Monday, 14 November 2011

பில்ஸ்பெரி சப்பாத்தியும், பீட்டர் இங்கிலாந்து சட்டையும்,சொல்லும் ரகசியங்கள்!

               உலக மயமாக்களில் இந்தியாவுக்கு கிடைத்திருப்பது, பில்ஸ் பெரி சப்பாத்தியும், பீட்டர் இங்கிலாந்து சட்டையும் என்பது நமக்கு தெரியும்! இவைகள் மட்டுமா நமக்கு கிடைத்து உள்ளது?"லேய்ஸ்,குர்குரே,பீட்சா, பெப்சி, கோகோகோலா, என்ற உணவும் பானமும்  கூட, உலகமயமாக்கலால் நமக்கு கிடைத்தவையே!  இன்னும்  பிடி பருத்தி,பிடி கத்திரிகாய்,மரபணு மாற்றம் செய்யப்பட்ட வித்தைகள் என பலதும் கிடைத்துள்ளன!



     புதிய பொருளாதாரக் கொள்கையில் இந்தியா கையெழுத்திடும் பொது, இந்த ஒப்பந்தம்  காலத்தின் கட்டாயம், இந்திய போன்ற வளர்ந்து வரும் நாடுகளால் தங்களது வளர்ச்சிக்கு தேவையான தொழில் நுட்பங்களை இதன்மூலம் பெறமுடியும்,  என்று கூறியதாக நினைவு!   இந்தியாவில் இனி தேனாறும் பாலாறும்  பாயபோகிறது என்று கனவு கண்டேன்.   அந்த கனவு இன்றுவரை கனவாகவே இருக்கிறது! ஆனால நடந்தது என்னவோ அதற்கு நேர்மாறாக இருந்தது!  தொழில் துறையில் சிறிய பெரிய தொழிலதிபர்கள் எல்லாம் தங்களது தொழிற்கூடங்களை மூடிவருகின்றனர். காரணம், அந்நிய பகசூரக் கம்பனிகளுடன் போட்டிபோட அவர்களுக்கு தெம்பிலாமல்போனதுதான்! பன்னாட்டு கம்பனிகளுக்கு, இறக்குமதியில்,உற்பத்தியில்,மின்சாரத்தில் சலுகைவழங்கும்,  நமது இந்தியா   உள்நாட்டு தயாரிப்பாளர்களை கண்டுகொள்ளாமல் விட்டுவிட்டதுடன், கூடுதலாக வரிச்சுமையில் தள்ளியது தான் காரணமாம்!  இந்திய கம்பனிகளை நசியவைத்து உள்ளது புதிய பொருளாதாரகொள்கை!  இந்திய கம்பனிகளில் நிரந்தர பணியாளர்களாக இருந்த பல்லாயிரம் பேர்கள் வேலை இழந்து,வெளியேறி உள்ளனர். அவர்களின் குடும்பங்கள் வறுமையில் தத்தளிக்கிறது!



    இது ஒருபுறம் இருக்க, இந்தியாவின் பாரம்பரிய உணவு பயிர்கள் மறைந்து விட்டது. காரணம் உலகிலேயே மிகத்தரமான கோதுமை இந்தியாவில் பஞ்சாபில் விளைகிறது. அவை இன்று பில்ஸ் பெரி  சப்பாத்திகளாக உருமாறி இன்று இந்திய சந்தைக்கு வந்துவிட்டது!  மகாராஷ்டிரா,கோவை பருத்தி ஏற்றுமதியாகி, மீண்டும் இங்கே பீட்டர் இங்கிலாந்து சட்டையாக வந்து விட்டது! விளைவு? திருப்பூர், மும்பை,சூரத், ஆகிய ஜவுளி நகரங்களில் வேலைபார்போர் எதிர்காலம் கேள்விகுறியாகி விட்டது! 



       பாகெட்டுகளில் அடைக்கப்பட்டு விற்பனை  செய்யப்படும்   லேய்ஸ்,குர்குரே போன்றவற்றால்  மக்கள் மருத்துவமனைகளில் வரிசை கட்டி நிற்பது, வாடிக்கை ஆகிவிட்டது! மருந்துகளில் விளையும், மருத்துவர்களின் கொள்ளையும் இதனுடன் சேர்ந்து படுத்தி வருகிறது!  பெப்சி, கோலா சேர்ந்து   இந்திய தயாரிப்பு பானங்களை ஒழித்துவிட்டது,  சுய தொழில்,சிறு தொழில் செய்த பலரும் இன்று காணமல் போய்விட்டனர்.தண்ணீரை உணவு என்று உச்ச நீதிமன்றம் ஒப்புதல் தீர்ப்பு வழங்கிய பின்பு, இன்று தண்ணீர் கூட, இந்தியாவில்  பல்லாயிரம் கோடி மதிப்புள்ள  விற்பனைப் பொருளாகி விட்டது!




   வைரமுத்து கவிதை வரிகள் இவை:
       " என்ன தந்ததாம் இந்த சுதந்திரம்?
          அப்பனின் திருஓட்டை..
         புத்திரனுக்கு புதுப்பித்து,
          தந்தது,சுதந்திரம்!

          அயல்நாட்டான் இட்ட 
           விலங்குகளை உருக்கி,
           உள்நாட்டு விலங்குகளை
           உற்பத்தி செய்துள்ளது,சுதந்திரம்!!"

   -- புதிய பொருளாதாரம் இந்தியாவை முன்னேற்றிய கதை இதுதான்! 

10 comments:

  1. வைரமுத்து கவிதையுடன் கூடிய அலசல்..

    பகிவுக்கு நன்றி..

    ReplyDelete
  2. பெப்சி, கோலா சேர்ந்து இந்திய தயாரிப்பு பானங்களை ஒழித்துவிட்டது,// ஆமாம் நண்பா இது அநியாயம்,,

    காளிமார்க் கானாலையே போய் விட்டது..

    ReplyDelete
  3. என்னத்தச் சொல்ல!

    ReplyDelete
  4. பகிர்வுக்கு நன்றி சகோ

    ReplyDelete
  5. தங்களது கருத்தை பதிவு செய்தமைக்கு நன்றி கருண்!

    ReplyDelete
  6. தங்களது வருகைக்கு நன்றி ஹைதர்!

    ReplyDelete
  7. ஏனுங்க, சண்முகவேல் உங்களுக்கே நல்லா இருக்கா? எதையாவது சொல்லுங்கன்னா, என்னத்தை சொல்லன்னு சொல்லுறீங்களே?

    ReplyDelete
  8. நன்றி! ராஜபாட்டை பற்றி எதுவும் சொல்லவில்லை!

    ReplyDelete