Saturday, 26 May 2012

சாதிய கட்டமைப்பும் பிராமணர்களின் மேலாண்மை செயல்களும்!

      பிராமணர்கள் கோயில்களை தங்கள் கட்டுப்பாட்டில் கொண்டுவர  மேற்கொண்ட முயற்சிகளையும் இந்த கொடுமையை     எதிர்த்து பிராமணர்களோடும்,அவர்களுக்கு ஆதரவாக இருந்துவந்த படைகளுடனும்  ஆட்சியாளர்களுடனும்   தமிழர்கள் தொடர்ந்து போராடி வந்ததை  வரலாற்றில் இடங்கை-வலங்கை போராட்டம் என்று குறித்து  வந்ததையும் பார்த்தோம். 

       துரதிஷ்டவசமாகஇந்தபோராட்டத்தில்  பிராமணர்களின் செயல்களுக்கு  ஆதரவாக அரசர்களும் ஆட்சியாளர்களும்  செயல் பட்டதால், தமிழகத்தில்  கோயில்கள் எதற்காக கட்டபபட்டனவோ  அந்த நோக்கம்  பின்னுக்கு தள்ளப்பட்டது! அதாவது, எல்லோருக்கும் பொதுவான, ஆட்சியின்  செயல்களுக்கு என்ற பொதுப்  பயன்பாட்டுக்கு உருவான கோயில்கள், ஆட்சியின்  பயன்பாட்டில்  இருந்து  விளக்கப்பட்டது! 

 கோயில்கள் ,குறிப்பிட்ட சிலரின் பயன்பாட்டுக்கும்  வழிபாட்டுக்கும்  என்றும்   மாறுதல்  அடைந்தன. கோயில்களில்  இருந்துவந்த  நடைமுறை   வழிபாடும், பழக்கங்களும்  பின்னுக்குத் தள்ளப்பட்டு, வழிபாட்டில் இருந்து வந்த  தேவாரமும் திருவாசகமும்   தமிழ்  பாசுரங்கள் பாடப்பட்டதும் ஆன நிலை  மாறியது. ஓதுவார்கள்,  கோயில்  பணியாளர்கள் ஆகியோரின்  முக்கியத்துவம்  குறைந்தது! அவர்கள்  கோயில் பணிகளில் இருந்து விலக்கி வைக்கும்   நிலையை  பிராமணர்கள்  ஏற்படுத்தியுள்ளார்கள்!

       தமிழர்களின் இசையான  பறை,துந்துபி,செண்டை,நகரா ,துந்துபி, முரசு  முதலான இசைக் கருவிகளை வாசித்து, இறைவனைத் துதிக்கும்  வழக்கம்  அகற்றப்பட்டு, பிராமணர்களின்  வேதமந்திரங்களும், புரியாத  பாசையினாலான  கோஷங்கள்   மூலம்  இறைவனைத் துதிக்கும்  நிலையை பிராமணர்கள் தமிழர்களின் கோயில்களில் ஏற்படுத்தினர்!
         பிராமணர்களின் மொழியான  சமஸ்கிருதமும்,அவர்களின் சடங்குகளும்  இறைவனின் வழிபாட்டு முறையாக ஆக்கப்பட்டது!

 இத்தகைய செயல்களின்  மூலம் பிராமணர்கள் உழைக்கும்  தமிழக பூர்வீக குடிகளை  தங்களுக்கு கீழாகவும்,  அவர்களுக்குள்ளும் பாகுபாடுகளைப்  புகுத்தி, சாதிய படிநிலைகளை  ஏற்படுத்தினர். தாங்கள் ஏற்படுத்திய சாதிய  கட்டமைக்குள் அனைவரையும்  கொண்டு வந்தனர். தங்களது  இத்தகைய ஏற்பாடுகளை  எதிர்த்த, புறக்கணித்த, பூர்வகுடிகளை,தமிழ் மக்களை   அடக்குமுறைகள்  மூலம்  ஒடுக்கி வந்தனர். அவர்களில் சிலரை "பஞ்சமர்கள்" என்று  முத்திரையிட்டு, இந்துமத கட்டமைப்புக்கு  எதிரிகளாக்கி அப்புறப்படுத்தினர்!

      தங்களது சாதிய கட்டமைப்பு முறையின் மூலம்  தங்களது  ஆதிக்கத்தை  கேள்விக்கு உள்ளாக்காத  பாதுகாப்பும் பெற்றனர்! மற்ற அனைவரை விட  தாங்களே உயர்வானவர்கள்,  தங்களது  வழிபாடு, பூசை முறைகள், சடங்குகளே, உன்னதமானவை என்ற  நிலையைத் தோற்றுவித்தனர்!

      பிராமணர்கள்  இத்தகைய நிலையை ஏற்படுத்தவும், முனைந்து  தங்களால்  ஏற்படுத்தப்பட்ட  நிலையை  தக்க வைத்துக் கொள்ளவும், தாங்கள்  ஏற்படுத்திய நிலையைத் தொடர்ந்து தங்களது  இனநல  மேன்மைக்கு   கடை பிடித்துவரவும்  வேண்டி, தங்களுக்கு ஆதரவாக  சிற்பங்களைத்  திருத்தவும், புதிய சிற்பங்களை,புதிய  கடவுள்களை  உருவாக்கவும்  செய்தனர். கூடவே, தங்களது நோக்கத்துக்கு   எதிரான, தங்களது நோக்கத்திற்கு    தடையாக  கோயில்களில்  ( முன்பே ) இடம்  பெற்று   இருந்த ,  இறை உருவங்கள், சிற்ப்பங்கள், ஆகியவைகளை  அப்புறப்படுத்தவும்,சிதைக்கவும்,திருத்தவும்   செய்தனர்! 

      பிராமணர்களின் இத்தகைய பணிகளுக்கு  அக்காலத்தில் நடந்த, படையெடுப்புகளும், போர்களும் உதவி உள்ளன!

       பழைய கோவில்களில்,பிராமணர்கள்  இத்தகைய பணிகளைச்  செய்ததன்   மூலம்,தங்களது இனநல மேன்மைக்காக,  தங்களால்  புதிதாக   சிருஷ்டித்த  கடவுள்களின்  பெருமையை,புகழைப் பரப்பும்   தேவை  ஏற்பட்டது! அதன்  விளைவே, பல்வேறு கதைகள், புராணங்கள், பக்தி நூல்கள்  கி.பி.13-ஆம்  நூற்றாண்டில் இருந்து  17-ஆம் நூற்றாண்டுவரை, தமிழில்  உருவாகுவதற்கு  காரணமாக இருந்துள்ளது!  இதனை,   அக்காலக்  கட்டத்தின் தமிழக   வரலாறும்,  அக்காலத்தில்  ஏற்பட்ட  மிகுதியான  இந்துமத  பக்தி  நூல்களும், பிற  நூல்களும் நமக்கு  விளக்குகின்றன.
 

Tuesday, 22 May 2012

குந்தவை குறித்த சந்தேகங்கள்,ஒரு விளக்கம்!

  குந்தவை  குறித்த  சந்தேகங்கள் என்று  சந்திரா  என்பவரும்  சிலரும்   கேட்ட கேள்விகளுக்கு   பதில்  சொல்ல  வேண்டியே இந்த பதிவு !

    சந்திராகேள்வி:: உங்கள் கருத்துப்படி குந்தவை 1006 இல் மதம் மாறினாள். ராஜேந்திர சோழன் ஆட்சிக்கு வந்தது 1012; ராஜராஜன் காலமானது 1014 . ஆனால் தஞ்சை கோவிலின் தெற்கு வாசலில் உள்ள கல்வெட்டு 1015 ம் ஆண்டு குந்தவை கோவிலுக்கு அளித்த கொடைகளை விவரமாக தெரிவிக்கிறது.

பதில்: நீங்கள் குறிப்பிடும் கல்வெட்டு பற்றி அறிவேன்.
   சோழ வரலாற்றில் மூன்று குந்தவைகள் இருந்தனர். அரிஞ்சய சோழன்  வைதும்ப அரச குலத்தைச் சேர்ந்த கல்யாணி என்பவரை மணப்பதற்கு  முன்பு, கீழைச் சாளுக்கிய அரசர் குலப் பெண் "வீமன் குந்தவையை" மணந்திருந்தான்! இவரது பெயரையே(பெரிய பாட்டி), சுந்தரசோழன்  தனது மகளுக்கு  வைத்து இருந்தான்! இந்த குந்தவையே  "ஆழ்வார் பராந்தகன் குந்தவை" என்றும், "வல்லவரையர்  வந்தியத்தேவன்மாதேவர் மாதேவியார்"  என்றும் "உடையார்  பொன்மாளிகையில்துஞ்சிய தேவர் திருமகளார்  ஸ்ரீ பராந்தகன்  குந்தவைபிராட்டியார் "என்றும் சோழர்களின் கல்வெட்டுகள்  குறிக்கிறது!

        ராஜராஜன் தனது ஆட்சிக் காலத்தில் பெரிதும் போற்றியும் மதித்தும் வந்த
 பெண்கள்,1)கண்டராதித்தரின் மனைவியும் உத்தம சோழனின் அன்னையுமான
 செம்பியன் மாதேவியார் 2) தனது தமக்கையான,  "குந்தவை   நாச்சியார்"  எனபது வரலாற்று ஆய்வாளர்களால் ஒப்புக் கொள்ளப்பட்ட  உண்மையாகும்!
     இவர்களிடம்  தனக்கு இருந்த மதிப்பைக் காட்டவும், நன்றியறிதலை
 வெளிப்படுத்தவும்  வேண்டியே,  ராஜராஜன்  தனது  பெண்மகளில்
ஒருவருக்கு தனது சகோதரி, குந்தவையின் பெயரை வைத்தான். தனது   மகனுக்கு, "மதுராந்தகன்" என்று பெயரிட்டான்!


   குடும்பத்தில் இவ்வாறு அவர்களைத் திருப்தி செய்தாலும், உத்தம சோழனின்  துரோக செயலை ராஜராஜன் மறக்கவில்லை எனபது அவனது பெயரையும்,
கண்டராதித்தன் பெயரையும்   சோழ குலமரபிலேயே   சேர்க்காமல், அவனது ஆட்சியில்  ஏற்படுத்தப் பட்ட  எசாலம், கரந்தை செப்பேடுகள்  மரபு வழி, உரைக்கும் விதத்தில்  இருந்து அறியலாம்!
  


  சந்திரா கேள்வி:    குந்தவை மதம் மாறி 9 வருடங்கள் கழித்து ஒரு சைவ கோவிலுக்கு ஏராளமான செல்வங்களை கொடை அளிக்க வேண்டிய அவசியம் என்ன?


பதில்:  வல்லவரையன்  வந்தியத் தேவனின் மனைவி ,குந்தவை   மதம் மாறியது உண்மை! கி.பி. 1006-ஆம் ஆண்டு  வாக்கில்  நடந்தது! அதனை மேல்படியில் உள்ள அரிஞ்சய சோழனின் நினைவு  பள்ளிப்படைக் கோயிலில் குந்தவையின் பிறந்த நட்சத்திரமான, திரு அவிட்ட நட்சத்திரத்தை  வெகு சிறப்பாக ராஜராஜன்  கொண்டாட  ஏற்பாடு செய்த, கல்வெட்டுகள் மூலம் அறிய வருகிறது!குந்தவையின்
 பிறந்த நட்சத்திரம் அவிட்டம் என்பதை கொபுரப்பட்டி(பாச்சல்)கோயில்
 கல்வெட்டுஅறிவிக்கிறது!இந்த இடம் திருச்சி, லால்குடி வட்டத்தில் உள்ளது!

      நீங்கள் கூறும்  கொடையும் கல்வெட்டும் உண்மை.  கி.பி.1015-ஆம்  ஆண்டு  கோயிலுக்கு  கொடையளித்த குந்தவை, ராஜேந்திர  சோழனின்  தங்கையான  குந்தவைதான்!


      மதம் மாறிய குந்தவை  தான்மதம் மாறும் முன்பு, தஞ்சைக்  கோயிலுக்கு  அளித்த  கொடைகள்,  "நான்கொடுதனவும் அக்கன்  கொடுத்தனவும்  நம்பெண்டுகள்   கொடுத்தனவும் கொடுத்தார் கொடுத்தனவும் கல்லிலே  வெட்டுக " என்ற  ராஜராஜன்  ஆணைப்படி, கோயில்  விமானத்தில்  வெட்டப்பட்டு உள்ளது!


      ராஜராஜனின் மகளும்,ராஜேந்திரனின் தங்கையுமான மூன்றாம் குந்தவை
 கொடுத்த கோயில் கொடையே , ராஜேந்திர சோழன்  காலத்தில் கி.பி.1015ஆம்  ஆண்டு  கல்வெட்டில் பொறிக்கப்பட்டுஉள்ளது!


      வேங்கி நாட்டு  வல்லவரையன் வந்தியத்தேவனை, ஆழ்வார்  பராந்தகன் குந்தவை மணந்தது போலவே, ராஜேந்திரனின்
தங்கையான குந்தவையும்   வேங்கி நாட்டுவேந்தன், விமலாதித்தனுக்கு
மாலை சூட்டினாள் !


   உத்தம சோழன் பதவி  பதவி ஏற்கும்போது அருள்மொழி (ராஜராஜன்) வர்மன்  போர் செய்யும் வயதையே  எட்டவில்லை! ஈழம் மற்றும் வெங்கி படை எடுப்பிலும் பங்கு கொள்ளவில்லை! அது பொன்னியன் செல்வனின்
கதையால் உங்களுக்கு ஏற்பட்ட பிரமை!( வல்லவரையன்  வந்தியத் தேவனும் பங்கு பங்கு பங்குகொள்ள   வாய்ப்பு  இல்லை! காரணம்  அவனும் நெடுங்களம் என்ற ஊரில கொல்லப் பட்டு  இருக்கவேண்டும். இதை,அந்த கோயில் தல வரலாறு கூறுகிறது! ஆதித்த கரிகாலனின்  படுகொலைக்குப்  பிறகு நடந்த  உள்நாட்டுப்  போரில்  அவன்  கொலையானான்  எனத் தெரிகிறது!
    (ராஜேந்திரனின் தங்கை குந்தவையின் கணவனான விமலாதித்தன்,
ராஜராஜனின்  இறுதி ஆட்சிக்காலத்தில்  ராஜேந்திரனுடன்   ஈழத்தில்  போருக்கு சென்று இருக்கவே வாய்ப்பு உள்ளது }


   ஆதித்ய கரிகாலன்  படுகொலைக்கு பிறகு, சுந்தரசோழன்  காஞ்சி அரண்மனைச் சிறையில் இருந்து உயிர் நீத்தான்!  அவனது
 மனைவியான  வானவன் மாதேவி  நெருப்பில் விழுந்து (உடன்கட்டை ஏறி)உயிர் துறந்தாள் ! இவரது உயிர் துறப்பைப் பற்றி, திருக்கோவலூரில் உள்ள கல்வெட்டு (south indian inscription vol.VII,No:863)  எடுத்து கூறுகிறது! இதோ கல்வெட்டு வரிகள்....
.
 "செந்திரு மடந்தைமண சீரஜராஜன்
இந்திர சமானன் ராஜசர்வக்ஞநேனும்
புலியைப் பயந்த பொன்மான் கலியைக்
கறந்து கரவாக் காரிகை சுரந்த
முலை மகப் பிரிந்து  முழங்கு எரி நடுவனும்
 தலைமகற் பிரியாத் தையல் நிலைபேறு நீ 
தூண்டா விளக்கு ... மணிமுடி வளவன் 
சுந்தர சோழன் மந்தரத்தாரன் திருப்புய முயங்குதேவி "

     "ராஜராஜ சோழன், பால்பால்குடி மாறாத குழந்தையாக இருந்தபோதும், அவனை விட்டு, அவனது தாயார் வானவன் மாதேவி ,கணவன்  சுந்தர சோழனுடன் எரி மூழ்கினார் "என்று  தனது  தென்னாட்டு  போர்களங்கள் நூலில்  கா. அப்பாதுரையார்  குறிப்பிடுகிறார்! 
      ராஜராஜனின் இளமைக் காலத்தைப் பற்றி,   சோழர்கள்  நூலில் பக்கம்  230-யில்  அதன் ஆசிரியர்  நீலகண்டசாஸ்திரியும், "ராஜ ராஜனின்  இளமைக் காலத்தைப் பற்றி  அறிந்தவர்கள்  யாரும் இல்லை" என்றும், ஆயினும் இந்த அரசன் அறிவிலும் ஆற்றலிலும் சிறந்து விளங்கினான்  என்றே குறிப்பிடுகிறார்!
       இதில் இருந்து ராஜராஜன், உத்தம சோழன் ஆட்சியில் பங்கெடுத்துக் கொள்ளவும் இல்லை.  படைநடத்தவும்  இல்லை என்பதை அறியலாம் !

   உத்தமசோழனின்படைகளுக்கு பயந்தும், உயிர்தப்பியும்  வாழ,வேண்டியநிலையில் இருந்தான்!என்பதை அறியலாம்!அவ்வாறு 
இருக்கும்போது,ராஜராஜன் எப்படி  உத்தம சோழன் ஆட்சியில் 
இலங்கை மீது படை எடுத்து சென்று இருக்க முடியும்?


மேலும்  ஆதித்த கரிகாலனைக் கொன்றவர்கள்,அவனது தந்தை தாயின்  முடிவுக்கு காரணமானவர்கள், குந்தவையை,ராஜராஜனையும்  போனால் போகட்டும்  என்று விட்டு வைத்தார்கள்,என்பதே நம்புவதற்கு  கடினம்!
  " மக்கள் பலரும் அருள்மொழி வர்மன் என்னும் ராஜராஜன் அரசனாவதை  விரும்பினார்கள் என்றும் அரசியல் நடவைக்கைகளை நன்கு  உணர்ந்த  ராஜராஜன் அதனை ஏற்காமல் அமைதி காத்தான்" என்றும்  கல்வெட்டுகள்  சொல்கின்றன. அதே சமயத்தில்  உத்தம சோழனைப் பற்றி,  "பெருவலியுடையவன்" என்றும் "முயன்று ஆட்சியைப் பிடித்தவன் "என்றும் 
கல்வெட்டுகள் சொல்கின்றன.!  முயன்று ஆட்சியைப் பிடித்த உத்தம சோழன், ஆட்சிக்கு வரத் தடையாக இருந்த  ஆதித்ய  கரிகாலனைக் பிராமணர்கள் கொல்வதற்கு  காரணமாக இருந்து  உள்ளான்.  அப்படிப்பட்டவன், அருள்மொழி வர்மனை ஆதரித்தான், அவனது கட்டுப்பாட்டில் படைவீரர்களை விட்டுவைத்தான்  எனபது  சரியா?   அவ்வாறு  விட்டு  வைத்து  இருந்தால், அவனது தாயார்
 உடன்கட்டை ஏறுவதை பார்த்துகொண்டு  இருந்திருப்பானா?  தடுத்து இருக்க மாட்டானா? உடன்கட்டை ஏறக் காரணமானவர்களை  சும்மா விட்டிருப்பானா? தண்டித்து இருக்க மாட்டானா?


 எனவேதான் சொல்கிறேன்,உத்தம சோழன் ஆட்சியில்ராஜராஜன் பங்கு
 எடுத்துக் கொள்ளவில்லை! வந்திய தேவனும்  பங்கு எடுக்க  வாய்ப்பு இல்லை!
  
      தவறுகளை திருத்திய பெருமை மிக்க,   கலைகோவனை அவர்களை  இந்த பதிவை படித்துகருத்து சொல்ல கேட்டுக்கொண்டு, அப்புறம்  விமர்சனம் வையுங்கள்!


      எனக்கு பிராமணர்கள் மீது வெறுப்பு என்று ஒரு கருத்தையும் 
வெளியிட்டு இருக்கிறீர்கள்! பிராமணர்கள்  ஆதாரம் இன்றி, கண்டதையும்  கூறலாம் , எழுதலாம்: பிறர்மீது பழி சுமத்தலாம்! யாரும் கேட்கக்  கூடாது  என்பதுதான் உங்கள் நியாயமா?   பிராமணர்களின்  தவறுகளை, தகிடு தத்தங்களை  ஆதாரத்துடன் சுட்டிக் காட்டினால், அது  பிராமண வெறுப்பா?

   ஸ்ரீ ரங்கம் கோயில் ஒழுகு நூலில்  "துருக்கர்கள்" என்றுதான்  வருகிறதே தவிர,மாலிக்காபூர்  பெயரோ, அவர் பிராமணர்களைக்  கொன்றதாக  வருகிறது  என்று உங்களால்  ஆதாரம் காட்ட முடியுமா? "திருமுடி திருத்துவது" எனபது  கொலை செய்ததாக பிராமணர்கள்  கூறுவது என்ன ? அவதூறா? முஸ்லிம்கள் பேரில் பிராமணர்கள்  கொண்டுள்ள  பிரியமா? அல்லது  வெறுப்பு உணர்வினாலா? என்பதை நீங்களே சொல்லி விடுங்கள்! 

   (  ஹா...ஹா... ஹா..! நான் முன் புறமாகத்தான்  சிரிக்கிறேன்! உங்களைப் போல  பின்புறம்  சிரிப்பது  இல்லை! )



Monday, 7 May 2012

மாலிக்காபூர் படையெடுப்பால் பிராமணர்கள் அடைந்த பயன்கள்!

    பிராமணர்களின்இன நலனுக்கும் ஆதிக்க மேலாண்மைக்கும்  அன்னியரின்  படையெடுப்புகளும்கூட மறைமுகமாக உதவி வந்துள்ளன  எனபது வரலாற்றில் இருந்து அறியவருகிறது! 

      தென்னகத்தின் மீது மாலிக்கபூர் நடத்திய படையெடுப்பின் விளைவாக,
தமிழகத்தில் உள்ள கோயில்களில்     பிராமணர்கள் ஆதிக்கம்  அதிகரித்தது.! பிராமணர்கள் தங்கள்  ஆதிக்கத்திற்கும், தங்கள் இன நலனுக்கும், மாலிக்காபுரின் படையெடுப்பைப் பயன்படுதிக் கொண்டுள்ளனர்.

  கோயில்களில் சேர்த்துவைத்திருந்த  ஏராளமான  பொன்னும், பொக்கிஷமும் கோயிலில் இருந்து ... பிராமணர்களால்  வேறு இடங்களுக்கு  அப்புறப்படுத்தவும்,  மறைத்து வைக்கவும், தாங்களே கைக்கொள்ளவும்  கூடிய சூழ்நிலையை  மாலிக்காபூர்  படையெடுப்பு ஏற்படுத்தி இருப்பதை  அறிய இயலுகிறது! 
        அதுமட்டுமின்றி, தங்களது ஆதிக்கதிற்கு எதிரான  பிரதிமங்கள், சிலைகள்,ஆகியவைகளை கோயிலில் இருந்து நீக்கவும்,அது தொடர்பான கல்வெட்டுகள்,சாசனங்களைமறைக்கவும்கூட மாலிக்காபுரின் 
படையெடுப்பு  உதவியது எனலாம்! 

    மாலிக்கபூர் படையெடுத்து வருவதாக  தெரிந்து,  ஸ்ரீரங்கம்  கோயிலில் இருந்த விக்கிரங்களை எல்லாம் மறைத்தும்  அப்புறப்படுத்தியும் உள்ளதாக கூறும்  அக்கோயில்  "ஒழுகு  நூலே" இதற்கு சாட்சியாக உள்ளதெனலாம்! 

   "  மாலிக்காபூர்" ஸ்ரீ ரங்கம் வந்ததாகவோ,அந்த கோயிலில் இருந்த
செல்வங்களைக்  கொள்ளை கொண்டதாகவோ,   இதுவரையில்  எந்த வரலாற்று ஆய்வாளரும் நிரூபணம் செய்யவில்லை. சரித்திரக்  குறிப்புகளும் கூட இல்லை! .


      மாலிக்காபூர் வருகை தந்த ஆண்டு கி.பி.1323-ஆம் ஆண்டு. ஸ்ரீரங்கத்தின்
 மக்கள் தொகையே  பன்னீராயிரம் இல்லை என்று சொல்லலாம்! 
      கி.பி.1878-யில் வழிவந்த திருச்சி மாவட்ட மேனுவல் கி.பி.1875-ஆம் 
ஆண்டு ஸ்ரீ ரங்கத்தின் மக்கள் தொகை 11,271 பேர்கள்  என்று சொல்லுகிறது. 500- ஆண்டுகளுக்கு முன்பு,   ஸ்ரீ ரங்கத்தின் மக்கள் தொகையானது,
 அதைவிட குறைவாகவே இருந்து இருக்கும் எனபதுநிச்சயம் !ஆகவே, மாலிக்காபூர்  ஸ்ரீரங்கத்துக்கு வந்ததாக கூறப்படுவதும்,  அங்கிருந்த  பன்னீராயிரம்ஆழ்வார்களின் திருமுடி திருத்தியதாக.. ஸ்ரீரங்கம்  கோயில்  ஒழுகு நூல் கூறும் செய்தி  பொய்யானது என்றே தோன்றுகிறது!, 

                                                                                                                                                                    இந்து மதத்திலிருந்து,இஸ்லாம் மதத்துக்கு மதம் மாறிய மக்களின் மீது,       முஸ்லிம்களின்  மீது பிராமணர்கள் கொண்டுள்ள வெறுப்புணர்வை காட்டுவதாகவும்,அவர்களின் உள்நோக்கமுடைய "பிராமண  சதி"என்றும் சொல்லத் தோன்றுகிறது!

     மாலிக்கபூர் படையெடுப்பில்,"பிர்துல்"  என்று  குறிப்பிடுவதை வைத்து, சிலர்  அவ்வாறு குறிப்பிடும்  இடம் " ஸ்ரீரங்கம்" என்று தவறாக  புரிந்து கொண்டு, மாலிக்காபூர்  ஸ்ரீ ரங்கம் கோயில் மீது படையெடுத்தார்  என்று  கூறி வருகின்றனர்.  "பிர்துல் " என்று குறிப்பிடும்  இடம்   "விருத்தகிரி" என்ற இன்றைய "விருத்தாசலம்" ஆகும்!

           விருத்தாசலம் வந்து,அன்றைய நாளில்மிகப்பெரிய கருவூலமாகவும்
 விளங்கிய  சிதம்பரம்  கோயிலைக் கொள்ளையிடமாலிக்காபூர்  தனது  பெரும்  படைகளுடன்   விருத்தாசலம் வந்து பிறகு ,சிதம்பரம் வழியாக   மதுரைக்கு  சென்றுள்ளார்! என்பதே உண்மையாகும்! 

       ஆக்கிரமிப்பாளர்களும்,படையெடுத்து வரும் பிற நாட்டவரும்  அந்நாளில்  பொதுவாக, கோயில்களில்  பாதுகாப்பு கருதியும்,  நிர்வாக வசதி  கருதியும், தங்களது  செல்வங்களைக் கோயிலில் வைத்து,  பாதுகாத்து  வந்தனர்!  
      இதனை அறிந்திருந்த  படைஎடுப்பாளர்களும்  கோயிலில்  உள்ள  செல்வங்களைக் கொள்ளையிட  எண்ணி,தங்களது  படையெடுப்புகளில் கோயில்களை தாக்குவதையே  முக்கிய  நோக்கமாகக் கொண்டு  செயல்பட்டு உள்ளனர்! 

      ராஜராஜ  சோழனின்படையெடுப்புகளுக்கும்,மாலிக்காபுரின் தென்னகப் படையெடுப்புக்கும்\ பொருந்தும்,இந்த பொதுவான விதியானது, கோயில்கள்   பிராமணர்களது  கட்டுப்பாட்டில் வந்தபிறகு, தங்களது   தவறுகளை மறைக்கும்  யுக்தியாக,  பிற சமயத்தினரின்  கொடுமைச்  செயலாக,பிராமண ஆதரவாளர்களால்  காட்டப்பட்டு வருகிறது!

          ஆயினும், பிறசமய ஆக்கிரமிப்பாளர்களை விட, ஏன் ? எந்த ஒரு  
 ஆகிரமிப்பாளையும் விட, படை எடுப்பாளர்களை விட, பிராமணர்களால் கோயிலில் இருந்து கொள்ளையிடப்பட்ட செல்வமே  அதிகமாகும் !

                                                                          பிறசமயப் படையெடுப்புகள்,பிற நாட்டு படையெடுப்புகள் 
ஆகியவைகளைக் காரணமாக வைத்தும்,படைஎடுப்புகளே   அவைகள்  நடந்ததன்  விளைவாகவே  மக்கள்  பிராமணர்களின்  ஆதிக்கத்தை எதிர்த்து, தொடர்ந்து  போராடி  வந்துள்ளனர்!

        சிதம்பரம்,தஞ்சை,திருவாரூர் போன்ற கோயில்கள் "விமானம் முதல்  மக்களால் வணங்கப்படும் இறைவனின் திருமேனிகள் வரை  பொன்னாலும், ஐம்பொன்னாலும், செய்யப்பட்டு இருந்தன" என்று  கோயில் கல்வெட்டுகள் கூறுகின்றன. வரலாற்று  அறிஞர்களும்  உறுதி  படுத்துகின்றனர்.  

      தவிர, ஏராளமான பொன்னும் நவரத்தினங்களும்  கொட்டிக்கிடந்த, கோயில்  கருவூலங்களில் இருந்த  அனைத்தையும்  ஆக்கிரமிப்பாளர்களே  கொள்ளையிட்டனர் என்பது நம்ப முடியாத, ஏற்க இயலாத   காரணமாகத் தோன்றுகிறது!