Monday, 12 March 2012

கூடா நட்பால் சமணர்களைக் கொன்ற நாயன்மார்கள்!

   கூடா நட்பு கேடாய் முடியும் எனபது தமிழின் மூதுரை. இந்த தமிழ் மூதுரையை அறிந்தும்,அதனை பின்பற்றாமல்  வாழ்ந்தவர்  பாண்டியனின் அரசியான,மங்கயர்க்  அரசியார் !

   மதுரையை ஆண்ட பாண்டியமன்னன்  நின்ற சீர் நெடுமாறன்  என்பவனின் ஆசை மனைவியான  மங்கயர்க்கரசி. இவருக்கு பாண்டிய நாட்டு மந்திரி குலச்சிறையாரின் மீதும் அவரது  சொல்லிலும் அப்படி ஒரு ஈர்ப்பு! அந்த பிராமணமந்திரி குலச்சிறையார் என்ன சொன்னாலும் அப்படியே தட்டாமல் செய்யக்கூடியவர்!  பிராமண மந்திரி  போட்ட மந்திரத்துக்கு தக்கபடி  நாட்டை மட்டுமல்ல, மன்னனையும் ஆட்டிவைத்த மாதரசி? மங்கயற்கரசி  என்ன செய்தார் தெரியுமா?

மந்திரி குலச்சிறையார் பேச்சைக் கேட்டு, அரசனும்,மக்களும் ஆதரித்து,பின்பற்றிவந்த  சமணமதத்தை விட்டு, வைதீக,இந்துமதத்துக்கு,சைவ மதத்துக்கு மாறினார்! மாறினார் என்று சொல்லுவதை விட,அடிமையானார் என்று சொல்லுவதே சரியாக இருக்கும்! அப்படி மாறியவர்  சைவ மதத்தின் பிதாமகர்களில் ஒருவரும், பார்வதி தேவியின் முலைபாலைப் பருகி(?)ஞானம் பெற்றவர் என்று சொல்லபடுபவரும்,  பதினாறு வயசுக்குள்ளேயே, எல்லா ஞானமும் பெற்று  முக்தி பெற்று,சிவன் அருள் பெற்று,சிவனடியாராக  ஆனவருமான  சம்பந்தரரை மதுரைக்கு வரவைக்கிறார் ! 

     எதற்கு தெரியுமா? அய்யா, என்னோட கணவன்,இந்த நாட்டு அரசன், நின்ற சீர் நெடுமாறன் என்ன சொன்னாலும் என்பேச்சைக் கேட்க மாட்டேங்கிறார், சைவ சமயத்தை ஏற்க மறுக்கிறார், சமணத்தைக் கட்டி அழுகிறார்! இவரை எப்படியாவது  சைவ சமயத்தை ஏற்க பண்ணவேண்டும், இவர் சார்ந்திருப்பதால், சமணர்களுக்கு  கொண்டாட்டமாக போய்விட்டது, அதனால் எனது கணவரை சைவ சமயத்துக்கு மாற்றவும், இந்த சமணர்களை ஒழிக்கவும்,உங்கள் உதவி தேவைபடுகிறது, உடனே புறப்பட்டு வாருங்கள் உங்கள் தில்லுமுல்லு, திருவிளையாடலைக் காட்டுங்கள்! நானும் நமது மந்திரி குலசிறையாரும், எங்களுக்கு உதவிடும் பலரும் சேர்ந்து  நீங்கள் சொல்லுவதுபோல செய்து, ஒருவழி பண்ணுவோம்! என்று சம்பந்தரரரை அழைகிறார்!

  ஆகா,பழம் நழுவி  பாலில் விழுகிறதே! இத்தகைய வாய்ப்பு கிட்டுமா? விடகூடாது,என்று சம்பந்தரும்,மதுரை வருகிறார்! 

    அவர் தங்கியிருந்த  இடத்தை, மனைவி மீது உள்ள கோபத்தாலும், சம்பந்தர்  தனது நாட்டில்  தனக்கு தெரியாமல், தனது அனுமதி இன்றி,சர்வ சுதந்திரமாய், தனது படை,பரிவாரங்களுடன் தங்கி இருப்பதை  விரும்பாத  பாண்டியன், அவர்களை  அப்புறப்படுத்த   கட்டளை இடுகிறான்! வீரர்களும் அவரை அப்புறப்படுத்த  முன்வருகிறார்கள்! அரசி,மற்றும் குலசிறையாரின் சதியாலோ,இயல்பாலோ, அரசனுக்கு வெப்பு நோய் உண்டாகிறது, பிறகு அவர்களது ஏற்பாட்டின் பேரில் சம்பந்தர், அந்த நோயை தீர்த்து வைக்கிறார்!

ஞான சம்பந்தரின் வைத்திய கட்டணம் என்ன தெரியுமா ? 

    மன்னன் நின்ற சீர் நெடுமாறன் சைவத்தை ஏற்க வேண்டும்! அதுமட்டுமல்ல, சைவத்துக்கு எதிரான சமணர்களை தண்டிக்கவேண்டும்!
மனைவியின் வற்புறுத்தல்   வேறு, மந்திரியின் நச்சரிப்பு வேறு, சம்பந்தரின் மீது உள்ள பயம் எல்லாம் சேர்ந்து, நின்ற சீர் நெடுமாறன்  சமணத்தில் இருந்து, சைவனாக மாறுகிறான்! 

      இது போதாதா? பிராமண மந்திரி,குலசிறையாருக்கு?  மன்னனின் மனைவிதான் ஏற்கனவே தனது, "கைப்பாவை" ஆகிவிட்டாள்!  இப்போது மன்னனும் நமது வசமாகி விட்டான்! இனி என்ன கவலை? இனி என்ன இடையூறு?  என்று சந்தோசப்படுகிறார்! சந்தோசத்தைக் கொண்டாட வேண்டாமா?  

     அதுவும் சைவ சமயத்தில்  இருந்து கொண்டு சந்தோசத்தைக் கொண்டாடவிட்டால் எப்படி? எனவே, அவர் என்ன செய்கிறார் தெரியுமா? நாட்டில் உள்ள சமணர்களை எல்லாம் பிடித்துவர  கட்டளை இடுகிறார்! பிடித்துவந்த சமணர்களை  மன்னித்து, நாட்டை விட்டு வெளியே செல்லுமாறோ,  எங்காவது போய் பிழைத்துக் கொள்ளவோ சொல்லவில்லை!
      அனைவரையும் கழுமரத்தில் ஏற்ற சொல்லுகிறார்!  அனைவரும் கழுமரத்தில்  ஏற்றப்பட்டவுடன்  அவர்களை  கொன்றுவிட செய்கிறார்! "அன்பே சிவம்"!  

      இப்படி கழுவேற்றி கொல்லப்பட்ட சமணர்கள்  எவ்வளவு பேர்கள் தெரியுமா? எட்டாயிரம் பேர்கள்! சமணர்கள் எட்டாயிரம் பேர்கள் அன்று கொல்லப்பட காரணமானது,  "பிராமணீயம் "என்ற பாசிசம் !

      இன்று ஆதி சமணர்களான, தமிழர்கள் ஈழத்தில்  கொல்லப்பட்டு, கொடும் துயருக்கு ஆளானதற்கும் காரணம், அதே... " பிராமணீயம் " என்ற பாசிசத்தின்  பின்னணிதான்!

       பாண்டிய மன்னன் மனைவி,  மங்கயர்க்கரசி    கூடா நட்பு  கொண்டதால்...  மாண்டதும்  தமிழினம்தான்! இன்றும்   கூட... இந்திய அன்னையின்(?)   கூடா நட்பால் மாண்டிருப்பதும், மாண்டு வருவதும் தமிழினம்தான்!  

     தமிழக கோயில்களில், தமிழர்களின் வழிபாட்டுக்கு உரிய  நாயன்மார்களாக  சம்பந்தர்,குலச்சிறையார், மங்கயர்க்கரசி, நின்ற சீர் நெடுமாறன் ஆகியோர்கள்  பிராமண பாசிசத்தால் ஆக்கப்பட்டு இருகிறார்கள்! நாமும்  அதனால் என்ன ?என்று அவர்களை வழிபட்டு வருகிறோம்! 

       தமிழன் என்ற இனத்தின்  பெருமையை நாம் அறிந்து கொண்டு இருப்பதை விட, பாசிச வாதிகள்   நன்றாக அறிந்து கொண்டு இருகிறார்கள்,நமது சிறுமை குணங்களை! அதனால் தொடர்ந்து அவதிக்கு ஆளாக்கப் பட்டு வருகிறது  நமது இனம்!

3 comments:

  1. //அனைவரையும் கழுமரத்தில் ஏற்ற சொல்லுகிறார்! அனைவரும் கழுமரத்தில் ஏற்றப்பட்டவுடன் அவர்களை கொன்றுவிட செய்கிறார்! "அன்பே சிவம்"! //

    'அன்பே சிவம்' என்பதற்கு இது தான் அர்த்தங்களா!

    ReplyDelete
    Replies
    1. 'அன்பே சவம்'என்பதற்கு 'அர்த்தம்' இது தான்.!

      Delete
  2. ஆக, பண்டைய காலங்களில் தமிழர்களிடையே பெண்கள் சுயமாக சுதந்திரத்துடன் சிந்தித்து செயல்பட்டு வந்திருக்கின்றனர் என்கிற உண்மை புலப்படுகிறது. ஆனாலும் இங்கு மங்கையர்கரசி சிந்தித்த விதம்தான் சரியில்லை.

    மற்றபடி, பிராமனீய மாயையில் வீழ்ந்து அதற்காக கொலை, கொள்ளை, தன்னைத்தானே வரும்பி பலிகொடுப்பது, தன் உறுப்புகளை பலி கொடுப்பது, பொய், பித்தலாட்டம், இனவழிப்பு போன்ற மனிதாபமற்ற ஈனச்செயல்களை செய்ய துனிந்த மடையர்களே நாயன்மார்கள் ஆவதற்கு தகுதியானவர்கள் என பாசிச பாரப்பனீயம் அப்போதே நிலை நிர்ணயம் செய்து வந்திருப்பது தெளிவாகிறது.

    இருந்தாலும், மிகுந்து நிற்கும் கேள்வி யாதெனில் : தமிழன் ஏன் மடையனானான்? இது நான் ஏற்கனவே கேட்டதுதான். எங்கிருந்தோ ஓடி வந்த ஒரு சிறுபான்மை ரவுடி கும்பலிடம் இப்படி அநியாயமாய் ஏமாந்து அனைத்து பேரையும் புகழையும் இழந்த தமிழர்களின் உண்மையான நம் மனங்களைச் சுடும் பலவீனம் என்னவாகத்தான் இருக்கும். இம்மடத்தனங்களின் உண்மையான காரணங்களையும் அப்போதைய அழிவுக்கான சூழ்நிலைகளையும் நாம் அறிந்துகொள்ள முயற்சிக்காமல் முன்னேற முடியாது.

    இன்றைய காலங்களில், தமிழர்களின் 'பழம்பொது நினைவு' அல்லது 'ஒட்டு மொத்த பொது நினைவு' (collective memory) நோய்வாய் பட்டிருப்பது தின்னம். இதற்கு மேலும் அழிவையும் வலிகளையும் தேடிக் கொடுத்திருப்பது அருகில் நடந்த ஈழத்து தமிழர்களின் அழிவு. இவைகளிலிருந்து சரியான பாடங்களை கற்காமல் புதிய சிந்தனைகளை உருவாக்காமல் நம்மால் நலமான சமுதாயத்தை உருவாக்க முடியாது. தந்தை பெரியார் உருவேற்றிய பகுத்தறிவு இயக்கம் இதன் ஒரு சிறு பகுதிதான் என சொல்லலாம். இன்னும் வழிகள் ஆயிரம் இருக்கும். இவைகளை கண்டுகொண்டு புதிய வகை சிந்தனை ஓடைகளை திறக்க வேண்டியது அறிவு ஜீவிகளின் பொறுப்பு. யார் இந்த அறிவு ஜீவிகள்? அவர்கள் இப்போது எங்குள்ளனர்?

    நன்றி.

    ReplyDelete