Thursday, 28 June 2012

இந்திய பத்திரிக்கைகளின் மோசமான பரப்புரைகள்!


       இந்திய பத்திரிக்கைகள்  பெரும்பாலும் ஊழலுக்கும்,முறை கேட்டுக்கும்  ஆதரவளித்தும்,ஜனநாயகத்திற்கு எதிராகவும்,உழைக்கும் மக்களுக்கு எதிராகவும், இந்தியாவில்  செயல்பட்டு வருவதாக தெரிகிறது!


          ஜனநாயகத்தின் நான்கு முக்கிய உறுப்புகளில் ஒன்றான, பத்திரிக்கைகள் ஜனநாயக உரிமைப்போரில் பங்கேற்கும் தார்மீக  கடமையைக் கைவிட்டு,வெறும் பார்வையாளர்களாக மட்டுமே இருந்து வருகின்றன!உரிமை கேட்டு போராடும் மக்களுக்குஊடகங்கள்  ஆதரவாக செயல்படுவது இல்லை.!


     தனக்கும் வெகுஜன போராட்டங்களுக்கும் ,எந்தவித சம்பந்தமும்  இல்லாதது போல நடந்து கொள்கின்றன. சில பத்திரிக்கைகள் இத்தகைய உரிமைப் போராட்டங்களின் நோக்கத்தை திசை திருப்பும் பணியிலும் ஈடுபட்டு, போராட்டத்துக்கு எதிரான நிலைபாட்டிலும் நடந்துகொண்டு வருகின்றன!

        காரணம், ஊடகங்களின் உரிமையாளர்கள் அர்ப்பணிப்பு உணர்வுடனும்,ஜனநாயக உரிமைகளை மதித்து வருபவர்களும் இல்லை.அவர்கள் பெரிய தொழிலதிபர்களாகவும்,தரகு முதலாளிகளாகவும் அதிகார வர்க்கத்தை சேர்ந்தவர்களாகவும், பாசிசவாதிகளாகவும்  இருந்துவருவதுதான் !

        பத்திரிக்கைகளின் இதுபோன்ற மோசமான செயல்பாட்டினால், உழைக்கும் மக்களின் உரிமைப் போராட்டங்கள்,ஜனநாயகப் போராட்டங்கள்  தோல்விஅடையும் நிலை ஏற்படுகிறது! ஜனநாயக எதிர் சக்திகள்,சுரண்டும் பாசிச சக்திகள்  வெற்றி அடையும் சூழல் உருவாக்கப் படுகிறது! உரிமைகோரும் மக்களின்  வாழ்க்கையும் உரிமையும் பாசிச,எதேச்சாதிகார சக்திகளால் பறிக்கப்படும் நிலை ஏற்படுகிறது!


          வேறு வார்த்தைகளில் கூறுவதானால், ஜனநாயகமும் ,மக்களின் உரிமையும்,மக்கள் நலனும், காக்க வேண்டிய,  ஜனநாயகத்தின் அடிப்படை தளத்தில் இயங்க வேண்டிய பத்திரிகைகளின் துணையுடனே இந்தியாவில் ஜனநாயகமும்,மக்களின் நலனும் பறிக்க படுகிறது! பறிபோக காரணமாகஇந்தியாவில்  பத்திரிக்கைகள் இயங்கிவருகின்றன!


   இதுமட்டுமின்றி, பல சமயங்களில்  பாசிச சக்திகளுடன் "கள்ள கூட்டுவைத்துக் கொண்டு,"  பாசிச சக்திகளின் செயல்களை  நியாய படுத்தியும், அவர்களது  ஜனநாயக விரோத,மக்கள் விரோத செயல்களுக்கு,  ஆதரவாகவும்  பரப்புரை செய்யவும் ஊடகங்கள்  தவறுவதில்லை!  இதுமட்டுமின்றி, உரிமைப் போராட்டங்களை ஒடுக்கவும், ஒற்றுமையைக் குலைக்கவும்  "ஐந்தாம்படை வேலைகளை "செய்யவும் அவைகள் தவறுவதில்லை!


     வெகுஜன மக்களின் முக்கிய  பிரச்சனைகளில் இருந்து  அவர்களை திசைதிருப்பும் நோக்கத்தில், முக்கியமற்ற, பரபரப்பு செய்திகளை வெளியிடுவது, இதன் மூலம் முக்கியதத்துவம் வாய்ந்த பிரச்சனைகளில் தீர்வு  ஏற்படாதவாறு,   நீர்த்து போகச் செய்வது,  போன்ற பாசிச செயல்களை செய்வதும் இந்திய ஊடகங்களின்  பணியாக இருந்து வருகிறது!


    மேலும்  அவைகள், உண்மையில்லை என்பதை தெரிந்தே, பொய்யான, கற்பனையான செய்திகளை  மக்களிடம் கொண்டுசென்று அவர்களை மூடர்களாக்கும்,மூளையை  சலவை செய்யும் செய்திகளை தொடர்ந்து செய்துவருகின்றன! தேவையற்ற வதந்திகளை வெளியிட்டு, சமூகத்தில்  பீதியையையும்,பதற்றத்தையும் ஏற்படுத்துவது, வேற்றுமை உணர்வை தோற்றுவிப்பது போன்ற  பணிகளை  திட்டமிட்டே  செய்துவருகின்றன!

    இந்திய ஊடகங்கள்  செய்துவரும் இத்தகைய செயல்களில் சிறுபான்மையினர்  மீது கொண்டுள்ள வெறுப்புணர்வும், இந்துத்துவா நேசமும்  வெளிபடுவதைக் பல்வேறு உதாரணங்கள் மூலம் அறியலாம்! 

அவைகள் குறித்து அடுத்து பார்க்கலாம்! 


Monday, 25 June 2012

ஆட்சித்துறையின் அவலட்சணமும்,இந்துத்துவாவும்!


          ஆட்சிசெய்யும் அதிகாரம் கொண்டிருக்கும் மக்கள் பிரதிநிதிகள் குறித்தும்  அவர்களது இந்துத்துவ சிந்தனையால் இந்திய திருநாட்டில் நிகழ்ந்துவரும் ஜனநாயகச் சீரழிவு குறித்து சென்ற பதிவில் பார்த்தோம்.,


     ஆட்சித் துறை என்னும் அரசு நிர்வாகத்தை செயல்படுத்தும் அரசு அதிகாரிகளின் மனித நேயமற்ற,கொடூரமான, உழைக்கும் மக்களுக்கு குறிப்பாக ஒடுக்கப்பட்டு,தாழ்த்தப் படுத்தப்பட்டுள்ள மக்களுக்கு செயல்களையும் அநீதிகளையும் பார்க்க வேண்டியுள்ளது! ஏனெனில், இத்தகைய கொடுமைகளும் அநீதிகளும் இந்துத்துவா என்ற பிராமணீய பாசிசத்தின் காரணமாகவே இன்றுவரையிலும் தொடர்ந்து வருகிறது!


    இந்தியா சுதரந்திரம் அடைந்து  ஆண்டுகள் பல கடந்தும் கூட, ஜனநாயக ஆட்சி நடப்பதாக கூறும் நாட்டில், சர்வாதிகாரப் போக்கு கொண்ட மேல் சாதியினரின் கொடுமைக்கு தலித்து மக்கள் ஆளாகிவருகின்றனர். அவர்களுக்கு கொடுமைகளை செய்பவர்கள்  கல்வியறிவு இல்லாதவர்களோ, இந்தியாவின் சட்டங்கள்,நீதி,நிர்வாகம் குறித்து எதுவும் அறியாத பாமர மக்களோ இல்லை.!    உயர் கல்வி அமைப்புகளான ஐ.ஐ.டி ,எ ஐஐ எம் எஸ், ஐ.டி.எஸ்,என் ஐ.எல்( IIT, AIIMS, ITS, NIL )  போன்ற மத்திய கல்வி அமைப்பின் கீழ் இருந்துவரும் மெத்தப் படித்த மேதாவிகளான உயர்சாதியினர்தான்!


     கடந்த நான்கு ஆண்டுகளில் பதினெட்டு தலித் மாணவர்கள் தற்கொலை செய்துகொண்டு உள்ளார்கள்! காரணம் உயர்சாதி என்ற பிராமணீய மனுதர்ம மேலாண்மைத் திமிர்தனத்தால்,அவர்களுக்கு மனஉளச்சலை தந்ததுதான்! இதற்கு அந்த நிறுவனங்களில் பணியாற்றும் பேராசிரியர்களும் உடந்தையாக இருந்துவருகின்றனர் என்பது எவ்வளவு கொடுமையான செயல் என்பதை எண்ணிப்பாருங்கள்! பிராமணீய பாசிசத்தைப் புரிந்துகொள்ள முடியும்!


     உயர் கல்விநிறுவனத்தில் சேர்ந்து டாக்டர் படிப்புக்கு AIIMS-யில்  சேர்ந்த,"பால முகுந்த பாரதி" என்ற மாணவர் தற்கொலை செய்து கொண்டார்!  ( சாதிகள் இல்லையடிப் பாப்பா என்று பாடிய பாரதிக்கு இன்றைய கல்வியாளர்களைபற்றி தெரிய வாய்ப்பு இல்லை! ) தெரியாமல் பாடிவிட்டார்)   " ஏண்டாஇங்கே  வந்து,எங்க உயிரைவாங்குறே,  உங்க ஊரில் மருத்துவ கல்லூரி இல்லையா?"  என்று கேட்டும், பல்வேறு வகையில் அவமானப்படுத்தியும், மன உளைச்சலைத் தந்தும், அவனது உயிரை போக்கிக்கொள்ள செய்திருகிறார்கள்! 


     மக்களின் வரிப்பணத்தில் இருந்து, கோடிகணக்கான பணத்தை கொட்டி மைய  அரசால் நிருவகிக்கப் படும் (IIT,AIIMS,ITS,NIL)போன்ற நிறுவனங்கள் உயர்சாதி இந்துக்களுக்கு மட்டுமே உரிமையான இடங்களாக இருப்பதையும், அவைகள் பிராமணர்களின் பரம்பரை  உரிமையாக கருதியும் கொண்டாடியும் வருவதை ஆட்சித்துறை அறிந்துள்ளது! ஆயினும், உருப்படியான நடவடிக்கைகள் எடுப்பதில்லை.! காரணம், இந்துத்துவ சார்பு ஆட்சித்துரையின் அவலட்சணம் தான்! 

     தாழ்த்தப்பட்ட மக்களுக்கு அநீதி இழைப்பதை கண்டுகொள்ளாமல் இருப்பது எனபது ஒரு குற்ற செயலாகவோ, குற்றத்திற்கு ஆதரவளிக்கும் செயலாகவோ, அவைகளை தடுக்கும் தார்மீக கடமை தங்களுக்கு இருப்பதாகவோ, அத்தகைய கடமையை நாம் மீறி வருவது பற்றியோ ஆட்சித் துறையில் உள்ளவர்களுக்கும் அக்கறை இல்லை.  வேறு துறைகளான நீதித் துறை,அரசியலார், ஊடகங்கள்  போன்ற யாருக்கும் இங்கே கவலை இல்லை! வெட்கமும் வேதனையும் இல்லை!!


     சமூகக் கொடுமைகளை,சட்டமீறல்களை,பார்ப்பனிய பாசிசச் செயல்களை   இந்திய ஊடகங்களும் அம்பலப்படுத்துவதில்லை! நியாயம் கேட்டு போராடுவதில்லை! ஆனால், உயர் கல்வி கற்க சென்ற உயர்சாதி மாணவனுக்கு ஏதேனும் நேர்ந்துவிட்டால் ,இவைகள் வைக்கும் ஒப்பாரிக்கு மட்டும் அளவே  இருப்பதில்லை!


     கனடாவிலும்,இங்கிலாந்திலும் சுட்டுக் கொல்லப்பட்ட உயர்சாதி மாணவர்கள் குறித்து, சமீபத்தில் கூக்குரல் இட்ட  இந்திய ஊடகங்கள், ஏன்... இந்தியாவில் உயர்கல்வி நிறுவனங்களில் நடக்கும் கொடுமைகள், குறித்து வாயை மூடிகொள்ளுகின்றன? குறைந்த பட்சம் செய்தியாக கூட அவைகளை வெளியிடுவதில்லை?!  ஏனெனில், இந்திய ஊடகங்களின் இந்துத்துவ பாசமும், அவைகளின் மனுதர்ம ஆசையும்தான்! 


      இந்துகளில், உயர்சாதி சாமியார்கள் செய்யும் காம களியாட்டங்கள், ஊழல்கள், முறைகேடுகள்,அனாசாரங்கள்,அக்கிரமங்கள் பலவற்றையும் இருட்டடிப்பு செய்தும்,நியாயப்படுத்தியும் வருகிற செயல்களை ஒருபுறம் செய்துவருகிற இந்திய ஊடகங்கள், மற்றொருபுறம், சிறுபான்மையினர்,தலித்துக்கள் செய்யும் சிறிய தவறுகளையும் ,குற்றசெயல்களையும் மிகைப்படுத்தியும், ஊதிப் பெருக்கியும் வருவதையும் காணலாம்!


         இவைகளை இந்திய ஊடகங்கள், "  தங்களது இந்துமத தொண்டாக"  செய்துவருகின்றன! பிராமணீயத்தின்  தாக்கத்தில், ஊடகங்கள் உள்ளதால்..., அவைகள்  பிராமணீய நலத்தைக் காக்க, ஜனநாயகத்தையும், சமத்துவத்தையும்,சமூகநீதியையும் கேள்விக்கு உள்ளாக்க  செய்துவரும், மிச்ச மீதி செயல்களை அடுத்தும் பார்க்கலாம்! 

 

Tuesday, 19 June 2012

இந்திய ஊடகங்களின் இந்துத்துவ பாசம்!

    ஒரு ஜனநாயக நாட்டின்  காவலாக,அரணாக இருப்பவை எவை என்பதற்கு, 1)ஆட்சியதிகாரம்,(ஆட்சியாளர்கள்) 2)அரசு நிர்வாகம்,(அரசு அலுவலர்கள்) 3)நீதிபரிபாலனம்,(நீதிபதிகள்)  4)பத்திரிக்கைகள்    என்பார்கள்!


       ஜனநாயகத்தை காக்கும்   தூண்கள் ஆக  கருதப்படும்  இவைகளில் ஏதாவது   ஒன்றில் தவறு  நடந்தால்கூட அது ஜனநாயகத்துக்கு உகந்ததல்ல,கேடானதாகும். அப்படி ஏதாவது  தீங்கு நேரிடுமானால்,ஜனநாயக மாண்புகளைக் காக்கும்,   மற்ற உறுப்புகளைக் கொண்டு அவற்றை சீர்படுத்தி,ஜனநாயகத்தைக் காக்க வேண்டும் (காக்கலாம்) எனபது எதிர்பார்ப்பும் எதார்த்த உண்மையாகவும் இருந்து வருகிறது!


   இந்தியா போன்ற மிகப்பெரிய ஜனநாயக நாட்டில்(?) ஜனநாயகத்தைக் காக்கும்  நான்கு தூண்களும், ஜனநாயகத்தைக் காக்கும் உயரிய,தார்மீக நெறியில் இருந்து  எப்போதோ விலகிப் போய்விட்டன. ஜனநாயத்தை போர்வையாகக் கொண்டு, இந்தியாவில்  இப்போது நடந்துவருவதும்  இருப்பதும் "எதேச்சதிகாரம் என்ற பாசிசமே" ஆகும் !


   இந்திய ஜனநாயகம் எனபது ,' இந்து' என்கிற முகமூடியணிந்த " பிராமணப் பாசிசமே" எனபது எனது உறுதியான கருத்தாகும்!


    நான் இப்படிகூறுவது, இன்னும் இந்தியாவில் உண்மையான ஜனநாயகம் உள்ளதாக எண்ணி மாயையில்  வாழ்ந்துவரும்  அறிவு ஜீவிகளுக்கும், அரசியலாருக்கும் மனக்கசப்பை ஏற்படுத்தலாம் எனினும்,அது கசப்பான உண்மைதான்!


இந்தியாவில்  ஜனநாயகத்தை  காக்கும் நான்கு தூண்களும் சிதைவுக்கு ஆளாக்கப்பட்டு எப்படி இன்று காட்சியளிகின்றன என்பதை  தொடர்ந்து பார்கலாம்:


ஆட்சி அதிகாரம் என்னும் ஆட்சியாளர்கள்:


     ஆட்சி அதிகாரம் எனபது,  மக்களால் தேர்ந்து எடுக்கப்படும் மக்களின் பிரதிநிதிகளால் மக்களின் நல்வாழ்வுக்கும்,முன்னேற்றத்திற்கும்  மேற்கொள்ளப்படும், செயல்படுத்தப் படும்  நலப் பணிகளாகும்!


       மக்களால் தேர்ந்தெடுக்கப்படும் பாராளுமன்ற உறுப்பினர்கள்,மந்திரிகள், பிரதமர், போன்ற  மத்திய அரசின்  அதிகார வர்கத்தில் இருந்து,மாநில அரசுகளின்  முதல்வர்கள்,மந்திரிகள்,சட்டமன்ற உறுப்பினர்கள்,தொடக்கி  உள்ளூர் பஞ்சாயத்துதலைவர்,உறுப்பினர் வரையில் உள்ளவர்களும்,  ஆட்சி அதிகாரத்தில்  அங்கம் வகிப்பவர்களுமான  மக்கள் பிரதிநிதிகளின்   யோக்கியதை என்ன? அவர்கள் மக்களுக்காக செய்யும் நலப்பணிகள் என்ன? ஜனநாயகத்தை காப்பாற்ற   அவர்கள் மேற்கொள்ளும்  பணிகள்  என்ன? என்பதை குறித்து ஆராய்ந்தோமானால்  நமக்கு ஏமாற்றமே கிடைக்கும்! 


   எவையெல்லாம்  மக்கள் நலனுக்கும் ஜனநாய மேன்மைக்கும் எதிரான செயல்களோ,அவைகளையே  மக்களின் பிரதிநிதிகள் பலரும் கூட்டாகவும்,தனியாவகவும் செய்துவருவதை காணலாம்!


    ஆட்சி அதிகாரத்தை பயன் படுத்தும்   மக்கள் பிரதிநிதிகள்   பலரும் கிரிமினல் குற்றசெயல்கள் செய்பவர்களாக  ஊழல்,முறைகேடுகள், கருப்புப்பணம், போன்ற  முறைகேடுகளில் ஈடுபடுபவர்களாக, இருப்பதை காணலாம்! இவைகள் குறித்து  பல்வேறு  உதாரணங்களை  ஆதாரமாக முன்வைக்க வேண்டிய  அவசியம்  இல்லாதபடி   எல்லோரும் அறியும் வகையில் இருப்பதை அறிவோம்!  கொஞ்சமும்  வெட்கமின்றி, வெளிச்சம் போட்டு,மிகக்   கேவலமாக,ஆட்சியில் உள்ளவர்கள்   நாட்டின்  செல்வதை  களவாடுகிறார்கள்! ஜனநாயகத்தை கெடுத்து வருகிறார்கள்!


     இப்படி செய்பவர்களை,சமூக குற்றங்களை செய்பவர்களை  எப்படி ஜனநாயகத்தை காப்பதாக சொல்லமுடியும்? சரி. இவர்களை  தண்டிக்கும் அதிகாரம் உள்ள நீதித் துறை எப்படி  உள்ளது? நியாகமாக நடந்துகொண்டு, தண்டிகிறதா?  ஆட்சியாளர்களை  நல்வழிப்படுத்தி,ஆலோசனை  கூறி,நல்ல ஆட்சியை  நடத்த வேண்டிய  பொறுப்புள்ள  அரசு நிர்வாகம்  இன்று எப்படி  உள்ளது? தனது கடமையை  உணர்ந்து காரியம் ஆற்றுகிறதா? எல்லாவற்றுக்கும் பதிலாக இல்லையென்றுதான் சொல்லமுடியும்!


     இவைகள் எல்லாமே, ஊழலுக்கும் முறைகேட்டுக்கும் துணைபோகும் நிலையில்  உள்ளது!  இவைகள்  முறையே கூட்டாகவும், தனித்தனியாகவும்  குற்றங்களில்  ஈடுபட்டும், குற்றச் செயல்களில் ஈடுபடுவோரை பாதுகாக்கும் நிலையை  அடைந்து உள்ளது! அதாவது பாசிசமாகப் பட்டுவிட்டது! 


    இவைகளுக்கு காரணம்  என்ன? ஜனநாயகத்தின் பேரில், உழைக்கும் மக்களின்  உடமைகளை, உரிமைகளைப் பறிக்கும் செயல்களில் ஈடுபடும் இத்தகைய செயல்களை  எப்படி ஜனநாயகம் என்று ஏற்க முடியும்?

    பாசிசம் என்றுதானே கூறமுடிகிறது!  உடனே சரி,நீங்கள் கூறுவதுபோல இந்தியாவில்  ஜனநாயகம் இல்லை, பாசிசம் தான் ஆட்சி செய்கிறது என்றே ஒப்புகொண்டாலும்  அதனை  எப்படி இந்துமத பாசிசம், பிராமணீயம் என்று சொல்லலாம்  எனக்   குதர்க்கமாக கேட்கும் அறிவு ஜீவிகளுக்கு...


    தீண்டாமைக் குற்றம்  எனபது ஆட்சியின் சட்டம்  ஆனால் இந்தியாவில் நிகழும் தீண்டாமைக் கொடுமைகள் எத்தனை? அத்தகைய குற்ற செயல்களை யார் செய்கிறார்கள்? செய்பவர்களுக்கு என்ன தண்டனை கிடைக்கிறது? குற்ற வாளிகளை  யார் பாதுகாக்கிறார்கள்? அவைகள் ஏன் தடுக்கபடுவதில்லை?   என்பதுபோன்ற  விஷயங்களை கவனத்தில் கொள்ளுமாறு வேண்டுகிறேன்.  கவனத்தில்  கொண்டால், அதன் பின்னணியில்  இந்துமதமும், அதன் பின்னணியில் மனுதர்ம மகானுபாவர்களும்,சாதிய கட்டமைப்பும்,அதனைக் கட்டியமைத்து காப்பாற்றிவரும்  பிராமணீயமும் இருப்பது  புலப்படும்!


    இந்தியா ஒரு மதசார்பற்ற நாடு எனபது,  அரசியல் சட்ட நிலைப்பாடு!  அரசு அலுவலகங்கள்  தொடக்கி, சட்டத்தை காக்கும் காவல் நிலையம், நீதிமன்றங்கள் அனைத்தயும்  கட்டும்போதே...  இந்து முறைப்படி பூமிபூசை  போட்டு,  பிராமணர்களைக் கொண்டு வேதம் ஓதச்  செய்து,  கட்ட ஆரம்பிப்பது முதல்,       ஆயுத பூசை,சரசுவதி பூசை என்று  இந்துமதப் பண்டிகைகளை  மட்டுமே கொண்டாடுவது போன்ற  மத சார்பற்ற, சமத்துவமான(?) கடமைகளை,   எல்லோருக்கும் பொதுவான, சமயசார்பற்ற  அரசு அலுவலகங்களிலே செய்வது, அப்புறம் கோயில்களை  அரசு வளாகங்களிலேயே கட்டி இருப்பது வரையில்...  ஏன்? அதன் பின்னணியில் இருப்பது எது?   என்று  சிந்தித்துவிட்டு,  விவாதிக்க வருமாறு வேண்டுகிறேன்!


       ஆட்சி அதிகாரத்தை  தவறாக  பயன்படுத்தி வரும்   மக்கள் பிரதிநிதிகளின்  ஊழல்,அதிகார துஷ்பிரயோகம்  குறித்து  செய்திகளை வெளியிடும்  ஊடகங்கள்   வெளியிடும் செய்திகளில்தான்  எத்தனை  பாரபட்சங்கள்? 

      ஊடகங்கள்  பாசிச ஆட்சியாளர்களுக்கு பரிந்து  செய்தி வெளியிடுவதையும் , அரசின்  உயர் கல்வி அமைப்பான  ஐ.ஐ.டி யில்  நடந்துவரும் சமூகக் கொடுமை,உடகங்களின் இந்துத்துவ பாசம், சிறுபான்மையினர், தாழ்த்தப்பட்டவர்கள் மீது  கொண்டுள்ள வெறுப்புணர்வு, போன்ற   செய்திகளை  அடுத்தடுத்து  பார்க்கலாம்!

Tuesday, 12 June 2012

பிராமணர்களின் சுரண்டலில் பிறசாதி இந்துக்கள்!

       இந்துவாக பிறந்த,பிராமணர் அல்லாதவர்கள் ஒவ்வொருவரும்  தாங்கள்  விரும்பினாலும் விரும்பாவிட்டாலும்,பிராமணர்களின்   தொடர்ந்த வருமானத்துக்கும்சுரண்டலுக்கும், உதவிடும் வகையில்   இந்துமதத்தில் உள்ளவர்களின் வாழ்க்கையானது   பிராமணர்களால்  நுணுக்கமாக கட்டமைக்கப்பட்டு உள்ளது!

     இந்த கட்டமைப்பின் படியேதான் இந்துமதத்தில் பிறந்த பிராமணர் அல்லாத  இந்துக்கள்,   இன்றளவும்  வாழ்ந்து வர வேண்டிய நிலை இருந்து .வருகிறது! 

       இந்துவாக பிறக்கும் ஒருவனின்  இன்பதுன்பங்கள் எதுவானாலும் பிராமணர்களுக்கு அவன்  ஒரு விலையை, தட்சணையாக, கொடுத்தே தீர வேண்டும்! 

       ஒரு குழந்தை இந்துவாக பிறக்கிறது என்றால்,   அந்த  குழந்தை பிறந்த நேரத்தைக் குறித்து, அந்த குழந்தை பிறந்தது நல்லதா,கேட்டதா  என்று அறிய ஜாதகம் எழுதுவதில் தொடக்கி, சோதிடம் பார்ப்பது, குழந்தையை தொட்டிலில் போடுவது, பெயர் வைப்பது, அதனை பள்ளியில் சேர்ப்பது, இடையிடையே  தோஷம்  கழிப்பது,  பரிகாரம் செய்வது  போன்ற எல்லா சடங்குகளிலும் பிராமணர்களே  முன்னிறுத்தப்பட்டு  வருவதையும்  இந்த முன்னிறுத்தும்  நிகழ்வுகள்  ஒவ்வொன்றுக்கும்  கணிசமான  வருவாயை பிராமணர்கள் பெறுவதையும்  பார்க்கலாம்!  


      பிறந்தது பெண்குழந்தையாக இருந்து விட்டால், அது பருவத்துக்கு வந்தது குறித்து ருது ஜாதகம் என்று வேறு  எழுத்வார்கள்! அவர்களுக்கு  திருமணம்  செய்ய வேண்டும் என்றால்... பெண் வீட்டார்  ஒரு ஜோதிடரிடம்  சென்று நல்லநேரம், நாள் பார்த்து, மாப்பிள்ளை பார்க்க போவது, பிடித்து இருந்தால்  மணமகனுக்கும், மணப்பெண்ணுக்கும்  தனித்தனியே  தங்களுக்கு தெரிந்த ஜோதிடரிடம்  சென்று பொருத்தம் சரியாக உள்ளதா? என்று பார்ப்பது, அப்புறம்  பொதுவான  ஜோதிடரிடம் காட்டி சரி பார்ப்பது, முகூர்த்த தேதி குறிப்பது,  நல்லநாள் பார்த்து, பத்திரிகை அடிப்பது, திருமணம் செய்வது, அவ்வளவு ஏன் ? சாந்தி முகூர்த்ததுக்கு  கூட  பிராமணப் ப்ரோகிதர்களின் அனுமதியும்  வழிகாட்டலும் தேவை என்னும் படியாக  எத்தனையோ சடங்குகள், சம்பிரதாயங்கள்  இந்துமதத்தில் உள்ளதையும், அவைகளில் பிராமணர்கள்  வருமானம் அடைந்து வருவதையும்  பார்க்கலாம்! 


        குழந்தை பிறந்தால்  அதற்கும்  ஒரு சடங்கு, இறந்துவிட்டால் அதற்கு  ஒரு சடங்கு, இறந்தவருக்கு  ஈமச் சடங்கு, அப்புறம்,  வருஷாவருஷம்  திதி செய்வது..., 
      இறந்தவர்கள்  வீடு தீட்டு பட்டுவிட்டது  ஆகவே, அந்த வீட்டை பிராமணர்கள்   மந்திரம் ஓதி,     தீட்டை நீக்கி, பிராமணர்கள் புனிதப் படுத்துவார்கள்!   சும்மாவா புனிதப் பணி நடக்கும் ?   அத்தனைக்கும் பிராமணர்களுக்கு  வெகுமதிகள், தட்சணைகள், கிடைக்கும்!  


      "பொண்ணு செத்தால் என்ன? மாப்பிள்ளை செத்தால் என்ன? மாலைகாரனுக்கு பணம்  கொடுத்தே ஆகவேண்டும்! "  என்று கிராமங்களில்  சிலர் சொல்வது,,   யாருக்கு  பொருந்துமோ,இல்லையோ, பிராமணர்களுக்கு பொருந்துவதை  நீங்களே  உணரலாம்!

       "வேகிற வீட்டில் பிடுங்கியது வரை லாபம்" எனபது போல, ஒவ்வொரு இந்துவின்  துன்பத்திலும் கூட...   ஆதாயம் பெரும் வக்கிர,கொடூர மனமும்,செயலும் பிராமணர்களின்  இனநல மேன்மைக்கான  செயல்களாகவும்  அவர்களது, சடங்குகளாகவும் இருப்பதை காணலாம்!

       மற்றொரு புறம், உழைக்கும் மக்களின்  உடமைகளும்,செல்வமும்  பிராமணர்களின்  இத்தகைய சடங்குகள் மூலம்  பறிக்கப்படுகிறது என்பதையும்  அறியலாம்!

        இப்படி...,  தனிமனித வாழ்வில் மட்டுமின்றி, எல்லோரையும் கூட்டி  கொண்டாட்டம், திருவிழா என்ற பெயரில் பிராமணர்கள் அடையும் (அடிக்கும்)  கூட்டு கொள்ளையும்  அவர்களுக்கு கிடைக்கும்  பலா பலன்களும்  தனிரகமாகும்!

           "பிராமணர்கள்  மனித நேயமின்றி, கொஞ்சமும் வெட்கமின்றி, தங்களைவிட கீழாக...  தாங்கள்  நினைக்கும் சாதிகளிடம்,  தொடர்ந்து  ஏய்த்தும், உழைப்பை உறுஞ்சியும் வருவது..  குறித்து , அது தவறு எனபது குறித்து,"  யாரும் எடுத்துரைப்பது இல்லை! 

     அப்படியே யாரேனும் எடுத்துரைத்தால்,  அதனை பிராமணர்களும் அவர்களது  இன நலத்தை மட்டுமே விரும்பும் ஆதவாளர்களும், மட சாமியார்களும், ஞான குருக்களும், லோக குருக்களும் ஆகிய  பலரும் ஏற்றுக்கொள்வதும் இல்லை!  அனால்,அப்படி எடுத்துரைக்கும் மக்களை பற்றி     என்ன கூறுவார்கள்? எப்படி எதிர் வினையாற்றுகிறார்கள்  தெரியுமா?


       பிராமணர்களின் இந்த கட்டமைப்பை,சுரண்டலை,   எதிர்க்கும்  மக்களை,அவர்கள்  இந்து மதத்தில் அவர்கள்இருந்தாலும், பிறப்பால் இந்து ஆகவே இருந்தாலும் கூட,  இந்துமத எதிரிகளாகவும், நாத்திகர்களாகவும், தெய்வ நிந்தனை செய்பவர்களாகவும்  முத்திரை  குத்தி, அவர்களைத்  தூற்றுவார்கள் ! 

     இந்துமத வெறியால் அறியாமையில் மூழ்கியுள்ள பிற சாதியினரிடம் அவர்களைப் பற்றி   பொல்லாங்கு கூறி, அவர்கள் மூலமும்   அடக்கி,ஒடுக்க முற்படுவார்கள்! 


   ஏனெனில்,  "இந்துமதம் என்ற பிராமணர்களின் நலனுக்காக மட்டுமே உள்ள பாசிசமானது, தனது கட்டமைப்பை கேள்விக்குள்ளாக்கும் எந்த நிகழ்வையும்,எந்த மனிதனையும்  ஏற்றுக் கொள்ள தயாராக இல்லை" என்பதுதான்! 
    அவ்வாறு இந்துமதம்  ஏற்றுகொண்டால்,  "பிராமணர்களின் தொடர்ந்த வருமானம்,அவர்களது முக்கியத்துவமும், அதிகாரமும்  பறிபோய்விடும் என்ற பிராமணர்களின்  அச்ச உணர்வும்" காரணமாகும்! 

        பிராமணர்களின் சுரண்டலுக்கு  ஊடக அறிவு ஜீவிகள், நியாயத்தையும்  நீதியையும் நிலைநாட்ட, ஜனநாயகத்தைக்  காப்பாற்ற,சமூக கொடுமைகளை களைய, பாடுபடுவதாக கூறும் பத்திரிக்கைகள்,இதர ஊடகங்கள்  எப்படியெல்லாம்  இன உணர்வுக்கு  ஆளாகி, உதவி வருகின்றன,மக்களைச் சுரண்டவும்,மக்களின்  மூளையை  மழுங்க அடிக்கவும்  வேப்பிலை அடிக்கின்றன  என்பதை அடுத்து பார்ப்போம்! 

Thursday, 7 June 2012

பிராமணர்களின் சடங்குகளும் நோக்கமும்!

         எந்த மதத்தையும் விட அதிகமான,அவசியமற்ற ஏராளமான சடங்குகள் இந்து மதத்தில் இடம்பெற்று உள்ளதை யாவரும் அறியலாம்!தடுக்கி விழுந்தால் கூட அது கெட்ட சகுனம் என்றும்,பூனை குறுக்கே போனால்,ஒற்றை பிராமணன் எதிரில் வந்தால்,கணவனை இழந்தவள் எதிரில் வந்தால் அவைகள் கெட்ட சகுனங்கள் என்றும் பள்ளி விழுந்தால்,ஆந்தை அலறினால்,காகம் கரைந்தால் கூட சகுனம் பார்க்கும் நிலையில் இந்து மதத்தில் உள்ளவர்கள் இருப்பதை இன்றும் பார்க்கலாம்!

        இந்துமத்தில் ஏராளமான கடவுள்கள் உருவாக்கப்பட்டு இருப்பதைப் போலவே,அவற்றுகு உற்சவங்கள், திருக்கல்யாணங்கள், தேரோட்டங்கள், பண்டிகைகைகள் என்று ஏராளமான விழாக்களும்   விழாக்களின்   வழியே ஏராளமான சடங்குகளும் நடத்தப்பட்டுவருவதை அறிவோம்!

     இத்தகைய  சடங்குகளிலும், கொண்டாட்டங்களிலும்   யாருக்கு  பயனுண்டோ, இல்லையோ,  யார் பங்கு பெறுகிறார்களோ இல்லையோ, பிராமணர்கள் பங்கேற்பும்,அவர்களுக்கு பயனும்,லாபமும்,நிச்சயம் இருப்பதை பார்க்கலாம்!

      அரசன் முதல் ஆண்டி வரையில்,சாதாரண ஏழை முதல், செல்வந்தர்கள், சமூகத்தில் எத்தனை செல்வாக்கு பெற்றவர்கள் ஆக இருந்தாலும்,  அத்தனை பேர்களும்,  பிராமணர்களின் முக்கியத்துவத்தை  உணர்ந்து கொள்ளவும்,அவர்களது உயர்வு நிலையை... "கேள்வியே இன்றி"  ஏற்றுக் கொள்ளவும்,பிராமணர்களால் ஏராளமான பண்டிகைகளும்,திருவிழா போன்ற கொண்டாட்டங்களும் உருவாக்கப்பட்டு உள்ளன. அப்படி உருவாக்கப்பட்டு உள்ள இந்துமத பண்டிகைகள்,கொண்டாட்டங்கள்  இன்றுவரை தொடர்ந்து கடைபிடிக்கப்பட்டு வருகிறது!

      இதுபோன்ற இந்துமதக் கொண்டாட்டங்களும்,பண்டிகைகளும், பிராமணர்களுக்கு தொடர்ந்த வருவாயை கொடுக்கும் காரணியாக, ஒருபுறம்  இருந்து வருவதையும், மற்றொரு விதத்தில் அவைகள், உழைக்கும் மக்களிடம்  இருந்துவரும் மிகச்  சிறிய அளவிலான செல்வத்தையும்,அவர்களின் முக்கியத் தேவைக்கும்  உள்ள சேமிப்பையும்   கூட இழக்கச் செய்யும் பிராமணர்களின்  திட்டமிட்ட    தந்திரமாகவும்  இந்துமத பண்டிகைகளின் பின்னணியில் இருந்துவருகிறது!

   இந்துமதத்தின் பூஜை,வழிபாடுகளை நாம் கவனித்தோமானால், அவைகளில் இறைவனுக்கு படைப்பது,அபிஷேகம் செய்வது என்ற பெயரில் உணவுப் பொருட்களும்,பால்,நெய்,வெண்ணை, போன்ற சத்துமிக்க, மனிதர்களின் ஆரோக்கியத்திற்கும் அடிப்படையாகவும் தேவைப்படும் பல பொருட்கள் வீணடிக்கப் படுவதையும் பார்க்கமுடியும்!

ஒரு தீபாவளி,ஒரு ஆயுதபூஜையையோ உதாரணத்துக்கு எடுத்துக் கொண்டால் விரையமாகும் பொருட்கள் என்ன,அவைகள் எப்படி விரயமாகிறது, விரையமாகும் பொருட்களின் மதிப்பு எவ்வளவு, அதனால் கிடைக்கும் பலன் என்ன? எனபது எல்லோருக்கும் புரியும்!

ஒருநாளைக்கு ஒருவேளைகூட உணவின்றி பல்லாயிரக்கணக்கான மக்கள் பரிதவித்து வாடும் ஒருநாட்டில், அடிப்படைத் தேவைகள் நிறை வேற்றப்படாத இந்தியாபோன்ற நாட்டில் இத்தகைய சடங்குகளும், திருவிழாக்களும் தேவைதானா? என்று சிந்தித்துப் பாருங்கள்!

     இதில் ஒரு வேடிக்கை என்னவென்றால், இதுபோன்ற சடங்குகளைப் பற்றியோ, அவைகளினால் வீணாகும் கோடிக்கணக்கான் பொருட்கள், மற்றும் அதன் மதிப்பு பற்றியோ, அவைகளை உணவின்றி வாடும் ஏழை, உழைக்கும் மக்களுக்கு வழங்க வேண்டும் என்றோ, இந்துமதத்தில் பற்றுள்ள, இந்துமத பெரியவர்களும், ஞானிகளும், மடாதிபதிகளும் கூட... வாயே திறப்பதில்லை! மக்களின் நம்பிக்கை, ஐதீகம்,மரபு,வழிவழி சடங்கு என்று அவர்கள் கூறுவதையும்,கண்டும் காணாமல் இருப்பதையும் வழக்கமாக வைத்துள்ளார்கள்!

      மக்களின் சேமத்திற்காக,நன்மைக்காக, வளத்துக்காக யாகங்களும், வேள்விகளும்,நடத்தும் போதும் அதுபோன்ற செயல்களின் போதும்கூட, ஏராளமான் பொருட்களை விரையம் செய்யும் சடங்குகள்  நடத்தப்படுகிறது!  அப்படி நடத்துபவர்கள் கூட, முன்மாதிரியாக இருந்து, ஏழைகள் மிகுந்த நாட்டில், உணவின்றி மக்கள் தவிக்கும் சூழலில்  "பாலைக் கொட்டியும், உணவுப் பொருட்கள்,பழம் ,ஆடைகள், நெய், தேங்காய், போன்றவற்றை வீணாக்கி வருவதை பார்க்கலாம்!

     இவைகளுக்கு காரணம் என்ன?  பற்றாக்குறை உள்ள நாட்டில், மேலும் செயற்கையாக பற்றாக்குறையை ஏற்படுத்துவது,  உழைக்கும் மக்களிடம் பொருள் சேராமல் அவனை  திருவிழா,சடங்கு என்ற மகிழ்ச்சியான போதையில் ஆழ்த்தி, தொடர்ந்து அவனை அடித்தட்டு மக்களாகவே நீடித்து வரச் செய்வது, அவர்கள் மூலம் பிராமணர்கள் தங்களது மேலாண்மையை, உயர்வு நிலையை தொடர்ந்து வலியுறுத்தி,நிலைநிறுத்திக் கொள்ளவதுடன், இதுபோன்ற சடங்குகள்,விழாக்கள் மூலம், தங்களின் வருவாயை அதிகரித்தும்,தொடர்ந்து பெற்றுவரவும் செய்வது போன்ற  பிராமணர்களின் பொருளாதார நோக்கமே இத்தகைய இந்துமத சடங்குகள்,விழாக்களுக்கு காரணம் ஆகும்!

      இவைகளை நான்  ஏதோ, பிராமணர்கள் மீது  வெறுப்பு கொண்டு எழுதுவதாக கூறி,  இந்து மத சடங்குகளால் உழைக்கும் மக்களுக்கு ஏற்படும் பாதிப்புகளை உணராமல், உணர்ந்தாலும் அதனை ஏற்றுக் கொள்ளும் நியாயமான மனம் இல்லாமல், வழக்கம் போல என்னை தவறாக சித்தரிக்கவும், முனைந்து விபரீத அர்த்தங்களைக் கற்பிதம் செய்துகொள்பவர்களுக்காக ...  பிராமணர்களின் இன மேன்மைக்கு, இலக்கணம் வகுத்துக் கொடுத்த சாணக்கியரின் அர்த்த சாஸ்திரத்தில் உள்ள ஆதாரங்களையே பதிலாகவும் தரவேண்டியுள்ளது!

   " எதிரிகளை ஏமாற்ற அரசன் தானே ஒரு யாகத்துக்கு ஏற்பாடு செய்யலாம்.பரிகாரங்கள் செய்யப்போவதாக அறிவிக்கலாம்.இவற்றிலே எதிரி கவனம் செலுத்தும்போது திடீரென்று அவன் நாட்டின் மீது படையெடுத்து விடலாம்" (அர்த்த சாஸ்திரம்-13:2)

  "அரசாங்கத்தின் கருவூலத்தைப் பெருக்கிக் கொள்ள ஒரு கெட்ட சகுனத்தை சுட்டிக் காட்டலாம்.பிறகு   பெருன்கேடுதலை  தவிர்க்க  கடவுளை வழிபட என்று சொல்லிப் பணம் வசூலிக்கலாம்" (அர்த்த சாஸ்திரம்-5:2)

   மதச் சம்பிராயங்களில் மூட நம்பிக்கைகள் உள்ளன.அரசன் அவற்றைப் பயன்படுத்திக் கொள்ள வேண்டும்"(அர்த்த சாஸ்திரம்-9:4)

அர்த்த சாஸ்திரம் எழுதப்பட்டபோது, அரசர்களை முன்னிறுத்தி பிராமணர்கள் செய்துவந்த இனநலம்,ஆதிக்கம், சுரண்டல் முறையிலான சுகவாழ்வு இன்றைய காலத்திலும் திருவிழா,சடங்குகள்,பரிகாரங்கள் என்ற பெயரில் தொடர்ந்து வருகிறது! அன்று மன்னர்கள் மூலம் மறைமுகமாக,இன்று மக்களின் மூலம் நேரடியாக!

     ஒருமனிதனின் பிறப்பில் இருந்து, அவன் இறப்பு வரையிலும் ஏன் இறந்த பிறகும்கூட கருமாதி, பெரிய காரியம்,புண்ணியார்ச்சனை,தீட்டு கழித்தல் என்று  சுரண்டும் பிராமணர்களின்  சுரண்டலையும், சடங்குகளையும்  அடுத்தும் பார்க்கலாம்!