Tuesday, 13 March 2012

ஐந்தறிவு பிராணியும் அதைவிட கீழான நாயன்மாரும்!

     "புள்ளையாரப்பா, நீதான்  காப்பத்தணும்"!  இணைய  தளத்துக்கு  வந்த நான்  ஏதோ,வந்தமா...கவிதை எழுதினோமா? நாலுபேருக்கு,' கருத்து' போட்டோமா? என்று இருக்காமல்...,

      நான் தமிழன் என்ற  மிதப்பு!   எனது இனம்,  எத்துணை பெருமை கொண்டது!   என்ற எண்ணமும்,  அவ்வப்போது எனக்குள்  தலைகாடியதன்    விளைவு!, கொத்துக்கொத்தாக  எமது இனம்  ஈழத்தில் கொல்லப்பட்டது கண்டு ஏற்பட்ட    ரணம், அந்த ரணத்தை,  ரணகளத்தை  ஏற்படுத்திய...  சூத்திரதாரிகள்  கிஞ்சித்தும், வருத்தமோ, சிறிதும் குற்ற உணர்ச்சியோ இன்றி, தொடர்ந்து  கொடுத்துவரும்  தொல்லைகள்!, அவர்களுக்கு பக்கம் நின்றும், வக்காலத்து வாங்கியும் வரும் சொரணையற்ற,  மக்கள் கூட்டமாய் மாறிப்போன  தமிழர்களைக்  கண்டு, நெஞ்சு பொறுக்காமல்  நியாயம் கேட்கும்   விதமாய்  ஆரம்பித்த தொடர்பதிவுகள்!   அனைத்தும் சேர்த்தால், இன்றோடு நானிட்டப் பதிவுகள்  நூறாம்!

    நூறாயிரம் கேள்விகள், வேதனைகளுக்கு விடிவு தேடிடும்...  எனக்கு,   வடிகாலாய், உள்ளக் குமுறலை கொட்டிடும்  ஒரு இடமாய் காலமாய்,  அமைத்தது இணைய தளம்! அதற்கு  காரணமாக இருந்த அனைவருக்கும்,அணைத்து திரட்டிகளுக்கும்,வருகை தந்த எதிரும் புதிருமான  கருத்துக்களை வழங்கிய  எல்லோருக்கும்   எனது  நன்றியறிதலை  தெரிவித்துக் கொள்கிறேன்!

          சரி! நூறு பதிவு போட்டதுக்கும்,     புள்ளையார் அப்பனைக் காப்பாற்ற சொல்வதற்கும்  என்ன தொடர்பு?   எதற்கு புள்ளையாரை காப்பாற்ற சொல்கிறீர்கள்? என்று சிலர் நினைக்ககூடும்!

       "புள்ளையாருக்கும்  அவன் அப்பனுக்கும்  கூட  தொடர்பில்லை"!  எனபது  நமது  இந்து சகோதரர்களுக்கு  தெரிந்திருக்கும் என்று நம்புகிறேன்! பார்வதியின் அழுக்கில் இருந்து பிறந்தவர் பிள்ளையார்! அப்பன் சிவனின் மூலம் பிறந்தவரில்லை!

     சிவன்,முருகன், எல்லோரும் சைவர்கள்! அதாவது, சைவக் கடவுள்கள்! பிள்ளையார் மட்டும்  அசைவக் கடவுள்  அதாவது  அசைவம் சாப்பிடாத, வைணவப்   பிரிவில்  சேர்க்கப்பட்ட, சைவர்,  பிள்ளை யாரவர்! 

      சைவம், அசைவம்(வைணவம்) என்ற  இரண்டு பிரிவுக்கும் பாலமாக,
"மீடியேட்டர்"   ஆக,    இருந்துவரும்  முழுமுதற் கடவுள், விநாயகரின்  உருவம்  யானை வடிவம்!

       "யானை முகனான"  அவனிடம்  முதலிலேயே. ஒரு அப்ப்ளிகேசன் போடுவது எதற்கு?  என்றால்,அவரைப் போன்ற வலிமையையும், வடிவும் உள்ள யானையை.... பிள்ளையாருடைய  சொரூபமாய்  கருதும் ஒரு ஜீவனை, ஐந்தறிவு உள்ள பிராணியை,  ஒரு சிவனடியார்  எப்படி வதைத்தார்! அந்த யானை செய்த தவறு என்ன? எனபது குறித்தும்,யானையை  வதைத்த, சிவனடியார்,அதாவது பிள்ளையாரின் அப்பாவான,சிவனின் பக்தன், அணுக்கத் தொண்டனைப் பற்றி தெரிவிக்கத்தான்!

       கருவூரில் ஒரு சிவனடியார். அவருக்கு வேலை வெட்டி இருக்கிறதோ, இல்லையோ, அனுதினமும்  ஒரு பூமாலை  எடுத்துப் போய்,அந்தவூர்   சிவனுக்கு  அதைப் போடுவதை வழக்கமாக கொண்டவர்! அப்படி ஒருநாள்  அவர் சிவனுக்கு பூமாலை போடச் செல்கிறார்! வழியில் யானை  ஒன்று வருகிறது,அதன் பாகர்களும் அதனுடன் வருகிறார்கள்! பாவம் யானைக்கு பசியோ.என்னவோ? அல்லது  பூவைப் பார்த்ததும் அதுவும் நம்மை அடிமைபடுத்தும்  ஆயுதம்,அங்குசம் போல தெரிந்ததோ,என்னவோ?

     சிவனடியார் எடுத்துவரும் பூவைப்பற்றி இழுத்தது, பிறகு அதனை தூக்கி எரிந்து விட்டது, விடுவாரா சிவனடியார்? சிவனுக்கு போடக் கொண்டுபோன மாலையை எப்படி யானை பறித்து எறியலாம்? வந்ததே கோபம்! அந்த யானையை  என்ன செய்கிறேன் பார்,என்று  கத்தியை உருவிக்கொண்டு அதன் தும்பிக்கையை வெட்டப் பாய்கிறார்!

      யானையின் பாகர்கள் பதறித் துடித்து, அவரைத் தடுக்கப் பாய்கிறார்கள்! அய்யா  இது ஐந்தறிவு உள்ள ஜீவன்! அதற்க்கு தெரியுமா? நீங்கள்  கொண்டுபோன பூமாலை சிவனுக்கு போடுவதற்காக  கொண்டுபோவது என்று? தவிர  இந்த யானை  சோழ அரசனுக்குச் சொந்தமானது! அதனை நீங்கள் ஏதாவது  செய்தால் எங்களுக்குத்தான்  ஆபத்து, வேண்டுமென்றால்  யானைக்கு கொடுக்க நினைக்கும் தண்டனையை  எங்களுக்குத் தாருங்கள்! யானையை விட்டுவிடுங்கள்!

     சிவனடியார் என்றால் சும்மாவா? அவராவது  பாகர்களின்  பேச்சைக் கேட்பாரா? அப்படியா? யானை பூமாலையைப் பறித்துப் போடுவதற்கு நீங்களும் தானே காரணம்? உங்களுக்கு தண்டனை கொடுப்பது  சரிதான் என்று பாகர்களை  வெட்டிக் கொன்று விடுகிறார் ! அதன் பிறகாவது அவரது ஆத்திரம், கோபம் தணிந்தால் தானே?

     ' நக்குகிற மாட்டுக்கு (சிவனின் வாகனம் நந்தி தேவர், எப்போதும் சிவனையே பார்த்துக் கொண்டு இருப்பவர்) செக்கு என்று தெரியுமா?சிவனென்று தெரியுமா'?  சிலர், 'நக்குற நாய்க்கு  சிவனென்று தெரியுமா? செக்கு என்று தெரியுமா?' என்றும் சொல்வார்கள்! (நாயை பைரவர் என்றும், சிவனின் அம்சம், கடவுள்  என்றும் சொல்லுவர்) அப்படி பாவம் ஐந்தறிவு உள்ள யானைக்கு பூமாலையைப் பற்றியும்  அது சிவனுக்கு போடுவதற்காக  கொண்டு செல்லப்படுகிறது என்றும் எப்படி தெரியும் என்று அந்த சிவனடியாருக்கு தெரியவில்லை! நாயிக்கும்,நந்திக்கும்  தெரியாதபோது,சிவனடியாருக்கு மட்டும் தெரிந்து  இருக்குமா? அவருக்கு தெரியவில்லை!


      எனவே, அவர் ஆத்திரம் தீராமல், யானையின் தும்பிக்கையை வெட்டி வீழ்த்துகிறார்! பாவம், அந்த யானை.. நம்மைப் போல, "மனிதனுக்கும் மதம் பிடித்தால்" என்ன ஆகும்?  என்று தெரிந்துகொள்ளாமலே, உயிரை விடுகிறது!


     செய்தி கேட்டு, பதறித் துடித்து வருகிறான் சோழ அரசன்! சிவனடியார் மீது  கோபம் வருகிறது! அவர் செய்த செய்கையைப் பார்த்து, அவரது கொடூர குணத்தை  கண்டு, இந்த மூர்கனிடம் நியாயம் பேசியோ, இவனை தண்டித்தோ ஆவது ஒன்றுமில்லை என்று உணர்கிறான்!

      சிவனடியாரிடம்  அன்பாக,பணிவாக  கூறுகிறான்! அய்யா, நீங்கள்  எனது யானையை கொன்றுவிட்டீர்கள்! அதனை தடுக்க முனைந்த பாகர்களையும் கொன்று விட்டீர்கள்! யானையும் பாகனும் என்னை சேர்ந்தவை, நடந்த தவறுக்கு அவர்கள் காரணம் என்றால் உரிமையாளன் நானும் காரணமாவேன்!  அவைகளுக்கு நீங்கள் தண்டனை கொடுத்தது சரியென்று நினைத்தால்,   எனக்கும்,  நீங்கள் தண்டனை தருவதே  சரியாகும்!   என்னையும்  தண்டியுங்கள்! கொன்று விடுங்கள்! என்று அரசன்  சிவனடியாரிடம் கூறுகிறான்!

       ஐந்தறிவுள்ள யானையின் அறியாத செயலுக்கு , தனது நாட்டில் தன்னை நம்பி வாழ்ந்த யானைபாகன்கள் அநியாயமாக கொல்லப்பட்டதும், அவர்களை காப்பாற்ற முடியாமல் போன தனது நிலையையையும் எண்ணி,வேதனையில் அரசன்  அரசன் இவ்வாறு கூறியதைக் கேட்டு, தனது கோபத்தை விட்டு அமைதியடைந்த சிவனடியாருக்கு  அப்புறம்தான்  அறிவு வேலை செய்கிறது!

        ஒருவேளை அரசனையும் கொன்றுவிட்டால், நம்மை சும்மா விடமாட்டார்கள் என்று நினைத்தாரோ,என்னவோ? அரசன் இவ்வாறு கூறியதைக் கேட்ட  சிவனடியார்,தனது தலையை தானே அறுத்துக்கொள்ள முயன்றாராம்! 

       யானை சாகும்போது பார்த்துக் கொண்டு இருந்த சிவன், பாகனைக்   கொல்லும்போது, பார்த்துகொண்டிருந்த சிவன், தனது பூசைக்கு வந்த பூமாலையை யானைப் பறிக்கும்போது,  பார்த்துக்கொண்டு  இருந்த சிவன், சிவனடியார் உயிரை மாய்த்துக்  கொல்வதைபார்த்துகொண்டு இருப்பாரா? மாட்டாரல்லவா?  எனவே,அடியாரை  காப்பாற்ற  தரிசனம் தந்து அருளுகிறார்! சிவனடியாரும்  அறுபத்து மூன்று நாயன்மார்களில்  ஒருவராக ஆகிறார்! அவரது  பெயர் என்ன தெரியுமா?" எறிபத்தர்"  என்பது! 

      நாயன்மார்களை வணங்கும் வழக்கமுடையவர்கள் , எதற்கும் கொஞ்சம் எட்டி நின்று... வணங்குங்கள்! எறிபத்தர்   போன்றவர்கள்,   யானையைவிட  அதிகமாக மதம்  பிடித்தவர்கள்!  ஏதாவது,   
    ஏடாகூடமாக ஆகிவிடப் போகிறது!    


12 comments:

  1. "ஐந்தறிவு பிராணியும் அதைவிட கீழான நாயன்மாரும்!"
    "ஐந்தறிவுள்ள யானையின்..."

    யானைக்கு ஐந்தறிவுன்னு எல்லாரும் சொல்றாங்க..நீங்களும் சொல்றீங்க. ஓகே.
    ஐயா ஒரு சின்ன டவுட்.

    ஆறாம் அறிவு என்பது யோசிப்பதற்கான அறிவுன்னு எடுத்துக்கலாம்ங்களா...சரி...

    பெண் யானையை தேடிச் சென்று ஆண் யானை புணர்கிறது என்றால் யோசிக்காமலா செய்கிறது ?
    நாய் தன் குட்டியை எதிரியிடம் இருந்து பாதுகாப்பது அறிவில்லாத ஐந்தறிவு ஜீவ ராசிகள் செய்யும் செயலா? ஐந்தறிவு ஜீவன் களா இவைகள் ?
    தன் இரையைத் தேடி விலங்கினங்ள் உண்கிறதே...மாட்டுக்கு புல் கிடைக்கலன்னா...சிட்டில பேப்பர் கூட சாப்டுதுங்களே...எப்படி? யோசிக்கும் திறன் இல்லையா ?


    சின்ன சந்தேகம் தாங்க....கொஞ்சம் சொல்லுங்களேன்...

    ReplyDelete
    Replies
    1. சின்ன சந்தேகம் என்று பெரியதாய் பீடிகை போடறீங்களே, கபிலன்? உணவைத் தேடுவது, உயிரைக் காப்பாற்றிக் கொள்ளுவது ,உணர்சிகளை வெளிபடுத்துவது,தீர்த்துக் கொள்வது ஆகிய அனைத்தும் எல்லா உயிர்களுக்கும் பொதுவானவைகள்! ஓரறிவு உயிர்களாக சொல்லப்படும் ஊர்வனவுக்கும் பொருந்துபவைகள்!

      மிருகங்கள் எனப்படும் யானை,நாய்,மாடு,கழுதை போன்ற எல்லாம் ஐந்தறிவு பிராணிகளாக சொல்லபடுகின்றன, வகைபடுத்தப் படுகின்றன!
      இவைகள் திறந்த வெளியில்,எதைபற்றியும் கவலைபடாமல் உறவு கொள்ளும்!மனிதர்களைப் போல... இவர்களுடன்தான் உறவு கொள்ளவேண்டும் என்ற வரையறை, மிருகங்களுக்கு கிடையாது! மனிதனுக்கு உண்டு!
      மனிதன் ஒழுக்கம்,கட்டுப்பாடு, சமூகம் போன்ற வரையறைகளை வகுத்து, வாழ்பவன்! மான,அவமானம் செய்யத்தகுந்தது,தகாதது என்று பகுத்து பார்க்கவும், கடைபிடிக்கவும் வேண்டியவன்! சட்டை போடுபவன்!
      எனவே,மிருகங்களும் நம்மைப்போல இருக்கு! அதனால அதுக்கு ஆறறிவு இல்லையானு கேட்பது சரியானதா? சொல்லுங்கள்

      Delete
    2. "இவைகள் திறந்த வெளியில்,எதைபற்றியும் கவலைபடாமல் உறவு கொள்ளும்!மனிதர்களைப் போல... இவர்களுடன்தான் உறவு கொள்ளவேண்டும் என்ற வரையறை, மிருகங்களுக்கு கிடையாது!"

      ஆதி மனிதன் திறந்த வெளியில் தான் உறவு கொண்டான். அப்படியென்றால் ஆதி மனிதன் ஐந்தறிவு கொண்டவன், இப்பொழுதிருக்கும் நவீன மனிதன் ஆறறிவு படைத்தவன் என்று பொருள் கொள்ளலாமா ? ஐந்தறிவு மனிதன், காலப்போக்கில் ஆறாம் அறிவைப் பெற்றான் என்றால், மிருகங்களுக்கு அது பொருந்துமா இல்லையா ? அந்தமான் தீவுகளில் , அமேசான் காடுகளில் வசிக்கும் ஆதிவாசிகள் இன்றும் அவர்களுடைய பாரம்பரிய முறையிலேயே தான் வாழ்கின்றனர் அவர்கள் ஐந்தறிவு உள்ளவர்களா ?


      ஒழுக்கம், கட்டுப்பாடு(சட்டம்), மானம், அவமானம் என்பது நாட்டுக்கு நாடு ஏன் ஊருக்கு ஊர் வேறுபடும். அதுமட்டுமல்ல, இன்றைக்கு ஒழுக்கமில்லாத ஒரு விஷயம், நாளைக்கு ஒழுக்கமாக ஒப்புக்கொள்ளப்படும். விதவை மறுமணத்திலிருந்து ஓரினச் சேர்க்கை வரை உதாரணம் சொல்லலாம்.

      "எனவே,மிருகங்களும் நம்மைப்போல இருக்கு! அதனால அதுக்கு ஆறறிவு இல்லையானு கேட்பது சரியானதா? சொல்லுங்கள்"

      நிறைய பேர் ஐந்தறிவு அப்படி இப்படின்னு சொல்றாங்களா... நீங்க வேற இந்தக் கட்டுரையில் ஐந்தறிவு, ஐந்தறிவுன்னு சொல்லி இருக்கீங்களா அதாங்க சந்தேகம்...: )
      ஆனா ஒண்ணு சார்...அந்த ஆறாவது அறிவு எதுன்னு முதல்ல கண்டுபிடிக்கணும் : )

      Delete
    3. கபிலன்.. எங்கே? எது நாகரீகம்? எனபது பற்றியா நான் எழுதுகிறேன் ? உயர்ந்த,நல்லொழுக்கங்களை கடைபிடித்து, உலகுக்கே முன்னுதாரணமாய் வாழ்ந்த எமது இனம்,தமிழினம்!

      அந்த இனத்தின் பெருமைகள், சுயநல "பிராமிணீயம் "சிதைத்துவந்த விதத்தை, அதன் உன்னதங்களான,புராணம், இதிகாசம்,மனுதர்மம்,அர்த்த சாஸ்திரம்,மகாபாரதம்,ராமாயணம் ஆகியவற்றில் இருந்தும், மறைக்கப் பட்ட தமிழர்களின் வரலாற்றையும் வைத்து எழுதிவருகிறேன்!

      அமேசான் காட்டில் அப்படி இருகிறார்கள்,மற்றநாட்டில் இப்படி இருகிறார்கள் என்று, பாசிசத்தின் மோசமான முகத்தையே, சுட்டிக் காட்டி, வருகிறீர்கள்!
      தமிழர்களின் நிலையை.. நான் சொல்லுவதை கூட..., புரிந்துகொள்ள விரும்பாத..., தமிழனின் இன்றைய சிதைந்த சிந்தனையின் வெளிபாடாகவே,உங்கள் கருத்துகளை என்ன வேண்டியுள்ளது! வருந்துகிறேன்!

      Delete
    4. என்னுடைய சிந்தனை சிதைந்ததா....தங்களின் தமிழ்ச்(?) சிந்தனை உள்குத்து கொண்டதா என்பதை நீங்கள் கதை சொல்லும் விதத்தில் இருந்து ஒரு குழந்தை கூடச் சொல்லிவிடும் ! நான் பேசினதுல பேசிசம் எங்க இருக்குங்க...முதல்ல போய் ஒரு நல்ல லெமன் சோடா குடிங்க சார்...நன்றி !

      Delete
    5. பிராமணீயம் உள்குத்தா? உள்ளபடியே உள்ள குத்தமா? சொல்லுங்க கபிலன் ? அதுக்கு உங்க பதிலைச் சொன்ன ரெண்டுபேருமே லெமன் சோடா குடிக்கலாம்!

      Delete
  2. மீள் படிப்பு என்று சொல்வார்கள்... ஒரு கதையை வேறு ஒரு கோணத்தில் பார்ப்பது... பாண்டவமும் ராமாயணமும் இது போன்ற முயற்சிகளில் சிக்கி சில உண்மைகள் வெளி வந்துள்ளது... அது போல் நாயன்மார்கள் கதைகளையும் உங்கள் மூலம் புது பார்வையில் பார்க்க முடிகிறது... நன்றி...

    "the immortals of meluhans" shows the other side of shiva's story... if you get any chance read it..

    ReplyDelete
  3. பல புதிய தகவல்கள்!

    ReplyDelete
  4. நன்றி...சுவனப்பிரியன்!

    ReplyDelete
  5. மேற்கொண்டு சொல்வதற்கு ஒன்றுமில்லை. வெட்கம் அவமானம் போன்ற உணர்வுகள்தான் மனதை வதைத்து எடுக்கின்றன.
    பகிர்வுக்கு நன்றி. தொடரட்டும் உங்கள் பணி.

    ReplyDelete