Monday, 30 April 2012

பிராமணர்களின் ஆதிக்கத்தை எதிர்த்த மக்கள் போராட்டம்!

           பிராமணர்களின் ஆதிக்கத்தை எதிர்த்த உழைக்கும் மக்களின், தமிழர்களின் போராட்டமாக  இடங்கை-வலங்கைப் போராட்டத்தை சொல்லலாம்! 

          இந்த போராட்டம்,ஒன்றிரண்டு வருடங்களில் நடந்து முடிந்த போராட்டம் இல்லை.900 -ஆண்டுகளுக்கும் மேலாக,வாழையடி வாழையாக,  உழைக்கும் மக்களின் வாரிசுகளுக்கும், ஆதிக்கத்தை நிலைநாட்டி,அடக்கி ஒடுக்கும்" பிராமணீயம்" என்ற பாசிசத்துக்கும்  இடையில் தொடர்ந்து நடந்த போராகும்!

          இடங்கை-வலங்கை போராட்டம் கி.பி.11 -ஆம் நூற்றாண்டு முதல் கி.பி.19 -ஆம் நூற்றாண்டு வரையில் நடந்ததாக தமிழகத்தில் காணக்கிடைக்கும்  பல  கல்வெட்டுகளும்,செப்பேடுகளும் குறிப்பிடுகின்றன. எனவே, இந்த போராட்டத்தின் தொடக்க காலம் எனபது  கி.பி.பத்தாம் நூற்றாண்டு என்பதை அறிய முடிகிறது!


         'இடங்கை-வலங்கை சாதி வரலாறு ' எனும் தலைப்பிட்ட கையெழுத்துச் சுவடி ஒன்று சென்னை பல்கலைக்கழக  நூலகத்தின் பலன்சுவடிகள் பிரிவில் காணப்படுகிறது!  இச்சுவடியானது,இடங்கை-வலங்கை பிரிவுகளைச் சேர்ந்த,  98  சாதிகள்  கரிகால சோழன் காலத்தில் ஏற்பட்டன என்றும் வெள்ளாளரும் அவர்களது ஆதரவாளர்களும் இடங்கை சாதியினர் என்று கருதப்பட்டார்கள் என்று கூறுகிறது.(ஆதாரம்: தமிழ்நாட்டு வரலாறு,சோழப் பெருவேந்தர் காலம்)

      தென்னிந்திய வரலாறு என்ற நூலில்,  ஆசிரியர் கே.ஏ.நீலகண்ட சாஸ்திரியார்  அவர்கள், "இடங்கை-வலங்கைப் பாகுபாடு  எவ்வாறு தொடங்கியது  எனபது மர்மமாக  இருக்கிறது என்றும் பழைய காலத்தில் இருந்தே  இப் போராட்டம் இருந்தது" எனவும் குறிபிடுகிறார்! 

       அவரே,தனது சோழர்கள் என்ற வரலாற்று ஆய்வு நூலில்,இவ்விரு வகுப்பினருக்கும் நடந்த பூசல்களால் தெருக்களில் அடிக்கடி  ரத்தவெள்ளம் ஓடியது.கரிகாலன் காலத்தில் தோன்றியதாக ஒரு புராணம் கூறுகிறது என்றும் குறிப்பிடுகிறார்! 

        நடக்காத,நம்ப இயலாத  கதைகளை,புராணங்களை,   உண்மையாக நடந்த வரலாறுகள் போலவும்,நடந்த உண்மையான வரலாற்றை,உண்மைகளை புராணங்கள்,என்றும் திரித்து கூறுவதும்  பிராமணீயத்தின்  செயல்பாடுகளில் ஒன்றாக இருக்கிறது !

      ஆகவே, கரிகாலன் காலத்தில்தோன்றியதாக ஒரு புராணம் கூறுகிறது என்று கே.ஏ.நீலகண்ட சாஸ்திரியார் சொல்வதில் இருந்து,  இடங்கை-வலங்கைப் போராட்டம்  கி.பி.பத்தாம் நூற்றாண்டில், ஆதித்ய கரிகாலன் காலத்தில், ஆதித்ய கரிகாலன் பிராமண அதிகாரிகளால் கொல்லப்பட்டு, இயற்கை நீதிக்கு  எதிராக, உத்தம சோழன் அரசனாகப்பட்ட  சூழ்நிலையில் தொடங்கியது என்பது விளங்குகிறது! 

        உத்தம சோழன் அரசன் ஆக்கப்பட்ட முறையை  எதிர்த்த,   அதனை ஏற்க இயலாத, உழைக்கும் மக்கள், ஆதித்ய கரிகாலன்ஆதரவுப்  படைகளுக்கும், உத்தம சோழனின் ஆட்சியை ஏற்றுகொண்ட  பிராமணர்கள், அவர்களது ஆதரவாளர்களுக்கும்  இடையில் ஏற்பட்ட மோதல்கள்,போராட்டங்களே..  இடங்கை-வலங்கைப் போராட்டத்தின்  தொடக்கம் எனபது இதனால்  எளிதாக  விளங்குகிறது! 
      ஆதித்ய கரிகாலன் படுகொலைக்கு பின்பு,எதிர் வினையாக  தொடங்கிய  போராட்டம்  கி.பி.10 -ஆம் நூற்றாண்டில் ராஜராஜன் ஆட்சிக்கு வந்தபோது, அவனது ஆட்சித் திறத்தால், அவனது மற்றும் ராஜேந்திர சோழன் காலத்தில் பிற நாடுகளுடன் நடந்த போர்களால், சிலகாலம் அமைதியடைந்து இருந்துள்ளது! 

           போர்கள் முடிவுக்கு வந்து, போர்களற்ற காலங்களில், பிராமணர்களின் ஆதிக்கத்தை  ஏற்க முடியாத  உழைக்கும் மக்களும்,பிராமணர்களது  ஆதிக்கத்தால் உரிமை இழந்த மக்களும் மீண்டும் கிளர்ந்து எழுந்து போராடத் தொடங்கியுள்ளார்கள் என்பதும் பிராமணர்களின் அதிகாரத்தை தடுக்க முனைந்து, உள்ளார்கள் என்பதும் விளங்குகிறது!

    "அந்தணரும் வேளாளரும் வாரவரி   வசூளிப்பதிநின்றும்  நிறுத்திக்கொள்ள  வேண்டும் .பொய்கணக்கு  எழுதியும்  தரவுகள  ஊழியர்களின்  பயனைப்  பெற்றும்  அரசினர்  மற்றும்  ஜீவிதகாரர்கள்  பயனைப்  பெற்றும்  அரசு  அலுவலர்களுக்கு  அச்சமுதாயத்தினரைப்  பற்றிப்  பொல்லாங்கு  கூறி ,எவரும்  நாட்டுக்குத்  தீங்கு செய்யக்கூடாது  " என்று  முடிவு  எடுக்கப்  பட்டது .
(கல்வெட்டில் வாழ்வியல்  நூலில் அ. கிருட்டிணன் பக்கம்-163 )


        "தன வகுப்பைச் சேராதவர்கள் கொடைகள் மற்றும் வாழ்வியல் அடிப்படை உரிமை நலன்களை எவரேனும் விலைக்கு விற்றாலோ,விலைக்கு பெற்றாலோ அரசு வரியான ராஜசாகரம்  என்னும் வரியைத் தவிர பிறவரிகளை மக்களிடையே வசூலிப்போர் நாட்டுத் துரோகிகளாக கருதப்பெற்றனர்."  (கல்வெட்டில் வாழ்வியல்  நூலில் அ. கிருட்டிணன் பக்கம்-162  )

            கோயில்கள்  அந்தணர்கள் என்னும் பிராமணர்களின் கட்டுப்பாட்டில், ஆதிக்கத்தில்  வந்துவிட்டப் பிறகு, பிராமணர்கள் தங்களது ஆதிக்கம்,மற்றும் தங்கள்  இன நலத்தை  தொடர்ந்து  தக்கவைத்துக் கொள்ள எண்ணி, பிற சமுதாயத்து மக்களை, குறிப்பாக உழைக்கும்     கீழ்தட்டு  மக்களை அடக்கி  ஆளாவும், அடிமைப் படுத்தவும்  தங்களது அதிகாரத்தை  பயன்படுத்தி வந்துள்ளார்கள் !

            அதாவது, பரம்பரையாக   அரசர்களால் பிற இனமக்களுக்கு  வழங்கப்பட்ட  வாழ்வியல் உரிமைகளையும்  அவர்களுக்கு  கொடுத்த  நிலம் ,பொன் ,பொருள்   முதலியவைகளை விலைகொடுத்து  வாங்கியும், அம்மக்களை   விற்பனை செய்யும்படி நிர்பந்தித்தும்  அம்மக்களின்   வாழ்வுரிமையைப்   பறித்து  உள்ளார்கள் . மேலும்  அரசு பணியாளர்கள்,  பிற சமய  மக்களுக்கு  கிடைக்க  வேண்டிய  பயன்களை கிடைக்க விடாதபடி  செய்தும்  முன்பே கொடுத்திருந்த  அவர்களது உரிமைகளும்,அதன் வழியே கிடைத்து வந்த பயன்களையும் முறையாக    கொடுக்காமல்,    கொடுத்து வருவதாக    பொய்க் கணக்கு எழுதியும், முறைகேடுகள்  செய்து வந்துள்ளார்கள்! 

        பிராமணர்கள்  அவ்வாறு  ஏமாற்றி  வருவதை  தெரிந்து கொண்டு, அது பற்றி நியாயம் கேட்ட    மக்களைப்  பற்றி,அரசனிடமும்  பிற அலுவலர்களிடமும்   பொல்லாங்கு  சொல்லி,அவர்களுக்கு தண்டனை கிடைக்கச் செய்து    பழிவாங்கி வந்துள்ளார்கள்.!

            பிராமணர்கள் இவ்வாறு பொதுமக்களை  ஏமாற்றுவது, முறைகேடுகள் செய்வது,பொல்லாங்கு கூறுவதைத்  தடுக்க வேண்டி, பிராமணர்களால் பாதிக்கப்பட்ட  மக்கள், ஊர் சபைகளில்  ஒன்றுகூடி,  மேற்கொண்ட  முடிவுகளை  கூறும்  கல்வெட்டு  வரிகளே  மேற்சொன்னவைகள் ஆகும்!

          பிராமணர்களின்  கொடுமைகளை  தடுக்க  உழைக்கும் மக்கள் மேற்கொண்ட  மேலே சொன்னது போன்ற  செயல்களாலும்  பிராமணர்களை  கட்டுப் படுத்த முடியாத  நிலை  ஏற்பட்டபொழுது, பொதுமக்கள்  வெகுண்டு, போராட்டம்  நடத்தி  உள்ளார்கள்!   உழைக்கும் மக்களின்  இந்த எதிர்ப்புணர்வால்  பிராமணர்கள்  தங்களது  நிலையை  கைவிடவில்லை. பொதுமக்களை  ஒடுக்கும் செயல்கள்,   பிராமணர்களின் அடக்குமுறையும்  பிற இனமக்களை  பாதிக்கும்  செயல்களும்  நின்றுவிடாமல்  தொடர்ந்து வந்துள்ளது என்பதையே, இடங்கை-வலங்கை போராட்டம்  கி.பி.11 -ஆம் நூற்றாண்டு  தொடங்கி, 19 -ஆம் நூற்றாண்டுவரைஇடங்கை-வலங்கை போராட்டாம் நீடித்து  வந்துள்ள  வரலாறு  நமக்கு  உணர்த்துகிறது!


 இவ்வாறு நீடித்து வருவதற்கு  காரணம், அரசனும்,ஆட்சியாளர்களும்  உழைக்கும் மக்களின் உரிமைப்போராட்டத்தைப்  பற்றி  புரிந்து கொள்ளாமலும்  அவர்களது கோரிக்கைகளை  எற்றுகொல்லாமலும்  இருந்து வந்ததும், அவ்வாறு  இருக்கும்படி "ஆரியமாயை"மூலம்  பிராமணர்கள், அரசர்களையும் ஆட்சியாளர்களையும் ஆக்கியிருந்த நிலையும் எனலாம்!


        " கிராமங்களில் அன்றாடச் செயல்பாட்டில் தலையீடு செய்தும், அதன் செயல்முறைகளை  தங்களுக்குச் சாதகமாக ஒழுங்கு படுத்தினர். கோயில்களிலும்,கோயில்களில் இருந்த கருவூலங்களையும்  தங்களது கட்டுப்பாட்டில் கொண்டுவந்த  நிலையை பிராமணர்கள் அடைந்ததும், தங்களை நிலச்சுவான்தார்கள் போல எண்ணிக்கொண்டு,அரசின் பெயராலும் ஆலயத்தின் பெயராலும் கிராம மக்களிடம் இருந்து, நிலவரி,வீட்டுவரி ஆகியவற்றைப்  பிரித்தனர். பொருளாதாரத்தில் பின்தங்கிய நிலையில் காணப்பட்ட குடிமக்களை  அரசின் பெயராலும்,சமயத்தின் பெயராலும் ஒடுக்க முற்பட்டனர். இவ்வாறு, ஒடுக்கப்பட்ட மக்களை இடங்கையினர் என முத்திரைக்  குத்தினர். நிலமைக் கட்டுக்கடங்காமல் போகவே, புறக்கணிக்கப்பட்ட இடங்கைப் படையினர் சமயத்தின் பெயராலும்,அரசின் பெயராலும் ஏகபோக வாழ்க்கை வாழ்ந்த  பிராமணர்களுக்கு எதிராகக் கிளர்ச்சி செய்தனர்.பிராமணர்களுக்குப் பாதுகாப்பு அளித்த ஆலயங்களை  இடித்து தள்ளியதோடு,பண்டாரங்களையும் (கருவூலங்களையும்) சூறையாடினர். நில உடமையை எதிர்த்த இவர்கள் வரி கட்ட மறுத்தனர். பிராமணர்கள் தங்கிய இடங்களும் நிர்மூலமாக்கப் பட்டன." என்று  வலங்கை-இடங்கைப் போராட்டம் குறித்து டாக்டர்.அ.தேவநேசன் தனது 'தமிழக வரலாறு' நூலில்( பக்கம்-266 ,267 )கூறுகிறார்!


       "முதலாம் குலோத்துங்கன்(கி.பி.1070 -1120 )  சோழ அரசனாக  இருந்தபோது, கி.பி.1071 -யில் இடங்கை-வலங்கைப் போராட்டம் மிகக்கொடூரமாக நடந்தது.பிராமணர்கள் தங்கிய சதுர்வேதி மங்கலத்தை மக்கள் தீகிரையாக்கியதாக கல்வெட்டுகள் குறிப்பிடுகின்றன. பிராமணர்கள் ஆலயங்களைத் தவறான முறையில் தங்களுக்கு  சாதகமாகப் பயன்படுத்தியதால் சமூகத்தில் விரிசல்கள் ஏற்பட்டன" (ஆதாரம்:தமிழக வரலாறு,டாக்டர்.அ தேவநேசன்)


இடங்கை வலங்கைப்  போராட்டம் குறித்த பொதுவான தகவல்கள்:

       போராட்டம் குறித்த செய்திகள்  பொதுவாக ஏதாவது ஒரு கோயிலை மையமாக கொண்டே  குறிக்கப்பட்டு  இருக்கும்.


   அரசனுடைய அதிகாரிகள்,படைவீரர்கள் பற்றிய குறிப்புகளாக இருக்கும்.


         பெரும்பாலும்  உழைக்கும்,உரிமைகோரும் மக்களின் பிரிவான இடங்கைப் பிரிவினர் பாதிக்கப்பட்டதாக  செய்திகள் இருக்கும்.

          இவர்களைத் துன்புறுத்துபவர்களாக பிராமணர்கள்,வெள்ளாளர் போன்றவர்களைப் பற்றி மிகுதியாகவும்,மற்ற உயர்சாதி நில உடமையாளர்களைப்  பற்றி ஓரளவும் குறிப்புகள்  இருக்கும்.


       சில கல்வெட்டுகளில் இடங்கை,வலங்கை இரு பிரிவினரும் இணைந்து, பிராமண,வெள்ளாள  நில உடமையாளர்களை  எதிர்த்ததாக  இருக்கும்.


           பிராமணர்களின் ஆதிக்க மனப்பான்மை, அவர்களது  இன நலனும் ,சமய வெறியும்,காரணமாக  நடந்த இடங்கை-வழங்கிப்  போராட்டத்தில்  தமிழக அரசர் பலரும்  பிராமண ஆதரவாளர்களாகவே  செயல்பட்டு, உரிமை கோரிப் போராடிய, இழந்த உரிமையை கேட்ட  உழைக்கும் மக்களின்  போராட்டத்திற்கு எதிராக  நடந்துகொண்டும், பிராமணர்கள்,  நில உடமையாளர்களுக்கு  ஆதரவாக  செயல்பட்டும்வந்துள்ளார்கள். !

       உழைக்கும் மக்களை  அடக்கி, ஒடுக்கி,அடிமைப்படுத்தும்  பிராமணிய,  பாசிசசெயல்களுக்கு  ஆதரவாக இருந்துள்ளதை  இடங்கை-வலங்கைப் போராட்டம்  உணர்த்துகிறது!

Thursday, 26 April 2012

நக்கன் பரவை என்னும் ஆடல் மகள்,அனுக்கியர்!

        நக்கன் பரவை  என்னும் ஆடல் மகள்,அனுக்கியர் மீது ராஜேந்திர சோழன்  கொண்ட காதல்{?} தமிழகத்தை  பிராமணர்களின் ஆதிக்கத்தில்  கொண்டுவருவதற்கு  பெரிதும் உதவியுள்ளது!


    நக்கன் பரவை என்ற ஆடல் மகளிர்,அனுக்கியர் தனது   காதல் என்ற அஸ்திரத்தால் கங்கை முதல் கடாரம் வரை  வென்ற மாமன்னன்  ராஜேந்திரனை, எளிதில் வீழ்த்திய விந்தையை  தமிழக வரலாற்றில், அறிந்தவர்கள் குறைவுஆகும்!  

     திருவாரூர் கோயில் வரலாற்றில் அழியாத இடத்தைப் பிடித்திருக்கும் ( பல கல்வெட்டுகளில்) இவரை தெய்வமாகவும் ஆகியுள்ளதுடன்,ஒரு பட்டத்து ராணிக்கும் கிடைக்காத சிறப்புகளை இவளுக்கு கிடைக்கும்படி செய்துள்ளனர். 
காரணம், இந்த ஆடல்மகளிரான  நக்கன் பரவை என்பவர்,விருப்பத்தின்படி ராஜேந்திரசோழன்  தனது 18  -ஆவது ஆட்சியாண்டில், திருவாரூர் தியாகேசர்  கோயிலை  கற்றளியாக (கற்கோவிலாக-  கி.பி.  1028 -யில்) எடுத்திருந்தான்!

     திருவாரூர்   கோயிலுக்கு  பரவை நாச்சியாரும் வீதி விடங்கன் கருவறையின் வெளிப்புற  உபனாதி ஸ்தூபி வரையும்  உட்புறம் முழுவதும்  பொன் தகடுகள்  போர்த்த, தனது பங்குக்கு 20643  பொன் கழஞ்சும்,மகாமண்டபத்தின் விதானத்  தூண்கள்  அத்தனையையும்  செப்புத்தகடுகள்  போர்த்தவும்  42000  -பலம் செம்பும்  கொடுத்ததாக கல்வெட்டுகள் தெரிவிக்கின்றன.

" கோப்பரகேசரி வன்மரான
 உடையார் ஸ்ரீ ராஜேந்திர சோழ தேவருக்கு யாண்டு
 இருபதாவது உடையார் ஸ்ரீ ராஜேந்திர சோழ தேவர் அனுக்கியார் 
பரவை நங்கையார் ஷத்திரிய சிகாமணி வளநாட்டு 
திருவாரூர் கூற்றத்து திருவாரூர் உடையார் 
வீதி விடங்கத் தேவர் திருக்கற்றளி எடுப்பித்து
உடையார் வீவிடங்க தேவர் 
அனுகியார் பரவை நங்கையார் யாண்டு 
௧௮ (18 ) வது நாள் ௩௮ (38 )முதல் 
நாள் ௧௯௯ (199 )  வரை உடையார் 
வீதி விடங்கர் கோயிலில் குடத்திலும் 
பத்மத்திலும்  கம்பிலும் சிகரத்திலும் வாய் 
மடையிலும் நாலு நாசியிலும் உள் குட்டதிலும் 
ஆக பந்தயம் கழன்சொடு ஆயிரத்து 
 ஒன்றினாலும் முக்கழ்ன்சோடு
ஆயிரத்து நானூற்றிமுப்பத்தெட்டினாலும் 
 இரு கழன்சொடு இரண்டாயிரத்து ஒரு
 நூற்று ஒரு பத்தெட்டினாலும்...." என்று கல்வெட்டு தொடர்ந்து விவரிக்கிறது!

      இவைகள் எல்லாம் நக்கன் பரவை  என்னும் ஆடல் பெண்ணுக்கு,எப்படி வந்தது?  எனபது  சர்சைக்குரிய ஒன்று! ஆயினும்,அதனை கோவிலுக்கு கொடுத்ததாலேயே  பரவை நாச்சியார், பிராமணர்களின் போற்றுதலுக்கு உரியவராகி,தெய்வமாக வழிபாடும் நிலைக்கு  ஆளாக்கப்பட்டு உள்ளார்! 

   பரவை நாச்சியார் என்ற  இந்த பெண்ணின் வீட்டிற்கு  இந்த கோயிலில் உள்ள இறைவன்  வீதிவிடங்கன்  சிவனடியாரும்  அறுபத்து மூவரில்  முக்கியமான ஒருவருமான  சுந்தரர்  என்பவருக்கு  தூது சென்று  தன் பொன்னடிகளை நோகச் செய்தது  எல்லாம் பெரிய புராணத்தில்  விரிவாக வெளிபடுத்தப்பட்டு இருக்கும்!
  
  ஆரூரான் கோயிலுக்கு ராஜேந்திரனும் பரவை நாச்சியாரும் கி.பி.1030 -யில் ஆரூர் வீதியில்  தேர்பவனி வந்து, இறைவனை தரிசித்தனர். இவர்கள் நின்று வணங்கிய  இடத்தை  (புனித இடமாக( ?)  கருதவும்} ஞாபகச் சின்னமாக   ஒரு குத்து விளக்கு ஏற்றியுள்ளனர்! 
    
   "உடையார் ஸ்ரீ ராஜேந்திர சோழ தேவரும் அனுக்கியார் பரவை நங்கையும் நிற்குமிடத் தெறியும்  குத்து விளக்கொன்றும்" என்று இக்கோயிலில் உள்ள ராஜேந்திரசோழனின்  கல்வெட்டு அதனைத் தெரிவிக்கிறது! 

     அதாவது நக்கன்  பரவை நாச்சியாருக்கு ராஜேந்திர சோழன்  பட்டத்து ராணிக்கும் கொடுக்காத சிறப்பைக் கொடுத்து  கொண்டாடி இருக்கிறான்! கூடிக் கலந்து,கலவி செய்து வந்துள்ளான் என்பதை  இதன்மூலம்  நாமும் புரிந்துகொள்ள முடிகிறது!

      நக்கன் பரவை மீது இருந்த  காதல் மயக்கத்தால்,   ஒரு ஊருக்கு "பரவை புரம்" என்று  பெயரிட்டு  அங்கு  "பரவைஈச்வரம் "என்ற  கோயிலையும் ராஜேந்திரன்  கட்டியுள்ளான்  என்பதில்  இருந்தே,  அனுக்கியர் நக்கன் பரவையின்  மீது,   எந்த அளவு ராஜேந்திரன்  மையல்  கொண்டு இருந்தான்  என்பதனை  நாம் அறிந்து கொள்ளலாம்! 

       "பிறன் மனை  விழையாமை"  "கள்வத்தால் கள்வோம் எனல் " போன்ற திருவள்ளுவரின்  அறநெறியை,உயர் நெறியை  ராஜேந்திரனுக்கு   பிராமணர்கள்  போதிக்கவில்லை!  கோயில்கள் பிராமணர்களின்  ஆதிக்க இடங்கள் என்பதால்,"  எப்படியோ, தங்களது ஆதிக்கமும் செல்வாக்கும்  வளர்ந்தால் போதும்" என்ற நினைப்புடன்    ராஜேந்திரனின்  தவறான  செயலை கண்டிக்காமல்,தடுத்து நிறுத்தாமல்,அங்கீகரித்தும்,   அனுமதித்தும் வந்துள்ளனர்!
    
       தங்களது ஆதிக்கத்துக்கு  உதவிய  பெண்ணாக  பரவை நாச்சியார்  இருந்ததால், திருவாரூர் கோயிலில் இரண்டாம் பிரகாரம்  வடமேற்கு மூலையில் உள்ள "ஆனந்தேசம்"  என்னும் கோவில் மாடத்தில் " பரவை நாச்சியாரும் ராஜேந்திர சோழனும் உள்ள கற்சிலை",  கோவில் ஆய்வின்போது கண்டுபிடிக்கப்பட்டது! 

      கண்டுபிடித்தவர்,  சோழர்களின் வரலாற்றை விரிவாக ஆய்வு செய்த "முனைவர் குடவாயில் பாலசுபிரமணியன் "அவர்கள்! இவரால் கண்டுபிடிக்கப்பட்ட  ராஜேந்திரனின் படிமத்தைத் தவிர , ராஜேந்திரனின் உருவச் சிலை  ஒன்றுகூட  இன்று தமிழகத்தில் இல்லை!


        சரி.பரவை நாச்சியார் என்ற ஆடல்மகள், பணிப்பெண்,ராஜேந்திர சோழனுக்கு  அனுக்கியராக, காதலியாக  இருந்தார்!

     அவர்க்கு  சிலைவைத்து,சிறப்பு செய்து, தெய்வமாகியது  யார் தெரியுமா? ராஜேந்திர சோழனின்  மகன்தான்! அவனது பெயர், "விஜய ராஜேந்திர தேவர்" என்னும் "முதலாம் ராஜராஜன்"என்பதாகும்! 

      தனது தாயாருடன்  சேர்த்தோ, அல்லது தனியாகவோ, தனது தந்தைக்கு  சிலைவைத்து சிறப்பு செய்யாத  முதலாம் ராஜராஜன்,தந்தையின் காதலியான, " பரவை நாச்சியாருடன்  சேர்த்து,தந்தை ராஜேந்திர சோழனுக்கு   சிலைவைத்து,நிலங்கள் அளித்து வழிபட்டான்"  என்ற செய்தியை  ஆரூர் கோவிலில் உள்ள கல்வெட்டே தெரிவிக்கிறது! 

       பிராமணர்களின் ஆதிக்கமும் அனுசரணையும் இல்லாவிட்டால்  இப்படிஎல்லீம்  செய்ய முடியுமா? நடக்கமுடியுமா?


    முதலாம் ராஜராஜனுக்கும்  ஒரு அனுக்கியர் இருந்தார்!  "அதாங்க, 'காதல் பைங்கிளி', 'காதல் கள்ளி'  ஒருத்தி  இருந்தார்! 

          அவரது பெயர்,"பல்லவன் பட்டாலி  நங்கை என்பதாகும். 
அவரும் அற உள்ளமும், பக்திப் பெருக்கும் உள்ளவராம்! அவரது வேண்டுகோளுக்காகவும்  ராஜேந்திர சோழனின் மகனும்  வழித் தொன்றலுமான, விஜய ராஜேந்திர தேவர் என்னும் முதலாம் ராஜராஜன், எறத்தாழ ஒரு லட்சம்  செம்பொன் கொண்டு,  ஒருகோவிலை  பொன் தகடுகளால்   போர்த்தி இருக்கிறான்! 

          யாருக்காக? இதுவெல்லாம் யாருக்காக? "காதலுக்காக!" காதல்வழி கோவிலுக்காக, கோவில்  வழி பிராமணர்களுக்காக,பிராமணர்களின்  இன மேன்மை,ஆதிக்கம், சுக போகத்துக்காக!   என்று சொல்லலாமா?  
   
     சரி, இவைகள் எல்லாம் அரசனின் கூத்துகள்! ஆட்சியாளர்களின்  திருவிளையாடல்கள்!!
          பிராமணர்கள் ஆதிக்கம் பெறுகிறார்கள்! மக்கள் எப்படி இவைகளை எல்லாம் பார்த்துக் கொண்டு,கண்டும் காணாமல், சகித்துக் கொண்டா  இருந்தார்கள்?

             இல்லை! பொங்கிப் புழுங்கி கிடந்தார்கள்!நடப்பவைகளைப் பார்த்து,  ஒருகட்டத்தில்  தாளமுடியாமல்,  பயங்கரமாக எதிர்க்கத் தொடங்கினார்கள்! அப்படி எதிர்த்த போது,தமிழகத்தில் கோவில்கள் கூட இடிக்கப்பட்டன!  கோவில்களை மையமாக வைத்தே  போராடினார்கள்! எதிர்ப்பு தெரிவித்தார்கள் ! இதனால், மக்களுக்கும், ஆதிக்க சக்திகளுக்கும் இடையில் நடந்த இந்த போராட்டத்தின்  விளைவாக, தெருக்களில்  ரத்த ஆறு ஓடியதாக  சரித்திரத்தில் குறித்து வைத்துள்ளார்கள்! 

      அந்த மக்கள் போராட்டமே,  வரலாற்றில் "இடங்கை,வலங்கைப் போராக" சொல்லப்பட்டு உள்ளது! 
 
   அடுத்து அதனைப் பாப்போம்!
(   படித்துறை கணேஷ் என்று நினைவு..இவ்வளவு கொடுமைகள் நடந்துள்ளதாக சொல்லுகிறீர்கள்! தமிழர்கள்,நம் முன்னோர்கள்  எல்லோரும்  முட்டாள்களாகவா இருந்தார்கள் ? என்று கேட்டார். அவர் கேள்விக்கு பதிலும் அடுத்த பதிவுதான்! )

 

Tuesday, 24 April 2012

பிராமணர்களின் நலனில் ராஜேந்திர சோழனின்!

       ராஜராஜ  சோழன்  உயிருடன்  உள்ளபோதே  ராஜேந்திர சோழன் கி.பி.1012 -யில் அரசனாகி உள்ளன்! அவன்  அரசனாகஆவதற்கு  பிராமணர்களின்  பங்களிப்பும்,உதவியும்  இருந்துள்ளது எனபது வரலாற்றில்  இருந்து அறியும்வகையில்  சான்றுகள் உள்ளன.
      குந்தவை நாச்சியார் மதம் மாறிய பின்பு, பிராமணர் தங்களது நலனைக் காக்க  ராஜராஜன்  உதவ மாட்டான் என்பதை அறிந்து, ராஜராஜனை அரச பதவியில் இருந்து ஒதுக்கி,அவன் மகன் ராஜேந்திர சோழனை  அரசனாக்கி உள்ளார்கள்!  ராஜராஜனும் அவனது மனைவி திரிபுவன மாதேவியும் "ஹிரணிய கர்ப்பம்" புகுந்த செயலும்  அதன் காரணமாக  நடந்த செயலாகவே  விளங்குகிறது!

          ராஜேந்திர சோழன் அரசனான பிறகு, பிராமணர்களுக்கு  அவனது தாயாரான  "திரிபுவன மாதேவி" பெயரில்  சதுர்வேதிமங்கலத்தை  உண்டாக்கி,   ஐம்பத்தொரு   கிராமங்களையும்  அதற்கு  உரிய நிலங்களையும் இறையிலி நிலங்களாக்கி,( இறையிலி நிலம்-அரசுக்கு எந்த வரியும்  கொடுக்காமல்  அனுபவிக்கும் நிலங்கள்) 1080 -பிராமணர்களுக்கு தானமாக  கொடுத்துள்ளான்! 

      இந்த நிகழ்ச்சியை  கரந்தைச் செப்பேடுகளின்  மன்னர் மரபுப் புகழ்ச்சி( பிரசஸ்தி )செய்யுள் 67 ,68 -ஆகியவை கூறுகிறது!
       மதுராந்தகன் (ராஜேந்திரன்),"தனது தாயின் பெயருள்ள அக்ரகாரத்தை அய்ம்பதொரு கிராமங்களோடு  கூடினதாகச் செய்தான்" 
       மதுராந்தகன் (ராஜேந்திரன்),"நாளும் விழாக்கள் நிறைந்த தனது நாட்டில்,நிலைத்த செல்வம் படைத்த பல ஆசிரமங்களை அந்தண சிரேஷ்டர்களுக்கு அன்புடன் கொடுத்தான் " என்பதில்  இருந்து   பிராமணர்களின் நலனில் ராஜேந்திர சோழனின் பங்களிப்பு,அக்கறை  குறித்து நாம் அறிந்துகொள்ள  முடிகிறது! 
       " கரந்தைச் செப்பேடுகளின் பத்தாவது ஏடு, நித்தவினோத வளநாட்டு வீரசோழ வளநாட்டு திரிபுவனமதேவிச் சதுர்வேதி மங்கலம் என்னும்  பெயரால், யாண்டு எட்டாவது முதல் பிரமதேய இறையிலி செய்து" என்று கூறுவதில் இருந்து, அந்தபகுதி சோழநாட்டின் எந்தபகுதி என்பதும்  எப்போது கொடுக்கப்பட்டது என்பதையும் தெரிவிக்கிறது!
      அதாவது,ராஜராஜன் இறந்து ஐந்து ஆண்டுகளிலேயே  ராஜேந்திர சோழன் பிராமணர்களின் ஆதரவாளனாக முழுமையாக ஆகிவிட்டான் என்பதை  உணர்ந்து கொள்ளலாம்! 

      இவ்வாறு ராஜேந்திர சோழன் ஆனதால்,அல்லது ஆக்கப்பட்டதால்  பரம்பரையாக தனது முன்னோர்கள் தலைநகராக  ஆண்டுவந்த தஞ்சையை கைவிட்டு, தனது பத்தாவது ஆட்சியாண்டு முதல்,  இன்று பெரம்பலூர் மாவட்டம்,உடையார்குடி  வட்டத்தில் அமைந்துள்ள கங்கைகொண்ட சோழபுரம் என்ற நகரத்தை புதிதாக உருவாக்கி, அங்கிருந்து ஆட்சிசெய்து  உள்ளான்!

தலை நகரை கங்கைகொண்ட சோழபுரத்துக்கு  மாற்றியதன் மூலம் விசயாலய சோழன் தொடக்கி முதலாம்  ஆதித்தன், முதலாம் பராந்தகன், கண்டராதித்தன், அரிஞ்சய சோழன்,சுந்தர சோழன்,அதித்ய கரிகாலன், மதுராந்தக உத்தம சோழன், ராஜராஜ சோழன் என்று  சோழர்களின் தலைநகராக 176 -ஆண்டுகள்  வடக்கே துங்கபத்திரை ஆறு,வடகிழக்கே ஒரிசா மாநிலத்து கலிங்கம் , கிழக்கே வங்கக்கடல், தெற்கே பன்னீராயிரம் என்னும் லட்சத் தீவு, மாலத் தீவு வரை விரிந்து பரவியிருந்த நிலப்பரப்பின் தலைநகரமாக விளங்கிய தஞ்சையின் தனிச்சிறப்பு குன்றியது!,
       அதன் விளைவு, பொன்னால் போர்த்தப்பட்ட பொற்கிரி, தட்சிண மேரு,பெரிய கோயில்  என்ற " ராஜராஜெச்வரம்"  கோயிலின்  பொன்னும்,கருவூலமும், ஏராளமான செல்வங்களும்  பொக்கிஷங்களும்  பிராமணர்களின் கட்டுப்பாட்டுக்கு  வந்துள்ளது!

        பாதுகாப்பற்ற  நிலையைத் தஞ்சை அடைந்ததால், பாண்டியன் மாறவர்மன் சுந்தர பாண்டியன் கி.பி. 1218 -யில் படையெடுத்து வந்து,தஞ்சையை முழுமையாக அழிக்க முடிந்தது!  சோழனின் அரண்மனை தரைமட்டமாக இடிக்கப்பட்டது!தஞ்சைக் கோயிலை சேதப்படுத்தவும் முடிந்தது!

        மாலிக்காபூர் வருவதற்கு(முன்பே,தஞ்சை தனது அதிகாரத்தை பிராமணர்களிடம் இழந்து,பாண்டியனிடம் இழந்து விட்டிருந்தது! தஞ்சைத்   தரணிபிராமண ஆதிக்கத்தால் பஞ்சை பூமி ஆகிவிட்டது!

     ஆனால், இவைகள்  யாவும் வரலாற்றில் விரித்து, கூறத்தான் யாரும் முன்வரவில்லை! காரணம்,பிராமணீயத்தின் திருவிளையாடல்கள், குறித்து  நமக்கு  தெரிந்துவிடும் வாய்ப்பு உள்ளதாலும், அப்படி தெரிய நேரிட்டால்   முஸ்லிம்களை  ஆக்கிரமிப்பாளர்கள்,  இந்துமத விரோதிகள், என்று பிராமண  ஆதிக்கத்தை விரும்புவோர்களால்  முஸ்லிம்களை   காட்ட முடியாது என்பதாலும்தான்!!


      பிராமணீயம் என்ற பாசிசத்தின் செயல்திட்டங்களில், ஆட்சி அதிகாரத்தைக் கைப்பற்ற மேற்கொள்ளும்  தந்திரங்களில் ஒன்று,பெண்களை  கருவிகளாக பலவழிகளில் பயன்படுத்தி வருவதாகும்! 

    " கி.பி.1012 -யில் நன்றி கேட்ட பார்ப்பன வேதியக் கயவர், தமக்கு முதன்முதலில்  மாபெரும் கோயில் கட்டிக் கொடுத்து உதவிய முதலாம் ராஜராஜ சோழன் உயிரோடு இருக்கும்போதே,அவனை அரியணைவிட்டுக் கீழே இறக்கிவிட்டு, அவன் மகனை  ஆரிய மாயையில் மூழ்கி மயக்கி, முதலாம் ராஜேந்திர சோழன் என்று புகழ்ந்து கூறி அரியணை ஏற்றி ஆசீர்வதித்துப் பகட்டான பட்டாபிஷேகம்  செய்துவைத்து ,தங்களது பணப்பெட்டிகளையும்  நிரப்ப முற்பட்டனர்! "  என்று எஸ்.டி.விவேகி என்பவர் தனது "வேதமும் விஞ்ஞானமும்" என்ற நூலில்( பக்கம் 104 யில்) கூறுகிறார்!

    "ஆரிய மாயையில் மூழ்கி,மயக்கி"  என்று குறிப்பிடுவது  பெண்களை ராஜேந்திரனுடன் பழகவிட்டு,அவர்களின் மூலம் தங்களது நோக்கத்தை பிராமணர்கள்   நிறைவேற்றி
வருவதை என்று  அறியலாம்!

         பிராமணர்களின் நோக்கத்தை நிறைவேற்றும்  ஆரிய மாயையாக,   இருந்த  பரவை நாச்சியார் என்பவளின் தூண்டுதலால், விருப்பத்தின் பேரிலே... கட்டப்பட்டதுதான்,  திருவாரூர், "தியாக(?)ஈஸ்வரர்" கோயிலாகும்!

        இந்த கோயிலில் பட்டத்து  அரசியைப் போல, ராஜேந்திர  சோழன் பரவை நாச்சியாருடன் சென்று ஒன்றாக வழிபட்டனர்! 

       அதுமட்டுமின்றி, அவர்கள்  நின்று வழிபட்ட இடத்தில்  விளக்கு வைத்து  வழிபட,நிவந்தம் அளித்து,ஏற்பாடு செய்யப்பட்டு இருந்தது!

       அதாவது, கள்ள உறவு வைத்துள்ள பெண்ணின் கைப்பாவையாக  சில பெரிய மனிதர்கள் செயல் பட்டு வருகிறார்களே?!  அத்தகைய   சூழ்நிலைக்கு உதாரணமாக  பரவை நாச்சியார்,ராஜேந்திர சோழனின் உறவை  சொல்லலாம்! 

     அதிகாரத்தைத் தக்கவைக்கவும்,தொடர்ந்து அதிகார மையமாக பிராமணர்கள்  இருந்துவரவும் விரும்பி, பிராமணீயம்   செய்துவந்த  சேவைகளில் இதுவும் ஒன்று!  எஸ் .டி விவேகி என்பவர்   தனது நூலில்   குறிப்பிட்டு   உள்ள   ஆரிய மாயை  என்பதும்   இதுதான்!
 

    

Tuesday, 17 April 2012

பிராமணர்கள் ஆதிக்கத்தை தடுத்த ராஜராஜ சோழன்!

      உத்தம சோழனால்  ஆதரிக்கப்பட்ட  பிராமணர்களின்  ஆதிக்கத்தை  ராஜராஜ சோழன் ஆட்சிக்கு வந்தபோது,தடுக்கும்  செயல்களில் ஈடுபட்டு  வந்துள்ளான்!

         தனது அண்ணன்  ஆதித்ய கரிகாலனைக்  கொன்றவர்களை  கண்டுபிடிக்காமலும்,கண்டுபிடித்து  தண்டிக்காமலும்,கொலையாளிகளை நாட்டிற்கு  அறிவிக்காமலும்  இருந்த நிலையை உணர்ந்து, ஆட்சிக்குவந்த  இருஆண்டுகளில்  கண்டுபிடித்து, அவர்களது  சொத்துக்களைப் பறிமுதல்  செய்து, "திருவநேந்தேசுவரத்து" கோயிலுக்கு  ஒப்படைக்கும்  பணியைச் செய்தான்!

       இந்த பணியை ராஜராஜனின் ஆணைக்கு  இணங்கி, " கோட்டையூர் பிரம்ம ஸ்ரீ ராஜனும்,புள்ளமமங்கலத்து சந்திர சேகரனும் செய்தனர்"  என்று( Epigrapic india volume XXI. No.27) தெரிவிக்கிறது! 

        ராஜராஜனின்  மெயகீர்த்தியாக (புகழ்ந்துரைக்கும் ) பாடல் ராஜராஜனின் வெற்றிகளைப் பற்றி கூறுகிறது!
       அதில் இடம் பெற்று உள்ள"  காந்தளூர் சாலை கலமருத்தருளிய"   எனபது  பிராமணர்களின் பொறுப்பில் இயங்கிவந்த  இடம் எனவும், அங்கு பிராமணர்களுக்கு  ஆட்சி,அதிகாரம் குறித்த பயிற்சி( இன்றைய ஐஏஎஸ்,ஐபிஎஸ்  போல)அளிக்கப்பட  கல்விசாலை எனவும், தனது ஆட்சியில் பிராமணர்கள்  தன்னிச்சையாக  இதுபோன்ற பள்ளியை நடத்துவதை தடுக்கவும்,பிராமணர்களின் ஆதிக்கத்தை ஒடுக்கவும்தான்  காந்தளூர் சாலையின் மீது  படைஎடுத்தான்.  இந்த இடம் சேர நாட்டில் இருந்தது! என்றும்  அதனாலேயே,  ராஜராஜனின் மெய்கீர்த்தி  அதனைப் போர் என்று கூறாமல்  "காந்தளூர் சாலை களம் அறுத்து அருளிய" என்று  கூறப்பட்டு உள்ளது என்று தனது  சோழர்கள் சமயம் என்ற நூலில்  டாக்டர் .ஆ.பத்மாவதி  அவர்கள்  குறிபிடுகிறார்.!

        பிராமணர்களின்  ஆதிக்கத்தைத்  தடுக்க,  ராஜராஜன்  அவர்கள் அறியாதபடி பல்வேறு நடவடிக்கைகளை  எடுத்தான்.ஆதலால்  ராஜராஜனுக்கு  அவனது இறுதிகாலத்தில் அந்தணர்களின் ஆதரவு  குறைந்தது  என்று  தனது சோழர்கள் நூலில்  கே.எ.நீலகண்ட சாஸ்திரியும்  குறிபிடுகிறார்!
          ராஜராஜனது  ஆட்சியில்  மக்களின் நலனை முன்னிட்டும், அந்தணர்களின்  ஆதிக்கத்தைக் குறைக்கவும், நிர்வாகத்தை  எந்த சிக்கலும்  இன்றி  நடத்தவும்  செய்த  செயல்களில்  ஒன்றாகவே,குட ஓலைத் தேர்தலும்  உள்ளது!

         இந்த குடவோலைத்  தேர்தல் மூலம்  தனது  ஆட்சிப்பகுதியை  நேரடியாக  ராஜராஜனால்  நிர்வாகம்  செய்ய முடிந்தது!
   குடவோலைத் தேர்தலை நியாயமாக நடத்தவும், நியாயமாக நடப்பதைக் கண்காணிக்கவும்  தனது நம்பிக்கைக்கும்,  மரியாதைக்கும்  உரிய  சகோதரி  குந்தவை நாச்சியாரை  நியமித்து இருந்ததை  திருமழபாடி  கோயில் கல்வெட்டுகளும் தெரிவிக்கின்றன.!
 
         குட ஓலைத்  தேர்தல் மூலம்  தேர்வுபெற்றவர்களும், அரசு அலுவலர்களும்  கோயிலுக்கு  வரும்  வருவாயை  கண்காணித்தும், தணிக்கை செய்தும்  வந்ததன் மூலம்  பிராமணர்கள்  கோயிலின் ஏகபோக அதிகாரத்தை  பெறுவது  தடுக்கப்பட்டது! அதுமட்டுமின்றி, தவறு செய்யும் பிராமணர்களுக்கு  தண்டனையும்,அபராதமும் வழங்கப்பட்டதையும்  திருப்பனந்தாளில் உள்ள ஒரு  கல்வெட்டு  அறிவிப்பதில் இருந்தும்  அறிகிறோம்!


     திருப்பனந்தாளில் உள்ள அக்கல்வெட்டு,ராஜராஜனின் அரசியல் அதிகாரிகள்  கோயில் பண்டாரத்தை  கருவூலத்தை  தணிக்கைச் செய்தபோது, கோயில் அர்ச்சகர்கள் (பிராமணர்கள்) மூன்றுமுறை நகைகளையும் பரிகலங்களையும் திருடியுள்ளது கண்டுபிடிக்கப்பட்டு, அரசன் முன்னினையில் அவர்கள் விசாரிக்கப்பட்டு ,அர்ச்சகர்களுக்கு  ஐநூற்று நாற்பது காசு அபராதம் விதிக்கப்பட்டதை அக்கல்வெட்டு  தெரிவிக்கிறது!
   
    மேற்கண்ட கல்வெட்டு மூலம் ,பிராமணர்கள்  கோயிலில் உள்ள  பொன்,முதலானவற்றை  தன்னிஷ்டம் போல எடுத்து,(திருடி) பயன்படுத்தியும் வந்தனர்  எனபது தெரியவருகிறது! 


      கோவிந்த புத்தூரில் உள்ள கோயிலுக்கு விஜய மங்கலத்தை  சேர்ந்த  செத்தப்பெரரசன் வெண்ணைய ராம விட்டன் என்ற அதிகாரி, கோயில் பணியாளர்களிடம் அதிகாரம்  செலுத்தும் உரிமையைப் பெற்றிருந்தான்  எனவும் அவன் தனது அதிகாரத்துக்கு  கீழ்படிய மறுத்த பிராமணர்களுக்கு இருபத்தைந்து பொற்காசு  அபராதம் விதிக்கும் உரிமையுடையவனாக  இருந்தான் எனவும் ராஜேந்திரனின் எலாம் ஆட்சியாண்டு கல்வெட்டு அறிவிக்கிறது!


        ராஜேந்திரனின்  ஏழாம் ஆட்சியாண்டு எனபது,  ராஜராஜனின் இறப்புக்குப் பின்வரும் (கி.பி. 1017 ) நாலாம் ஆட்சி  ஆண்டாகும்! 

       ராஜராஜன் காலத்தில் அதிகாரிகள் பெற்ற உரிமைக்கு  கீழ்படிய பிராமணர்கள் மறுத்து உள்ளது  இதன்மூலம் தெரிய வருகிறது! 
         மேலும் ஆட்சியதிகாரத்தை  தங்கள்  விருப்பம்போல  பயன்படுத்தும் குண இயல்பு  உள்ள   பிராமணர்கள், தங்களை  பிறர் கட்டுபடுத்தி,கீழ்படிய  செய்வதை விரும்புவதில்லை!   என்பதையும் உணர்த்துகிறது !


       இவ்வாறு அந்தணர்களின் ஆதிக்கத்தைக் குறைக்க,  குட ஓலைத் தேர்தல், கோவில்களைக் கண்காணித்து, தவறுகள் செய்தது  தெரியவந்தால்  தண்டனை,அபராதம்  விதிப்பது  போன்ற செயல்களில்  ராஜராஜன்  ஈடுபட்டு வந்துள்ளது  அறியவருகிறது! 

    பிராமணர்கள்  அதனாலேயே    ராஜராஜன்  உயிருடன்  உள்ளபோதே, அவனது மகனான  மதுராந்தகன்  என்ற  பெயருடைய  ராஜேந்திரனை  அரசனாக்கி, அவனை  தங்களது ஆதரவாளனாக   ஆகியுள்ளனர்!

      உத்தம சோழன் போலவே,ராஜேந்திரனும்   பிராமணர்களின்  ஆதரவாளனாக ஆட்சி செய்து வந்ததால்,  பிராமணீயம்  என்ற பாசிசம்  தமிழகத்தை எளிதில் தன்வசப்படுத்த  முனைந்து, பல்வேறு  செயல்களை  செய்துவந்துள்ளது!


      பிராமணர்களின்  ஆதரவாளனாக தனது  தாயாரின் பெயரான  திரிபுவன மாதவி என்ற பெயரில்  சதுர்வேதி மங்கலமாக்கி, 1080 -   பிராமணர்களுக்கு 51 -ஊர்களுடன் சில புறநிலப் பகுதிகளையும்   சேர்த்து,   காவிரியின்  சுவையான நீர்பெருக்குவிளைநிலங்களை பிரமதேயமாக  கொடுத்து  தனது பிராமண   ஆதரவைத் தெரிவித்து உள்ளான்! இவனது இந்த  செயலை கரந்தைச் செப்பேடு  விரிவாக  தெரிவிக்கிறது!

  அடுத்தும் பார்க்கலாம்!
  

Monday, 16 April 2012

கல்வெட்டுகளில் அறியாதார் செயலும் அறிந்தாரின் அலட்சியமும்!

 கல்வெட்டுகள் அழிவுக்கு காரணமாக  அத்துறையில் உள்ளவர்கள் சொல்லும் குற்றசாட்டு,கல்வெட்டுகள்  கோயில் பணிகளை செய்யும்போது, பணியாளர்களின் தவறாலும்,கவனக் குறைவாலும் சிதைந்தும்,சேதமடைந்தும் விடுகின்றன என்பதாகும்!
    இவ்வாறு சேதமடைந்து விடுவதை  கல்வெட்டு ஆய்வாளர்கள்  அறியாதார் கை பட்டு கல்வெட்டுகள் சேதமடைந்ததாக  குறிபிடுகின்றனர்!
     இவ்வாறு அவர்கள் சொல்லுவதில்  உண்மை இல்லை.  அவ்வாறு சொல்வது  உள்நோக்கமுடன் சொல்வதாகும்! தங்களது கடமையை சரியாக செய்யவில்லை என்று அவர்களே தரும் ஒப்புதல் வாக்குமூலமாகவும்,தமிழர்களின்  வரலாற்றில் அவர்களுக்கு அக்கறை இல்லை என்பதை காட்டுவதாகவும்  கருதலாம்!   

         கல்வெட்டு துறை,தொல்லியல் துறைகளில் ஆய்வுக்கும், பராமரிப்புக்கும் கோடிக் கணக்கில் நிதி ஒதுக்கப்படுகிறது! அவ்வாறு ஒதுக்கப்படும் நிதியைக் கொண்டு, முறையாக தங்களின் பணிகளை செய்யாதவர்களே, தமிழின வரலாற்றில் அக்கறை  இல்லாதவர்களே, அதுவும் ஒரு குறிப்பிட்ட சமூகத்தினரே..  அதிகமாக மேற்கண்ட துறைகளை ஆக்கிரமித்துக்கொண்டு, உள்ளதால் ஏற்பட்ட நிலையிது என்று  தோன்றுகிறது!

      அப்படி  உள்ளவர்களின் அலட்சியத்தால்,அவர்களின் தனித்த விருப்பத்தால், "கல்வெட்டுகள் அழிவு" வேண்டுமென்றே, கண்டுகொள்ளப்படாமல் விடப்பட்டு  வருகிறது!   எனபது நமக்கு   அதிர்ச்சியளிக்கும் உண்மையாகும்! 

        அதாவது, "அறியாதவர் கைபட்டு", கல்வெட்டுகள் சிதைவுக்கு ஆளானாலும்  அதனைக் கண்டுகொள்ளாமலும், கண்டும் காணாமலும் இருந்துவரும்  மேற்கண்ட துறையினரின்  அலட்சியத்தால், தமிழர்களின் உண்மையான வரலாற்றைக் கூறும் கல்வெட்டுகள் சிதைவுக்கு ஆளாகி உள்ளன   எனலாம்!


     இதனை வேறு விதமாக கூறவேண்டும் என்றால்," கல்வெட்டுகள் பற்றி நன்கு அறிந்தாரின் கை பட்டே"  கல்வெட்டுகள் சிதைவுக்கு ஆளாகி உள்ளன" என்று கூறலாம்!

      தமிழர்களின் அறிவும்,செயல்திறனும், வருமுன் காக்கும் செயலும் பற்றி,இன்று தமிழர்களே அறிந்துகொள்ளும்  செயலாக,சான்றாக  தமிழக மன்னர்கள் காலத்தில் ஆக்கப்பட்ட  கல்வெட்டுகளை  பாதுகாக்க  அவர்கள் கடைப்பிடித்து வந்த  முறைகளைச் சொல்லலாம்! 

      கல்வெட்டுகளை  பின்வரும் சந்ததியினரும் அறிந்துகொண்டு, தங்களது விருப்பத்தின் பேரில் ஆட்சியை திறம்பட நடத்தி வரவேண்டும் என்ற எண்ணத்தில் கல்வெட்டுகளை  வெட்டி வைத்த,நமது முன்னோர்களான  ஆட்சியாளர்களும்,மன்னர்களும் அவ்வாறு வெட்டி வைத்தக் கல்வெட்டுகள்,     கோயில்கள் அழிவு படும்போதோ, பராமரிப்புப் பணிகள் மேற்கொள்ளும் போதோ, காலமாற்றத்தால்  சேதமடையும்  சூழல்  உள்ளதையும்  உணர்ந்து இருந்தார்கள்!  

         அவ்வாறு உணர்ந்திருந்த  அவர்கள்,  பிற்காலத்தில்  கல்வெட்டுகள் சேதமேற்படும்  நிலை ஏற்பட்டாலும் கூடகல்வெட்டுகள் குறித்து பின்வரும்  சந்ததியினர்  தெரிந்துகொள்ளவேண்டும்  என்ற நோக்கத்தில் ஒரு    ஏற்பாட்டையும்   செய்து வைத்து இருந்தார்கள்!  

     கல்வெட்டுகள்  சேதமடைந்தாலும் அக்கல்வெட்டுகளில்   உள்ளதை   அப்படியே   பிறிதொரு கல்வெட்டில்   எழுதிவைத்து( படியெடுத்து)  வரவேண்டும் என்றும்  அவ்வாறு   பழைய கல்வெட்டை புதிதாக  எழுதும்போது மறக்காமல் "இதுவொரு பழங்கற்படி"  என்று  அக்கல்வெட்டிலேயே  எழுதி தெரிவிக்கவும்   ஏற்பாடு செய்து  உள்ளார்கள்! 

  "இது பழங்கற்படி, இந்த ஸ்ரீ விமானத்திலே எறவெட்டினமையின் முன்னிவாசகம் வெட்டிக் கிடந்ததனைக்கல்லால் உபயோகம் இல்லாமையில் தவிர்ந்தது"(ஆதாரம் தென்னிந்திய கல்வெட்டுத் தொகுதி-10 , கல்-72 )

       கல்வெட்டுகள் அழிவு படும் போது, அவைகள் பின்னமடையும் பொது, கல்வெட்டில் உள்ளதை மறவாமல்,புதிய கல்வெட்டில் ஆக்கிவைத்த தமிழனின் புத்திக்கூர்மையை  பாராட்ட தோன்றும் நமக்கு... இவைகளை அறிந்திருந்தும்," பழங்கற்படி என்ற முறை இருப்பது அறிந்தும்"   அவ்வாறு படிஎடுக்காமல்,கல்வெட்டுகளைப் பாதுகாக்க முன்வராமல்,  உள்ளவர்களைப் பற்றி என்ன சொல்லத் தோன்றும்?
    

     கல்வெட்டுகள் அழிவுக்கும், சேதத்துக்கும்  காரணம்  எது? அல்லது என்ன? என்றுதானே  கேட்கத்தோன்றும்!

      தமிழர்களின் உண்மையான வரலாற்றை..,   தமிழர்கள் அறிந்துகொள்வது  எனபது, தங்களது  ஆதிக்கத்துக்கு,இன மேன்மைக்கு, தங்களது நலத்துக்கு  நல்லதல்ல என்ற பாசிச சக்திகளின் எண்ணமே காரணமாகும்! 

    தவிர,வரலாற்றை தங்களது மேன்மைக்காக  திரித்தும், மாற்றியும் எழுதிவரும் நிலைக்கு,  எதிராக  கிடைக்கும் கல்வெட்டுகளால்,   தங்களது கடந்தகால மோசடிகள்,தவறுகள் அம்பலமாகிவிடும்  என்ற எண்ணம்தானே காரணம்?!
  
     கல்வெட்டுகள் அழிவுக்கு  பின்னணியில்  இருந்துவருவது,  எது? அது...  பிராமணீயம்  என்பதுதானே? 

        தமிழர்களின்  இன இழிவுக்கு, இன அழிவுக்கு, நாகரீக வளர்ச்சிக்கு, பொருளாதார முன்னேற்றத்துக்கு,தமிழரினஒற்றுமைக்கு,வாழ்வுக்கு, வரலாறுக்கு,கல்விக்கு,இலக்கியத்துக்கு,ஒழுக்கத்துக்கு,ஏன்? அனைத்துக்கும்   எதிராக உள்ளது பிராமணீயம் என்ற  பாசிசம்தான்!

             பிராமணீயம் என்ற பாசிசத்தைப் பற்றிப் புரிந்துகொள்ளாமல், அதனை எதிர்த்து போராடாமல்,பாசிச சக்திகளின்,சாதிகளின்  வீச்சும், வீரியமும் பற்றி எண்ணாமல் உள்ளவரை தமிழர்களின் பெருமையை  தமிழர்களே அறிய முடியாது! அதுமட்டுமல்ல,தமிழர்களின் பெருமையை  அவர்கள் அறியாமல் உள்ளது போல, தமிழர்களின் பெருமையை  தமிழர்களே  அறியாமல்உள்ள நிலையில், தமிழர்களின் பெருமையை 
 பிற இனத்தவரும்,பிற நாட்டவரும் எப்படிஅறிந்துகொள்வார்கள்?!

          வரலாறு இவ்வாறு நமக்கு கற்றுத்தரும் பாடங்கள் ஏராளமாகும்!  அவைகளையும் அடுத்து  பார்ப்போம்!!



Saturday, 14 April 2012

அழிவுக்கு ஆளான கல்வெட்டுகள் !

       வரலாற்றை பின்வரும் தலைமுறைக்கு சரியாக தெரிவிக்க உதவுவது கல்வெட்டுகள் .அத்தகைய கல்வெட்டுகளில் பலவும் தமிழகத்தில் சிதைவுக்கும் அழிவுக்கும் ஆளாகியுள்ளது!

       கல்வெட்டுகள் சிதைவு,அழிவு போன்றவற்றால்  உண்மையான வரலாற்றை அறிந்துகொள்வது..  அறிதாகப்பட்டு  உள்ளது!  இதன் விளைவாக வரலாற்றை தவறாகவும்,திரித்தும்  கூறும் நிலை ஏற்பட்டு உள்ளது! கல்வெட்டுகள் அழிவுக்கு காரணங்கள்  என்ன? என்று  பார்ப்பதற்கு முன்பு,தமிழகத்தில் அழிவுக்கு ஆளான கல்வெட்டுகள் சிலவற்றை அறிந்துகொள்வோம்!

      காட்டு மன்னார் கோயிலுக்கு (இந்த கோயில் கருவறையில் உள்ள  கல்வெட்டுதான் ஆதித்த கரிகாலனை படுகொலை செய்த பிராமணர்கள் யார்,அவர்களுக்கு வழங்கப்பட்ட தண்டனையைப் பற்றி கூறுகிறது} நான்கு கிலோமீட்டர் தொலைவில் உள்ள," மேலக்கடம்பூர்"  என்று அழைக்கப்படும் ஊரில்  "அமிர்தகடேஸ்வரர்  "கோயிலில் படியெடுக்கப்பட்ட  நான்கு கல்வெட்டுகளுக்கு இடையில் ,சில  துண்டுக் கல்வெட்டுகள் உள்ளன.!
 
       இந்த துண்டுக் கல்வெட்டில் ஒன்று  உத்தமச் சோழனைப் பற்றிய செய்தியை அறிவிக்கும் கல்வெட்டாகும்.! இக்கல்வெட்டு கூறும் செய்தியை அறிந்துகொள்ளக் கூடாது என்றோ,அல்லது அறியமுடியாதபடி ஒருபகுதி கல்வெட்டு துண்டாக்கப்பட்டு  உள்ளது.! (கடம்பூரில் சோழர்களுக்கு ஒரு அரண்மனை இருந்ததாக தெரிகிறது. இங்கேதான் ஆதித்த கரிகால சோழன் படுகொலை செய்யப்பட்டதாக  அமரர் கல்கி.தனது பொன்னியின் செல்வனில் கூறி இருக்கிறார்!)

     கடம்பூருக்கு அருகில் உள்ள செட்டித்தாங்கல் ஊரில் காளியம்மன் கோயிலில் உள்ள வீரபாண்டியன் தலைகொண்ட ஆதித்ய சோழனைப் பற்றிய கல்வெட்டு அமைந்துள்ளது. ஆகவே,அளிக்கப்பட்டுள்ள கல்வெட்டின் முக்கியத்துவத்தை  உணரலாம்!


  அகத்தியான்பள்ளி  அகஸ்தீஸ்வரர்  கோயிலில் 1904 -லில் கல்வெட்டு ஆய்வாளர்கள்  ஆய்வு செய்தபோது,  இருந்த ஐந்து  கல்வெட்டுகள் பின்பு உடைக்கப்பட்டு சிமென்ட் பூசப்பட்டு  அழிக்கப்பட்டு உள்ளன.!தற்போது அந்த கோயிலில் கல்வெட்டுகள் இல்லை!
   திருவாரூர் மாவட்டம், "திருவீழி மிழலை வீழி நாதர் "  கோயிலில் முதலாம் பராந்தகன் காலம் முதல் மூன்றாம் ராஜேந்திரன் காலம் வரை  101  கல்வெட்டுகள் உள்ளன.இக்கல்வெட்டுகளில் மன்னர்கள் பெயரை அறிய முடியாதபடி பல கல்வெட்டுகள் உள்ளன.
  
 வடகாடு கோயிலூர் திருவுசாத்தனமுடைய  'நாயனார்" கோயிலில் கி.பி.7 -ஆம் நூற்றாண்டிலேயே கட்டப்பட்ட கோயிலாகும். இக்கோயில் கருவறையில் கல்வெட்டுகள் காணப்படவில்லை. காரணம் பிற்காலத்தில் கருவறை புதுப்பிக்கப்பட்டு,கல்வெட்டுக்கள் அப்புறப்படுத்தப்பட்டு  உள்ளபடியால்,வரலாற்றுத் தொடர்ச்சியை அறிய இயலாத நிலை ஏற்படுத்தப் பட்டு உள்ளது. விக்கிரம சோழன் காலத்தில் இருந்தே கல்வெட்டுகள் கிடைக்கின்றன  !

       ராஜராஜன் காலத்தில் புதிதாக தனது மனைவி பெயரில் உருவாக்கப்பட்ட ஊர்,  "சோழமாதேவி"  என்ற ஊராகும். இவ்வூர் திருச்சிராப்பள்ளி-தஞ்சாவூர் நெடுஞ்சாலையில் திருவெறும்பூரில் இருந்து தெற்க்கே சூரியூர்  செல்லும் சாலையில் மூன்று கிலோமீட்டர் தொலைவில் உய்யகொண்டான் ஆற்றின் கரையில் உள்ள ஊராகும்! 

         கிராம சபை கூட்டங்கள்,ஊர்வாரியங்கள் குடவோலைத் தேர்தல் மூலம் தேர்வு செய்யப்பட்ட,  அரசு சார்ந்த பணியாளர்கள் ஒன்றுகூடி விவாதிக்கவும்,செயலாற்றவும் வேண்டி கட்டப்பட்டு  இருந்த," வீர சோழ விண்ணகரம்"  தற்போது இல்லாமல் அழிந்து விட்டது!

       இந்த கோயிலைச் சேர்ந்த ஆண்சிர்ப்பம் ஒன்றும்,பெண் சிற்பம் ஒன்றும் ஊரின் நடுவில் சாலையில் புதைந்து இருந்தது கண்டுபிடிக்கப்பட்டு,அவைகள் 10 -ஆம் நூற்றாண்டுச் சிற்ப்பங்கள் எனத் தொல்லியல்  துறையினரால் உறுதி செய்யப்பட்டுள்ளது! இவ்வூரில் உள்ள "கைலாய உடையார்" கோயிலில் உள்ள ஒரு  கல்வெட்டு,"வீர சோழ விண்ணகரம்" என்ற இடத்திற்கு உணவுக்காக  220 -கலம் நெல் அளக்க முடிவு செய்திருந்ததைக் குறிபிடுகிறது!

       திரிசிராப்பள்ளி மலையில்,  தாயுமானவர் கோயில் அருகில் கல்படுக்கைகள் காணப்படுகின்றன.  இங்குள்ள "சிறா" என்ற பெயருடன் தொடங்கும் கல்வெட்டு, சிதைந்த நிலையில் காணப்படுகிறது! இங்கேதான், முதலாம் மகேந்திர வர்ம பல்லவன், சமணத்தில் இருந்து சைவத்தில் சேர்ந்தது பற்றிய கல்வெட்டு ஆதாரம் கிடைகிறது.! இஸ்லாம், கிருஸ்தவம் முதலிய சமயங்களும் இப்பகுதிக்கு வந்து தங்கித் தளைத்து பற்றிய செய்திகளும் காணபடுகின்றன.! 

     திருவானைக்கா ஜம்புகேஸ்வரர் கோயிலானது "மதுரைக் கொண்டப் பரகேசரிவர்மனாகிய பராந்தகச் சோழனின் தொன்மையான கல்வெட்ட்க்கள் உடைய கோயிலாகும். இக்கோயிலில் உள்ள கல்வெட்டுக்கள் பல துண்டுகளாக  சிதறுண்டு,ஆங்காங்கே  பிரகாரத்தில் பதியப்பட்டு உள்ளன. 

          புதுக்கோட்டை மாவட்டம் பொன்னமராவதிக்கு   அருகில் உள்ள  பூலன்குரிசி மலைச்சரிவில்  கண்டெடுக்கப்பட்ட  மூன்று கல்வெட்டுகளில் மிகவும் சிதைந்த நிலையில் ஒரு கல்வெட்டும்,முழுவதும் சிதைந்த நிலையில் ஒரு கல்வெட்டும் உள்ளது.

        இக்கல்வெட்டுகள்  பிராமணருக்கு வழங்கப்பட்டு இருந்த பிரம்மதேய நிலத்தை அவர்களிடம் இருந்து மீட்டு,பிறமக்களுக்கு வழங்கப்பட்டுள்ள விபரத்தை அறிவிக்கும் கல்வெட்டாகும்! இக்கல்வேட்டானது, சோழர்களின் ஆட்சிப் பகுதியான கூடலூர் நாட்டுப் பிரம்மதாயமாக சிற்றையூர்(இன்றைய ஆந்திராவின் சித்தூர் )அதனை தொடர்ந்தக்  கடையவயல்" என்ற நிலப்பரப்பை பிராமணர்களிடம் இருந்து பறித்து,பவுத்தக் கோயிலுக்குக் கொடுக்கப்பட்டதை  அறிவிக்கும் கல்வெட்டாகும்.!

     திருச்சி மாவட்டம்,முசிறிவட்டத்தில்,  முசிறியிலிருந்து தண்டலைப் புதூர் செல்லும் சாலையில் 12 -கி.மி. தொலைவில் உள்ள ஊர், "தின்னகோணம்" என்ற ஊராகும்!   இக்கோவில் பராந்தக சோழன்(சுந்தரச் சோழன்) காலத்தில் கற்றளியாக கட்டப்பட்ட கோயிலாகும்!.

         இக்கோயிலுக்கு வெளியில் "பைரவர்" கோயில் என்ற தனிக்கோயில் உள்ளது. இங்குள்ள    திரிபுவன சக்கரவர்த்தி,      ராஜராஜனின்  11 -வது ஆட்சியாண்டுக் கல்வெட்டு பின்னமடைந்து,படிக்க முடியாத நிலையை அடைந்துள்ளது.!  தின்ன கோணம் "பசுபதீஸ்வரர் கோயில்" அறநிலைய  ஆட்சித் துறையினரால் நன்கு பராமரிக்கப்பட்டு வருகிறது. ஆனால், "பைரவர்" கோயிலில் உள்ள கல்வெட்டுகளை எல்லாம் அழித்து,படிக்க முடியாமல் செய்துள்ளார்கள்! கல்வெட்டுகள் மேலே சுண்ணாம்பு பூசி இருக்கிறார்கள் ! 

       கல்வெட்டுகளில் அழிவுக்கும்,சிதைவுக்கும் ஆளான கல்வெட்டுகள் யாருடைய  ஆட்சிகால  கல்வெட்டுகள் என்று பார்த்தோமானால், அவைகள் பெரும்பாலும் சுந்தர சோழன்,ஆதித்ய கரிகாலன், ராஜராஜன் காலத்துக் கற்றளி கோயில் கல்வெட்டுகள் தான் எனபது, அதிர்ச்சியளிக்கும் உண்மையாக உள்ளது! 

      இவைகளும் கூட மேற்சொன்ன ஆட்சியாளர்களின் காலத்தில் நடந்த பலச் செயல்களை பின்வரும் தமிழ் மக்கள்  அறிந்துகொள்ளாமல், மறைக்க வேண்டிய அவசியத்தின் விளைவாகவே,காரணமாகவே    அழிவுக்கு ஆளாக்கப் பட்டுள்ளன என்ற ஐயப்பாட்டினை ஏற்படுத்துகிறது!

   மேலே கண்ட கல்வெட்டுகள் அழிவுக்கு வேறு காரணங்கள்  இருப்பின்  அவைகளைக் குறித்தும்  சிந்திக்க வேண்டி உள்ளது!

  

Thursday, 12 April 2012

வரலாற்றை அறிய உதவும் கல்வெட்டுகள்!

     நமது பதிவர்களில் சிலர் இந்த வரலாற்று ஆய்வுதொடரில்;ஆதாரம் எங்கே?   என்றுகேட்டு கருத்துரை இடுவதை வழக்கமாக வைத்துள்ளனர்!

        உண்மையில் ஒவ்வொரு  பதிவும்  ஆதாரத்துடன் இடப்பட்டு வருவதை அவர்கள் அறியாமல்,அல்லது ஏதோ காரணத்தால்  ஏற்றுகொள்ள மறுத்து இவ்விதம் நடந்து கொள்கின்றனர்! 

    ஒரு வரலாற்று ஆய்வுக்கு ஆதாரம் இன்றியமையாதது! ஆதாரங்கள் எனபடுவது, கல்வெட்டுகள்,கோயில் தலவரலாறு,செப்பேடுகள், 
இலக்கிய நூல்கள், புதை படிமங்கள், அகழ்வாராய்ச்சி, கண்டெடுக்கப்படும்  சிலைகள்,காசுகள், முதுமக்கள் தாளிகள்,முன்னோர் பயன்படுத்திய கருவிகள், இடம்,காலசூழல்,ஆகியவற்றை உள்ளடக்கியது!

       நான் ஆதாரமாக அவைகளைக் குறித்தே வருகிறேன்! சிலர் இன்னும் ஒருபடி மேலே போய்,ஹோசூர் ராஜன், "கரிகாலன் கல்வெட்டு இது" என்று அவரே தயாரித்து   காட்டினாலும் காட்டுவார் என்கிறார்கள்! கல்வெட்டுகள் குறித்த அவர்களது பார்வையும் அறியாமையையும் எண்ணி  வருத்தப்படலாம்! 

   உண்மையில் அவர்கள் கூறுவதுபோல,  யாரும் புதிதாக கல்வெட்டுகளை உருவாக்கி அவற்றை ஆதாரமாக காட்டிவிட முடியாது. !

         காரணம், கல்வெட்டுகள் காலத்துக்கு ஏற்றபடியும்  அதில் எழுதப்பட்டுள்ள   கிரந்த எழுத்துகள் ,தமிழ் எழுத்துக்கள் ஆகியவைகள்  மாற்றம் அடைந்து வந்துள்ளது! இப்போதுள்ள தமிழுக்கும்  பத்தாம் நூற்றாண்டில் இருந்த தமிழ் எழுத்துக்களுக்கும்  மலையளவு வேறுபாடும்  வித்தியாசமும்  உள்ளது!

கி மு.3 நூற்றாண்டு முதல் கி.பி.19 -ம் நூற்றாண்டுவரை தமிழ் உயிர் எழுத்துகளின் வளர்ச்சி(அ)  மாறுபாடு :

      
 கி மு.3 நூற்றாண்டு முதல் கி.பி.19 -ம் நூற்றாண்டுவரை தமிழ் மெய் எழுத்துகளின் வளர்ச்சி(அ)  மாறுபாடு :


       கல்வெட்டுகளில் உள்ள எழுத்துகளை வைத்தே,    அந்த கல்வெட்டு எந்த நூற்றாண்டு கல்வெட்டு  எனபது தெரிந்து விடும்.  கல்வெட்டில்    எழுதியுள்ளதில் இருந்தும்  கல்வெட்டு இடம்பெற்றுள்ள இடத்தில இருந்தும் பலவிசயங்கள்  தெரியவருகிறது! 

      கோயில்கள் அந்நாளில்  பலதரப்பு மக்களின் சங்கம இடமாகவும், அரசின் பல்துறை அலுவல்களைச் செய்துவந்த இடங்களாகவும்  இருந்து வந்தன.  ஆகவே,அன்றைய அரசர்கள்  கோயில்களில்  அனைவரும் அறிந்துகொள்ள வேண்டும் என்ற ஆவலிலும், விருப்பத்தின் பேரிலேயும்  மிகுதியாக  கல்வெட்டுகளை  ஆக்கிவைத்துள்ளனர்.! 

      நமது முன்னோர்களான  அன்றைய ஆட்சியாளர்களின்  கல்வெட்டுகள்,இன்றைய ஆட்சியாளர்களின் நிரந்தர உத்தரவுகளைப் போன்றே,    நிரந்தர  நிலை ஆணை  உத்தரவுகள்(Standing Orders) எனலாம்! 

       அன்றைய அரசர்களின்,ஆட்சியாளர்களின் உத்தரவுகளை எல்லோரும் அறிந்துகொண்டு,  கடைப்பிடித்து வரவேண்டும் என்ற எண்ணத்தில் அவைகள்  கோயிலின் முக்கிய இடங்களில், அனைவரது பார்வையிலும் படுமாறு  பாதிக்கப்பட்டு,தொடர்ந்து பராமரிக்கப்பட்டும்  வந்தன. !

         எனவே,  யாரும் புதிதாக கல்வெட்டு செய்து,  "அது.. இதுதான்"  என்று  ஏமாற்ற முடியாது! நான் பெரும்பாலும் கோயிலில் இடம்பெற்றுள்ள கல்வெட்டுகளையே  இந்தபதிவுகளுக்கு ஆதாரமாக குறிப்பிட்டு உள்ளேன்!

        நான் ஆதாரமாக  குறிப்பிட்டு வரும் கோயிலில் உள்ள கல்வெட்டுகள்  யாவும்,  கல்வெட்டு ஆய்வாளர்கள்,படியெடுக்கப்பட்டு, படித்து அறியப்பட்டு, கல்வெட்டு ஆண்டறிக்கை, தென்னிந்திய கோயில் சாசனங்கள், தென்னிந்திய கல்வெட்டுகள் என்று நூலாக  தொடுக்கப்பட்டு உள்ளவைகள்தான்! 

       தவிர, தஞ்சைகல்வேட்டுகள், எசாலம் செப்பேடுகள்  ஆகிய வரலாற்று முக்கியத்துவம் வாய்ந்த நூல்கள், சோழர்கள் குறித்தும், தென்னிந்திய கோயில்கள் குறித்தும் ஆய்வு செய்துள்ள  வரலாற்று ஆய்வாளர்கள், நூலாசிரியர்கள்  ஆகியவர்களின்  ஆய்வு,மற்றும் அவர்களது நூலில் உள்ளத்தில் இருந்தே  மேற்கோள்கள் காட்டி வருகிறேன்! 
 
         ஆகவே,நான்  தந்துவரும் வரலாற்று  ஆய்வில்,   இல்லாத ஆதாரங்களைக் காட்டி யுள்ளதாக  எண்ணத் தேவை இல்லை! 

         இப்போது உள்ள கல்வெட்டுகளை மறைக்கவும்  , மாற்றவும், அல்லது புதிதாக கோயிலில் வைத்து நிலைநிறுத்தவும் என்னால் முடியாது என்பதை அறிந்து கொள்ளுங்கள்! 

        அப்படி இருப்பதை அழிக்கும்,மாற்றும் வாய்ப்பும் வசதியும் கூட இன்றுவரை "பிராமணீயம்" என்ற பாசிச சக்திக்கே உள்ளது என்பதும்  அவர்களால்  மட்டுமே இன்றும் அது போன்ற செயல்கள்  நடந்து வருகிறது என்பதே எதார்த்தமாகும்! 

   "பிராமணீயம்" என்ற பாசிச சக்தி கடந்த காலங்களில்,  அவ்வாறு தமிழகத்தில்   உள்ள  கோயில் கல்வெட்டுகளை தனது நோக்கத்துக்காக  சிதைத்து, அழித்து வந்தும் உள்ளது!

  அவைகளையும் அடுத்து பார்ப்போம்!


குந்தவை மதம் மாறியது எப்போது?

        குந்தவை நாச்சியார் , திரு அவிட்டம் நச்சதிரத்தில்  பிறந்தவர் என்று,திருச்சி  மாவட்டம், லால்குடி வட்டம், "பாச்சில்" என்ற கோபுரப்பட்டி ஊரில் உள்ள கல்வெட்டு ஒன்று தெரிவிக்கிறது!
 
    வேலூர் மாவட்டம்,திருவலத்துக்கும் சோளிங்க நல்லுருக்கும் (சோழ நரசிங்க புரம் இப்போது சோளிங்கர் ஆகி உள்ளது )இடையில்,பொன்னை ஆற்றங்கரையில்,"மேல்பாடி"என்ற ஊர் உள்ளது!


      பொன்னையாற்றின் கரையில் அமைந்த இந்த ஊரில், ராஜராஜனின்  பாட்டனாரான  அரிஞ்சய சோழன் " படைவீடு" அமைத்து தங்கி இருந்தபோது, இறந்துள்ளார். எனவே அவரை, "ஆற்றூர் துஞ்சின தேவர்" என்றும், "ஆற்றூர் துஞ்சின பெருமாள்" என்றும் வரலாற்றில்  குறித்து வருகிறார்கள் !


     ( பாடி என்றால், படைமுகாம்,படைகள் தங்கியுள்ள வீடு என்று பொருளாகும்.)   அரிஞ்சய சோழன்  படைவீடு அமைத்து தங்கி இருந்த, இடமான இந்த மேல்பாடியில்  இறந்தார். அவர் இறந்த  மேல்படியில் அரிஞ்சய சோழன் அடக்கம் செய்யப்பட்டார்.அவர் இறந்த  இடத்திலேயே  அவரது   நினைவாக,அரிஞ்சய சோழனின்  பேரன், ராஜராஜன்  ஒரு கோயிலைக் கட்டினான்! இன்று அக்கோயில் "அவனீச்வரம் கோயில்" என்று அழைக்கப்பட்டு வருகிறது.  அரிஞ்சய சோழனின் நினைவாக  கட்டப்பட்ட     பள்ளிப்படைகோயிலான  அவனீச்வரம்கோயில், தொல்லியல் துறையினரின் நிர்வாகத்தில் கீழ் இன்று   இருந்துவருகிறது! (பள்ளிப்படை கோயில் எனபது இறந்தவர்களின்  சமாதியின் மீது,அல்லது அருகில்  கட்டபடுவது)


     அவனீஷ்வர் கோயிலில் குந்தவை தங்கியிருந்து  தியானத்தில்  இருந்தார் எனவும்  அவரது இத செயலின் விளைவாக  கோயிலில் உள்ள இறைவிக்கு,  "தபஸ் இருந்த தேவி" என்று பெயர் ஏற்பட்டது  என்பதும் விளங்குகிறது!இப்போது  இந்த நிகழ்ச்சியை  மறைக்கும் விதமாககோயில் இறைவியின்  பெயரை "தபஷ்கிருதா தேவி" என்று மாற்றி எழுதி உள்ளார்கள்!


      மேல்பாடி அவனீஷ்வரம் கோயிலில்,  ராஜராஜன் தனது 21 -ஆவது ஆட்சியாண்டு( கி.பி.1006 -முதல்)குந்தவையின் பிறந்த நாளான,  அவிட்ட நட்சத்திர நாளில்வெகுவிமர்சையாக  விழாஎடுத்து,கொண்டாடும்படி ஏற்பாடு செய்தான்  என்பதை  அவனீஷ்வரம் கோயிலில்  உள்ள  கல்வெட்டு    தெரிவிக்கிறது!


     இந்துமதத்தில்  இறந்தவர்களை தெய்வமாக நினைத்து  வழிபடும் வழக்கமும்  திதி முதலியவற்றை  ஆண்டுதோறும் செய்யும் வழக்கமும் இருந்துவருவதை  நாம் அறிவோம்!


      அதுபோலவே, குந்தவை நாச்சியாருக்கு  கி.பி.1006 -ஆம் முதல் குந்தவையின் பிறந்த நாளான, அவிட்ட நட்சத்திரத்தில் அவனது தம்பி,ராஜராஜன்   விழா எடுத்து கொண்டாட உத்தரவிட்டு இருந்ததை  கல்வெட்டு தெரிவிப்பதால், குந்தவை  கி.பி.1006 -ஆம் ஆண்டிலேயே  இந்துமதத்தை விட்டு  நீங்கி,இஸ்லாம் மதத்தை ஏற்றுக்   கொண்டுள்ளார் என்பது  அறியவருகிறது!


   அதாவது,இந்துமதத்தைப் பொறுத்தவரையில்   குந்தவை  (அந்தமதத்தை விட்டு நீங்கியதால்,)இறந்துவிட்டதைபோலக் கருதி, இந்த ஏற்பாட்டை ராஜராஜன்  செய்துள்ளான்! எனபது விளங்குகிறது!


    குந்தவை நாச்சியார்,முன்னின்று  தாதாபுரத்தில், ஜீனாலயம்,ரவிகுல மாணிக்க ஈஸ்வரம், ஸ்ரீ வீர சோழ விண்ணகரம் ஆகியவைகளை எடுப்பித்து உள்ளார்.அவற்றின் குடமுழுக்கு  கி.பி.1004 -ஆம் ஆண்டு நடைபெற்றுள்ளது.!
ஆகவே,குந்தவை  அதுவரை  இந்துமதத்தில்  நீடித்து வந்தார் எனபது உறுதியாகிறது! தாதாபுரம் கோயில் குடமுழுக்கு முடிந்தபின், கி.பி.1006 -லில் அவனீஷ்வரம் கோயிலில் திரு அவிட்ட நட்ச்சத்திர நாளின் விழாவுக்கு முன்பு குந்தவை மதமாற்றம் நடந்துள்ளது என விளங்குகிறது!


    சிலர் குந்தவை, ராஜராஜனால்  தஞ்சையில் கட்டப்பட்ட   பெரிய கோவிலுக்கு  பொன் முதலிய அறக்கொடைகளை கொடுத்து இருகிறாரே ? என்று  நினைக்கலாம்.!


  தஞ்சை கோயில் பணிகள் கி.பி.1003 -ஆம் ஆண்டு முதல் ஆரம்பிக்கப்பட்டு உள்ளது அறியவருகிறது. தஞ்சைகோயில்  பணி முழுமையடைந்து, குடமுழுக்கு நடை பெற்றது ராஜராஜனின்  இருபத்து ஐந்தாவது ஆட்சி ஆண்டில் 275 -ஆவது நாளில் என்று  தஞ்சைகோயில் கல்வெட்டு தெரிவிக்கிறது! இந்தநாளில்,ராஜராஜன் ஸ்ரீவிமானத்து  ஷ்தூபித் தறியில் வைப்பதற்கு செப்புக்குடம் கொடுத்துள்ளான் ஆகவே,அன்றைய நாளில்  கோயில்பணி நிறைவுற்று,குடமுழுக்கு நடைபெற்றுள்ளது என்றும்  அந்த நாள்,  ஏப்ரல் 22 -ஆம்நாள்,கி.பி.1010 -வருடம் என்பதும் வரலாற்று அறிஞர்களின் கருத்து ஆகும்!ஆகவே,குந்தவை  தஞ்சை கோயில் பணிகள் ஆரம்பித்தபிறகு, கி.பி.1003 யில் தொடக்கி,அவர் மதம் மாறுவதற்கு முன்பு,அதாவது கி.பி.1006 -குள்  தஞ்சை கோயிலுக்கு கோடை அளித்து உள்ளார் என அறியலாம்!
   
     தனது சகோதரியின் மீது  பெருமதிப்பும், அன்பும் கொண்ட  ராஜராஜன் பெரிய கோவிலுக்கு  தான் கொடுத்த  அறகொடையுடன், தனது சகோதரி   குந்தவை கொடுத்த அறக் கொடையையும் சேர்த்து,  "கல்லிலே வெட்டுக" என்று உத்தரவிட்டு, கோயில் கல்வெட்டில் இடம்பெறச் செய்துள்ளான். மேலும் தனது சகோதரி  குந்தவையின் பிரதி பிம்பத்தை,திருமேனியாக   செய்து, அதனைக் கோவிலில் வைத்து வணங்கி வரவும் செய்துள்ளான்.என்பதையே  குந்தவை, "தம்மையாக எழுந்தருளுவித்த திருமேனி"   என்று கோயில் கல்வெட்டு தெரிவிக்கிறது எனபது விளங்குகிறது.!


   குந்தவை இஸ்லாம் மதம் மாறியது  கி.பி.1006 -என்று அவனீஷ்வரம் கோயிலில் நடந்த அவிட்ட திருநாள் கொண்டாட்டம் அறிவிப்பது போல  அவர் இறந்த ஆண்டு கி.பி.1011 -அல்லது 1012  இடையில்  ஒருநாள்   என்பதை  ராஜராஜனும்  அவனது மனைவி  லோகமாதேவியும்  (ஹிரணிய கர்ப்ப தானம்" என்னும்  சாதிமாற்ற சடங்கினை  செய்ததில்  இருந்து  அறியவருகிறது!

     குந்தவை இஸ்லாம் மதம் மாறியதால்  அவரது பரம்பரை அரசகுல பிறப்பும் சத்திரியர்கள் தான் அரசாளவேண்டும் என்ற பிராமணிய  தருமமும் நிலைநாட்ட வேண்டிய அவசியம் அல்லது நிர்பந்தம் காரணமாகவே ராஜராஜனுக்கும்  அவனது மனைவிக்கும் "ஹிரணிய கர்ப்ப சடங்கு" நடத்தப்பட்டுள்ளது  என்பதும்  அதன்பிறகே  ராஜேந்திர சோழன்  பிராமணர்களின்  ஆதவுடன்   ராஜராஜன் உயிருடன் உள்ள நிலையிலேயே  அரசனாக்கப் பட்டுள்ளான் என்பதும் அறியவருகிறது! 

       ராஜேந்திர சோழன்  குந்தவையின் இறப்புக்குப் பிறகு, பிராமண ஆதரவாளனாக  மாறி உள்ளான் அல்லது  மாற்றப்பட்டு உள்ளான் எனபது  அவன்  தனது ஆட்சியில்  காவிரியின் சுவையான நீர்பெருக்குள்ள  பல ஊர்களை  அந்தணர்களுக்கு தானமாக தந்த  நிகழ்ச்சியும், அவனது ஆட்சி தலை நகரத்தை  தஞ்சையில் இருந்து,கங்கை கொண்ட சோழபுரம் என்று புதிதாக  ஒரு நகரத்தைக் கட்டி  தலை நகராக்கியது மூலமும், பரவை நாச்சியார் என்ற நாட்டியப் பெண்ணும், அணுக்கியருமானபரவை நாச்சியார் என்ற பெண்ணுடன்   ராஜேந்திர சோழனுக்கு இருந்த  காதல்(?) மூலமும்  தெரிய வருகிறது!
  
அவைகளைத் தெரிந்துகொள்ளவும்  தொடரருவோம்!


Monday, 9 April 2012

குந்தவை அடக்கமான இடம் எது?

            ஸ்ரீ ரங்கம் கோயிலொழுகு கூறும் செய்திகள், சமயபுரம் கோயில் தலபுராணம் கூறும் செய்திகள், ஸ்ரீ ரங்கம் கோயில்,சமயபுரம் கோயில் அமைவிடங்கள்  ஆகிய அனைத்தையும்  ஒருங்கே ஆராய்ந்தால் குந்தவை  நாச்சியார்  மதம் மாறிய இடம்,சமயப்புரட்சி செய்த இடம்  சமயபுரமாக  இப்போது அழைக்கபட்டுவருகிறது  என்பதையும் ஆதியில்  சமயபுரத்தின் பெயர்  கண்ணனூர்,கண்ணபுரம் என்றே"கோயில் புராணம்"  சொல்வதையும் கருத்தில் கொண்டு  ஆராய்ந்தால்,  குந்தவையின் மதமாற்றத்துக்கு பிறகே, இப்பெயர் வந்திருக்கும் என்பதையும் நாம் எளிதில் விளங்கிக்கொள்ள முடியும்!
  
         குந்தவை இஸ்லாம் மதத்துக்கு  மாறி,  இஸ்லாமிய பெண்ணாகவே  இறந்துள்ளார்.! அவர் இறந்து, அடக்கம் செய்யப்பட்டுள்ள  சமாதியும் கூட திருச்சியிலேயே தான்  இருக்கிறது!


          அவரது   சமாதி, இஸ்லாமிய ஞானியும்,குந்தவையின் வளர்ப்பு தந்தையுமான   "ஹஜரத் தபலே ஆலம் பாதுஷா, நத்தார் வலியாரின்"  அடக்க இடமான  தர்காவிலேயே குந்தவையும் அடக்கம் செய்யப்பட்டு உள்ளார்!  இன்றும் இவரது  சமாதி, நத்தாரின்  தர்காவில் இருந்து வருகிறது!

      குந்தவை நாச்சியார் அடக்கம் செய்யப்பட்டுள்ள திருச்சி, நத்தர்வலி தர்கா


          இவரது  சமாதியை "மாமா ஜிகினி" என்றபெயரிலும், "சோழ ராஜாகி பேடி'  என்றும் அழைத்துவருகிறார்கள்!


     "மந்தாகினி" என்ற குந்தவையின் மற்றொரு பெயரே, "மாமா ஜிகினி" என்று மருவி அழைக்கப்பட்டு வருவதாக  நெல்லிக்குப்பம.'ஹைதர் அலி'  என்ற இஸ்லாமிய அறிஞரும், பன்னூலாசிரியரும்  கருத்து தெரிவிக்கிறார்!


     "ஜிகினி" என்பதற்கு பிரகாசம், ஒளிரும் என்று பொருள் என்றும்,  மிகவும் "பிரகாசமானவர்',"மிக பிரசித்தி பெற்றவர்" குந்தவை என்பதால்,   "மாமா ஜிகினி" என்ற பெயர் வந்தது என்றும் சிலர் கருதுகிறார்கள்!


        1998 -ஆம் ஆண்டு, திருச்சி  நத்தார் தர்காவின் ஆயிரமாண்டு நினைவுநாள் நடத்தப்பட்டது! தர்கா வெளியிட்டுள்ள  ஆயிரமாண்டு மலரில்  "மாமா ஜிகினி" என்பதற்கு காரணமான  ஒரு நிகழ்ச்சி  கூறப்பட்டு உள்ளது!


        சிறுவயதில், நத்தாரின் பாதுகாப்பில் குந்தவை வளர்ந்தபோது,ஒருநாள்  மின்மினிப் பூச்சி ஒன்றைபிடிக்க  குந்தவை முயன்று அது முடியாமல் போனாதால், அழுததாகவும், அவரது அழுகையைப் போக்க நத்தார் வலியார் அவர்கள்,குந்தவியைச் சுற்றிவருமாறு  மின்மின்ப் பூச்சிகளை செய்ததாகவும், அப்படி மின்மினிப் பூச்சிகள்  சுற்றிவரும்போது ஏற்பட்ட  வெளிச்சத்தைப் பார்த்து,குந்தவை வியந்து  "மாமாஜிகினி" என்று கூறியதால்,அவரை  அப்படியே இஸ்லாமியர்கள்  அழைத்துவந்தனர் என்கிறது. மின்மினி வெளிச்ச்ச்தில்  மிகபிரகாசமாக  குந்தவை தோன்றியதால்  அவருக்கு அந்தபெயர்  வந்தது என்றும் கூறுகிறார்கள்!


          எது எப்படியோ! ,எத்தனையோ அறிய வெற்றிகளுக்கு,சாதனைகளுக்கு  சொந்தமான  ராஜராஜனின்  சமாதி, அடக்க இடம் எது ? எனபது குறித்து சர்ச்சைகள் இன்றும் நிலவிவரும் நிலையில்....,


           குந்தவை என்று அறியாமலேயே,அவரது சமாதியை, ஆயிரம் ஆண்டுகளுக்கும் மேலாக இன்றுவரை   இஸ்லாமியர்கள்     பேணிக் காத்து வருகிறார்கள் எனபது  வியப்பளிக்கும்  உண்மையாகும்!
  


    குந்தவை எப்போது மதம் மாறியிருப்பார்? எனபது குறித்தும், அவர் தொடர்பான  முக்கிய செய்திகளையும்  அடுத்து பார்க்கலாம்!

Thursday, 5 April 2012

ஸ்ரீ ரங்கம் கோயில் தரும் செய்திகள்!

      ஸ்ரீ ரங்கம்  கோயில் விருத்தாந்தம் கூறுவதைப் பார்ப்போம்.
"நம்பெருமாள் புறப்பட்டருளின பின்பு அற்றபற்றர்  வாழும் அந்தணீர் அரங்கம்  என்றும் நல்லார்கள் வாழும் நளிரரங்கம் என்றும் தென்னாடும் வடநாடும் தொழ நின்ற திருவரங்கம்  எண்ணும்படியான கோயிலானது அழகு அழிந்தது" எனக் கோயில் விருத்தாந்தம் கூறுகிறது.


     இக்குறிப்பு, 'நம்பெருமாள் என்கிற சிற்பசிலையை  எடுத்துச் சென்றபிறகு கோயிலின் அழகு குறைந்துவிட்டது' என்பதை அறிவிக்கிறது.! இவ்வாறு ஏன் அறிவிக்கிறது? நம்பெருமாள் என்ற சிலையை ஏன் எடுத்துச் செல்லவேண்டும்? என்ற கேள்விக்கு  விடையும்  இருகிறது!


    ஸ்ரீரங்கம் கோயிலொழுகு கூறும் நிகழ்ச்சி.. .   " பின்னும் அங்கே வந்து ஆக்கிரமித்தவன் செய்தபடி திட்டக் கொடிமதிப் பிடிங்கி கண்ணனுரிலே(இன்றைய சமயபுரம்) தனக்கு   ஆவரணமாகக் கட்டுவித்து,பின்னையும் அங்கே உபத்ரவங்களைப் பண்ண, உபக்கரமிக்க அவ்வளவிலே சிங்கபிரான் என்னும் பேரையுடையோராய்  பெருமாள் திருவிளையாட்டமான அழகிய மணவாளர் காணிய பிராமணர்ஆய், தமிழ் விரகரான ஒருவர், துருஷ்கன் வாசலிலே காரியம் ஆராய்ந்து நின்று, அவன் நினைத்தபடி ஒன்றும் செய்யாமல் அவனுக்கு அனுகூலமாகவே சொல்லிக்கொண்டு மதில்கள், மாளிகைகள், கோபுரங்கள்,துன்னு மணிமாடங்கள்,சாலைகள் தொடக்கமானவற்றையும் செம்போனாய வருவரரனைய கோயில் மணியனாரையும் காத்து.. ரஷித்துகொண்டு  போந்தார்" என்று கூறுகிறது! . 


      குந்தவை மதம் மாற்றதின்  விளைவாக,   திருவரங்கம் கோயிலுக்கு முஸ்லிம்களும் வரயிருப்பதை பற்றிய பிராமணர்களின்  அச்சத்தையும்    இதனால்  ஸ்ரீரங்கம் கோயிலில் ஏற்பட்ட குழப்பங்களையும் சொல்வதை அறியலாம்!


          ஸ்ரீரங்கம் கோயிலுக்கு  குந்தவையின் இஸ்லாம் மாற்றத்தின் விளைவாக சமயபுரம் பகுதியில்  இருந்து, முஸ்லிம்கள்    ஸ்ரீரங்கம் கோயிலுக்கு வரப்போவதை, முஸ்லிம்களிடம் பிராமணர்கள் அனுப்பியிருந்த ஒற்றன் மூலமே தெரிந்துகொண்டு, முஸ்லிம்கள்  வருவதற்கு முன்பே பெருமாளையும் நாச்சிமார்களையும்   அங்கிருந்து அப்புறப்படுத்தி,  எடுத்துக்கொண்டு காட்டிற்குள் (கண்ணனூர் எனப்பட்ட சமயபுரம் காட்டிற்கு)சென்றுவிட்டார்கள்.!
    நம்பெருமாள்  புறப்பட்டருளின என்றுதானே  உள்ளது? நீங்கள் எடுத்து சென்றுவிட்டார்கள் என்கிறீர்களே? நாச்சிமார்களையும் என்று சேர்த்துச் சொல்கிறீர்களே? என்று கேட்கவும்  சிலர் இருப்பதால்  கூடுதலாகவும்  சிலவிவரங்களைச் சொல்லவேண்டியிருக்கிறது!

        ஸ்ரீரங்கம் கோயிலொழுகு,"ஸ்ரீ ரங்க நாச்சியாரையும் சில பரிகாரங்களையும்  கூட்டி அனுப்பி,(சிலபரிகார விக்கிரங்கள்) பெரியபெருமாள் குலசேகரன் படிக்கல்  திரைப்பரிமாறி, முன்னதாக விக்கிரத்தைவைத்துக் கதவைப்பூட்டி,நாச்சியார் சன்னதியிலேயும் அந்தப்படி பண்ணி, மர்மஷ்தானங்கள் எல்லாம்  திரேதானம் பண்ணி,தாம் திருலோகத்தில் வர..  துலுக்கரும்  திரையில் புகுந்து,விக்ரஹத்தைக்  காணாமல்,பன்றியாள்வானை அபசாரப்பட்டு..... ", என்று நடந்த விவரங்களை விவரித்துக்கொண்டே போகிறது! 
 
       நம்பெருமாள் ஆகிய சிலைகள்  கோவிலில் இருந்து சென்றுவிட்டபிறகு, அதாவது அப்புறப்படுத்திய   பிறகு,  ஸ்ரீ ரங்கம் கோவிலின் அழகு குறைந்துவிட்டது  என்பதையே, "நம்பெருமாள் புறப்பட்டருளின பின்பு அற்றபற்றர்  வாழும் அந்தணீர் அரங்கம்  என்றும் நல்லார்கள் வாழும் நளிரரங்கம் என்றும் தென்னாடும் வடநாடும் தொழ நின்ற திருவரங்கம்  எண்ணும்படியான கோயிலானது அழகு அழிந்தது" எனக் கோயில் விருத்தாந்தம் கூறுகிறது. !


    இதன்மூலம் ,  ஸ்ரீ ரங்கம் கோயிலுக்கு முஸ்லிம்கள் வருவதை முன்கூட்டியே  தெரிந்துகொண்டு, அவர்கள் வருவதற்கான நோக்கத்தை முறியடித்து,சாமர்த்தியமாக  அந்தணர்கள் நடந்துகொண்டார்கள் என்பதை நாம் எளிதில் அறிந்துகொள்ள இயலுகிறது! . இதனையே,   ஸ்ரீ ரங்கம் கோயில் வரலாற்றை விவரிக்கும் "யதீந்தர பிரவணப் பிரபாவம்"  என்ற நூலும் தகவலாக தருகிறது!


     குந்தவை  கி.பி.1006 -க்கு பிறகு இஸ்லாம்  மதம் மாறியபோது, ஸ்ரீரங்கம் கோவிலில் நடந்த   இந்த  நிகழ்ச்சியை   பெரும்பாலோர்  கி.பி.1323 -லில்   மாலிக்காபூர் படையெடுப்பின் போது நடந்ததாக  தவறாக சித்தரித்தும்,புரிந்துகொண்டும் வருகின்றனர்!


.      இதன் மூலம் குந்தவையின் மதமாற்றம் குறித்த வரலாறு மறைக்கப்பட்டு விடுவதுடன், முஸ்லிம்கள்  ஆக்கிரமிப்பாளர்கள்  ஆகவும், இந்து சமயத்தினரின்  வழிபாட்டு இடங்களை இடித்தவர்கள்  போலவும்  தவறான கருத்துக்கள் ஏற்படுத்தப்பட்டு வருவதை எளிதில் புரிந்துகொள்ளலாம்.! 


        இவையல்லாம் பிராமணீயம் என்ற பாசிச சக்திகளின் திட்டமிட்ட செயல்திட்டங்களின்  ஒருபகுதியாகும்! சமய நல் இணக்கத்துக்கு எதிராக, இந்துசமய  மக்களை  உணர்வூட்டி, முஸ்லிம்களின்மீது வெறுப்புணர்வை வளர்த்துவரும்  செயல்களுக்கு  வரலாற்றையும்  ஆதாரமாக பயன்படுத்தி, உண்மையற்ற வரலாற்றை,தங்களுக்கு ஆதரவான வரலாற்றை உருவாக்கி வருவதுடன், உண்மையான தமிழர்களின் வரலாற்றையும் பொய்யான  இதுபோன்ற  சித்தரிப்புகளால்,மறைத்தும்,இருட்டடிப்பு செய்தும் வந்துள்ளார்கள் என விளங்குகிறது!


        ஸ்ரீ ரங்கம் கோயில் ஒழுகு கூறும்  செய்தி  குந்தவை நாச்சியாரின் மதமாற்றத்தை  அடுத்து  நடந்த நிகழ்ச்சியல்ல...,உண்மையில்  அது  மாலிக்கபூர்  படையெடுப்பின் போது நடந்த  நிகழ்ச்சிதான்  என்று பிடிவாதமாக  நினைப்பவர்களுக்கும், வாதிப்பவர்களுக்கும்  தெளிவுபடுத்த  வேண்டியுள்ளது!

       ஸ்ரீரங்கம் கோயில் ஒழுகு  நூலானது,  ஆதியில் இருந்து கோயிலில் நடந்த நிகழ்சிகளை வரிசைக்கிரமமாக  சொல்லிவருகிறது!  கோயிலில் நடந்ததாக சொல்லப்பட்டுள்ள  நிகழ்ச்சி,மேலே நான் குறிப்பிட்டு உள்ள நிகழ்ச்சிகுறித்து,  திருவரங்கம்   கோயிலின்  பல்வேறு ஒழுகு  நூல்களும்,உரை நூல்களும்  முகமதியர்களைப் பற்றி வர்ணித்துவிட்டு, அதன்பிறகே  ஆச்சாரியார்களின் வரலாறுகளைப் பற்றி  குறிப்பிடுகின்றன. 


  அதாவது, ஆச்சாரியர்களில்  மூத்தவரும் முன்னவரும், முதலாமவரும்  "ராமானுஜர்"  தான் என்பதை  யாரும் மறுக்கமாட்டார்கள் என்று எண்ணுகிறேன்! 
       அத்தகைய ராமனுஜரின்  காலம்  கி.பி.1017 -கி.பி.1137 வரையான  120 -ஆண்டுகள் என்றும் சொல்லபடுகிறது! ஆச்சாரியர்களில்  மூத்தவரான ராமானுஜர் மற்றும் உள்ள ஆச்சாரியார்களின்  வரலாற்றுக்கு முன்பே,முஸ்லிம்களைப் பற்றி  ஸ்ரீரங்கம் கோயில் நூல்கள்  குறிப்பிடுகின்றன .  என்றால்  அதற்க்கு முன்பே திருவரங்கத்துக்கு  வந்த சோதனை மற்றும்  முஸ்லிம்களின் வருகையைப் பற்றிக் குறிப்பிடுகிறது என்றுதானே பொருளாகும்! 

        மேலும்    மாலிக்காபூர் படை எடுப்பின்போது  திருவரங்கம் கோயிலில் நடந்ததாக  இருந்தால்,  கோயிலொழுகு நூல்கள்  முஸ்லிம்கள்  பற்றிய செய்திகளை ஆச்சாரியர்களின் வரலாற்றுக்குப் பின்புதான்  சொல்லியிருக்கும்!  
     இதில் இருந்தே,திருவரங்கம் கோயிலில் முஸ்லிம்களின் வருகையும் குழப்பமும்  மாலிக்காபூர் படையெடுப்பின்போது  நடந்ததல்ல என்பதையும்  அது  குந்தவையின் மதமாற்றத்தின் விளைவாக நடந்த குழப்பங்கள் என்பதையும்  அறிந்துகொள்ளலாம்! 

     குந்தவை மதம் மாறியதன்  எதிரொலியாக  இன்றும்  மதுரை அருகில் உள்ள  வண்டியூரில் உள்ள துலுக்க நாச்சியார் கோவிலில், பெருமாள் உற்சவத்தின்போது  ,  உற்சவ   மூர்த்தியான  "திருமால்" துலுக்க நாச்சியார் கோவிலில், தங்கிச் செல்லும் ஐதீகம்  நிலவி வருகிறது!

      

Wednesday, 4 April 2012

திருமழபாடி கோயிலிலும் குந்தவை மதம்மாறிய சான்று!

        ராஜராஜன்ஆட்சிக்  காலத்தில், பதினாறு சிறு நாடுகள் அடங்கிய 
வள நாடாக விளங்கிய பகுதி திருமழபாடி ஆகும். இந்தவூரில்  அமைந்த கோயிலை  ராஜராஜன் கற்கோவிலாக எடுத்து,தனது ஆட்சிகாலத்தில் புதுப்பித்து உள்ளான்.என்பதை இந்த கோவிலில் உள்ள கல்வெட்டுகள் அறிவிக்கின்றன .இந்த கோயில்   மற்றும்  அமைந்துள்ள ஊரில்  தொல்லியல்துறையினரால் ஆய்வுகள் செய்யப்பட்டும் உள்ளது.

     கல்வெட்டு ஆய்வாளரும்,திருமழபாடி  குறித்து,  "ஊரும் கோவிலும்" என்ற நூலைஎழுதிஉள்ளவருமான,'சேக்கிழார்அடிப்பொடி''முதுமுனைவர்' தி.ந.இராமச்சந்திரன்    என்பவர்,  "சோழர் குல மலைமுடி ஆகிய ராஜராஜனின் ஆட்சியில்,மழபாடியின் புகழ் பேரரசு எல்லையையும் கடந்து பரவியது" என்று  குறிபிடுகிறார்.


    திருமழபாடியில்  உறையும் இறைவனுக்கு  இப்போது," வைத்தியநாதர்"  என்ற பெயர் விளங்கிவருகிறது.  இவ்வூருக்கு அருகில் கொள்ளிடத்தின் தென்கரையில்  வைத்தியநாதபுரம் என்ற ஊரும் உள்ளது.    ஆனால், இந்த கோயிலில் உறையும் இறைவன்பெயர்,  'ஜுனேஸ்வரர்' என்று 1944 -ஆம் ஆண்டு இக்கோவில் தேவஸ்தானத்தால்  வெளியிடப்பட்ட திருமழப்பாடி கோயில் வரலாறு என்ற நூல் குறிபிடுகிறது.!

     1920 -ம் ஆண்டுக்குரிய கல்வெட்டு ஆண்டறிக்கையிலும் இக்கோவில் இறைவன் "ஜுனேஸ்வரர்"  என்றே குறிக்கப்பட்டு உள்ளது.

   இந்த ஜுனேஸ்வரர் சன்னதியின் பின்புறம் சோழர்கள் காலச் சிற்பங்களை,கல்வெட்டுக்களை மறைக்கும் விதத்தில்  புதிதாக  நிறுவப்பட்டு உள்ளது. இந்த கோயிலின்  மூன்றாம் பிரகாரத்தில்  உள்ள சுந்தராம்பாள் சன்னதியில்   சில துண்டு கல்வெட்டுகளும் காணபடுகின்றன. (அதாவது கல்வெட்டுகள் சிதைவுக்கு ஆளாகியுள்ளன!)

    இந்த கோயில் குந்தவையின் நேரடிக்  கட்டுப்பாட்டில் அல்லது அவரது  அபிமானத்துக்கு உரிய கோயிலாகவும் இருந்துவந்த கோயில் என்பது அறியவருகிறது.

        இந்த கோயிலில் உள்ள கல்வெட்டுகள் தான், குந்தவை நாச்சியார்,குட ஓலைத் தேர்தலைக் கண்காணிக்கும் முக்கிய பொறுப்பில் இருந்தார் என்பதையும் அறிவிக்கிறது! இந்த ஊரில்," ஜீனாலயம்" ஒன்றை குந்தவை கட்டி இருந்தார் என்றும் ஒரு கல்வெட்டு அறிவிக்கிறது.


   இந்த கோயில் அமைந்துள்ள ஊரைச் சுற்றி சில காம கோட்டங்கள் இருந்துவந்தன என்பதை, ராஜராஜனின் கல்வெட்டு ஒன்றின்மூலம் அறியமுடிகிறது. (காம கோட்டங்கள் எனபது  அக்கால அரசகுலப் பெண்கள் தாங்கும் இடம் எனவும்,பெண்தெய்வ கோவில்கள் என்றும்  கூறுகிறார்கள்) இவ்வூரில் இருந்த மனை ஒன்று ,"காமக்காணி அனந்த நாச்சன் என்பவனுக்கு சொந்தமானதாக்" ( எஸ்.எல்.எல்.வீ.-660 ) கூறப்படுவதால், காம கோட்டத்தின் பாதுக்காப்பை அல்லது பணியையோ இந்த அனந்த நாச்சன் என்பவன்,கவனித்து வந்தான் என்பதை அறியலாம்.

     திருமழபாடி வளநாடு அடங்கியிருந்த பகுதியில்  கண்டராதித்தம் என்ற ஊர் உள்ளது. அருகில புதுக்கோட்டை என்ற சிற்றூரும் அதன் அருகில் கொள்ளிடக்கரையில்,  அகன்ற மண்மேடு உள்ளது. 

      இந்த அகன்ற மண் மேட்டுக்கு,  "நத்தர்பார்" என்றும் "நத்தர் மேடு" என்றும் அழைக்கப்பட்டு வருகிறது. இங்கு,நத்தன் என்ற அரசன் வாழ்ந்த வாழ்ந்த இடம் என்றும் இங்கு பிடாரிக் கோயில் இருந்ததாகவும் பேசப்படுகிறது.

       நத்தன் மேட்டில்' புதையல் குடம், வைரக் கிரீடம்' ஆகியவை கண்டெடுக்கப்பட்டதாக  பேசப்படுகிறது. இப்பகுதியில்  கேணி,கட்டிடப் பகுதிகள் முதலியன இருந்தன என்றும் இப்பகுதி மக்கள் கூறுகிறார்கள்.!

         கி.பி.1740 - ஆண்டில் அரியலூர்  மழவராயரால் வெளியிடப்பட்ட "திருமழப்பாடி செப்பேடும்" இந்த பகுதியை, "நத்தன் மேடு" என்றே குறிப்பிடுகிறது.

       இவை யாவும்  குந்தவையின் வளர்ப்புத் தந்தையான, " நத்தர் வலி" என்பவருடன் குந்தவை இங்கு தங்கியிருந்ததை உறுதியாக்குகின்றன! 

     . இதுமட்டுமின்றி, இப்போது "வைத்தியநாதர்" கோயிலாக விளங்கிவரும்  இந்த கோயிலில்,  ஒருபகுதியில் புத்தகம் வைத்து வழிபட்டு வருவது,   அந்த நாளைய வழக்கமாக இருந்து வந்தது ! என்று 'திருமழபாடி ஊரும் கோவிலும்' என்ற நூல் குறிப்பிடுகிறது.


     எனவே, இந்த கோயில் முன்பு இஸ்லாமியர்கள் தொழுகை நடத்திவந்த இடமாக இருந்து, பின்பு  "வைத்தியநாதர்" கோயிலாக மாற்றப்பட்டு உள்ளது எனபது விளங்குகிறது.


   இஸ்லாமியர்களே,   தங்கள் வழிபாட்டு இடங்களில்" குரானை" வைத்து வழிபாடு  நடுத்தி வருகிறார்கள் என்பதும், அவர்களில் ஒருபிரிவினர் வைத்தியம்  (ஆயுர்வேதம்,யுனானி ) முதலியவற்றை தொன்று தொட்டு செய்துவருகின்றனர் என்பதையும் கருத்தில் கொண்டு ஆராய்ந்தால் இந்த உண்மை விளங்கும்!


   மேலும் சோழர்கள் கால,  கல்வெட்டுகளை  சிதைத்தும், கல்வெட்டுகளையும், சிற்பங்களை மறைக்கும் வகையிலும் கட்டிடப் பணிகளை செய்து உள்ளதும் கூட இதனை உறுதிப் படுத்துகிறது!

   இவைகளும்  கூட  குந்தவை நாச்சியார் இஸ்லாம் மதம் தழுவியதை உறுதிப் படுத்துகிற சான்றாகவும்  விளங்கி வருவதையும் அறியலாம்!

           ஸ்ரீ ரங்கம் கோயின்  குடஒழுகு  குந்தவை,இஸ்லாமியர்கள் குறித்துக் கூறுவதையும் பார்க்கலாம்!

,

Monday, 2 April 2012

குந்தவை அடக்க தர்காவில் திருவிளக்கு வழிபாடு !

       குந்தவைக்கு மந்தாகினி என்று மற்றொரு பெயர் இருந்தது! உத்தமசோழன் ஆட்சிகாலத்தில்  தனது தம்பியுடன்  தலைமறைவாக  இருந்தபோது,  மந்தாகினி என்ற பெயரிலேயே அழைக்கப்பட்டு வந்துள்ளார்! இந்த பெயர் அரசகுலத்தினர்  உள்ளிட்ட சிலருக்கே தெரிந்த பெயர் ஆகையால், இந்தபெயரில்  தலைமறைவு வாழ்க்கை வாழ்ந்துவருவது  எளிதாகவும் இருந்துள்ளது எனபது விளங்குகிறது!

நெல்லிக் குப்பம், எம்.ஏ.ஹைதர் அலி என்பவர்  இஸ்லாமிய பெருமக்களும், பல் நூல்களை எழுதிய இஸ்லாமிய அறிஞராவார்! திருச்சி நத்தர் குறித்தும்  நூல்  எழுதியுள்ளார்! இவர், குந்தவையின் மற்றொரு பெயரான  மந்தாகினி என்ற பெயர் குறித்து,"அரபு மொழி லிபியில் மந்தாகினி என்பதை, மீ  ம் மீ  ம்  தால் (ஜால்) கியாப்நூன் என்ற ஐந்து எழுத்துக்களால்  எழுதவேண்டும். "மந்தாகினி" என்ற பெயரை மேற்சொன்ன விதத்தில் எழுதி வந்துள்ளார்கள் . அரபு மொழி லிபியான  மேற்சொன்ன  ஐந்து எழுத்துக்களும்  ஹூருப்  என்னும் எழுத்துக்களுக்கு முன்புள்ள எழுது வடிவமாகும். ஹூருப் வடிவத்துக்கு  முன்பிருந்த அரபு மொழி லிபியில் மந்தாகினி என்ற  பெயர் விளங்கிவிளங்கிவந்தது..என்று  கருத்து தெரிவித்துள்ளார்! 

      குந்தவை  இஸ்லாம் மார்க்கத்தை, தழுவி, இஸ்லாமிய பெண்ணாகவே  இறந்து, இஸ்லாமிய முறைப்படியே  அடக்கம் செய்யப்பட்டு உள்ளார்! அவர்  அடக்கம் செய்யப்பட்ட  தர்காவில், "இந்துமத வழிபாட்டு  முறைகளில்  முக்கிய  இடத்தைப் பிடித்துள்ள  விளக்கில்  நெய்யூற்றி, தீபம் ஏற்றி, வழிபடுவது போன்ற "    வழக்கம் இன்றும் தொடர்ந்து  நடந்துவருகிறது!

குந்தவை அடக்கம் செய்யப்பட்டுள்ள தர்காவில் உள்ள திருவிளக்கு 


     இஸ்லாமியர்களின்  வழிபாடுகளில்,  'விளக்குபூஜைகள்  முக்கியத்துவம் பெறுவதில்லை'  என்பதிலிருந்தும்,  குந்தவையின்   அடக்க சமாதி உள்ள தர்காவில்,  விளக்கு  ஏற்றி வழிபாடு நடப்பதில்  இருந்தும்,   குந்தவை இஸ்லாம் மதத்தைத்  தழுவிக் கொண்டாலும் கூட, அவர் மேல் மதிப்பும் மரியாதையும்  வைத்திருந்த, இஸ்லாம் மதத்தைத் தழுவாமல், தொடர்ந்து இந்து மதத்திலேயே  நீடித்துவந்த மக்களும்  தங்களது வழிபாட்டு முறையிலேயே,  அவரை  போற்றி,வந்துள்ளனர்  எனபது விளங்கும்!

       இவ்வாறு,  இந்துமதத்திலேயே  நீடித்து வந்த மக்களின்  வம்சாவளியினர், அதாவது இந்துமத  சமுகத்தில்  உள்ளவர்கள், குந்தவையின் சமாதி உள்ள தர்காவில்,  ஆண்டுக்கு ஒருமுறை நடக்கும்  கந்தூரி என்ற  உரூஸ்  நிகழ்ச்சியில்,  இந்துமதத்தில் திருவிழா நடத்தப்படும்போது, தேர்  செய்து, வீதிவலம் வருவது போலவே, கந்தூரி நிகழ்ச்சியிலும் தேர் அமைத்து  வீதி வலம் நடத்திவரும் நிகழ்ச்சியும்  ஆண்டுதோறும் நடந்துவருகிறது! 

குந்தவை அடக்கம் செய்யப்பட்டு உள்ள தர்காவின்  உருசில் இந்து சமயத்தவர் பங்கேற்று  செய்யும் தேர் ஊர்வலமும்,தேரும். 


        இவைகள் எல்லாம்  தமிழகத்தில், இஸ்லாம், இந்துமதம்  என்ற  சமயங்களின்  நல்லிணக்கத்துக்கு, ஒற்றுமை உணர்வுக்கு  உதாரணமாக திகழ்ந்து வருவதைக்  காட்டுகிறது!

    இஸ்லாம் மதம்,   உழைக்கும்  மக்களிடம், சமூகத்தில் தாழ்ந்த நிலையில்  இருக்கும் மக்களின்  பார்வையில் ஏற்றுக்கொள்ளபடும்  நிலையைக் காட்டுவதையும் உணரலாம்!

   " தமிழக வைணவ அலை பிற அலைகளைத் தாண்டி இந்திய மாநிலமெங்கும்  பரவியதற்கு இஸ்லாத்தின் துணை வலிமையே  பெரிதும் காரணம் என்பதில் ஐயமில்லை."  ஒன்றே குலமும் ஒருவனே தேவனும்"  என்ற கொள்கையில் தமிழரினும் வீரிய உரமுடையோர்  இஸ்லாமியர் என்பதை எவரும் மறுக்கமாட்டார்கள்,  அதன் அரசியல்  தாக்குதலை விட   பண்பாட்டுத் தாக்குதலே  வடதிசை மாநில வாழ்வை  17 -ம் நூற்றாண்டிலிருந்து  பெரிதும் அசைக்கத்  தொடங்கிற்று  என்பதில் ஐயமில்லை. தமிழக வைணவ அலை அதனை எதிர்த்துத்  தற்பண்பு பேணும் காப்புக் கருவியாகவும் அதனுடன் இணைந்து தளர்ச்சியைப் போக்கும் மறுமலர்ச்சிப் படையாகவும்  புதுத் தேசியமாகவும் இயங்கிற்று. இவ்வலையைப் பல இடங்களில் இஸ்லாம்,  பகை அலையாக  கருதாமல் எதிர்கொண்டு தழுவிற்று என்பதற்கு பல சான்றுகள் காணலாம்
.
     இஸ்லாத்தை எளிதில் வரவேற்றவர்கள் இஸ்லாம் வரும்வரை  சமுதாயத்தில் தாழ்த்தப்பட்டவராக  இருந்த பழங்குடியின மக்களே. அவர்களிடையே தென்னாட்டுச் சைவ வைணவ இயக்கங்கள் பலரைப் பக்தர்களாக்கியது போல ,வடதிசையிலும்  வைணவ அலை துளசி தாசர் போன்ற பல  பக்த மணிகளை தோற்றுவித்தது.அத்துடன் இஸ்லாமிய மரபே கபீர் தாசர்  மூலம் வைணவ அலையின் வைரமணி  ஒன்றை அளித்தது. இலக்கியத்தில் 12 -ம் நூற்றாண்டிலேயே  அமீர்குஸ்ரு வடதிசையின் உருவிலா மொழியில் கவிதைக் கனவு கண்டு,மொழி உருவான காலத்தில் உருது,இந்தி,பஞ்சாபி ஆகிய மொழியாளர்களின் பொது மூலக் கவிஞனானான்.அரபு நாட்டிலும் பலம் பாரசீகத்திலும் வளர்ந்த" மறைஞான "இயக்கம் (சூபிகள் இயக்கம்)தென்னாட்டு அறிவுச் சமய ஒளியுடன்  கலந்து, சிற்றாறும்   தன்பொருனையும்  போல எளிதில் இணைவதையும் இங்கே குறிப்பிடலாகும்.  வைணவமும் இஸ்லாமும் கலந்து உருவாகிய புதிய ஒளிகளுள் 18 -ம் நூற்றாண்டில் சீக்கிய சமய முதல்வரும் இலக்கிய முதல்வருமான் குருநானக் ஒருவர். 19 -ம் நூற்றாண்டில் ஆரிய சமாஜத்தை தோற்றுவித்த தயானந்த சரஸ்வதி கூடச் சைவ அலையும்,இஸ்லாமிய எதிர்ப்பலையும் சேர்ந்து உருவாக்கிய புத்தொளியே யாவர்." (ஆதாரம்: தென்னாட்டு போர்க்களங்கள், இரண்டாம் பதிப்பு , பக்கம்,330 -331 ,பன்மொழிப் புலவர் கா. அப்பாதுரையார்,M.A,L.T.,பூம்புகார் பதிப்பகம்,சென்னை-600108 )

       வைணவம் வளர்ச்சிக்கும்  இஸ்லாம் துணை நின்றது, இஸ்லாம் வைணவத்தை  தனது பகையாக  கருதவில்லை, இரண்டும் இனிதே வடதிசையில்  வளர்ச்சியடைந்தன என்றும், இஸ்லாத்தை தமிழகத்திலே எளிதில் வரவேற்று ஏற்றுகொண்டவர்கள்  சமூகத்தில் தாழ்த்தப்பட்டோராக கருதப்பட்டவர்கள் என்பதும் மேற்கண்ட  ஆசிரியரின்  கூற்றில் இருந்து  அறியவருகிறது!

    ஆனால்    சைவசமயமானது  இஸ்லாம்,வைணவம் ஆகிய இரண்டுடன்,  
மோதல் போக்கையே,கடைபிடித்து வந்தது,  சைவசமயம் தன்னிலையைத்  தக்கவைத்துக் கொள்ளவும், சைவ சமயத்தை நிலைநிறுத்தவும்,  வேண்டி, அது  போராடவேண்டிய நிலை  தமிழகத்தில் ஏற்பட்டது!

      சைவத்தின் போராட்டத்தையும் அதன் விளைவுகளையும் குந்தவையின்  இஸ்லாம் குறித்த ஆதாரங்களுக்குப் பிறகு பார்க்கலாம்!