராட்டத்தை ஆரம்பிக்க காரணமானவர்கள் சென்னை உயர்நீதி மன்றத்தில் வழக்காடும் மூன்று பெண் வழக்குரைஞர்கள் தான்!, உயர்நீதி மன்ற வளாகத்தில் சாகும் வரை உண்ணாநிலைப் போராட்டத்தில் ஈடுபட்ட இவர்களுக்கு அனுமதி மறுக்கப்பட்டதால் கோயம்பேடு பகுதிக்கு போராட்டம் மாற்றப்பட்டது. தொடர் உண்ணாவிரத போராட்டமாக மாற்றப்பட்டு,பல தமிழ் உணர்வாளர்கள்,அமைப்புகள் முலம் நடந்து வருகிறது! இதில் ஒரு பெரும் சோகம் என்னவென்றால்,தமிழக தலைநகரில் தங்களது உணர்வுகளை ஜனநாயக வழியில் வெளிப்படுத்த,எதிர்ப்புகள் பலமாக இருப்பது போல,இடமும் இல்லாத நிலை இருப்பதும் ஆகும்!  திருச்சி சவுந்தர ராஜன் என்ற முன்னாள் சட்டமன்ற உறப்பினர் தயவால் அவருக்கு சொந்தமான இடத்தில நடக்கும் போராட்டத்துக்கு  தினமும் ஒரு அமைப்பு பொறுப்பு ஏற்றுகொள்கிறது.
         உணர்வு ரீதியான இந்த போராட்டத்துக்கு தமிழ்நாடு வணிகர்கள் பேரவை, கிருஸ்துவ தோழமை இயக்கம்,மாற்றத்திற்கான செய்தியாளர்கள் அமைப்பு,ஓவியர்கள் சங்கம்,பெண்கள் அமைப்புகள் ஆகியவைகளும் தமிழர் தேசிய அமைப்புகளுடன்  பங்கேற்ப்பது நம்பிகை தருகிறது! மனித நேயம் மறைந்து போகவில்லை என்பதை காட்டுவதாக உள்ளது!    ஈழத்தில் நடத்தப்பட்ட படுகொலைகளுக்கு காரணம் என்னென்ன? தமிழர்கள் ஏன் தொடர்ந்து தாக்குதலுக்கு ஆளாக்கப் படுகிறார்கள்? ராஜீவ் காந்தி படுகொலைக்கு காரணம் என்ன? யாரெல்லாம் குற்றவாளிகள்? இதற்குதீர்வு தான் என்ன? என பேசப்பட்ட விஷயங்கள்,படங்களுடன் விரைவில் பகிர்ந்து கொள்ள இருக்கிறேன்!
    மார்டின் லூதர் கிங் சொன்னது, "இப்போது நாம்  மிகவும் வருத்தப் படவேண்டியது,கொடியவர்களின் தீமைகளைக் காட்டிலும் நல்லவர்கள் என்போரின் மவுனத்தையே!" ஈழதமிழர்களின் அழிவை வேடிக்கை பார்த்த நல்லவர்கள் அப்பாவி தமிழர்களின் உயிர் பிரச்சனையிலும் அவ்வாறே இருப்பது வருத்தத்தை தருகிறது!

Saturday, 22 October 2011

சர்தார் ஜோக்குகளில் உள்ள வக்கிர வரலாறு!


     எவரையும் புண்படுத்தாத,படித்தவுடன் சிரிக்க வைக்கும் ஜோக்குகளை விட,யாரவது ஒருவரை கிண்டலடித்து,எழுதப்படும் ஜோக்குகளே அதிகமாகி வருகிறது!  நமது ரசனையை தாழ்த்திகொள்ளும்  ஜோக்குகளே அதிகமாக வருவது,நல்லதல்ல.அதுவும்,ஒரு சமூகத்தையே கேவலமாக  சித்தரித்து வரும் ஜோக்குகளை படிக்கும்போது, சிரிப்புக்கு பதில் வேதனை ஏற்படுகிறது. சர்தார் ஜோக்குகள் அத்தகைய   ரகமாகும்.சர்தார்கள் என்று நாம் சொல்லுவது சீக்கியர்களைதான்! இவர்களைப்போல கடின உழைப்பாளிகள் யாரு இல்லை.எவரையும் ஏமாற்றி பிழைக்காதவர்கள், தங்களது,உழைப்பையே நம்புபவர்கள்,மூட நம்பிக்கை இல்லாதவர்கள், பிச்சை எடுப்பதை விரும்பாதவர்கள் நியாயமாக தங்களுக்கு கிடைப்பதை மட்டுமே விரும்பி ஏற்றுக்கொள்பவர்கள் சீக்கியர்களான சர்தார்கள்தான்!


      இந்திய ராணுவத்தில் அதிகமாக உள்ளவர்கள் சீக்கியர்கள்தான்!   ரெஜிமெண்ட் என்று சொல்லும் படைப் பிரிவுகளில் பதினான்கு ரெஜிமெண்ட், சீக்கியர்கள் உடையது. நாட்டை காப்பதில் முக்கிய பங்காற்றி வரும், கடின உழைப்பும்,வீரமும் உள்ள ஒரு இனத்தை முட்டாளாக சித்தரித்து ஜோக்குகள் சொல்வதை எப்படி ஏற்றுக்கொள்ள முடியும்? எப்படி சிரிக்க முடியும்? சரி, இத்தனை பெருமைக்கு உரிய இவர்களை ஏன் முட்டாளாக சொல்கிறார்கள்?உண்மையில் இவர்கள் முட்டாள்களா?  என்றால் இல்லை என்பதுடன் உழைப்பை கேலி செய்யும்,உழைப்பை விரும்பாமல்,  மக்களை  ஏமாற்றும் சிலரது வக்கிரங்களின் விளைவே சர்தார்களை முட்டாள்களாக சித்தரித்து வருகின்றது எனலாம்!


      சீக்கியர்களின் வேதநூலானது  இந்து மதத்தில் நிலவிவரும்,மூட நம்பிக்கைகளை,கவிக்கு உதவாத பழக்கங்களை கண்டித்து வருகின்றன. பகுத்தறிவு சிந்தனையும் யதார்த்தத்தையும் கொண்டுள்ளவை யாகும். தவிர சீக்கிய மதமே {மார்க்கமே} இந்துமதத்தை வெறுத்த மக்களால் உருவானதாகவும் சொல்லப் படுகிறது. உதாரணத்துக்கு சீக்கிய கதை ஒன்றை பார்க்கலாம்.,


        ஆற்றோரமாக ஒரு பிராமணர் திதி செய்துகொண்டும் நீரை வாரி இறைத்தும் கொண்டிருப்பதை விளங்காமல் ஒரு சர்தார்ஜி பார்த்து,அவ்வாறு செய்யும் பிராமணரிடம் ,"எதற்காக இப்படி செய்கிறாய் "என்று கேட்டான். அந்த பிராமணர், "இறந்துவிட்ட தன் முன்னோர்களுக்கு  தாகம் ஏற்பட்டால் அருந்துவதற்கு நீரை ஆகாயத்தை நோக்கி இறைப்பதாக"   கூறியதை கேட்டு,சிரித்துகொண்டு சென்றான். அடுத்த நாள்  அவன் பிராமணர் வருவதைப் பார்த்து,ஆற்றில் இறங்கி வேகமாக நீரை கரையோரம் வாரி இறைத்தான்.அதனை கவனித்த  பிராமணர்,  "எதற்கு நீ இப்படி செய்கிறாய்?" என சர்தார்ஜியை கேட்டார்." நான் மூன்று மைல் தொலைவில் உள்ள தனது வயலுக்கு நீரிறைத்து ஊற்றுவதாக" கூறியதை கேட்டு,"அடேமுட்டாள்  மூன்று மைல் தூரத்தில் இருக்கும் வயலுக்கு நீ இறைக்கும் தண்ணீர் எப்படி போகும்?" என்று  கேட்டு,சிரித்தார்!
    அதற்கு   சர்தார்ஜி, "ஆகாயத்தில் இருக்கும் உன் முன்னோர்களின் தாகத்தை    இங்கிருந்து நீ இறைக்கும் தண்ணீரால் தீர்க்க முடியும் பொது, மூன்று மைல் தூரத்தில் இருக்கும் என்வயலுக்கு போகாதா? " என்று கேட்டான்.பிராமணரால் பேசமுடியவில்லை!
       இதுபோல பல கருத்துக்களையும்,பகுத்தறிவு சிந்தனையும் கொண்டுள்ளதாலும் சீக்கிய மதம் இந்து மதத்தில் உள்ள முட்டாள்தனத்தை கண்டிப்பதாலும் ஏற்பட்ட வெறுப்பினாலேயே சர்தார்ஜிகளை மட்டம்தட்ட அவர்களை முட்டாள்களாக சித்தரித்து ஜோக்குகள் சொல்லப்பட்டு வருகின்றது! இப்போது சொல்லுங்கள்,பிச்சையே எடுக்காத சர்தார்ஜிகளா?அல்லது பிச்சை எடுப்பதை புத்திசாலிதனம் என்று கூறும் நாமா? யார் முட்டாள்கள் என்று!

Wednesday, 19 October 2011

தாழ்வு மனபான்மையும் ஈகோவும் இரட்டைக் குழந்தைகளா?


         நம்மில் பெரும்பாலருக்கு ஈகோ அல்லது தாழ்வு மனப்பான்மை இருக்கிறது!  இவை இரண்டுமே நமக்கு வேண்டாத குணம் என்பது என்னுடைய கருத்தாகும். மனிதர்களாகப் பிறந்த எல்லோருக்கும் ஒரு சிறந்த குணம் இருக்கும்! அப்படியே குறையும் இருக்கும்! குறையை தவிர்த்து,குணத்தை எற்றுக்கொள்வதே நல்லது.  நமக்கு தெரிந்தாலும் நம்மில் பலரும் நடைமுறைப் படுத்துவதில்லை! காரணம் மேலே சொன்ன, தாழ்வு மனபான்மையும் ஈகோவும் நமக்கிருப்பதால் தான்!


      சிறுவயதில் உறவுகளால்,நண்பர்களால் புறக்கணிக்கப்படும் சூழ்நிலை, பொருளில்,அழகில்,.அறிவில் பிறரை விட நாம் கம்மி என்ற உணர்வு உள்ளத்தில் படிந்து,  தாழ்வு மனப்பான்மையாக படிந்துவிடுகிறது! இப்படிப்பட்டவர்கள் உலகத்தோடு ஒட்டி உறவாடுவதில் பிரச்னை இருக்கும்.நெகடிவாக புரிந்து கொண்டு, அவஸ்தை படுவதுடன் பிறரையும் படுத்துவார்கள்! ஈகோ உள்ளவர்கள் தங்களை எப்போதும் முன்னிலைபடுத்தி பேசுவது,உண்டு .மனிதர்களை நேசிப்பதை விடுத்தது, சுயநலனுடன்தன்னையே நேசிப்பதை விரும்புவார்கள். கணவன்-மனைவி,நண்பர்கள்,உறவுகளில் இவரை போலவே இருந்து விட்டால் எளிதில் உறவுகள் சிக்கலாகும்!  சமயங்களில்தாழ்வு மனப்பான்மை  உள்ளவர்களே ஈகோ உள்ளவர்களாவது உண்டு! இவர்கள் எளிதில் எந்த விசயத்தையும் ஏற்றுக்கொள்வதில்லை. தாங்கள் செய்தது தவறு என்று பிறகு தெரிந்து கொண்டாலும்,அதற்காக வருந்துவதோ,மன்னிப்பு கேட்பதோ இல்லை!

    
                  தாழ்வு மனப்பான்மை, ஈகோ உள்ளவர்களால் மனித நேயத்தை வளர்க்க முடியாது. விட்டுக் கொடுக்கும் மனப்பான்மை இல்லாத இவர்களால் எதையும் ரசிக்கவும்,வாழ்வை மகிழ்ச்சியாக ஆக்கிக் கொள்ளவும் இயலாது! எவ்வளவு பணம்,படிப்பு, அதிகாரம்,அந்தஸ்து,இருந்தாலும் நிம்மதி இன்றி,எதையோ பறிகொடுத்த மாதிரி, கடனே என்று வாழ்வை களிப்பார்கள்!  பிறரது சந்தோசம் கூட தங்களை எரிச்சல்படுத்துவதாக , எண்ணிக் கொள்ளும் இவர்களால் எந்தவேலையும் முழுமையாக செய்யமுடியாது!
      இணையத்தளத்தில் இவர்கள் இருந்து விட்டால்
," நந்தவனத்தில் ஒரு  ஆண்டி,
 நாலாறு மாதமாய் குயவனை வேண்டி,
கொண்டுவந்தான் ஒரு தோண்டி!
அதை கூத்தாடி கூத்தாடி
போட்டு உடைதாண்டி! "  கதைதான்.


          இப்போது தமிழ் பதிவர்களுக்கும் திரட்டி ஒன்றுக்கும் நடக்கும் மோதலுக்கும் இந்த பதிப்புக்கும் சம்பந்தம் இல்லை.ஆகவே, நண்பர்களே இதை பொருத்திப் பார்த்து   யாரும் பொருள்கொள்ள வேண்டாம்!.

Thursday, 13 October 2011

ரத யாத்திரை அரசியலா? ரத்த யாத்திரை அரசியலா?

இந்தியாவில் உள்ள அரசியல் தலைவர்களும் மக்களைக் கவர தங்களுக்கு என்று தனியாக யுக்தியை வைத்திருகிறார்கள் என தெரிகிறது! அத்வானிக்கு ரத யாத்திரை அந்தமாதிரி யுக்தியோ, என்னவோ ? இப்போது,ஊழலையும் கறுப்புப் பணத்தையும் ஒழிப்பதாகக் கூறிக்கொண்டு,ரதயாத்திரை புறப்பட்டு இருக்கிறார்!. வி.பி.சிங் பிரதமராக இருந்தபோதும் அத்வானி ரதயாத்திரையை நடத்தினார். வி.பி.சிங் மண்டல் கமிஷனின் பரிந்துரையை அமல்படுத்துவதாக சொன்னபோது, இந்துகளில் மிகவும் பின்தங்கிய நிலையில் இருந்த மிகவும் பிற்பட்டவர்களுக்கு இடஒதுக்கீடு கொள்கையை செயல்படுத்துவதாக சொன்னபோது,   இந்துக்களை ஒற்றுமையாக இருக்க சொல்லும் அத்துவானி, நேரடியாக இடஒதுக்கீடு கொள்கையை எதிர்த்தால்,நமது வேஷம் கலைந்துவிடும்! அமைதியாக இருந்துவிட்டால்,உயர்சாதியினரின் கோபத்துக்கும்,சாபத்துக்கும் ஆளாக நேரிடும்!! எனக்கருதி,  இடஒதுக்கீடு கொள்கையை எதிர்த்தது போலவும் ஆகும், உயர்சாதியினரை குளிரவைத்தது போலவும் ஆகும்.  அதே சமயத்தில், வி.பி.சிங்கை மிரட்டி பணியவைக்கவும் உதவும் என்று,ரத யாத்திரையை நடத்தினார்!  ராமர்கோயிலை கடியே தீரவேண்டும் என்று யாத்திரை போவதாக அறிவித்தார்.! இத்தனைக்கும் இவரும் வாஜ்பாயும் ஆட்சியில் இருந்தபோது, ராமர்கோவிலை கட்டுவது குறித்து மூச்சுகூட விடவில்லை! 
                                                                                                                                                                                                                                பதவிபோனாலும் பரவாயில்லை இடஒதுக்கீடை அமல்படுத்தியே தீர்வேன் என்று வி.பி.சிங் அமல்படுத்தினார்,ஆட்சியையும் இழந்தார்!  அன்று ஆசைப்பட்ட பிரதமர் சிம்மாசனம் இன்றுவரை அத்வானிக்கு கிடைக்காமலே உள்ளது.இருந்தும் எப்படியாவது அதை அடைந்தே தீருவது என்ற ஆசையை மட்டும் அவர்விடவில்லை! எனவே தான் பிரதமர் பதவி குறித்து பேச்சுவரும்போது, தன்னை முன்னிறுத்தும் விதமாகவும்,மக்களின் கவனத்தை கவரும் மோடிமஸ்தான் வேலையாகவும் ரதயாத்திரையை தொடருகிறார். இப்போது ரதயாத்திரை செல்லகாரணமாக சொல்லும் பிரச்சனையான    ஊழலையும்   கருப்பு பணத்தையும் கையில் எடுத்த, ஹசாரே நன்றாக பயன்படுத்தி குறுகிய காலத்தில்  பிரபலமாகி வருகிறார்!. ஜனாதிபதி வேட்பாளராக முன்னிருதப்படுகிறார். ஹசாரே மறுத்து வருவதைப் பார்த்தால் அவருக்கும் பிரதமர் பதவிமீது மட்டுமே குறியாக தெரிகிறது! போதாகுறைக்கு போட்டியாக கருதப்படும் நரேந்திர மோடி வேறு உண்ணாவிரதத்தை கையில் எடுத்து,பீதியை கிளப்புகிறார்!  பாவம், அத்வானியால் தாங்க முடியவில்லை! இருப்பு கொள்ளமுடியவில்லை!! ரதயாத்திரையைதொடங்கிஇருக்கிறார்.


                                                                                                 ராமர் கோவிலை கட்டியே தீருவேன் என்ற போதும்,அத்வானி ரதயாத்திரை போனபோதும் நடந்த கலவரத்தில் அப்பாவி முஸ்லிம்கள் பலர் கொல்லப்பட்டதும்  அவர்களின் சொத்துகளும் வாழ்வும் பதிக்கப் பட்டது நடந்தது. ராமர் கோவில் கட்டவில்லை! மத நல்லிணக்கம் மடிந்து,மதவெறி தூவப் பட்டது தான் நடந்தது. !சகோதர்களாக அதுவரை வாழ்ந்த, இந்து-முஸ்லிம் குடும்பங்கள்,எதிரிகளாக ஆக்கப் பட்டதும்,பார்க்கப் பட்டதும் தான் நடந்தது!  இன்றுவரை ஆறாத சோகமாக,இந்திய வரலாற்றில் படிந்த ரத்தச் சரித்திரமாக அத்வானியின் யாத்திரை நிகழ்ச்சி உள்ளது,  அதே அத்வானி இப்போதும் ரதயாத்திரை புறப்பட்டு வருகிறார். மோடிவேறு, துவாரகையில் உண்ணாவிரதம் இருக்க போகிறார்!    என்ன நடக்குமோ என்று அச்சமாக இருக்கிறது!

Wednesday, 12 October 2011

உள்ளாட்சி தேர்தலில் அதிரடி குழப்பங்கள்!

மற்றொரு தேர்தல் திருவிழாவாக,உள்ளாட்சி தேர்தல் நடந்து வருகிறது. தேர்தலில் எல்லா கட்சிகளும் வேட்பாளரை இறக்கி உள்ளன. தெருவுக்கு தெரு,வீதிக்கு வீதி பலவண்ண கட்சிக் கொடிகளும்,கரை வேட்டிகளும் பவனி வருகின்றன. உற்சாக பானமும்,பணமும் தண்ணீராக செலவு செய்து,உள்ளாட்சியில் நல்ல ஆட்சியை ஏற்படுத்தியே தீருவது என வரிந்துகட்டி செயல்பட்டு வருகின்றன எல்லா கட்சிகளும்!  இவர்களுக்கு சளைத்தவர்களா, நாங்கள்? என்பது போல கட்சியில் சீட் கிடைக்காத பேர்வழிகளும் சுயேட்சையாக போட்டி இட்டு அமர்களம் செய்து வருகிறார்கள். ஓட்டுமொத்த அமளியில் யாருக்கு ஒட்டு போடுவது என்று மக்களும்,இப்படியாகி விட்டதே என ஜனநாயகமும் தத்தளித்து,தடுமாறி வருகிறது!
                                                                                                                                                                                             உள்ளாட்சி தேர்தலில், ஒரு கிராம பஞ்சாயத்துக்கு       தலைவர்,உறுப்பினர்தவிர,ஊராட்சிஉறுப்பினர்,பேரூராட்சி உறுப்பினர்,பேரூராட்சி தலைவர், நகராட்சி உறுப்பினர்,தலைவர்,மாநகராட்சி உறுப்பினர்,தலைவர் போன்ற அனைத்து பதவிகளுக்கும் கட்சி வேட்பாளர்கள் போட்டி போட,தேர்தல் ஆணையம் அனுமதித்து உள்ளது சரியா? என்று கேட்க தோன்றுகிறது. உள்ளாட்சி நிர்வாகம், என்பது அனைத்து மக்களின் நலனையும்,முனேற்றத்தையும்,அடிப்படை தேவைகளையும் பூர்த்தி செய்துகொள்ள,உருவாகப் பட்ட அமைப்பாகும்.இந்த அமைப்பின் முக்கிய நோக்கத்தையே சிதைத்துவிடும் ஆபத்து  கட்சிகளை உள்ளாட்சி தேர்தலில் அனுமதிப்பதால்  ஏற்படுகிறது.

                                                                                                             ஒரு வார்டிலோ,ஒரு பகுதியிலோ,ஒரு கட்சியின் சார்பில் நிறுத்தப்பட்டு,வெற்றி பெறுபவர் எல்லோருடைய தேவைகளையும் நியாயமாக நிறைவேற்றுவார் என்று எப்படி எதிர்பார்க்க முடியும்? தனது கட்சிக்கும்,தனக்கு ஒட்டு போட்டவர்களுக்கும் ஆதரவாக தானே செயல்படுவார்!  இதனால் மற்ற கட்சிக்கு ஒட்டு போட்டவர்களும் உள்ளாட்சி நிர்வாகமும் பதிக்கப்படும் நிலை ஏற்படுவதற்கு  ஆணையமே வழிவிட்டது போல ஆகிவிடாதா? நகராட்சியில் ஒரு குறிப்பிட்ட வார்டில் ஒரு கட்சி வேட்பாளரும் நகராட்சி  தலைவராக மற்றொரு கட்சி வேட்பாளரும் வெற்றி பெறுகிறார்கள் என்றால், மாற்று கட்சிக்கு ஒட்டு போட்ட வார்டில் நகராட்சியால் செயல்படுத்த வேண்டிய பணிகளை செய்வார்களா? செய்யவில்லை என்றால், அந்தவார்டில் உள்ள அப்பாவி மக்களும் பாதிக்கப் படுவர் ! இது எப்படி முழுமையான உள்ளாட்சி நிர்வாகமாக இருக்க முடியும்?


                                    இந்தியாவில் ஆயிரத்துக்கு மேலான அரசியல் கட்சிகள் பதிவு செய்யப்பட்டு உள்ளன.ஒருபேரூராட்சி வார்டில் உள்ள ஓட்டுகளே ஆயிரத்துக்கும் குறைவாக உள்ள நிலையில்! இந்த கட்சிகள் அனைத்தும் தனித்தனியாக உள்ளாட்சி தேர்தலில்  போட்டிபோட்டால் என்னாகும்?  ஐயாயிரம் ஓட்டுகளில் ஆறு ஒட்டு பெற்ற கட்சியும்,வேட்பாளரும் வெற்றிபெற்றதாக அறிவிக்க வேண்டியிருக்கும்!இப்போது கட்சியில் சீட்டு எப்படி கொடுகிறார்கள் என்று பார்த்தால், ஒருபகுதில் உள்ள கட்சியினரில்  அதிகமாக மேலே உள்ள தலைவர்களுக்கு யார் பணம்கொடுக்கிறார்களோ,அவர்களுக்கும்,அந்த பகுதியில் கட்டை பஞ்சாயத்து செய்கிறார்களோ அவர்களுக்கும்தான் சீட்டு கொடுக்கப்படுகிறது..இப்படிப்பட்டவர்கள்,வெற்றிபெற்றாலும் மககளுக்கு  என்ன நன்மையை செய்வார்கள்?


                             முன்பெல்லாம் பொதுவாழ்க்கைக்கு வருபவர்கள் மக்களது நலத்தில் அக்கரையும்,மனித நேயமும்,கொண்டிருந்தார்கள். தங்களை நாட்டுக்காக அர்பணித்துக் கொண்டு,வாழ்ந்தார்கள் அப்படிப்பட்ட தலைவர்களின் படங்களை நோட்டீஸ்,போஸ்டர்,பிளக்ஸ் எனப் போட்டு,இப்போது தலைவர்களையும் மக்களையும் ஏமாற்றுகிறார்கள்.இது தெரிந்தும்கூடகட்சிகளை உள்ளாட்சி தேர்தலில்  பங்கு கொள்ளசெய்வது ஜனநாயகத்துக்கு மட்டுமல்ல,நாட்டுக்கும் மக்களுக்கும்கூட கேடானதாகும்!,உள்ளாட்சி நிர்வாகமாவது நல்லபடி இயங்கவேண்டும் என்றால்,கட்சிகளை ஒதுக்கி வைத்துவிட்டு,நல்லமனம் கொண்ட சமூக சிந்தனையாளர்கள்,மனித நேயர்கள்,கல்வியாளர்கள் சுயேட்சையாக பங்குகொண்டு வெற்றிபெறும் வகையில் தேர்தலை நடத்த எல்லோரும் முன்வரவேண்டும்!

Tuesday, 11 October 2011

சூது,விலைமகள் ,குடிப்பழக்கம்.

                                                                                                            மனிதர்கள் எல்லோருக்கும் உள்ள குணம, நாம் நன்றாக வாழவேண்டும்,நல்லபடியாக நமது வாழ்க்கையை அமைத்துக்கொள்ள வேண்டும் என்பது.ஆனால்,எல்லோராலும் அப்படிவாழ முடிவதில்லை. சந்தர்பங்களும் எதிராக அமைந்துவிடுவதால்,எதோ பிறந்து விட்டோம்,வாழ வேண்டி இருக்கிறதே என்று விரக்தி அடைந்து விடுகிறார்கள்! சிலர் போராடி தங்கள் நோக்கத்தை அடைவதும் உண்டு.அவர்களை, சாதனையாளர்களாக உலகம் பார்கிறது. சாதனைகளிலும் பலவிதங்கள் உண்டு! மனித சமூகத்துக்கும்,இயற்கைக்கும் பாதிப்பில்லாத,நன்மைகளை செய்வது...நல்ல சாதனையாகும்! தனக்கு மட்டும் பயன்படுவது சிறப்பானதாக சொல்லமுடியாது.     

                                                                                                                      சிறுவயதில் பள்ளிக்கு போவதற்கு முடியாத நிலை நிகழ்ந்தபோது,நான் உறவுகளை,உலகத்தை வெறுத்து,மனம் போனபடி நடந்து கொல்லிமலை பக்கம் போய், சில நாட்கள் தங்கும் நிலை ஏற்பட்டது.மூக்கு சாமியார் என்று ஒருவர் எனக்கு புகலிடம் தந்தார்.கோபித்துக்கொண்டு,வீட்டை துறந்து வந்ததை தெரிந்து கொண்ட அவர், எனது மனதை மாற்றும் வகையிலும் ஆறுதல் படுத்தும் எண்ணத்திலும், எதையாவது,பேசுவார்.கதைகளை கூறுவார்.எனெக்கு தெரியாத கவிதைகளை கூறி பொருள் சொல்லுமாறு கேட்பர். அவர் சொன்ன கவிதை ஒன்றுக்கு அப்போது என்னால் விளக்கம் சொல்லத்தெரியவில்லை! அவர் விளக்கம் சொல்லியும் புரியவில்லை.          இப்போது புரிகிறது.அதுமட்டும் அல்ல எப்படி மனிதன் வாழ வேண்டும்.எப்படி வாழக் கூடாது என்பதும் புரிகிறது!
                                                                                          வாழ்கையில் நல்லபடியாக,பிறருக்கு உதவி வாழவேண்டும் என்று சொன்ன அந்த சாமியார் இப்போது இல்லை. என்றாலும் அவர் சொன்ன கவிதைமட்டும் இப்போதும் இதயத்தில் இருக்கிறது.என்னை வழிநடத்துகிறது!                               அழகும்,இளமையும் உள்ள பெண் ஒருத்தி சூழ்நிலையால் விபசாரியகிறாள். ஆவலுடன் உறவுகொள்ள பணம் படைத்தவர்களும் செல்வந்தர்களும் போட்டிபோட்டு, அவளுக்கு தேவையான பொன்னையும் பொருளையும் கொடுத்து,அவள்மீது மோகம் கொண்டு  திரிகிறார்கள்.அந்த பெண்ணுக்கு ஏன் இப்படி உள்ளார்கள், இதெற்கெல்லாம்,வேறு காரணம் இருக்குமோ? என்று சந்தேகம் தோன்றுகிறது! அவளைபற்றி தெரிந்து கொண்டும் அம்மாவைப் போல கவனித்து கொள்ளும் தோழியிடம் கேட்கிறாள்.


                                              தோழியும் அவளது சந்தேகத்தை புரிந்து கொண்டு,  தெளிவக்குகிறாள். இந்த உலகத்தில் நல்ல வழியில் தன்னிடம் உள்ளசெல்வத்தை நல்ல முறையில் செலவு செய்யாமல் இருக்கும் தீய எண்ணம் கொண்டவர்களிடம் உள்ள செல்வம் விரைய மாகவேண்டும் என்று நம்மை படைத்த கடவுள் (பிரம்மா)நம்மை போன்ற விலைமகளையும்,சூதாட்டத்தையும் ,குடியையும் படைத்துள்ளார்.என்று கூறுகிறார்கள் .              --கவிதை இதுதான், 


"அன்னையே அனைய தொழி,
என்னை   அறிந்தே வளர்க்கும் மாதே!
உன்னையோர்  உண்மை கேட்பேன்,
உரை தெளிந்து உறைதல் வேண்டும்.                      
என்னையே புணர வேண்டி,
எனக்கும் ஓர் இன்பம் நல்கி,
பொன்னையும் கொடுத்து, 
பாதமதில் வீழ்வதேனோ? "                                                                                                                                                                                                                                                                                                                                                                                                                             
 பொம்மென பணிந்து விம்மி ,                                                                                                        போர்மகன் மயங்கி விழும்                                                                                                           செம்மை சேர் முலையினாலே,                                                                                         கூறுவேன் ஒன்று கேண்மோ!                                                                                                இம்மையில் செம்மையாய்                                                                                                      அறம் செய்யாதார்,                                                                                                               திரவியம் சிதற வேண்டி,                                                                                                             நம்மையும் கள்ளும் சூதும்                                                                                            நான்முகன் படைத்தவரே! "


 - ஒரு விலைமகளின் சந்தேகக் கேள்விக்கு அவளின்தோழி பதில் கூறுவதாக அமைந்துள்ள இந்த கவிதையை யார் எழுதியது என்று இன்றுவரை தெரியாது! ஆயினும்,நல்ல வழியில் பொருளை செலவு செய்யாதவர்களின் செல்வமானது,தீயவர்ககளுக்கும் தீமைகளை செய்யவும் பயன்படும்,அதுவே,ஆண்டவனின் கட்டளை! என்று கூறும் இந்த கவிதை, கொல்லிமலை மூக்கு சாமியார்  சொன்ன கவிதையாகும்!.                                                                மனிதன் எப்படி வாழவேண்டும்,என்பதை சொல்லும் இதுபோன்ற கவிதைகள் நாம் தேடி சேர்க்க வேண்டியசெல்வமாகும்!