Wednesday, 28 March 2012

குந்தவையின் மதமாற்றமும் சமயபுரமும்!

      குந்தவை நாச்சியார்,  இஸ்லாம் மதத்துக்கு  மாறிய  இடம்," சமயபுரம்"  எனத் தெரிகிறது, ஸ்ரீ ரங்கத்து  கோயில்ஒழுகு நூலிலும் அதுபற்றிய  குறிப்புகள் காணப் படுகிறது!  சமயபுரம் "கோயில் தல வரலாறும்"  அதனை  உறுதிபடுத்துவதாகவே உள்ளது!

        சமய பு(ர)றம் என்ற பெயர்,  காரணப் பெயராக  இருப்பதையும் காணலாம்!  குந்தவை இதுநாள் வரை  தான் சார்ந்து இருந்த..  மதத்தை  புறம் தள்ளி, புதிய மதத்தை  தழுவிக் கொண்டதால்  சமயபுற(ர)ம் என்று பின்னாளில் வழங்கப்பட்டு வருகிறது  எனத் தோன்றுகிறது! 

    இந்த ஊருக்கு   கண்ணபுரம், கண்ணனூர் ,விக்கிரமபுரம்,மாகாளிபுரம்  என்று பலபெயர்களில்  குறிக்கப் பட்டு வந்துள்ளது!

           இந்த இடம் திருச்சி - சென்னை நெடுஞ்சாலையில், 15 -வது கி,மீ.யில்  உள்ளது. மேலும் இந்த இடம்  ஸ்ரீரங்கம், அருகிலும் அமைந்துள்ளது.! 

          சமயபுரம் கோயில் நிர்வாகம்  ஆங்கிலேயர்  ஆட்சிகாலம் வரை ஸ்ரீ ரங்கம் கோயில் நிர்வாகத்தின் கீழ் இயங்கி வந்துள்ளது! 
     ஆதியில்  ஸ்ரீ ரங்கத்தில்  எழுந்தருளியுள்ள  இந்த அம்மன்,உக்கிரமாக இருந்ததால், ஸ்ரீ ரங்கம் அய்யரின் உத்தரவுப்படி  சமயபுரம் பகுதியில் காட்டில்  வைத்துவிட்டு சென்றதாகவும்  பிறகு,  கண்டு எடுக்கப்பட்டு,   வழிபாட்டுக்கு  வந்ததாகவும்  கோயில்  வரலாறு அறிவிக்கிறது! 

         மேலும்  இங்கு  எழுந்தருளி இருக்கும்  அம்மன், சோழ அரசரின்  சகோதரி  எனவும், அவரை கங்க நாட்டின் மன்னனுக்கு  திருமணம் செய்தபோது, சீதனமாக  ஸ்ரீரங்கம் பகுதியை தானமாகக் கொடுத்து,சமயபுரம் பகுதியில் அவர்களுக்கு ஒரு அரண்மனையும்  கட்டிக் கொடுத்தார்கள் எனவும், அம்மன் சிலை கண்டெடுக்கப்பட்ட  இடம் அரண்மனை மேடு எனவும்,இனாம்   மேடு என்றும்  கோயில் வரலாறு  பலகுறிப்புகளைத் தருகிறது!

(கங்கபாடி(மைசூர்),நுளம்பப்பாடி,(பெங்களூர்) சூடவாடி,(ஹோசூர்) கோலார்,சித்தூர், வேலூர், வடுகவாளி  பன்னீராயிரம்  ஆகியவை வேங்கி நாட்டின்  பகுதிகளாக  சோழர்கள் ஆட்சியில் குறிப்பாக,  ராஜராஜன்,ராஜேந்திர சோழன் காலத்தில்  இருந்து வந்தன!)

         சமயபுரம் மாரியம்மன்  கோயில்,  மகா மண்டபத்தில்  இன்றுமுள்ள  இரண்டு தூண்களில்  குந்தவை நாச்சியார்  திருவுருவம் மிக நேர்த்தியாய்  செதுக்கப்பட்டு  உள்ளன. பதினோராம் நூற்றாண்டு  காலத்துச் சிற்பமாக உள்ள இந்த சிற்ப தூண் வேறு இடத்தில  இருந்து கொண்டுவரப்பட்டு, இக்கோயிலில் வைக்கப்பட்டு உள்ளது! 


         சமயபுரம் கோயிலுக்கு செல்லும் பெரும்பாலான  மக்கள், தூணின்மூன்றடி உயரமுள்ள   இந்த சிற்பச் சிலைக்கு  உப்பைக் காணிக்கையாக  செலுத்தி, தங்களது  வேண்டுதலை  இன்றும் நிறைவேற்றி  வருகிறார்கள்! 

      தமிழர்கள் வாழ்வில் 'உப்பு'மிகமுக்கிய இடத்தை பெற்றுள்ளது!  "உப்பிட்டவரை உள்ள அளவும் நினை" என்ற பழமொழியும்,  பண்பும்  தமிழர்களின் வாழ்வில் இன்றுவரை  நிலவி வருகிறது!  உப்பின் உயர்வு பற்றி தமிழர் இலக்கியங்களும் சுட்டிவருகின்றன.
  
         உப்பானது   செய்நன்றி மறவாமை, உண்டவீட்டுக்கு  துரோகம்  செய்யாமை,சத்தியம் தவறாமை,நீதி வழுவாமை போன்ற உயர்ந்த பண்புகளை வெளிபடுத்தும் காரணிகளாக , அடையாளமாக  தமிழர் வாழ்வில் தொன்றுதொட்டே  இருந்துவருகிறது! 

        இன்றும் உப்பினை முன்னிறுத்தி, தமிழ்மக்கள் பலரும் "சத்தியம் செய்யும்" உறுதிமொழி  ஏற்கும்   வழக்கம் நிலவி வருவதையும் பார்க்கும்போது, குந்தவை நாச்சியார்,இந்துமதத்தை  விட்டு, இஸ்லாம் மதத்தை ஏற்றுக்கொண்டு விலகிச் சென்றாலும் சோழ குடிமக்கள்,  அவரைத் தங்களது  அன்பிற்கும் போற்றுதலுக்கும் உரியவராக  கருதி வந்ததும், தங்களது நம்பிக்கையை காட்டும் செயலாகவும் உப்பை முன்னிட்டு, "சமயபுரம் கோயிலில் வேண்டுதல்களை நிறைவேற்றி  வருகிறார்கள்"  எனத் தோன்றுகிறது!

         ஏதோ  காரணத்தால்...  நாம் மதிக்கும் ஒருவர், நமது நலத்தை நாடும் ஒருவர்  கோபித்துக் கொண்டால்,  அவரை  சமாதானப் படுத்தவும், கோபத்தை  கைவிடச் செய்யவும்,  போற்றியும், அரற்றியும், புகழ்ந்தும்  கூறி, ஆற்றுப் படுத்துவது  இயல்பான  ஒன்று! உண்மையும் ஆகும்!

       சமயபுரம் மாரியம்மன்  கோயில் தாலாட்டுப் , பாடல்கள்  கூட  குந்தவையின் மதமாற்றத்தை  ஜீரணிக்க முடியாமல், தாங்க இயலாமல்,   அவர்மீது  மதிப்பு கொண்ட  சோழக் குடிமக்களின் புலம்பல்களாகவும், குந்தவையை, சமாதானப் படுத்தும் விதமாகவும்,  ஆற்றுதல் படுத்தும் பாடல்களாகவே  உள்ளதையும், அவரது பெருமைகளை கூறியும், புகழ்ந்துரைத்தும்  வருகிற பாடல்களாகவே.. உள்ளதையும் காணமுடிகிறது! அவைகளைக் குறித்து அடுத்துப் பார்க்கலாம்! 

       இன்னொரு  ரகசியம் என்னவென்றால், இன்றும் சமயபுரம் கோயிலுக்கு,  முஸ்லிம் இனப்பெண்கள் பலரும், "என்ன?  எதற்கு?"   என்று காரணம் தெரியாமலே வந்து, சமயபுரம்  மாரியம்மனை  வழிபட்டு  வருகிறார்கள்! கோயில் பொறுப்பாளர்களும்  அவர்கள் வழிபாட்டுக்கு  திரை அமைத்துக் கொடுத்து, உதவி செய்து வருகிறார்கள்.! 

       இந்த பெண்களின்  மூதாதையர்களும்  குந்தவை  இஸ்லாம்  மதம் தழுவியபோது,  இஸ்லாம் மதத்தை  தழுவியவர்களின்  வாரிசு,மற்றும்  மரபில்  வந்தவர்களாக  இருந்து, வழிவழியாக  தங்களது  மூதாதையர்களின்   வழக்கத்தை கடைபிடித்தும்,, தொடர்ந்தும்  வருவதாக  விளங்குகிறது!

      அப்புறம்... இன்னொரு விஷயம், ஸ்ரீ ரங்கம் கோயிலில்,  "லுங்கி அணிந்து செல்வதற்கு"  முன்பு தடை இருந்தது,    இப்போது இருக்கிறதா? என்று தெரியவில்லை! 
    (வாடகைக்கு  வேட்டியை  வங்கிச் சென்று..  அரங்கனை  சேவித்த நினைவு, இன்றும் இருக்கிறது! ஒரே ஒரு  லுங்கி மட்டுமே  உள்ள, அரங்கன் மீது பக்தி கொண்ட பரம ஏழை,    என்ன செய்வான்? அரங்கனை சேவிக்க முடியாமல் போனால்,அவன் மனம் என்ன பாடுபடும்? என்று  அப்போதே நினைத்து, இந்த தடையை  எதிர்த்து  வாதிட்டது கூட..  நினைவு இருக்கிறது!)

        போகட்டும்!   அப்போது  எனக்கு   இந்த தடை எதற்கு உள்ளது  என்று தெரியவில்லை. இப்போது  தெரிகிறது!   ஸ்ரீ ரங்கம் கோயிலில்  துலுக்க நாச்சியார்  இருப்பதால்,  முஸ்லிம்கள்  வந்து  பிரச்னை பண்ணுவார்களோ? அல்லது ஸ்ரீ ரங்கத்தை  தங்களது  வழிபாட்டு இடமாக  ஆக்கிக் கொள்வார்களோ? என்ற அச்சம் காரணமாக, பிராமணர்கள்  இந்த ஏற்பாட்டை  செய்து  இருக்கலாம்!
    
            சமய பு ர(ற)ம்   மாரியம்மன்  தாலாட்டுப்  பாடல்களில்  உள்ள குந்தவையைப் பார்க்கலாம்! அல்லது அவரது  மதமாற்றத்தை ஏற்க இயலாத  சோழக்குடி மக்களின்    ஆற்றாமை, புலம்பல்களை அடுத்து  பார்க்கலாம்!


28 comments:

  1. இதுவரை கேள்விப்படாத புதிய செய்திகள் !

    ReplyDelete
    Replies
    1. அன்பு சகோ,ராஜராஜேஸ்வரி.! உங்கள் வருகைக்கு நன்றி! தெளிவாக உங்கள் கருத்துக்களை வழங்குமாறு வேண்டுகிறேன்! எனக்கு முரண்பாடுகளும் பிடிக்கும். சமன்பாடுகளும் கூட...பிடிக்கும்!

      குழந்தையாக இருக்கும்போது, நாம் நம்பும் பல விசயங்கள்,
      அறிவும் வளர்ச்சியும் அடையும்போது தவறாக தெரிவது இல்லையா? அதைப்போல புதிய செய்திகள் வரும்போது,அறிவைக் கொண்டு , ஏற்றுக்கொள்ளவும் நிராகரிக்கவும் அனைவருக்கும் உரிமையுண்டு!

      ஆனால்,மதம்,பக்தி,என்று வரும்போது நாம் அப்படிபார்ப்பதில்லை! ".விட்டேனா பார்". எப்படி சொல்லலாம்? நம்ம முன்னோர்கள் எல்லாம் முட்டாள்களா? என்று என்று கோபப்படுகிறோம் ! சொல்வது குறித்து பார்க்காமல்,சொல்பவரை குறித்து நமது விமர்சனம் திசை மாறுகிறது! அல்லது நமது குறையை மறைக்க அரசியல்வாதிகள் போல அங்கே குறையில்லையா? என்று திசைதிருப்பி, நம்மை நாமே ஏமாற்றிக் கொள்கிறோம்.நமது குறைகளைக் களையவோ,குற்றங்களை ஏற்கவோ நாம் தயாராக இல்லை.அந்த குணமும் பக்குவமும் நமக்கு வரவில்லை என்பதை பகிரங்கமாக வெளிபடுத்திக் கொள்கிறோம்!

      ஆனால் நீங்கள்.. எந்த கருத்துரையும் இடவில்லை! எனினும்,உங்களிடம் பகிர்ந்து கொள்வது போல எனது எண்ணத்தை இங்கே வெளியிட்டு உள்ளேன்! நன்றி!

      Delete
    2. நீங்கள் சொல்வது உண்மைதான். ஓசூர் ராஜனை இனிமேல் தாரளமாக மர்ம கதை மன்னன் என்று அழைக்கலாம்.என்ன ஒரு மயிர்கூச்செறியும் கண்டுபிடிப்பு.உங்களின் அடுத்த வரலாற்று பதிவுக்காக ஆவலோடு காத்திருக்கிறேன்.தாமதம் செய்யாமல் அடுத்த இஸ்லாமிய அறிஞரை பற்றி எழுதவும்.

      Delete
  2. ஐயா தாங்கள் வரலாறுகளை படிப்பதில் மிகுந்த ஆர்வம் கொண்டவர்கள் போல தெரிகின்றது அப்படியிருந்தும் தாங்கள் குறைந்த நாட்களில் அதிக செய்திகளை படிப்பதுமட்டுமல்லாமல் அதை பகிரவும் செய்கின்றீர்கள் தங்களுக்கு எவ்வாறு நேரம் கிடைக்கிறது?தங்களை நினைத்தால் வியப்பாகவுள்ளது.

    ReplyDelete
    Replies
    1. உங்களது வருகைக்கு நன்றி! எனது பலமும் பலவீனமும் நான் அதிகமாக படிப்பதுதான்! படிப்பதற்கு என்று நேரம் ஒதுக்குவதில்லை! நேரம் கிடைக்கும்போது எல்லாம் படிப்பது என்பதே எனது கொள்கை! தவிர இவைகள் எல்லாம் எனது மனதில் இருந்துவரும் நெடுநாளைய நெருடல்கள்! முரண்பாடுகள்! சந்தேகங்கள்!

      அவைகள் குறித்த தேடலில், உறுதியாக புலப்படும் அல்லது நான் உண்மையென்று நம்பும் செய்திகளையே பகிர்ந்து வருகிறேன்! தவிர,நமது மக்கள் பக்தி என்ற மிதமிஞ்சிய போதையால், மயங்கிய நிலையில் கோயிலுக்கு போகிறார்கள்! கும்பிட்டுவிட்டு வந்துவிடுகிறார்கள்! கடவுள்,கோயில் குறித்து யார் எதைச் சொன்னாலும் கேள்வியே கேட்காமல் நம்பி வருகிறார்கள்!
      நான் கோயில்களை..அது சொல்லும் தல வரலாறுகளை, கடவுள் குறித்த கதைகளை, கோயில் உள்ளவூரின் பெருமை, மக்கள், என்று வேண்டாத பலவற்றையும் ஒரு குழந்தையின் மனநிலையில் அறிந்து கொள்ள விரும்புவேன்! அறிந்து கொண்டு,ஆய்வு செய்து எனக்கு சரியென்று படுவதை ஏற்றுகொள்வேன்!

      Delete
  3. வகுப்பில் வரலாற்றுப் பாடங்கள் படிப்பது உள்ளது உங்கள் பதிவுகள். மேலும் உங்கள் பதிவுகள் மிகு விறுவிறுப்பான ஆராய்ச்சி கட்டுரைகளாகவும், சாமர்த்தியமாக மறைக்கப்பட்ட அல்லது மறுக்கப்பட்ட பல வரலாற்று உண்மைகளை தமிழருலகுக்கு எடுத்தறிவிக்கும் ஆயுதமாகவும் உள்ளது.

    சின்ன வயதில் பள்ளிகளில் வரலாறு என்கிற (பொய் பித்தலாட்டத்தின்) பெயரில் தமிழனனின் உண்மை வரலாற்றை ஒரு இமி அளவு கூட கற்றுக்கொள்ளாத என் போன்றவர்களுக்கு இங்கு படிப்பதெல்லாம் அபூர்வமாக உள்ளது. காலத்தை தவர விட்டுவிட்டோமோ என்கிற ஏக்கமே மிஞ்சுகிறது.

    பதிவின் கருத்துக் களங்களில் எந்த ஒரு வரலாற்று ஆதாரங்களையும் முன்வைத்து விவாதிக்க முடியாத அல்லது தெரியாத சில நபர்கள் அசிங்கமான அவமதிக்கும் வார்த்தைகளை எழுதி புலம்பிவிட்டு போவதை தவிர வேறு எதையும் அவர்களிடம் இருந்து எதிர்பார்க்க முடியாது. இது நகைப்புக்குறியதும் கூட.

    பதிவு பகிர்ந்தமைக்கு நன்றி ஓசூர் ராஜன். வராற்று உண்மைகளை வெளிக்கொணர அயராத உங்கள் கடின உழைப்பிற்கும் தொடர்ந்த நன்றிகள்.

    ReplyDelete
  4. வண்க்கம் நன்பர் ஓசூர் இராஜன்

    நீங்கள் சொல்லிய குந்தவை இஸ்லாமுக்கு மாறினார் என்பதன் ஆதாரமாக் எதை குறிப்பிடுகிறீர்கள் என்பதையும் குறிப்பிட்டால் நலமாக் இருக்கும்.
    நீங்கள் குந்தவை பற்றி குறிப்பிட்ட மதமாற்றம் இந்த விக்கிபிடியாவில் இல்லை.

    http://en.wikipedia.org/wiki/Kundavai_Pir%C4%81ttiy%C4%81r

    பதிவில் குறிப்பிடத் தக்க விடயம்

    // இன்னொரு ரகசியம் என்னவென்றால், இன்றும் சமயபுரம் கோயிலுக்கு, முஸ்லிம் இனப்பெண்கள் பலரும், "என்ன? எதற்கு?" என்று காரணம் தெரியாமலே வந்து, சமயபுரம் மாரியம்மனை வழிபட்டு வருகிறார்கள்! கோயில் பொறுப்பாளர்களும் அவர்கள் வழிபாட்டுக்கு திரை அமைத்துக் கொடுத்து, உதவி செய்து வருகிறார்கள்.!

    இந்த பெண்களின் மூதாதையர்களும் குந்தவை இஸ்லாம் மதம் தழுவியபோது, இஸ்லாம் மதத்தை தழுவியவர்களின் வாரிசு,மற்றும் மரபில் வந்தவர்களாக இருந்து, வழிவழியாக தங்களது மூதாதையர்களின் வழக்கத்தை கடைபிடித்தும்,, தொடர்ந்தும் வருவதாக விளங்குகிறது! //


    இப்போதும் இஸ்லாமியப் பெண்கள் சமயபுரம் மாரியம்மன் கோயிலில் சாமி குப்பிடுகிறரக்ளா?.

    நம்ம சகோக்கள் இன்னும் வந்து இப்படி நட்க்காது,இது யூத இந்துத்வ,கிறித்ஹ்வ நாத்திக சதி. அப்ப்டி நடந்தாலும் நீ அதனை எப்படி சொல்லலாம் என மார்க்க வழக்கப்படி எகிறி அடிக்காமல் இருப்பதும்,இன்னொரு இஸ்லாமிய சகோ உங்களை பாராட்டுவதும் மிக வியப்பாக் உள்ளது.


    என்னடா ஓரிறைக் கொள்கைக்கு வந்த புது சோதனை!!!!!!!!!

    நன்றி

    ReplyDelete
    Replies
    1. நீங்கள் ஓசூர் ராஜனை நம்பினால் அவர் கடைசியில் மொத்த இந்தியாவுமே இஸ்லாமிய நாடாகத்தான் இருந்தது பின்னர் பிராமணீய சதியினால் சைவ வைணவ சமயங்களுக்கு மாறியது என்று சொல்வார்.நம் முஸ்லிம் நண்பர்கள் அதை ஆதரிக்கலாம் வெகுவாக. புரூப் என்று கேட்டு விட்டால் எதோ கல்வெட்டு என்று கதை சொல்லுவார்.அதை மாசிலா கிராதகன் வஜ்நூர் என்ற வினோத பெயர் கொண்ட சில அன்பர்கள் அபாரம் என்று கை தட்டுவார்கள்.இப்படி எழுதியற்காக என்னை அம்பி ஆர் எஸ் எஸ் பாசிச வாதி என்று போனசாக வேறு பல்லை கடிப்பார்கள்.என்ன இருந்தாலும் நீங்கள் உடனே ஆர்பரிக்காமல் இதற்கு என்ன ஆதாரம் என்று நியாயமாக கேட்டதற்கு நன்றி.

      Delete
    2. இன்றும் முஸ்லிம் பெண்கள் சமயபுரம் மாரியம்மன் கோயிலுக்கு வருகிறார்கள்! வழிபாடு(தொழுகை) நடத்துகிறார்கள். கோயில் பொறுப்பாளர்கள் அவர்களுக்கு உதவி வருகிறார்கள்!

      Delete
  5. //இப்போதும் இஸ்லாமியப் பெண்கள் சமயபுரம் மாரியம்மன் கோயிலில் சாமி குப்பிடுகிறரக்ளா?
    நம்ம சகோக்கள் இன்னும் வந்து இப்படி நட்க்காது இது யூத இந்துத்வ கிறித்ஹ்வ நாத்திக சதி. அப்ப்டி நடந்தாலும் நீ அதனை எப்படி சொல்லலாம் என மார்க்க வழக்கப்படி எகிறி அடிக்காமல் இருப்பதும் இன்னொரு இஸ்லாமிய சகோ உங்களை பாராட்டுவதும் மிக வியப்பாக் உள்ளது//

    அவங்க எல்லாம் நாம ஏன் தான் அரபு மதத்திற்க்கு மாறினோம் என்று சீரியஸாவே சிந்தித்து கொண்டிருக்கிறார்கள் போலும்!!!

    ReplyDelete
    Replies
    1. இஸ்லாமிய சகோதரர்களும் தமிழர்களே! இந்துமதத்தின் இன இழிவு,ஒடுக்குமுறை ஆகியவற்றை ஏற்றுகொள்ள இயலாமல் அவர்களது முன்னோர்கள் இஸ்லாம் மார்கத்தை ஏற்றுகொண்டவர்கள்! அவர்களை வீணுக்கு வம்படிப்பதும், கிண்டல் செய்து ஆத்திரமூட்டுவதும் நம்மவர்களின் அறியாமை,வக்கிரம் முதலிய வற்றை பிரதிபலிப்பதாகவே கருதுகிறோம்! ஆரோக்கியமான விமர்சனம்,கருத்துக்களை முன்வைக்க இயலாத நம்மவர்களின் காழ்ப்புணர்ச்சியை என்னவென்பது?

      Delete
  6. சென்ற பதிவில் நீங்கள் சொன்னது.
    குந்தவை இஸ்லாமியராக மாறினார். அவரின் சன்னிதி தான் சீரங்க கோவிலில் இருக்கிறது.

    இந்த பதிவில் சமயபுரம் அம்மனே குந்தவை தான் என்று அடுத்த ஒரு பொய்

    சமயபுரம் அன்னன் சீரங்க ரங்கநாதரின் சகோதரி என்ற முறை இன்னமும் இருக்கிறது. ஒவ்வோரு திருவிழாவிற்க்கு சீரங்கத்தில் இருந்து சமயபுரத்திற்க்கு சீர் வரும். எப்படி மனைவி என்று சொன்னவர் சகோதரி ஆனார்?

    சம்யபுரம் அம்மன் சுயம்பு என்று சொல்வார்கள்/ மணல் திட்டால் ஆன மேனியை தான் பக்தர்கள் வழிபடுகிறார்கள். ஆதி மாரியம்மன் அப்படி இல்லை. அப்புறம் எப்படி இடத்தை மாற்றினார்கள்.? சமயபுரம் மாரியம்மன் சிலையை இடம் மாற்ற முடியவே முடியாது.

    திருச்சி பக்கத்தில் இருக்கும் யாரும் இது தெரியும்.


    ஏன் இவ்வாறு பொய்களை கற்பனைகதையும் எழுதிகிறீர்கள்?

    ReplyDelete
    Replies
    1. ஜேம்ஸ் ஆனந்த நீங்கள் வரலாற்றில் ரொம்பவும் வீக்கு என்று நினைக்கிறன்! கிறுக்குத்தனமான, பலகீனமான சந்தேகத்தைக் கேட்கிறீர்கள்!

      சோழ அரச மரபினர் தெய்வாம்சம் பொருந்தியவர்களாக சோழ பேரரசில் இருந்த மக்கள் வணங்கி வந்தனர்! குந்தவை மதம் மாறும் முன்பு வைக்கப்பட்ட அவரது சிலை மதம் மாறிய பின்பு துலுக்க நாச்சியாராக ஆகாதா? பிரசனைவரும் என்று கருதிய ஸ்ரீ ரங்கம் கோயில் நிர்வாகத்தினர் அந்த சிலையை சமயபுரம் பகுதிக்கு கொண்டுசென்று காட்டில் போட்டிருக்க முடியாதா? அப்படி போடப்பட்ட சிலை பிறகு கண்டெடுக்கப்பட்டு,கோயில் கட்டப்பட்டு வழிபாட்டுக்கு வந்துள்ளது!

      இஸ்லாமியர்களோ, இந்துக்களோ, சோழ மக்களுக்கு,குந்தவையை மதித்து வந்த அவர்களுக்கு மதம் ஒரு பொருட்டல்ல! அவர்களை வணகுவதும் மதிதுவருவதுமே முக்கியம்! ஆனால் நம்மக்கு இப்போது மதம் முக்கியம்!மனிதம்,அன்பு,நேயம்,சகோதரத்துவம் எதுவுமே மதத்துக்கு முன்பு முக்கியமாக தெரிவதில்லை! அந்தளவு நாம் அறிவுஜீவிகள். நாகரீக மனிதர்கள். சமநீதி வேண்டும் தமிழ்பெருங்குடி மக்கள்! அப்படிதானே ஜேம்ஸ்

      Delete
  7. சமயபுரம் கோவிலுக்கு இஸ்லாமிய பெண்கள் வருவதை ஓசூர் ராஜன் என்ற புனை பெயரில் இருப்பவர் தன் ஞான கண்ணால் பார்த்து இருக்கிறார் .
    விட்டா சமயபுரத்தில் அரேபியா போல பாலைவனம் கேட்பீங்க போல

    ReplyDelete
  8. சமயபுரத்தில் இருப்பதே சிலையே இல்லை .ஆனால் அதை கண்டுபிடித்தாகளாம். :)

    ReplyDelete
    Replies
    1. நீங்க பிராமண வேஷம் போட்டு பக்கத்திலே போய் இதை கண்டுபிடித்தீர்களா? உங்களை பிராமணர்கள் உள்ளேயே விட்டு இருக்க மாட்டார்களே நீங்கள் எப்படி அது மண்மேடு என்று சொல்கிறீர்கள்!
      சரி அந்த கோயிலுக்குப் போய் உப்புபோடும் சிலையையையாவது பார்த்தீர்களா? நான் சமயபுரம் கருவறையில் உள்ள சிலை குந்தவை நாச்சியார் என்றோ, அது மண் மேடு என்றோ சொல்லவில்லை! சமயபுரம் கோயில் உள்ள பகுதியில் சமயமாற்றம் நடந்தது! குந்தவையின் ஸ்ரீ ரங்கம் சிலை, சமயபுரம் பகுதி காட்டில் கொண்டுபோய் மறைத்துவைக்கப் பட்டது என்று கோயில் வரலாறு கூறுவதையே சுட்டிக் காட்டி இருக்கிறேன்!?

      Delete
  9. சமயபுரம் கோவில் எல்லாம் 50 வருசத்துக்கு முன்னாடி கொட்டகை மட்டும் தான் இருந்தது. இப்ப தான் கொஞ்சம் பெரிதாக மாறி வருகிறது. கோவில் மண்டபம் கட்டபதே 50 வருடங்களுக்கு முன்னர்தான். அங்க குந்தவை சிலை இருக்காம். காமேடிப்பா இந்த ஓசூர் ராஜன் என்ற இஸ்லாமியரிடம்

    ReplyDelete
  10. வணக்கம் ராஜா கணபதி,
    ராஜராஜன் அக்கச்சீ குந்தவை தேவி மனம் முடித்தது வல்லரயன் வந்திய தேவன் என்ற வாணர் குல வீரன் .
    ராஜராஜன் மகள் குந்தவை தேவி மனம் முடித்தது வீமலதித்தன் என்ற வெங்கி நாட்டு வீரன். இவங்க இரண்டு பேரும் இஸ்லாம்
    மறுனதா சரித்திர குறிப்பு எங்க இருக்கு.

    ReplyDelete
  11. சகோ சார்வாகன்!

    //இப்போதும் இஸ்லாமியப் பெண்கள் சமயபுரம் மாரியம்மன் கோயிலில் சாமி குப்பிடுகிறரக்ளா?.

    நம்ம சகோக்கள் இன்னும் வந்து இப்படி நட்க்காது,இது யூத இந்துத்வ,கிறித்ஹ்வ நாத்திக சதி. அப்ப்டி நடந்தாலும் நீ அதனை எப்படி சொல்லலாம் என மார்க்க வழக்கப்படி எகிறி அடிக்காமல் இருப்பதும்,இன்னொரு இஸ்லாமிய சகோ உங்களை பாராட்டுவதும் மிக வியப்பாக் உள்ளது.//

    பதிவில் சொல்லப்பட்டிருக்கும் குந்தவை இஸ்லாமியராக மாறியிருந்தால் அவர்களின் சொந்தங்கள் மரியாதை நிமித்தம் வருவதை ஒரு வழக்கமாக கொண்டிருக்கலாம். வணக்கம் என்ற முறையில் வழிபாடு நடந்தால் அதை அவர்களுக்கு எடுத்து சொல்லி ஏக இறைவனை மட்டுமே வணங்க வேண்டும் என்ற அறிவுரையை கூற வேண்டும். விளங்காதவர்களுக்கு விளக்குவதுதானே நமது கடமை.

    'எதையும் படைக்காதவற்றையா அவர்கள் இறைவனுக்கு இணை கற்பிக்ககின்றனர்? அவர்களே படைக்கப்படுகின்றனர்.'
    -குர்ஆன் 7:191

    ReplyDelete
  12. சகோ சுவனன்

    ஓசூர் இராஜன் எதனை ஆதாரமாக் வைத்து எந்த குந்த்வை இஸ்லாமுக்கு மாறினார் என கூறுகிறார் என தெரியவில்லை.ஒரு பொது தளத்தில் இத்னைக் கூறியதால் இதனை நிரூபிக்கும் கட்டாயம் அவருக்கும் இருக்கிறது.
    நிரூபிப்பார் என நம்புகிறேன்.

    எவருக்கும் பிடிக்கும் மதம் மாற உரிமை உண்டு.அது பிரச்சினை இல்லை.அவர் மாறியதற்கு ஆதாரம் உண்டா என்பதுதான் சிக்கல்!.
    *******

    ஆனால் இஸ்லாமியப் பெண்கள் மாரியம்மன் கோயிலில் வழிபடுவதாகவும் ஆதாரமின்றி ஓசூர் இராஜன் கூறுகிறார்.இது மரியாதை அல்ல,வழிபாடு என்றே ஓசூர் இராஜன் தெளிவாக் கூறுகிறார்.
    //// இன்னொரு ரகசியம் என்னவென்றால், இன்றும் சமயபுரம் கோயிலுக்கு, முஸ்லிம் இனப்பெண்கள் பலரும், "என்ன? எதற்கு?" என்று காரணம் தெரியாமலே வந்து, சமயபுரம் மாரியம்மனை வழிபட்டு வருகிறார்கள்! கோயில் பொறுப்பாளர்களும் அவர்கள் வழிபாட்டுக்கு திரை அமைத்துக் கொடுத்து, உதவி செய்து வருகிறார்கள்.! //

    அத்னை மிக சாதரண்மாக நீங்கள் எடுப்பது இன்னும் ஆச்சர்யம்.


    ஆக‌வே இஸ்லாமிய பெண்கள் மாரியம்மன் கோயிலில் வழிபடுவதை ஓசூர் இராஜன் உறுதி செய்வார் என நம்பலாம்.

    அதன் பிறகு சுவன‌ப்பிரியன் தன் கருத்தை அதன் மீது கூறலாம்.

    முதலில் ஓசூர் இராஜன் சொல்வதை கேட்க மிக ஆவலாக் இருக்கிறோம்!!!!!!!!.

    நன்றி

    ReplyDelete
  13. ஒரே ஆச்சரியமாக இருக்கிறது.
    ஓசூர் ராஜன் அப்படியே மொஹம்மத் இப்னு அப்தல்லா மாரியாத்தாளுக்கு காவடி எடுத்ததுக்கும் ஆதாரம் காட்ட வேண்டும் என்று கேட்டுகொள்கிறேன்.

    ReplyDelete
  14. ஓசூர் ராஜன் (அலை)அவர்களுக்கு ஜிப்ரீல் வந்து இதெல்லாம் சொல்லியதோ என்று சந்தேகமாக இருக்கிறது.ஆரம்பத்தில் பிராமணீயம் பாசிசம் என்று பொத்தாம் பொதுவாக எழுதிக்கொண்டு வந்த இந்த "வரா"லாற்று பேரறிஞர் பின்னர் படிப்படியாக தன இஸ்லாமிய வேட்கையை "திருச்சிக்கு அருகில் உள்ள ஒரு பெயரில்லா ஊரில் உள்ள கல்வெட்டு" போன்ற அடைமொழிகளுடன் தமிழர்கள் நன்கு அறிந்த சில விஷயங்களில் விஷத்தை கலந்து படிக்கும் எல்லோர்க்குமே வியப்பாக இருக்கும் படியாக ராஜ ராஜ சோழன் ஒரு முஸ்லிம் போன்ற அதிர்ச்சியான கருத்துக்களை [எங்கிருந்துதான் பிடித்தாரோ] இலவசமாக சொல்லிவருகிறார். இதை படித்தால் வந்திய தேவன் அருண்மொழி வர்மன் முதலாம் இரண்டாம் குலோத்துங்கன் குந்தவை மாதவி கோவலன் கண்ணகி கூட இஸ்லாமியர்களோ என்று எண்ணியே நமக்கு தலை சுற்றுகிறது. இவ்வளவு தெரிந்த இவர் இன்னும் எத்தனை அமைதியாக இருக்கிறார் பாருங்கள்.இன்னும் வரும் நாட்களில் பல அறிய அதிர்சிகரமான புரட்சிகரமான உண்மைகள் நமக்கு தெரிய வரலாம். உபயம் திரு ஓசூர் ராஜன் [அலை].

    ReplyDelete
  15. முன்பு லெப்பைகள் கூடவே மொஹம்மத் இப்னு அப்தல்லா இங்கே வந்திருக்க முடியாதா? அப்போது அவர் இங்கே இருந்த லெப்பைகளோடு சேர்ந்து அவரும் மாரியாத்தாளுக்கு காவடி எடுத்திருக்க முடியாதா? இதனை அரபியர்கள் மறைத்துவிட்டார்கள். ஆனாலும் இன்னும் முஸ்லீம் பெண்கள் மாரியாத்தாளை வணங்குவதன் மூலம் இந்த உண்மை வெளிவருகிறது என்று சொல்லலாமே ஓசூர் ராஜன்.

    இதனைத்தான் அல் ரகுமானி அல்ரஹீமி என்று அல்குரானில் மொஹம்மத் இப்னு அப்தல்லா பாடுகிறார். அதாவது ரகுமான் என்பது ரகு குலத்தில் உதித்த ராமன் அதாவது சீரங்கத்தில் பள்ளிகொண்டிருக்கும் பெருமாள். ரஹீமி என்பது சகோதரி. அதாவது பெருமாளின் சகோதரியான மாரியாத்தாள் என்பது ஈஸியாக புரியும். மாரியாத்தாளைத்தான் அல்குரானின் முதல் அத்தியாயத்திலேயே மொஹம்மது இப்னு அப்தல்லா பாடுகிறார். இந்த அரபியர்களும் தவ்ஹீத் அண்ணன்களும் சேர்ந்து அதனை மறைத்துவிட்டார்கள்.

    ReplyDelete
  16. அவசியம் கேட்க வேண்டியது.


    இந்து கடவுள்கள், இராமர் பாலம் பற்றி சீமானின் பேச்சை //////// இங்கு//////// சொடுக்கி கேட்கவும்
    .
    .

    ReplyDelete
  17. // சமய பு(ர)றம் என்ற பெயர், காரணப் பெயராக இருப்பதையும் காணலாம்! குந்தவை இதுநாள் வரை தான் சார்ந்து இருந்த.. மதத்தை புறம் தள்ளி, புதிய மதத்தை தழுவிக் கொண்டதால் சமயபுற(ர)ம் என்று பின்னாளில் வழங்கப்பட்டு வருகிறது எனத் தோன்றுகிறது! //

    அவர் மதம் மாறி இருக்கலாம். ஆனால் உங்களின் இந்த புரிதல் தவறானது என நினைக்கின்றேன்.

    ராமநாதபுரம்
    டால்மியாபுரம்
    தாராபுரம்
    ராமாபுரம்
    டிரஸ்ட் புரம்
    சமத்துவபுரம்
    இதற்கும் நீங்கள் புறம் சேர்த்து பார்த்தால் என்னாகும்? :)

    ///அப்புறம்... இன்னொரு விஷயம், ஸ்ரீ ரங்கம் கோயிலில், "லுங்கி அணிந்து செல்வதற்கு" முன்பு தடை இருந்தது, இப்போது இருக்கிறதா? என்று தெரியவில்லை!
    (வாடகைக்கு வேட்டியை வங்கிச் சென்று.. அரங்கனை சேவித்த நினைவு, இன்றும் இருக்கிறது! ஒரே ஒரு லுங்கி மட்டுமே உள்ள, அரங்கன் மீது பக்தி கொண்ட பரம ஏழை, என்ன செய்வான்? அரங்கனை சேவிக்க முடியாமல் போனால்,அவன் மனம் என்ன பாடுபடும்? என்று அப்போதே நினைத்து, இந்த தடையை எதிர்த்து வாதிட்டது கூட.. நினைவு இருக்கிறது!)

    போகட்டும்! அப்போது எனக்கு இந்த தடை எதற்கு உள்ளது என்று தெரியவில்லை. இப்போது தெரிகிறது! ஸ்ரீ ரங்கம் கோயிலில் துலுக்க நாச்சியார் இருப்பதால், முஸ்லிம்கள் வந்து பிரச்னை பண்ணுவார்களோ? அல்லது ஸ்ரீ ரங்கத்தை தங்களது வழிபாட்டு இடமாக ஆக்கிக் கொள்வார்களோ? என்ற அச்சம் காரணமாக, பிராமணர்கள் இந்த ஏற்பாட்டை செய்து இருக்கலாம்!//

    இந்த உங்கள் புரிதலிலும் தவறு இருப்பதாக தெரிகிறது.
    இந்த கோயிலில் மட்டுமல்ல தமிழகத்தின் பல கோயில்களில் லுங்கி அணிந்து கொண்டு செல்ல அனுமதிக்க மாட்டார்கள் என்றே நினைக்கின்றேன்.
    கோயில் மட்டுமல்ல சில நூலகங்களிலும் லுங்கி அனுமதி அல்ல.
    ஏன் துபாயில் கூட லுங்கி அணிய அனுமதி கிடையாது. இதற்க்கு உங்கள் பதில் என்ன?

    ReplyDelete
  18. ஓசூர் ராஜன், மேலே கேட்ட கேள்வி கேட்டவர்களுக்கு பதிலை கல்வெட்டில் தேடுராராராராரா...????.சரியான commedy பதிவரப்பா நீ

    ReplyDelete
  19. யோவ் புரட்சிமணியின் கேள்விக்கு பதில் சொல்லிட்டு அடுத்தடுத்து பதிவுக்கு போய்யா இல்லேன்னா உன்னை ஒரு காமெடி பீஸுன்னுதான் எல்லாரும் நினைப்பாங்க

    ReplyDelete
  20. This proves how dangerous you fellows are...

    ReplyDelete