Friday, 27 December 2013

புது துடைப்பம் நன்றாக பெருக்குமா?

    இந்திய ஜனநாயகத்தின் புதிய வரவு ஆம் ஆத்மி கட்சி  தலைநகர் டெல்லியில் நாளை ஆட்சி அமைக்க இருக்கிறது.

    அக்கட்சி துடைப்பம் சின்னத்தில் நின்று ஆளும் காங்கிரஸ் கட்சியை ஆட்சியில் இருந்து அகற்றி இருக்கிறது. வேடிக்கை என்னவென்றால் ஊழலை எதிர்ப்பைத் தனது கொள்கையாக அறிவித்து ஆளும் கட்சியான காங்கிரசை எதிர்த்த ஆம் ஆத்மி கட்சி இன்று ஊழலால் ஆட்சியை இழந்த காங்கிரஸ் கட்சியின் ஆதரவுடன் ஆட்சி அமைப்பது வேடிக்கை விநோதமாகும்!


        ஆட்சி அமைக்க முன்வந்தவுடன் ஊழல் அரசியல்வாதிகள் மீது நடவடிக்கை  எடுக்கப்படும், குடிநீர் மின்சார பிரச்னைகள் தீர்க்கப்படும், நேர்மையான,ஊழல் அற்ற நிர்வாகம் நடக்கும் என்று உறுதி அளித்து உள்ளது.!

      ஆங்கிலத்தில்,"  புது துடைப்பம் நன்றாக பெருக்கும்" என்று பழமொழி உண்டு.!  அதனை உண்மை என நம்பும்படி "ஆம் ஆத்மி" கட்சியின் ஆரம்ப செயல்கள் உள்ளன.

       ஆட்சி அதிகாரம்,பதவியால் கிடைக்கும் புகழ்,பணம் ஆகியவைகள் குறித்து அக்கட்சிக்கு  தெரியவில்லை.!  மேலும் ஊழலில் ஊறித் திளைத்து இருக்கும்  இந்திய அரசியல்வாதிகள் தங்களை சுதந்திரமாக ஆட்சி நடத்தவும்,மக்கள் பணியை செய்யவும் அனுமதிப்பார்களா? என்பது பற்றிய சிந்தனை அக்கட்சிக்கு இருப்பதாக தெரியவில்லை. அதனால் இன்றி,கம்பீரமாக  மக்களுக்கு நம்பிக்கையுடன் வாக்குறுதி அளித்து வருகிறது.!


 உண்மையில் நேர்மையுடன் ஆட்சியை நடத்தினால் ஆம் ஆத்மி கட்சியை மக்கள் வரவேற்கவே செய்வார்கள். ஆனால் நேர்மையை இந்திய ஜனநாயகத்தில் அதிகம் காணமுடியவில்லை.எதிர்பார்க்கவும் வழியில்லை  என்பதால்டெல்லியில்  நித்திய கண்டமாகவே ஆட்சி இருக்கும் என்பது நிதர்சனமாக தெரிகிறது.!

புது துடைப்பம் இப்போது நன்றாகஇருக்கிறது. அது ஊழலை பெருக்குகிறதா? குறைக்கிறதா? என்பதை அக்கட்சியின் நடவடிக்கைகளில் இருந்து விரைவில் தெரிந்து கொள்ளமுடியும்.!

 டெல்லியின் புது மனைவியாக  குடித்தனம் நடத்தத் தொடங்கும் ஆம் ஆத்மிக்கு நமது  நல்வாழ்த்துக்கள். !




Thursday, 5 December 2013

ஊழலும், ஊழல் சார்ந்த... இந்தியாவும்.!

          உலக அளவில் சமீபத்தில் நடத்தப்பட்ட சர்வதேச ஆய்வு ஒன்று ஊழல் மிகுந்த நாடுகள் வரிசையில் இந்தியா 94-வது இடத்தில இருப்பதாக அறிவித்து இருக்கிறது. பாகிஸ்தான் 127-வது இடத்தில இருக்கிறதாம்.

         இந்தியாவில் சென்ற ஆண்டுக்கும் இந்த ஆண்டுக்கும் இடையில் ஊழலிலும் எந்தவித வேறுபாடும் மாற்றமும் ஏற்படவில்லையாம்.அதே நிலையில்,அதே  இடத்தில நீடித்து வருகிறதாம்.


        ஏதோ,ஊழலில் தவிர மற்ற துறைகளில் மாற்றம் ஏற்பட்டு விட்டது போல இதனைச் சொல்கிறார்கள். !  மக்களை மடையர்களாக நினைத்து செயல்படும் ஆட்சியாளர்கள் தேர்தல் காலங்களில் மட்டும் உத்தமர்கள் போல  ஆகி விடுகிறார்கள்.

        நடைபெற்றுவரும் 5 மாநில தேர்தலில்,காங்கிரஸ் ஆட்சி செய்த டெல்லி, இராஜஸ்தான் மாநிலங்களில் பி.ஜே.பி. கட்சி அதிக இடங்களைப் பிடிக்கும் என்று தேர்தலுக்கு பிந்தைய கருத்துக் கணிப்புகள் சொல்கின்றன.

       இதுவரை நடந்த ஊழல்கள் எல்லாம் களையப்பட்டு,குற்றவாளிகள் தண்டிக்கபடுவார்கள் என்பது போலவும் பி.ஜே.பி.கட்சி பிரசாரம் இருந்தது. 

        தேர்தல் கணிப்புகளின்படி  பி.ஜே.பி.கட்சி ஆட்சிக்குவந்தாலும் காங்கிரஸ் கட்சியை குற்றம் சொல்லியே, தங்களது காரியத்தை பார்க்கப் போகிறார்கள். ஊழலை தொடருவார்கள்.என்பதுதான் இந்தியாவின் நிலை.ஏனென்றால் ஊழலும் ஊழல்  சார்ந்த இடமும் ஆக  இந்தியாவும் இருக்கிறது.!



       போகட்டும், ஊழல் என்பது இந்தியாவின் அடையாளம் மட்டுமே  என்ற நிலை மாறி, இப்போது சர்வதேச அடையாளமாக மாறி வருவதை   ஊழல் பற்றிய சர்வே முடிவுகள் தெரிவிகின்றன.

        ஊழலை ஏற்றுக்கொண்டும்,சகித்துக் கொண்டும், ஊழல் செய்தும் வாழவும்  மக்கள் எல்லாநாடுகளிலும் பழகி வருகிறார்கள் என்பது அதிர்ச்சிதருகிறது.

        எல்லா நாட்டு மனிதர்களிடமும் பொதுநலம் போய்விட்டது. எங்கும்,எதிலும்,சுயநலமும் அதன் காரணமாக ஊழலும் முறைகேடுகளும் செய்யவும் தொடங்கிவிட்டார்கள்.மனிதர்கள்  மாறிவிட்டார்கள். அதனால் ஊழல் அதிகரித்து வருகிறது. உலகம் அன்பு,நட்பு,பாசம்,மனித நேயம் அற்ற காடாக,பாலைவனமாக ஆகிவருகிறது.

      சுருங்க சொன்னால், உலகம் அழிவுக்கு ஆளாகி வருவதன் அடையாளமாக இதனை நாம் பார்க்கவேண்டி உள்ளது.



Wednesday, 27 November 2013

சூத்திரனுக்கொரு நீதி,தண்டச் சோறுண்ணும் பார்பனனுக்கு ஒரு நீதி..!

           சூத்திரனுக்கொரு நீதி, தண்டச் சோறுண்ணும் பார்பனனுக்கு  ஒரு நீதி சாத்திரம் சொல்லிடுமானால் அது சாத்திரமில்லை, சதியெனக் கண்டோம்!   என்றான் பாரதி.

           இன்று நீதியின் பெயரால் சங்கராச்சாரியார் விடுதலை செய்யப்பட்டு இருப்பதையும்  சந்தேகத்தின் பெயரால்  பொட்டிகடை, பழக்கடை, பழைய இரும்பு செய்து   பிழைப்பு நடத்திவரும் முஸ்லிம்கள் பயங்கர சதி செயலில் ஈடுபட்டதாக பிடித்து ஜெயிலில் போட்டு சித்திரவதை செய்வதையும் நினைத்துப் பார்க்க தோன்றுகிறது.


           மகாகவி  பாரதி சொன்னதுபோல மனுதர்மம சாஸ்திரப்படி இந்தியாவில் நீதி பரிபாலனம் நடக்கிறதோ? என்ற சந்தேகம் ஏற்படுகிறது.!

           காஞ்சி மடச் சங்கராச்சாரியார்கள் விடுதலை செய்யப்பட தீர்ப்பின்படி  பார்த்தால்,படு கொலை செய்யப்பட்ட வரதராஜர்கோயில் மேலாளர் சங்கரராமன் தன்னைத்தானே வெட்டிக்கொண்டு இறந்துவிட்டதாக ஆகிறது.


          1998 ஜனவரி 28 அன்று பொள்ளாச்சியில் பழனிபாபாவை படுகொலை செய்த  வழக்கிலும், குற்றவாளிகள் விடுதலை செய்யப்பட்டனர். சங்கரராமன் படுகொலையிலும் குற்றவாளிகள் விடுதலை செய்யப்பட்டு உள்ளனர்.! 

        இதிலிருந்து நமக்கு தெரிய வருவது என்னவென்றால்,  இந்துத்துவ ஆதிக்கத்தை எதிர்க்கும் , எதிர்த்து  நீதி கேட்கும்,  நீதி கேட்டு போராடும் எவரையும்  இந்துத்துவ ஆதிக்க சக்திகள் கூசாது கொன்றுவிடும் என்பதுதான்.

       அவ்வாறு அவர்களை  கொன்றுவிட்டாலும்  கூட கொன்ற இந்துத்துவ வெறியர்கள்   குற்றவாளிகளாக மாட்டார்கள், கொலை செய்தவர்களுக்கு தண்டனை கிடைக்காது  என்பதைத்தான்  நமது ஆட்சி மன்றங்களும் ,இந்திய நீதிமன்றங்களும் சங்கரராமன் கொலை வழக்கு  தீர்ப்பின் மூலம் சொல்லியிருக்கிறது.


         அதே சமயத்தில்,  போதிய ஆதாரங்கள்,சாட்சிகள் எதுவும் இல்லா விட்டாலும்கூட அதிக்க சக்திகளை எதிர்ப்பவர்களை, சூத்திரர்களை,   ஆதிக்க பேரறிவாளன், அப்துல் நாசர் மதானி, போன்றவர்களை கேள்வியே இன்றி, ஆண்டுகணக்கில் சிறையில் அடைத்து, சித்தரவதை செய்து வரும் என்பதையும்  நாம் புரிந்துகொள்ள வேண்டி இருக்கிறது.!

       பல்லாயிரம் முஸ்லிம்களைப் படுகொலை செய்த, நரேந்திர மோடியை பிரதமர் ஆக்க துடிக்கும் இந்திய ஜனநாயகத்தில், இறையாண்மை பற்றி வாய்கிழிய பேசி,  பாபர் மசூதியை பகிரங்கமாக இடித்து தள்ளிய இந்து மதவெறியர்களை தண்டிக்காத நீதிமன்றம்,"  தண்ட சோறுண்ணும் பார்ப்பானுக்கு ஒரு நீதியும், சூத்திரனுக்கு ஒரு நீதியும்" வழங்கிவருகிறது.!

        வேடிக்கையான நீதி பரிபாலனம்..வேதனையான தீர்ப்புகள்.

Thursday, 21 November 2013

தரம் தாழ்ந்து வரும் இந்திய ஜனநாயகம்...

       இந்தியாவில் நமது தலைவர்கள்சமீப காலமாக ஜனநாயகத்தைக் கேவலப்படுத்தி வருகிறார்கள்.

         வடமாநிலங்களில் தற்போது தேர்தல் நடைபெற்றுவரும் டெல்லி, ராஜஸ்தான், மத்திய பிரதேசம் ,சத்தீஸ்கர், அஸ்ஸாம் மாநிலங்களில் காங்கிரஸ் கட்சியும் பாரதீய ஜனதா கட்சியும் ஒன்றை ஒன்று எதிர்த்து செய்துவரும் தேர்தல் பிரச்சாரத்தில் தனிமனிதத்  தாக்குதல்கள் முன்னிலை படுத்தப்பட்டு வருவதைப் பார்க்கும்போது, வேதனை ஏற்படுகிறது. இந்திய ஜனநாயகம் மிக மோசமான நிலைக்கு தள்ளப்பட்டு வருவதைக் காண முடிகிறது.


           பாரதிய ஜனதாவின் பிரதம வேட்பாளராக அக்கட்சியால் களம் இறக்கப் பட்டு உள்ள நரேந்திர மோடியின் பேச்சுகள் மிகவும் தரந்தாழ்ந்து, ஒரு பேட்டை ரவுடியின் திமிர்த்தனத்தைக் காட்டுகிறது.

         பாரதிய ஜனதா கட்சி ஆளும் மாநிலத்தில் பொது சுகாதாரம் மோசமாக உள்ளது என்பதை ராகுல்காந்தி சுட்டிக்காட்ட,"பெரிய கொசுக்கள்என்னை கடிகின்றன" என்று சொல்ல, அதற்கு மெனக்கெட்டு, நரேந்திர மோடி,"  ராகுலைக் கடித்த கொசுக்களை பாராட்டி" இருக்கிறார்.

       தனது தவறை, ஆட்சியில் உள்ள குறைபாட்டை களையவும், தீர்க்கவும் ஆலோசனை சொல்லாமல், அதுகுறித்த குற்றவுணர்வு இன்றி,பொதுமக்கள் என்ன நினைப்பார்களோ என்ற கவலை இன்றி,  மோடி பேசியிருப்பது  ஆணவமான,திமிர் பேச்சாகும்!

          நாட்டின் மிகப்பெரிய பொறுப்பான பிரதமர் பதவிக்கு முன்னிறுத்தப்படும் மோடியின் இந்தகைய பேச்சுகள் அவரது அரசியல் முதிர்ச்சி இன்மையைக் காட்டுவதுடன் அவரது தகுதிக் குறைவையும் காட்டுகிறது .இந்திய ஜனநாயகத்தின் தரம் தாழ்ந்து வருவதற்கு உதாரணமாகவும் உள்ளது.


           மோடி,ஒரு மாநிலத்தின் முதல்வராக கூட இருப்பதக்கு தகுதி அற்றவர் என்பதற்கு மற்றொரு உதாரணம், அவர் காங்கிரஸ் கட்சியை விமர்சிக்கும் போது, 'ரத்தக்கறை  படிந்த கரம்' என்று கூறியிருப்பதாகும் !

           ஒருவரைப்பற்றி குறை கூறும்போது, முதலில் நாம் அந்தகைய குற்றங்களை செய்யாதவராக  இருக்கவேண்டும்.  மூவாயிரத்துக்கு மேல் முஸ்லிம்களை படுகொலை செய்து,  குஜராத்தை கலவர பூமியாக்கி, "நரவேட்டை ஆடிய நாயகன்"  நரேந்திர மோடி  காங்கிரசை ரத்தக்கறை  படிந்த கரம்  என்று கூறுவது வேடிக்கையாக உள்ளது. !

            நரேந்திர மோடியின் பேச்சுக்களை கூர்ந்து கவனித்தால் தன்மீது சுமத்தப்பட்டு உள்ள குற்றங்களை எல்லாம் காங்கிரஸ் கட்சிமீது சுமத்தி வருவதைப்  பார்க்கலாம்.

            இதன்மூலம்,நான் மட்டும் குற்றம் செய்யவில்லை,காங்கிரசும் என்னைப் போலவே, குற்றங்களை செய்து இருக்கிறது என்றுஎடுத்துக்காட்டி, பொது மக்களிடம் தனது தவறுகளை   மறைத்து, தனது தவறுகளை நியாயபடுத்தும் போக்கில் மோடி  செயல்படுவது தெரிகிறது.

           ஜனநாயகத்தில் தவறுகளை உணர்ந்து,திருத்திக்கொண்டு,ஒட்டுமொத்த மக்களின் நலனுக்கும், முன்னேற்றத்திற்கும் பாடுபடும் தலைவர்களே இன்று தேவைபடுகிறார்கள்.!

        " நீ  என்ன யோக்கியமா,?"   "நீயும் அயோக்கியன் தான்"..., அதனால், "நானும் அயோக்கியத்தனம் செய்வேன்"  என்பதுபோல பேசுவதும்,  நடந்து கொள்ளுவது ஜனநாயகத்திற்கும் நாட்டுக்கும் ஆபத்தானது.!

          இந்தியாவின் தலைமைப் பதவிக்கு வருபவர்களுக்கு பொறுமையும், சகிப்புத்தன்மையும் தேவை., எல்லா மக்களின் நலனைப்  பேணிப் பாதுகாக்கும் சமூக  சிந்தனையும் தேவை .  இந்தியாவின் இறையாண்மையை மதித்து நடக்கும் குணமும், சட்டத்தை மதித்து  கடமையாற்றும் எண்ணமும் தேவை.!

          நரேந்திர மோடியிடம் இவைகளை எதிபார்க்கவே  முடியாது.!



Tuesday, 12 November 2013

மோடி கூட்டத்தில் குண்டுவைத்த இந்து தீவிரவாதிகள்.

       நாம் எதை விதைகிறோமோ, அதனைத்தான் அறுவடை செய்ய முடியும்.என்பார்கள்   தீவிரவாததை  விதைத்த மோடி அந்த தீவிரவாதத்தை அறுவடை செய்ய தொடங்கி விட்டார் எனத் தெரிகிறது.மோடியின் பாட்னா கூட்ட தொடர்வெடிகுண்டு  நிகழ்சிகள் நேற்றுவரை நட்பு கொண்டிருந்த பி.ஜே.பி-யின் தோழன் நிதிஷ் குமாருக்கு நெருக்கடியை ஏற்படுத்தி இருக்கிறது.


           அரசியல் கொடுங்கோலன்  மோடியைக் கொல்ல முஸ்லிம்களுக்கு காரணங்கள்  இருக்கின்றன.  ஆனாலும் முஸ்லிம்கள் பல ஆயிரம் மக்கள் கூடும் மைதானத்தில், அதுவும் சக்திகுறைந்த குண்டுகளை வைத்து  நாசவேலை செய்வார்கள்என்றோ,மோடியைக் கொல்ல முயல்வார்கள் என்றோ  நம்ப முடியவில்லை. !

      பாட்னாவில் மோடி கூட்டத்தின் பொது வைத்த சக்தி குறைந்த வெடி குண்டுகள்,  மோடியின் செல்வாக்கை அதிகரிக்கவும், மோடியின் மீது பீகார் மக்களிடம் அனுதாபத்தை ஏற்படுத்தவும், பிகார் முதல்வர்  நிதிஷ் குமாருக்கு நெருக்கடியை  ஏற்படுத்தவும்,  பிகாரில் உள்ள இந்துக்களை பி.ஜே.பி-க்கு ஆதாரவாக திரட்டவும், முஸ்லிம்களை அச்சுறுத்தவும், முஸ்லிம்கள் மீது  இந்துக்களுக்கு கோபத்தையும், வெறுப்பையும் ஏற்படுத்தி முஸ்லிம்களை பழி வாங்கவும்  வைக்கப்பட்ட வெடி குண்டுகள்தானோ  என்ற சந்தேகம் தோன்றுகிறது !


         இத்தகைய குண்டுவெடிப்புகளை, இடம்,காலம் சூழல் ஆகியவைகளை உத்தேசித்து  செய்யவும்கற்றவர்கள் இந்துத்துவ பாசிஸ்டுகள். மேலும் இந்துத்துவ சங்கபரிவார அமைப்புகள், வெடிகுண்டுகளை செய்யும் வித்தைகள் தெரிந்தவர்கள் என்பதும்  வெடிகுண்டுகளைக்  கையாள  அவர்களுக்கு இந்திய ராணுவத்தில் பணிபுரிந்து ஒய்வு பெற்றவர்கள்,  ராணுவ பயிற்சி கொடுத்து வருகிறார்கள்  என்பதெல்லாம்  நாம்   முன்பே அறிந்திருக்கிற செய்திகள்தான்  என்பதால்,  சன் சனாதன் , அபினவ் பாரத் போன்ற ஏதாவது  ஒரு இந்துத்துவ அமைப்பு பாட்னாவில் மோடி கூட்டத்தில் சக்தி குறைந்த குண்டுகளை அதுவும் மோடி வருவதற்கு முன்பே வெடிக்கும்படி  வைத்திருக்க கூடும் என்று தோன்றுகிறது.

  ஏற்கனவே, இதுபோன்ற பல்வேறு இடங்களில்  பல்வேறு குண்டு வெடிப்புகளை  நடத்திஅனுபவம் பெற்ற இந்துத்துவ அமைப்புகள்  குண்டுகள் மூலம் இந்தியாவின் ஆட்சி அதிகாரத்தை கைப்பற்ற நினைப்பது  தெரிகிறது.


         மோடி தொடர்ந்து தீவிரவாதத்தை மோடிவிரும்புகிறார். அதனை இந்தியாவில் அதனை விதைக்கவும்,  தீவிரவாதத்தின்  மூலமே ஆட்சி அதிகாரத்தை அறுவடை செய்யவும் அவரும்  அவரது கட்சியும் ,சங்க பரிவாரங்களும் திட்டமிட்டு வருகிறார்கள் என்று நினைக்க தோன்றுகிறது.

நாடாளுமன்ற தேர்தல் நடந்து முடிவதற்குள் இன்னும் எங்கெங்கு குண்டுகள் வெடிக்குமோ,எத்தனை பேர்களை தீவிரவாதிகள் பலிகொள்ள இருக்கிறார்களோ என்பதை நினைக்கவே நெஞ்சம் பதறகிறது. இந்திய அரசியல் கொலைகார அரசியல்  ஆகி வருகிறது.

குறிப்பு; வழக்கம் போல முஸ்லிம் பெயரில் இயங்கும் ஏதாவது ஒரு அமைப்பு குண்டுவெடிப்புக்கு பொறுப்பேற்று கொண்டதாக செய்தி வரும்,அதுவும் ஈமெயிலில்முஸ்லிம்களில் சிலர் கைதுசெயயபடுவார்கள்.கைது செய்தவர்கள்தான் குண்டைவைதவர்கள் என்று போலிஸ் சொல்லும், அவர்களை தூக்கில் போடு என்று பி.ஜே.பி-கட்சியும் இந்துத்துவ அமைப்புகளும் கூக்குரல் இடும்.நாடாளுமன்றம் நடக்காது. அமலிதுமளியியில் குண்டுவெடிப்புக்கான நோக்கங்களும், குற்றவாளிகளும் காப்பாற்றபடுவார்கள்.

நரேந்திர மோடி கடந்த 27.10.2013-யில் பிகார் பாட்னாவில் நடந்த குண்டுவெடிப்பு குறித்து  மேலே உள்ள பதிவை எழுதி இருந்தேன் நான் சொன்னதுபோலவே நடந்திருகிறது. நரேந்திர மோடி கூட்டத்தில் இந்தியன் முஜாஹிதீன்கள் என்ற பெயரில் குண்டுவெடிப்பை செய்தவர்கள் இந்துத்துவ தீவிரவாதிகள் என்பது இப்போது உறுதி செய்யப்பட்டு இருக்கிறது,

குண்டுவெடிப்பு குற்றவாளிகளில் ஒருவரான ராஜு சாவோ என்பவனை பிகார் பொலிசார் ஜார்கண்ட் மாநிலம் தன்பத் மாவட்டத்தில் கைது செய்துள்ளனர். குண்டுவெடிப்புக்கு நிதி உதவி செய்ததாக கோபால் குமார் கோயல்,விகாஷ் குமார்,பவன் குமார்,கணேஷ் குமார் ஆகியோர் கைது செய்யப்பட்டு சிறையில் அடைக்கப்பட்டு உள்ளனர். தலைமறைவாகி விட்ட ராஜு சாவோ என்பவற்றின் மூன்று சகோதரர்களை பொலிசார் தேடிவருகின்றன.

       மோடி என்ற கேடியை  பிரதமர் ஆக்குவதற்காக   இந்துத்துவ தீவிரவாதிகள் இன்னும் என்னென்ன பயங்கரங்களை செய்யப் போகிறார்களோ,எத்தனை உயிர்களை  பழிவாங்கப் போகிறார்களோ, குண்டுவைத்து கொலை செய்துவிட்டு ஆறுதல் சொல்வதாக நாடகம் ஆடபோகிறார்களோ தெரிய வில்லை!

இது ஒரு மீள் பதிவு மற்றும் பாலோ- அப் பதிவும் ஆகும்.




 

Sunday, 10 November 2013

ராஜபக்சேவுக்கு வருத்தம் தெரிவிக்கும் பிரதமர்..

       பிரதமர் மன்மோகன் சிங் ராஜபக்சேவுக்கு காமன் வெல்த் மாநாட்டில் கலந்துகொள்ள முடியாததற்கு தனது வருத்தத்தை தெரிவித்துராஜபக்சேவுக்கு கடிதம் எழுதி உள்ளார்.

        ராஜ பக்சே-வுக்கு ஒரு மீட்டிங்கில் கலந்து கொள்ளாததற்கு வருத்தப்படும்  பிரதமர், இந்திய தமிழர்கள்,தமிழ் மீனவர்கள் நூற்றுக்கணக்கானவர்கள் இலங்கை கடற்படையினரால் கொல்லப்பட்டு உள்ளதற்கும், சிறை பிடிக்கப்பட்டு வருவதற்கும் இன்றுவரை தமிழர்களிடமோ,தமிழக தலைவர்களிடமோ  வருத்தம் தெரிவிக்கவில்லை.!


      அவ்வளவு ஏன்? தனது ஆட்சியில், தனது நாட்டை சேர்ந்த மக்களை அண்டை நாடான இலங்கை கொல்வதைத்  தடுத்து நிறுத்த  முன் வரவில்லை. !  என்பதை  தமிழர்கள் அனைவரும்  கவனத்தில் கொள்ளவேண்டி இருகிறது.!

    இலங்கை கடற்படையினரால் தங்களது வாழ்வுரிமையை இழந்துள்ள தமிழர்கள் மீது, பிரதமர் கொண்டுள்ள மதிப்பீடு  இதுவென்றால்,   இலங்கையில் தமிழர்களுக்கு எதிராக நடந்த  மனித உரிமை மீறல்கள்,போர் குற்றங்களைக் குறித்த பார்வையிலும் மாற்றம் ஏற்படவில்லை ! ராஜபக்சேவுக்கு பிரதமர் தெரிவித்துள்ள வருத்தக் கடிதம்  நமக்கு சொல்லுகிறது.! மேலும், இலங்கையின் செயல்களை இந்தியா தொடர்ந்து அங்கீகரித்து ஏற்று கொள்வதையும், நியாயப் படுத்துவதையும்  அது காட்டுகிறது.! 

   காமன் வெல்த் மாநாட்டில் பிரதமர்  கலந்து கொள்ளாமல் போனதால் மட்டும் மத்திய அரசும், மன்மோகன் சிங்கும் தமிழர்களுக்கு ஆதரவாக செயல்படுவதாக கருத முடியாது.!

      இந்தியாவின் சார்பில் யாருமே கலந்துகொள்ளாமல் மாநாட்டை புறகணித்து இருக்கவேண்டும். அவ்வாறு இல்லாமல் இந்தியா சார்பில் குர்ஷித் கலந்து கொள்வது  கண்டனத்திற்கு உரியது.!  தமிழர்களை மேலும் முட்டாளாக்கும் தமிழர்களுக்கு எதிரான இந்திய அரசின் தந்திரம்  இதுவாகும். !

   பிரதமர்  தமிழர்களுக்கு துரோகம் இளைத்து வருகிறார்.! அவர் சார்ந்த காங்கிரஸ் கட்சியும், அதன் தலைவரும் கூட தமிழர்களுக்கு துரோகம் இளைப்பதை வாடிக்கையாகவும், வழக்கமாகவும் கொண்டுள்ளனர்.

        காங்கிரஸ் கட்சியில் அங்கம் வகிக்கும் தமிழக அமைச்சர்கள்,எம்.பி-க்கள் அனைவரும் ஒன்றாக சேர்ந்து,  இந்தியாவின் இந்த இரட்டை வேடத்தை, கபட நாடகத்தை  கண்டிக்கவேண்டும்,!  மதிய அரசில் இருந்து விலகி தமிழர்களின் நலனுக்கு ஆதரவாக செயல்படவேண்டும்.தங்கள் பதவிகளை தூக்கி ஏறிய வேண்டும். ராஜினாமா செய்ய முன்வர வேண்டும், !

      இனியும் தமிழர்களுக்கு எதிரான செயல்களில் தமிழக காங்கிரஸ் தலைவர்கள் காட்டும் மெத்தனமும்,அலட்சியமும் தமிழினத்துக்கு மட்டுமல்ல தங்களுக்கும் ஆபத்தானது என்பதை உணரவேண்டும் !


Tuesday, 5 November 2013

காமன் வெல்த் மாநாட்டில் இந்தியா கலந்துகொள்ளும்..!

       காமன் வெல்த் மாநாட்டில் இந்தியா கலந்து கொள்ளக் கூடாது என்று தமிழகத்தில் உள்ள கட்சிகள் அனைத்தும்  கேட்டுக்கொண்டு இருக்கின்றன.

      தமிழக சட்டமன்றத்தில் அனைத்துக் கட்சிகள் ஆதரவுடன் தீர்மானம் நிறைவேற்றப்பட்டு ,மதிய அரசுக்கு அனுப்பப்பட்டு உள்ளது. ஆனாலும் இன்றுவரை இலங்கையில் நடக்கும்  காமன் வெல்த் மாநாட்டில் கலந்துகொள்ள போவதில்லை என்று இன்றுவரை  இந்தியா அறிவிக்காமல் உள்ளது.கள்ள மவுனம் சாதித்து வருகிறது.!


           சேனல் 4-யில் இசைபிரியாவின் கொடூர மரணம் குறித்த காட்சிகள் வெளியான சில நாட்களிலேயே  இலங்கையில் நடந்த மனித உரிமை மீறல்கள், போர்குற்றங்கள் ஆகியவைகளை சுட்டிக் காட்டி கனடா, ஆஸ்திரேலியா போன்ற நாடுகள் காமன் வெல்த் மாநாட்டில் கலந்துகொள்ளப் போவதில்லை என்று அறிவித்து விட்டன. இன்னும் சில நாடுகளும் இலங்கையில் நடக்கும் மாநாட்டை புறக்கணிக்க போவதாக செய்திகள்  வருகின்றன.

        தமிழர்கள் படுகொலை மற்றும் இலங்கையின் போர்குற்றங்கள்  குறித்து வேறு  நாடுகளுக்கு இருக்கும் பார்வையும் மனிதாபிமானம் கூட நமது இந்திய தேசத்திற்கு இல்லை.! மத்திய அரசும்,பிரதமர் மன்மோகன் சிங்கும்   தமிழர்கள் குறித்த எந்த விசயத்திலும்தமிழர்களுக்கு ஆதரவாக இன்றுவரை செயல்பட்டதே இல்லை.  தமிழகத்தைச் சேர்ந்த எம்.பி.களும் மந்திரிகளும் கூட மத்திய அரசுக்கு போதிய அழுத்தத்தைக் கொடுத்து வலியுறுத்தியதில்லை.!


       ஆந்திர  மாநிலத்தை பிரிக்கும் முடிவுக்கே அங்குள்ளவர்கள் எம்.பி. பதவியை,  மந்திரி பதவியை  ராஜினாமா செய்துவிட்டு, மத்திய அரசை மிரட்டுகிறார்கள். ஆந்திர அரசியல்வாதிகளிடம்  உள்ள காரமும் வீரமும் தமிழக எம்.பி.களுக்கும், மந்திரிகளுக்கும்  இல்லாமல் போய்விட்டது.

       மதிய அரசுக்கும் தமிழக அரசியல்வாதிகள் சும்மா பேசுவார்கள், மிரட்டுவார்கள்  ஆனால், காரியத்தில் இறங்க மாட்டார்கள்  என்ற விவரம் தெரிந்து இருப்பதால்தான், தமிழக அரசியல் வாதிகளின் வீரமும் ரோஷமும் வெத்து வேட்டுகள்   என்பதால்தான் தமிழர்கள் எவ்வளவு பாதிக்கபட்டாலும், நடுக் கடலில் அவர்களை சிங்களர்கள் கொன்று போட்டாலும், கற்பளிதாலும் சுட்டுக் கொன்றாலும் கண்டுகொள்ளாமல் இருக்கிறது.  இலங்கைக்கு வக்காலத்து வங்கி, நட்புக்கரம் வீசுகிறது.! நாயைப்போல இலங்கைக்கு வாலை  ஆட்டுகிறது.

        எனவேதான்  தமிழர்களின் உணர்வுகளை மதித்து, இந்தியா மாநாட்டை புறக்கணிக்க போவதாக  அறிவிக்காமல் இருந்து வருகிறது.   அகில இந்திய காங்கிரஸ்-யின்  ஸ்கோர் கமிட்டி இலங்கையில் நடைபெறும் மாநாட்டில் இந்திய கலந்துகொள்ளவும் மன்மோகன் சிங் கலந்துகொள்ளவும் அனுமதியும்  வழங்கி உள்ளது.

         நமது {?} இந்திய பிரதமரும்,வெளியுறவுத்துறை  செயலாளர் சிவசந்திர மேனன் சகிதமாக கலந்துகொள்ள ஆவலாகவும் ஆயத்தமாகவும் இருந்து வருகிறார்கள்! . மத்திய  அரசு இலங்கையில் நடக்கும் காமன் வெல்த் மாநாட்டில் கலந்துகொள்வதில் உறுதியாக இருக்கிறது ! என்றாலும் அதற்க்கு ஒரு சின்ன சந்தேகம் ஏற்பட்டு உள்ளது.! எங்கே இந்த கருணாநிதி திடீரென்று ஆட்சிக்கு தந்துவரும் ஆதரவு வாபஸ் என்று அறிவித்து விடுவாரோ என்ற சந்தேகம்தான். அதனை நிவர்த்தி செய்துகொள்ளவே ப.சிதம்பரம் வந்து கருணாநிதியை சந்தித்து விட்டு போயிருக்கிறார்.!

       மத்தளத்துக்கு இரண்டு புறமும் இடி என்பதுபோல   வாசன்,ஜெயந்தி நடராசன் ஆகியோர்கள் அல்லாடுகிறார்கள்.!  பாவம் அவர்கள். தமிழ்கதில்தானே  அரசியல் செய்ய வேண்டும், தேர்தலில் நிற்க முடியும் என்பது அவர்களது வேதனையாக இருக்கிறது.

        வீரத்துடன் பதவியை ராஜினாமா செய்து மத்திய அரசுக்கு நெருக்கடியைக் கொடுக்கக் கையாலாகாத தலைவர்களை, எம்.பிக்களை.அமைச்சர்களை வைத்துகொண்டு  இலங்கையை எதிர்த்து வெற்றிபெற நினைக்கும் தமிழர்கள் பரிதாபத்திற்கு உரியவர்கள்.! பாவப்பட்ட ஜென்மங்கள் தமிழர்கள்.!


Tuesday, 29 October 2013

மோடியும் அமெரிக்க விசாவும்

         பகீரதப் பிரயத்தனம் என்பார்களே அதுபோல  மோடியின் விசுவாசிகள் பலரும் பலவிதத்தில் முயற்சித்தும்  மோடிக்கு அமெரிக்க விசா கிடைத்த பாடில்லை. எப்படியாவது அமெரிக்க விசாவைப் பெற்று ஒருமுறையாவது அங்கே சென்று வந்துவிட்டால் மோடியை சர்வதேச தலைவராக தலையில் தூக்கி வைத்து கொண்டாட சங்க பரிவார அமைப்புகள் துடித்துக் கொண்டிருக்கின்றன.

          அமெரிக்க அரசாங்கம்  மோடிக்கு விசா வழங்க மறுத்து வருகிறது. மோடிக்கு விசா வழங்கும் கொள்கையில் மாற்றம் இல்லை என்று இப்போது பகிரங்கமாக அறிவித்தும் விட்டது. மோடியை ஆஹா ஓஹோ என்று தூக்கிபிடிக்கும் இந்துத்துவவாதிகள்   ஏமாற்றம் அடைந்து இருப்பது தெரிகிறது.


          இவ்வளவு நடந்தும் கூட  இந்தியாவின்  பிரதமராக பி.ஜே.பி-யால் முன்னிறுத்தப் படும்  மோடி இன்றுவரை அமெரிக்காவுக்கு எதிராக  எந்தவித கருத்துக்களையும் சொல்ல வில்லை. அமெரிக்கா குறித்தும், தனக்கு விசா வழங்காமல் மறுத்து வருவது குறித்தும்  ஏதாவது சொல்லப்போய், அது இன்னும் சிக்கலை ஏற்படுத்திவிடும் என்ற அச்சத்தின் காரணமாக ஒருவேளை மோடி சொல்லாமல் தவிக்ககூடும்.!   வடிவேலு பாணியில் சொல்வதென்றால்  எவ்வளவு அடிச்சாலும் தாங்குறாண்டா இவன் ரொம்ப நல்லவன் என்று அமெரிக்கா நினைக்க வேண்டும் என்று மோடி மவுனம் சாதிக்கலாம் .


           மோடியின்   அடிபொடிகள்,ஆதரவாளர்களும் அமெரிக்கா  என்றால் பேசாமல் வாயை மூடிகொள்வது ஏன் என்று புரியவில்லை.    மோடிக்கு அமெரிக்கா செய்துவரும் அவமதிப்பை மோடியின் ஆதரவாளர்கள் யாரும் கண்டுகொள்ளாமல் இருப்பது ஆச்சரியம் அளிக்கிறது. இந்திய ஊடகங்கள் கூட மோடியிடம் அமெரிக்கா  பற்றி அவர் என்ன கருத்தை கொண்டிருக்கிறார் என்று கேட்காமல் இருந்து வருகின்றன.

        போகட்டும்  மோடியை அமெரிக்கா ஏன் நிராகரிக்கிறது? விசா வழங்க மறுக்கிறது ? அமெரிக்க ஒன்றும் குஜராத்தில் மோடி நடத்திய முஸ்லிம் இன அழிப்பை, மனித உரிமை மீறலை நினைத்து விசா வழங்க மறுத்து வரவில்லை. அமெரிக்க மோடிக்கு விசா வழங்காமல் உள்ளதற்கு அவ்வாறான காரணத்தை கூறினாலும் அது உண்மை இல்லை.!

         சர்வதேச அளவில் முஸ்லிம்களை கொன்று  குவித்து, முஸ்லிம் நாடுகளில் அக்கிரமங்களை, அராஜகங்களை   செய்து வரும் அமெரிக்கா மோடியை தொடர்ந்து புறக்கணிக்க என்ன காரணம் இருக்க முடியும்? மோடி அமரிக்காவின் விருப்பப்படி நடந்து  இந்தியாவில் அராஜகங்களை, படுகொலையை செய்யவில்லை.! தன்னிச்சையாக,தனது நலத்திற்க்காக, தன்னிச்சையாக, இந்துத்துவ பாசிசத்தின் ஆதிக்கத்திற்காக முஸ்லிம்களை கொன்றவர். மனித உரிமைகளை காலில் போட்டு மிதித்தவர் என்பதும் தான் காரணமாகும்.


            இழவு வீடானால் பிணமாக கிடைக்கணும், மண வீடானால் மாப்பிள்ளையாக  இருக்கணும்.   முதல் மரியாதையும் மாலையும் தனக்குத்தான் கிடைக்க வேண்டும் என்று நினைக்கும் அமெரிக்கா,  அதையே  நினைத்து மோடியும் செயல் படுவதை எப்படி ஏற்றுக்கொள்ளும்?

       பாம்பின்கால் பாம்பறியும் ! மோடியைப் பற்றி அமெரிக்காவும்,  அமெரிக்காவைப் பற்றி மோடியும்  புரிந்துகொண்டு இருப்பதால்தான் மோடி அமெரிக்கா  விசயத்தில்  மவுன சாமியாக வேசமிட்டு வருகிறார்.!


Wednesday, 23 October 2013

நில அபகரிப்பு தடுப்பு போலீசாரின் அராஜகங்கள்..

         கடந்த ஆட்சியில் தி.மு.கவினர்  முறைகேடாக  பல கோடி மதிப்புள்ள அரசு நிலங்களை ஆக்கிரமித்து உள்ளனர்.அதுமட்டுமின்றி, அரசியல் செல்வாக்கை பயன்படுத்தி  அப்பாவி பொதுமக்களை,வியாபாரிகளை மிரட்டியும்  மதிப்பு மிக்க நிலங்களை  ஆக்கிரமிப்பு செய்து, அபகரித்து உள்ளனர். பலரும் மிரட்டப்பட்டனர்.

           தி.மு.க-வினரின் இந்த அராஜக செயல்களால்,  கட்டை பஞ்சாயத்துகளால்,  தமிழகம்  எங்கும்  பலரும் பாதிக்கப்பட்டு உள்ளனர் என்ற குற்றசாட்டுக்கள் அப்போது  எழுந்தன.



           ஜெயலலிதா ஆட்சிக்கு வந்ததும் ,  நில அபகரிப்பு குற்றங்கள் செய்தவர்களை   கண்டறிந்து  தண்டிக்கவும்  அபகரிக்கப்பட்ட நிலங்கள்  மீண்டும்  அதன் உரிமையாளர்களுக்கு  கிடைக்க செய்யவும்  நில அபகரிப்பு தடுப்பு பிரிவு எனறு  காவல்துறையில் புதிதாக ஒரு  பிரிவு தொடங்கப்பட்டது.

         மாவட்ட காவல் கண்காணிப்பாளர்  தலைமையில்  மாவட்ட குற்றப் பிரிவு போலீசாரை கொண்டு தொடங்கப்பட்ட  நில அபகரிப்பு பிரிவானது    அது தொடங்கப்பட்ட உண்மையான  நோக்கத்துக்கு எதிராக செயல்பட்டு வருகிறது.

         எந்த சட்டத்தையும் தங்களுக்கு சாதகமாக பயன்படுத்தும் காவல் துறையினர்,  இந்த பிரிவையும் பயன்படுத்தி புகார் கொடுக்கும் பொதுமக்களிடமும், புகாருக்கு  ஆளானவர்களையும்  மிரட்டி பணம் வசூலிக்கிறார்கள்.!  அதுவும் ஆயிரம், ஐநூறு இல்லை.!   லட்ச கணக்கில், நிலத்தின் மதிப்புக்கு ஏற்றபடி பணம் கேட்கிறார்கள்.!

         பணம் கொடுக்க முடியாத  பொதுமக்களின் நியாயமான புகாரின் பேரில் நடவடிக்கை எடுப்பதில்லை.அரசு வழக்கறிஞரின் கருத்துரு பெற்று வழக்கு பதிவு செய்வதில்லை. மாறாக பொலிசார் புகார் கொடுக்க வருபவர்களை மிரட்டி நீதிமன்றத்திலே வழக்கு தொடர்ந்து நிவாரணம் பெற்றுக்கொள்வதாக கட்டாயபடுத்தி எழுதி வாங்கிக் கொண்டு  வலக்கை முடித்து விடுகிறார்கள்.

         இதன் மூலம்  நிலத்தை அபகரித்து உள்ள குற்றவாளிகளுக்கு ஆதரவாக செயல்பட்டு, வழக்கு போடாமல் குற்றவாளியை காப்பாற்றுகிறார்கள். அவ்வாறு காப்பற்றியதற்கு   அவரிடம் கணிசமாக பணத்தை பெறுகிறார்கள்.!

        இதை விட கொடுமை என்னவென்றால்,  நிலத்தை அபகரித்தவர்கள் சார்பாக போலீசார் நடந்துகொண்டு, புகார் கொடுத்தவர்களை மிரட்டி, நிலத்தையே  எழுதி கொடுக்கும்படி நிர்பந்திப்பதும், கட்ட பஞ்சாயத்து செய்வதையும்  செய்து வருகிறார்கள்.!


        மேலும், அவ்வாறு போலிசின் மிரட்டலுக்கு பணிந்து நிலத்தை எழுதிக் கொடுக்க மறுக்கும் விவசாயிகள்,பொது மக்களை  நிலா அபகரிப்பு செய்தததாக வழக்கு போட்டு,கைது செய்து கொடுமைபடுத்தும் சம்பவங்களும் நடந்து வருகின்றன.! 

        ரியல்எஸ்டேட் செய்பவர்கள்,பெரும் தொழிலதிபர்கள், செல்வாக்கு மிக்க ஆளுங்கட்ச,எதிர்கட்சி பிரமுகர்களுக்கு  நில அபகரிப்பு செய்ய  உதவுகிறது நில அபகரிப்பு தடுப்பு பிரிவு.!

        மேலும், இந்த பிரிவில் பணியாற்றும் பொலிசார் குறுகிய  காலத்திலேயே  கோடிகணக்கான பணத்தை சம்பாதித்து வருகின்றனர். தங்கள்  பெயரிலும் பினாமிகள் பெயரிலும்  சொத்துக்கள் வாங்கி குவித்து வருகின்றன.

        நில அபகரிப்பு பிரிவில் போலீசார் நடத்திவரும் அராஜகங்களை  தடுத்து நிறுத்த வேண்டும். குறுக்கு வழியில் போலீசார்  பெற்ற  கோடிகணக்கான பணம், சொத்துக்களை பறிமுதல் செய்ய நடவடிக்கை எடுக்க வேண்டும்.

      ஆகவே, நில அபகரிப்பு பிரிவில்  இதுவரை பணியாற்றிய போலீசார்  அனைவரையும் விசாரணை நடத்த ஆவன செய்ய வேண்டும்.  போலீசார்  கையாண்ட புகார்கள், அதன்மீது மேற்கொண்ட நடவடிக்கைகள், புகார் தந்தவரின் நேரடி வாக்குமூலம் ஆகியவைகளை பதிவு செய்து, அதிகாரத்தை தவறாக பயன்படுத்திய போலீசார்  மீது  நடவடிக்கை எடுக்க  தமிழக முதல்வர் முன்வரவேண்டும்!  .

      போலீசாரின் சட்ட மீறல்களால் பொதுமக்கள் பாதிக்க படுவதை  முதல்வர் தடுக்க  முன்வரவேண்டும்.   சட்டத்தின் மீது பொதுமக்கள் கொண்டுள்ள நம்பிக்கையை  காக்க வேண்டியது   முதல்வரின் கடமை மட்டுமல்ல, அவசர அவசியமும்  ஆகும்.  செய்வாரா?



Friday, 18 October 2013

அமெரிக்க மர்மக் கப்பலுக்கு பின்னால்.?

     தீவிரவாத தடுப்பு குறித்து  புலனாய்வு போலீசும் போலீசுக்கு பக்க வாத்தியமாக ஊடகங்களும்  மோடியையும் மூன்று முஸ்லிம்களையும் சுற்றிசுற்றியே வட்டமடிகின்றன.  இதனை விட்டால்  வேறு வழியே இல்லை என்பதுபோல நடந்துகொள்ளும் நிலையில். தீவிரவாதம் என்றால் முஸ்லிம்கள்தான் அவர்களுக்கு பாகிஸ்தான் பின்னணி என்று கூறிவரும் நிலையில்  பயங்கர ஆயுதங்களுடன் அமரிக்காவின் கப்பல் ஒன்று  இந்திய கடல்பகுதியில் பலநாட்களாக சுற்றிவந்தது இப்போது  வெளிச்சத்திற்கு வந்துள்ளது.

      அமெரிக்காவின் இந்த மர்மகப்பல் கூடங்குளம் அணு உலை பகுதியில் ஆய்வு செய்துள்ளதாக செய்திகள் வருகின்றன.


       அமெரிக்காவின் வாஷிங்டன் ' அட்வான்போர்ட் நிறுவனத்தின் கட்டு பாட்டில் உள்ள இந்த கப்பலில் கேப்டன்  நிக்வாலன்டின் தலைமையில்  25 பாதுகாப்பு வீரர்கள்,10 மாலுமிகள் இருப்பதாக சொல்லப் படுகிறது.

         கப்பலில் இருந்தவர்களிடம்  நடத்திய விசாரணையில் ஒரு மண்ணும் தெரிந்து கொள்ள முடியவில்லை  என்பது பலத்த சந்தேகத்தை ஏற்படுத்துகிறது.

      அமெரிக்க கப்பல் இந்தியாவில் நாச வேலைகள் செய்ய வந்தவர்களா ? அணு உலையை தகர்க்க வந்தவர்களா? தீவிரவாத பயிற்சி கொடுக்க வந்தவர்களா?   ஆயுதங்களை எடுத்துக்கொண்டுவந்து அமைதியை நிலைநாட்ட வந்தவர்களா?

       பாகிஸ்தான் மீதும் முஸ்லிம்கள்மீதும் எப்போதும்  இந்தியா பழிகூறுவதை பயன்படுத்திக்கொண்டு,  சந்தடி சாக்கில் இந்தியாவை பழிவாங்க வந்தவர்களா? என்று நமக்கு  ஆயிரம் சந்தேகங்கள் ஏற்படுகிறது. கப்பலில் வந்தவர்களிடம் கேட்பதற்கு ஆயிரம் கேள்விகள் இருக்கிறது !

       ஆனாலும், தூத்துக்குடி துறைமுகத்துக்கு வந்துள்ளது  அமெரிக்காவின் ஆயுதம் தாங்கிய கப்பல் என்பதால்,   அதுவும்  இங்கிலாந்து, இஸ்ரேல் போன்ற நாட்டின் மர்ம வீரர்களும் கப்பலில்  இருகிறார்கள் என்பதலாயே  நமது புலனாய்வுப் புலிகள் நியாயமான விசாரனையை நடத்த முடியாமல், விசாரணையை நடத்தி நாட்டுக்கு அறிவிக்காமல் மூடிமறைக்கும் வேளைகளில் ஈடுபட்டு வருவதாக   தெரிகிறது.!

 கூடவே, சாதாரண செய்தியையே (கண்,காத்து,மூக்கு வைத்து.).கதைகதையாய்  கற்பனை பண்ணித் தெரிவிக்கும் பத்திரிக்கைகள், பரபாரப்பாய் தலைப்பிட்டு,  முஸ்லிம் தீவிரவாதத்தை மட்டுமே வெளிபடுத்தி வியாபரத்தை செய்யும் ஊடகங்கள்  அமெரிக்க ஆய்த கப்பல் குறித்த விசயத்தில் தங்களது வாயை மட்டுமல்ல  எல்லாவற்றையும் மூடிக் கொண்டு இருக்கின்றன!

   அமெரிக்க என்றால்  ஆதரவு, கமுக்கம். !  பாகிஸ்தான் என்றால் புலிபாச்சல் என்ற பாசிச  தத்துவத்தை  பயன்படுத்தி வருகின்றன இந்திய புலனாய்வுத் துறையும் இந்துத்துவ  ஊடகங்களும்!  



   

Thursday, 17 October 2013

பாட்டாளி மக்கள் கட்சியின் எழுச்சியும் வீழ்ச்சியும்!

         சமூகநீதிக்கு குரல்கொடுத்து உழைக்கும் மக்களின் தலைவராக மருத்துவர் ராமதாஸ் அவர்கள் உருவாக முன்முயற்சி எடுத்தவர்களில் பெரும்பான்மையினர் முஸ்லிம்களும் தலித்துகளும்தான் என்பது சமகாலத்தில் மறக்கபட்டுவரும் வரலாறாகும்.

      முஸ்லிம்களின் உரிமைக்குரலாக விளங்கிய டாக்டர்.அல்ஹாஜ் பழனிபாபாவும், இந்திய குடியரசு கட்சியின் மூத்த தலைவர்களில் ஒருவருமான டாக்டர் அ.சேப்பனும் டாக்டர் ராமதாசுக்கு பக்கபலமாக இருந்தனர். வன்னியர் சங்கமாக இருந்த ராமதாஸின்  அமைப்பை பாட்டளிமக்கள் கட்சியாக மாற்றியதில் பெரும்பங்கு வகித்த இவ்விருவரும் ராமதாசுடன் இணைந்து தமிழகத்தின் பட்டிதொட்டியெல்லாம் பா.ம.கட்சியை கொண்டு சேர்த்தனர்.
 
 
           டாக்டர் பழனிபாபாவின் வசிகர பேச்சாலும்,அவர்மீது கொண்ட அளப்பரிய நம்பிக்கையாலும் முஸ்லிம் இளைஞர்கள் பலரும் பா.ம.கட்சியில் இணைந்து பணியாற்றினார்.தலித்துகளும் ராமதாஸை தங்கள் தலைவராக ஏற்றனர்.

         வடமாவட்டங்களில் வன்னியர்களிடம்  கணிசமான  ஆதரவை பெற்றிருந்த ராமதாஸை  தமிழகம் எங்கும்  தலித்துகளும் முஸ்லிம்களும் ஆதரிக்கும் நிலையை  பழனி பாபாவும் சேப்பனும் அன்று ஏற்படுத்தி இருந்தனர். இவர்கள் மூவரும் ஒன்றாக இணைந்து ஒடுக்கப்பட்ட, தாழ்த்தப்பட்ட, பிற்படுத்தப்பட்ட சமூகங்களின் பாதுகாவலர்களாக, ஒருங்கிணைப்பாளர்கள் ஆக வளர்ச்சி அடைந்து வருவதை பொறுக்க முடியாத ஆதிக்க சக்திகள்  மூவரையும் பிரிக்கும் முயற்சிகளில் ஈடுபட்டனர்.!
 
       பழனிபாபா தலித்துகள்,வன்னியர்கள் இடையில் செல்வாக்குபெற்று வருவதாக,இராமதாஸ் கருதும் சூழலை ஏற்படுத்தினர். முஸ்லிம்கள் பா.ம.கட்சியில் புறக்கணிக்கும் நிலை ஏற்பட்டது. தலித்துகளுக்கு கட்சியில் முக்கியத்துவம் குறைந்தது. ஆதிக்க சக்திகள் எப்படி தலித்துகளை தாழ்த்தபட்டவர் பிரிவு,சிறுபான்மையின பிரிவு என்று பாகுபடுத்தி  ஒரு குறுகிய வட்டத்துகுள் அடைத்து.கட்சியின் முக்கிய நிலைகளில் பொறுப்புக்கு வராமல்,அதிகாரம் பெறாமல் தடுக்கபடுகின்றனரோ அப்படியே முஸ்லிம்களும் தலித்துகளும் பா.ம.கட்சியில் தடுக்கும் நிலை ஏற்படுத்தப்பட்டது. அதிருப்பதி அடைந்த முஸ்லிம்களும்,தலித்துகளும் பா.ம.கட்சியை விட்டு வெளியேறும் நிலைக்கு ஆளானார்கள்! 
 
 
         அன்று தொடங்கியது பா.ம.கட்சியின் வீழ்ச்சி. அதுவரை பெரியாரை, புரட்சிகர சிந்தனைகளை பேசிய,தலித் ஒருவரை தமிழக முதல்வராக ஆக்குவேன் என்ற, தவறு செய்தவர்களை சாட்டையால் அடிப்பேன் என்ற, எனது குடும்பம் அரசியலுக்கு வராது.நான் அதிகாரத்துக்கு ஆசைப்பட மாட்டேன் என்று சூளுரைத்து வந்த டாக்டர் இராமதாஸ் ஆதிக்க வர்கத்தின் அடிவருடியாக மாறி போனார்.ஆட்சி அதிகாரம்,பதவி மோகம், அவரை சராசரி அரசியல்வாதியாக மாற்றியது. 

      ஆதிக்க சக்திகள்  தலித்துகளும் வன்னியர்களும் மோதக் கூடிய சூழலை ஏற்படுத்தினர்.இரு சமூக மக்களிடம் ஏற்படும் சிறு மோதல்கள்,சண்டைகள் ஊதி  பெரிதாக்கப்பட்டது.தமிழகம் எங்கும் 20000 மேல் இருதரப்பிலும் வழக்குகள்.பதிவு செய்யப்பட்டது.பலர் கைது செய்யப் பட்டனர். ஆதிக்க சாதிகளின் சூழ்ச்சியால் இரண்டு சமூகங்களும் இணைத்து அரசியலில் பணியாற்றும் சூழல் தடுக்கப்பட்டது.

          மிகுந்த முயற்சிக்கு பிறகு  தோல்.திருமாவும் மருத்துவர் இராமதாசும் ஒன்றிணைத்தனர். ஆனால் இந்த ஒற்றுமை அதிககாலம் நீடிக்கவில்லை.! தருமபுரி கலவரம்,மரக்காணம் சம்பவம்  போன்றவற்றால் இன்று இரண்டு சமூகனகளும் ஒன்று சேர இயலாத நிலையை எற்படுத்தி கொண்டனர்.ஆதிக்க சக்திகளின் சூழ்ச்சி பலித்துவிட்டது.


       தேர்தலுக்கு தேர்தல் கூட்டணி மாறினார். கொள்கைகள் காற்றில் பறந்தன. அவரது ஆரம்ப கால லட்சியம் யாவும் குதிரைபேர அரசியல் வியாபாரமாக ஆனது.  தமிழக வாக்காளர்களிடம் தான் ஒரு சந்தர்ப்பவாத  அரசியல்வாதி என்பதை இராமதாஸ் புரியவைத்தால், வன்னியர்களும் கூட அவரை வெறுக்கும் நிலைக்கு தள்ளப்பட்டு விட்டார்.!

     இன்று  இழந்த செல்வாக்கை மீட்கவும் , தனது மகன் அன்புமணியின் மீது உள்ள ஊழல் முறைகேடு குற்றத்தில் இருந்து விடுபடவும், மதிய அரசில அதிகாரம் பெறவும் விரும்பி ராமதாஸ் பாரதீய ஜனதா .கட்சியுடன் கூட்டணி அமைக்க துடிக்கிறார்.

        காலம் காலமாக மிகவும் பிற்பட்ட வகுபினருக்கு அநீதி இழைத்து வந்த, பார்ப்பனர்களின் நலனுக்கு மட்டுமே பாடுபட்டு,ஆட்சி அதிகாரத்தை செயல்படுத்தும் கட்சியின் காலடியில் இன்று சரணாகதி அடைய துடிக்கிறார்.

       சாதிக்கு எதிராக போராடியவர் இன்று  சாதியை தூக்கி பிடிப்பதுடன், அனைத்து சாதி அமைப்புகளையும் ஆரத்தி எடுத்து வரவேற்கும் நிலைக்கு ஆளாகிவிட்டார்.  திராவிடன் என்ற அடையாளத்தை மறுத்துவிட்டு, வேசிமகன் என்ற  பட்டதை ஏற்க தயாராகி விட்டார்.  திராவிட கட்சிகளை தேர்தலில் எதிர்த்து தோற்க செய்வது காலம் நமக்கு இட்ட கட்டளை என்கிறார்.

    அரசியலில் ராமதாசின் வீழ்ச்சி  ஆரம்பமாகிவிட்டது. அஸ்தமனத்திற்கு வெகுதூரம் இல்லை.!



Saturday, 12 October 2013

பாபுலர் பிரண்டும் பாட்டாளி மக்கள் கட்சியும்

       சுதந்திரப் போராட்டத்தில் முஸ்லிம்களின் பங்களிப்பு அளப்பரியதாக இருந்தது.இந்திய சுதந்திரத்திற்குப் பிறகு எல்லாம் தலைகீழாக மாறிவிட்டது.சுதந்திர இந்தியாவில் முஸ்லிம்கள் குறிவைத்து தாக்கப்படுவதையும், தாக்கபடுவதற்காகவே முஸ்லிம்கள் தீவிரவாதிகளாக சித்தரிக்கப் படுவதையும் உணர்ந்த முஸ்லிம்கள் காவி தீவிரவாதிகளின் இந்த சூழ்ச்சியை முறியடிக்கவும், முஸ்லிம்கள் தீவிரவாதிகள் அல்ல, முஸ்லிம்கள்  இந்திய சுதந்திரத்தின் காவலர்கள் என்பதையும் வெகுஜன மக்களுக்கு உணர்த்த முயன்றனர்.

         அதற்கான முயற்சியாக இந்தியாவெங்கும் பெருநகரங்களில் முஸ்லிம் இளைஞர்களை திரட்டி, சுதந்திர தின,குடியரசு நாள் கொண்டாட்டங்களை நடத்தினர். சுதந்திர தின,குடியரசு நாள் கொண்டாட்டங்களில் காக்கி சீருடை  அணிந்து,அணிவகுப்பு நடத்தினர். தமிழகத்தில் மதுரையிலும் கேரளாவிலும்  பாபுலர் பிரண்ட் ஆப் இந்தியா இந்த அணிவகுப்புகள் நடந்தது.  காவி தீவிரவாதிகளுக்கு இது அதிர்ச்சியையும்,அச்சத்தையும் அளிததது.


        ஊடகம்,போலிசு,புலனாய்வு,அரசு இயந்திரம் எல்லாவற்றின் உதவியோடு முஸ்லிம்களை நாம் வெகுஜன மக்களிடம் தீவிரவாதிகளாக காட்டிவரும் நிலையில், முஸ்லிம்கள் இதுபோன்ற அணிவகுப்புகள் நடத்தினால் வெகுஜனமக்களிடம் முஸ்லிம்களை தீவிரவாதிகளாக காட்டுவது எடுபடாது போய்விடுமே என்று கவலைப்பட்டன.

            ஆகவே,சட்டம் ஒழுங்குபிரச்னையைக்  காரணமாக காட்டி, முஸ்லிம்கள்  சுதந்திரதின அணிவகுப்பு நடத்துவதற்கு தடை விதிக்கப்பட்டது!
சுதந்திரத்தைக் கொண்டாடக்கூட முஸ்லிம்களுக்கு உரிமையில்லை.! உரிமை மறுக்கப்பட்டு வருகிறது. 
     ஆனால்,இந்திய இறையாண்மைக்கு எதிரான, நாட்டுக்கு அச்சுறுத்தலையும்  உழைக்கும் மக்களை ஒடுக்கும் பாசிச காவி படைகளின் பயிற்சிக்கும் முயற்சிக்கும் எந்த தடையும் இல்லை.!

       ஆர்.எஸ்.எஸ்.பயிற்சிவகுப்புகள், நவீன ஆயுதங்களை கையாளுதல், துப்பாக்கி சுடுதல் போன்ற பயிற்சிகள் இந்திய ராணுவத்தில் இருந்து ஓய்வு பெற்ற அதிகாரிகளைக்  கொண்டே நடத்தபடுகிறது. அரசும் பார்த்துகொண்டிருக்கிறது!

         இந்திய தலைநகர் புது டெல்லியில் சுதந்திர தின, குடியரசு நாள் கொண்டாடங்கள்  நடக்கும்போது,  இந்தியாவில் வாழும் பல தேசிய இனங்களின் கலாச்சார,பாரம்பரிய நடனம்,கலை நிகழ்ச்சிகள் நடைபெறுவதை நீங்கள் அறிந்து இருப்பீர்கள். சுதந்திரம் அடைந்து  67- ஆண்டுகளாகிறது.
இத்தனை ஆண்டு கொண்டாட்டங்களில் இந்தியாவில் வாழும் மிகபெரிய தேசிய இனங்களில் ஒன்றான முஸ்லிம் சமூகத்தின் பாரம்பரியத்தை, அவர்களது கலையை விளக்கும்  நிகழ்சிகள்  நடத்தப்பட்டதை பார்த்திருகிறீர்களா ? பார்க்க  முடியாது!

       அவ்வளவு ஏன் ஒவ்வொரு மாநிலத்திலும் நாட்டுபுற கலைஞர்கள், கலைபண்பாட்டு பிரிவின் கீழ் பயன் பெறுகிறார்கள, நலிந்தவர்களுக்கு மாத ஊதியம்,ஒய்வு ஊதியம் போன்ற சலுகைகள் மாநில அரசால் வழங்கப்பட்டு வருவதை அறிவீர்கள். முஸ்லிம்களுக்கு அதுபோல் வழங்கப்படுகிறதா? இல்லை என்பதுதான் எதார்த்தமும் கசப்பான உண்மையும் ஆகும்!
       முஸ்லிம்கள் என்பதற்காகவே சுதந்திரம் அடைந்த பிறகு அவர்கள் தொடர்ந்து புரகநிக்கப்பட்டு,அடக்கி ஒடுக்கப்பட்டு, வாழ்வாதாரங்களை இழந்து,இம்மண்ணில் தீவிரவாதிகளாக ஆக்க்படுவதை காவிபயங்கரவாதம் இந்துத்துவ பாசிசம் என்று சொல்லாமல் வேறு எப்படி சொல்வது?
        இப்படிப்பட்ட சூழல்கள் உள்ளநிலையில் சமூக நீதியை பற்றி,தந்தை பெரியாரை தூக்கி சுமந்து,திராவிட மக்களிடம், அதுவும் உழைக்கும் பாட்டாளி மக்களின் ஆதர்ச நாயகனாக உருவான  பாட்டளிமக்கள் கட்சி நிறுவனர் ராமதாஸ் இன்று என்ன சொல்கிறார் தெரியுமா?

   "திராவிட கட்சிகளை தேர்தலில் வீழ்த்தவேண்டும் என்பது காலம் நமக்கு இட்டுள்ள கட்டளை" என்கிறார். ராமதாசுக்கு  காலம்  இட்ட கட்டளை இல்லை அது ! காவிகளின் காலை பிடிக்க அவர்  போடும் நாடகமாகும்! 

    பாட்டாளி மக்கள் கட்சி காவிகும்பலிடம் சிக்கியுள்ள கதையை அடுத்த பதிவில் பார்க்கலாம்.



Friday, 11 October 2013

காவி பயங்கரவாத பிடியில் தமிழகம்?

         எந்த ஒரு செயலும் காரண காரியம் இன்றி நடப்பதில்லை.எல்லா செயல்களுக்கும் ஒரு நோக்கம் இருக்கிறது.எல்லா குற்றச் செயல்களுக்கும் ஒரு உள் நோக்கம் இருக்கும்..உள்நோக்கம் என்பது வெளியில் தெரிவதில்லை..!

          தமிழகத்தில் ஊடுருவி இருக்கும் காவி பயங்கரவாதசெயல்களும்  அப்படிப் பட்டதே!

          காவி பயங்கரவாதம் அரசு,போலிசு,சட்டம்,சாதாரண மக்களின் கடவுள் நம்பிக்கை,கோபம்,பிற சமூக மக்களிடம் காட்டும் வெறுப்புஉணர்வு ஆகிய அனைத்தையும் தனக்கு சாதகமாக பயன்படுத்தி  இந்தியாவில்  செயல்பட்டு  வருகிறது. இதற்கு எடுத்துகாட்டாக  குஜராத்தில் நடந்த முஸ்லிம்களின் படுகொலைகளைக் குறிப்பிடலாம் !



            காவி பயங்கரவாதத்தின் பார்வை  தமிழகத்தில் சமீப காலமாகவேகமாக பரவிவருகிறது. அமைதிபூங்காவாக ,பெரியார்,அம்பேத்கர் போன்றவர்கள் போராடி நிலைநிறுத்தி உள்ள சமூகநீதிக்கு எதிராக,தமிழர்களின் ஒற்றுமை,வாழ்வாதாரத்தை சீர்குலைக்கும் விதமாக பரவிவரும் காவி பயங்கரவாதத்தை சரியாக புரிந்துகொள்ளாமலும், கண்டிக்காமலும் கண்டுகொள்ளாமலும் இருக்கும் போக்கு தமிழகத்தில் அதிகர்த்து வருவதும் கவலை அளிக்கிறது !

            சுதந்திரத்திற்கு முன்புவரை ஆங்கிலேயர்கள் அண்டிப்பிழைத்த  ஆர்.எஸ்.எஸ்-யும், இந்துத்துவ மதவெறியர்களும் இன்று எப்படி தேசபக்தர்களாகவும் தியாகிகளாகவும்   இன்று  நம்ப வைக்க படுகிறது.

       அன்று சுதந்திரத்திற்காக போராடிய முஸ்லிம்கள்,தியாகிகள்,தேசபக்
தர்கள், இன்று தேச துரோகிகளாக, தீவிரவாதிகளாக ஆக்கும் முயற்சிகள் தமிழகத்தில் வேகமாக அரங்கேறிவருகின்றன.

        காவி பயங்கரவாதம் தமிழகத்தில் அரங்கேற்றும் செயல்திட்டங்களுக்கு அப்பாவி முஸ்லிம்கள் பளிகடவாக்கபடுவது ஆரம்பம் ஆகிஇருக்கிறது. அது முஸ்லிம்களை தீவிரவாதியாக கட்டுவதற்கு ஊடகங்கள்,உளவுத்துறை, ஆகியவற்றின் மூலம் முஸ்லிம்களின் சிறு தவறுகளும், பூதாகரபடுத்தபட்டு வருகின்றன. 
         நாயைக் கொள்ளவேண்டுமானால் அதற்கு வெறிபிடித்து இருக்கிறது என்று முதலில் சொல்லவேண்டும்,அவ்வாறு நம்பவைக்கவேண்டும் பிறகு நாயைக் கொள்ளவேண்டும். இந்த நியதிப்படியே  முஸ்லிம்களை அழித்து ஒழிக்க, முஸ்லிம்களை அச்சபடுத்தி அப்புறப்படுத்தவும் நினைத்து  சாதாரண பொதுமக்களிடம் முஸ்லிம்களைப் பற்றிய  நல்லெண்ணத்தை அழிக்க நினைத்தும்,முஸ்லிம்களை  பொதுமக்கள் வெறுக்க செய்யவும் எண்ணி தீவிரவாதிகளாக, தேசவிரோதிகளாக முஸ்லிம்களை  தொடர்ந்து காட்டி வருகிறார்கள்.

         தொடர்ந்து முஸ்லிம்களுக்கு எதிரான அவதூறுகளை,வதந்திகளை பரப்பி வருகின்றன. முஸ்லிம்கள்  குறித்து தாங்கள் பரப்பிவரும் அவதூறுகளை உண்மையாக்க வேண்டி, குண்டுவெடிப்புகள்,  தீவிரவாத செயல்களை காவி பயங்கரவாதிகள் செய்து,  தீவிரவாத செயல்களை  ,முஸ்லிம்கள் செய்தததாக நம்ப வைத்து,   முஸ்லிம்களில் சிலரை கைதுசெய்து, காவல்துறை, ஊடகங்கள் மூலம் ஒட்டுமொத்த முஸ்லிம் சமூகமும் தீவிரவாதிகளாக,தேச விரோதிகளாக சாதாரண மக்களிடம் காவி பயங்கரவாதிகள் காட்டி வருகின்றனர்.!

        காவி பயங்கரவாதிகள் குண்டுவெடிப்புகளில் ஈடுபடுவது, குண்டு தயாரிப்பது,  பதுக்கி வைப்பது குறித்து ஏராளமான ஆதாரங்கள் இருந்தாலும் அவற்றை திட்டமிட்டே இந்துதுவ  சார்பு  ஊடகங்கங்கள் மறைத்து,இருட்டடிப்பு செய்து வருகின்றன.

         இந்த உண்மைகளை உணராமல் செய்திகளாக ஊடகங்களும், பொலிசும், சொல்லும் கதைகளை ,கற்பனைகளை சாதாரண பொதுமக்கள் எந்தவித சிந்தனையும் இன்றி அப்படியே நம்பி வருகின்றன. இவைகள் யாவும்
இந்தியாவை இந்து நாடாக்க வேண்டும் என்ற ஆர்.எஸ்.எஸ்-இன் கொள்கைப்படி நடத்தப்படுகின்றன.  இந்தியாவை இந்து நாடாக்க வேண்டும் என்றால், இந்து அல்லாத மக்களை இந்தியாவில் இருந்து அப்புறப்படுத்த வேண்டும்.அல்லது இந்துக்கள் அல்லாத மக்களை அழிக்க வேண்டும்.
       இந்துக்கள் அல்லாத மக்களான முஸ்லிம்களை அப்புறப்படுத்தவும்  அழிக்கவும் நினைத்து காவி பயங்கரவாதம் தமிழகத்தில் தனது செயல்திட்டத்தை ஆரம்பித்து உள்ளது.

           கடந்த ஆண்டு ரத யாத்திரை நடத்துவதாக கூறிக்கொண்டு, அத்வானி என்கிற காவி தீவிரவாதி மதுரைக்கு வந்தபோது இருந்து தமிழகத்தில் நடந்துவரும் பயங்கரவாத செயல்களை கவனித்தால் இந்த உண்மை விளங்கும்.!
          அவர் வந்தது முதல் முஸ்லிம்கள் தீவிரவாதிகள் ஆக்கபடுவது அதிகரித்து உள்ளது தெரியவரும்.  முஸ்லிம்கள் அதிகம் வாழும் வேலூர்,சேலம்,திருச்சி,மதுரை,திருநெல்வேலி,திருப்பூர்,கோவை ஆகிய அணைத்து இடங்களும் தீவிரவாதிகள் இருப்பதாக செய்தி பரப்பபடுவதையும், சோதனைக்கு ஆளாவதையும்,சந்தேகத்தின் பேரில் முஸ்லிம்கள் குறிவைக்க படுவதையும், கைது செய்யப்பட்டு வருவதையும் தீவிரவாத முத்திரை குத்த படுவதையும் பார்த்தால்,  காவி தீவிரவாதிகள் கங்கணம் கட்டிக்கொண்டு தமிழகத்தின் அமைதியை சீர்குலைக்க திட்டமிட்டு உள்ளது தெரியவரும்.



Wednesday, 9 October 2013

போலீசின்( பயங்கரவாத)கதைகளும், பின்னணியும்..

          தமிழக  சினிமா கதை ஆசிரியர்கள்  தமிழக பொலிசாரிடம் பாடம் கற்க வேண்டும்! தமிழக போலீசாரிடம் அவ்வளவு கற்பனைத் திறனும் விஷயம்  இருப்பதை இன்றுவரை கவனிக்காமல் சினிமா கதாசிரியர்கள் இருப்பது ஆச்சரியம் அளிக்கிறது !

          தமிழக போலீசார் ஆலிவுட் ரேஞ்சுக்கு கற்பனை திறன் கொண்டவர்கள் என்பதை இன்று  நிரூபித்து வருகிறார்கள். அவர்கள், ஊடகங்கள் வாயிலாக சொல்லும் கதைகள் மயிர்கூச்செறியச் செய்கின்றான். பயங்கரவாதிகளை நாட்டு மக்களுக்கு அடையாளம் காட்டுவதாக சொல்லும் போலீசாரின்  கதைகள்,  சாதாரண மக்களுக்கு சுவாரசியமான, பொழுதுபோக்கும், ஆச்சரியம் ஊட்டும், திகில்,திரில் கதைகளாக ஒருபுறம் இருப்பதை அறிய முடிகிறது.
 சமீபத்தில் ஆந்திர மாநிலம் சித்தூர் மாவட்ட புத்தூரில் பிலால் மாலிக் பன்னா இஸ்மாயில் ஆகியோர்களை ஜேம்ஸ்பாண்டு கணக்காக பிடித்ததாக சொன்ன கதை  அந்த ரகமாகும்.! 
 
 

சென்னையில் ஒரு லாட்சில் தங்கியிருந்த பொது, கைதுசெய்யப்பட்ட போலீஸ் பக்ருதீனை  ஓடும் பஸ்ஸில் பாலோவ் செய்து,அவனுடன் கட்டிபுரண்டு சண்டை போட்டதாக கதை சொல்லி வருகிற போலீசார், பிடிபட்ட பக்ருதீனிடம் விசாரித்ததில் அவன் விசாரணையில் சொன்னதாக கூறும் கதைகள் எதற்கும் ஆதாரம் இல்லை! அதைபற்றிய அக்கறை பொலிசாரின் கதைகளை அப்படியே ,தங்களது பத்திரிகைகளில்  பிரசுரிக்கும்  பத்திரிகையாளர்களுக்கும்  தேவையில்லை என்பது தெரிகிறது.!

ஊடகங்களுக்கு அவர்களின் செய்தி பரபரப்பாக இருக்கவேண்டும். வியாபாரம் நடக்கவேண்டும் என்பது ஒன்றே நோக்கமாக இருப்பதை புரிந்துகொள்ள முடிகிறது. !

        ஊடகங்கள் உதவியுடன் காவல்துறை அரங்கேற்றும் நாடகங்கள், அரங்கேற்றி வரும் கதைகள் எல்லாம் போலிசின் வீர பிரதாபங்களை  பொதுமக்களிடம் நிலைநிறுத்துவதை  கொஞ்சம் சுயமாக சிந்திக்கும் மக்கள் எளிதில் புரிந்து கொள்ள முடியும்.!
 
 
            போலீசாரின் மோசமான செயல்பாடுகள் மறைக்கப்பட்டு, அவகளின் சட்டம் ஒழுங்கை நிலைநாட்டுவதில் பொலிசாரின் கையாலாகாத செயல்களை மூடிமறைக்கவும் உதவுவதை புரிந்து கொள்ள முடியும்.
. ஜே ஆட்சிக்கு ஏற்பட்டுவரும் கேட்ட பெயரை மறைக்கவும் நல்லாட்சி நடைபெறுவதாக பெருமை அடித்து பீற்றி கொள்ளவும் கூட இந்த கதைகள் வெகுவாக பயன்படுவதை  நாம்  காண முடிகிறது. ! 

       முஸ்லிம்களில் மூன்று பேரை பிடித்து,  அவர்கள் தீவிரவாதிகள்,  பயங்கரவாதிகள்  உயிரை துச்சமாக மதித்து அவர்களை பிடித்து இருக்கிறோம் என்று போலீஸு சொல்ல ஆகா..!  என்று சிலாகித்து, பாராட்டி ஆளுக்கு ஐந்து  லட்சமும், பதவி உயர்வும் ஜெ-வால் போலீசாருக்கு தரப்பட்டு உள்ளது.!
 
 
          காவல்துறையின் எல்லைமீறிய கடமை உணர்வுகளை ஜே பாராட்டுவது குறித்து நமக்கு வருத்தம் இல்லை. என்றாலும் காவல்துறையின் எல்லைக்குட்பட்ட செயல்களைகூட செய்யாமல் இருக்கும் அவர்களின் போக்கை பற்றி கவலை படாமல் இருக்க முடியவில்லை.!
 
          ஆயிற்று இரண்டு ஆண்டுகளுக்கு மேல் !  திருச்சியில்  முன்னாள் அமைச்சர் நேருவின் தம்பி கொலையுண்டு....இன்றுவரை ஒரு மயிரைக்கூட பிடுங்க முடியவில்லை இந்த காவல்துறையால்!  
       இந்த போலிசுக்கு   தண்டனை கொடுப்பது? ஜே.சொல்வாரா? சொல்ல மாட்டார்.!

     மதுரையில் போட்டு சுரேஷ் கொலையாகி மாதங்கள் பல உருண்டோடி விட்டன. கொலையில் தொடர்பு இருப்பதாக சொல்லும் அட்டாக் பாண்டியை இன்றுவரை இந்த போலீசாரால் நெருங்க முடியவில்லை .!
        தண்டனை கொடுப்பது? பதவி நீக்கம் உண்டா? தெரியாது. ஜே.சொல்ல மாட்டார்.!

         மாட்டிக் கொண்டவன் முஸ்லிமா? போலீசுக்கும் ஆட்சியாளர்களுக்கும் ஒரே கொண்டாட்டம்தான்! அவர்களுடன் .ஊடகங்களும் சேர்ந்து பக்கம் பக்கமாக  விதவிதமாக காவல்துறையினர் சொல்லும் கதைகளோடு தங்கள் கற்பனைகளையும் சேர்த்து தங்கள் பத்திரிக்கைகளை அலங்கரித்து விடுகின்றன!  
         என்ன நடுவு நிலை என்று தெரியவில்லை! என்ன தொழில் தர்மம் என்றும் புரியவில்லை!

          நாளைக்கு ஆயிரகணக்கான கொலைகள்,கொள்ளைகள் கற்பழிப்புகள்,  வரதட்சணை கொடுமைகள், பாலியல் வன்கொடுமைகள், வீடு புகுந்து தாக்குதல்கள்  நடந்து வருகின்றன. இவற்றை செய்பவர்கள் சாதாரண குடிமக்களாம் . சாதாரண குற்றவாளிகளாம்.!

         அதில் எவனாவது ஒரு இளச்சவாயன் அதுவும் அவன் ஒரு முஸ்லிமாக   இருந்துவிட்டால் போதும்,  அவன்தான் தீவிரவாதி, பயங்கரவாத செயல்களை செய்பவன் என்று சொல்லி, மாட்டிகொண்டவனுடைய  செல்போனில் உள்ள எல்லா நம்பர்களும், தொடர்புகளும் சோதனை இடப்பட்டு விடும்.! மேலும்   எங்கே, எப்போது  யாரால் என்ன குற்றம் செய்யப்பட்டு  இருந்தாலும் , அந்த குற்றம் காவல்துறையின் கையாளாக தனத்தால் கண்டுபிடிக்க முடியாத குற்றங்கள் ஆகா இருந்தாலும் அவைகள் எல்லாம் மாட்டிகொண்ட முஸ்லிம் மீது காவல்துறையால்  சுமத்தப்பட்டு விடுகிறது. !

        மாட்டி கொண்டவன் குற்றவாளி,! தப்பித்து கொண்டவன் நிரபராதி என்ற பொது நியதியை  காவல்துறை கடைப்பிடித்து வருகிறது!

       வேலூரில் கொல்லப்பட்ட அரவிந்த ரெட்டியை கொன்றதாக சொல்லி வஜுர்   ராஜா- வை பிடித்தார்கள் சிறையில் அடைத்தார்கள்
இப்போது போலீஸ் பக்ருதீன், பிலால் மாலிக் ஆகியோர்கள் செய்ததாக போலிசு சொல்கிறது.!  முன்பு குற்றவாளிகளாக போலிசாரால் சொல்லப்பட்ட வசூர் ராஜா  இப்போது குற்றவாளியா?  நிரபராதியா? 

         இப்போது குற்றவாளியாக போலீஸ் சொல்லும் பிலால் மாலிக் போன்றவர்களை சிறையில் அடைத்த பிறக்கு,  கொஞ்சம்னாட்கள் கழித்து  நான்தான் அரவிந்த ரெட்டியை கொன்றேன் என்று எவனாவது  போலீசிடம் மாட்டிகொண்டவன் சொன்னால் என்ன அப்போது பொலிசார்  என்ன செய்வார்கள்?

       ஆக,  போலிசார்  சொல்லும் கதைகள,போலிசார்  சொல்லும் குற்றவாளிகள் என்பவர்கள் உண்மையில் குற்றவாளிகளே அல்ல!  பயங்கரவாதிகளே அல்ல. ! தீவிரவாதிகளும் அல்ல1 . என்பது நமக்கு  தெரிகிறது!
.
        போலிசுக்கு முஸ்லிம்களை தீவிரவாதிகளாக ஊடகங்கள் மூலம் காட்டவேண்டும்! .தங்களது கையாலாகாத தனத்தை மறைத்து, ஆட்சிக்கு நல்லபெயரை பெற்றுத்தரவேண்டும்!  அத்துடன்  முஸ்லிம்களை தீவிரவாதிகளாக சொல்லி, இந்துத்துவ வாதிகளை சந்தோசப் படுத்த வேண்டும் !
 
          அவ்வாறு செய்தால்தான் எதிர்வரும் தேர்தலில் பெரும்பான்மையான மக்களின் ஓட்டுகளை -ஜே அரசு பெறமுடியும் என்று நினைக்கிறது. அதற்கு ஏற்ப,போலீசார்  ஆலிவுட் ரேஞ்சுக்கு கதைகள் சொல்லி முஸ்லிம்களை குற்றவாளிகளாக தீவிரவாதிகளாக ஆக்கி வருகிறார்கள் என்ற உண்மை தெரிகிறது!

Monday, 7 October 2013

இலங்கையின் தொடர் அடாவடிகள்..

          இலங்கை அரசும்  அதன் பாசிச இராணுவமும் இலங்கைத் தமிழர்களுக்கு எதிராகவும், தமிழக மீனவர்களுக்கு எதிராகவும் தொடர்ந்து நடந்து கொள்கிறது.
          சர்வதேச சட்டங்கள்,மனித நெறிமுறைகள் எதைபற்றியும் அந்நாட்டு அரசு கவலைகொல்வதாக, மதிப்பதாக தெரியவில்லை.

         ஐ.நா .வின்  மனித உரிமைகள் குழு தலைவர்  நவநீதம் பிள்ளை, இலங்கையில் போர் நடத்தை மீறல்,மனித உரிமை மீறல் குறித்து காலம் கடந்து விசாரிக்க சென்றபோதும் கவலை படாமல் அவரை அவமதித்தது  இன்றும்  தமிழர் வாழும் பகுதிகளில் இராணுவத்தை கேடயமாக வைத்து மிரட்டி வருகிறது. 
          சமீபத்தில் வடக்கு மாகாணத்தில் நடந்த தேர்தலின்போதும் இராணுவத்தின் நெருக்கடிக்கு வேட்பாளர்களும் தமிழர்களும் ஆளாயினர். தேர்தல் முடிந்து தேர்வு பெற்ற விக்னேஸ்வரனும் ராஜபக்சேவுக்கு எதிராக, அவரது எண்ணத்திற்கு மாறாக எதுவும் செய்துவிட முடியாது என்ற நிலையே எதார்த்தமாக உள்ளது.

          இவைகள் அனைத்தும் அறிந்திருந்தும் இந்தியா இன்றுவரை இலங்கைக்கு எதிராக சிறு நடவடிக்கையையும் எடுக்காமல் இருக்கிறது.  தமிழர்களுக்கு எதிரான இலங்கையின் நிலையை இந்தியாவும் தொடர்ந்து ஆதரித்தும், கண்டுகொள்ளாமலும் இருந்துவருவதால் இலங்கையில் உள்ள தமிழர்களின் பிரசனை தொடர்கிறது.

         இந்தியா ஈழதமிழர்களின் மறுவாழ்வு,புனரமைப்பு பணிகளுக்கு வழங்கிய நிதி உதவியும்  இலங்கையால் தமிழர்களை  ஒடுக்கவும், தமிழர்களுக்கு எதிராக இலங்கை இராணுவம் பயன்படுத்தி கொள்ளும் விதத்தில் இருப்பது வேதனையாகும்.!

          இதுதவிர தமிழகத்தில் உள்ள ஒட்டு மொத்த அரசியல் தலைவர்கள் தமிழக மீனவர்களுக்கு  இலங்கை அரசும் அதன் இராணுவமும் இழைத்துவரும் கொடுமைகளைப் பற்றி கூக்குரல் எழுப்பியும், கண்டனம் தெரிவித்தும் கூட இலங்கை தனது போக்கில் இருந்து மாறவில்லை.! தொடர்ந்து தமிழக மீனவர்களை தாக்குவதையும்,சிறைபிடிப்பதையும், படகுகள், மீன்பிடி வலைகளை சேதப்படுத்துவதையும் வாடிக்கையாக செய்து வருகிறது.

         தனது நாட்டு மக்கள் பாதிக்கபடுவதை பார்த்தும் இலங்கைக்கு எதிராக நடவடிக்கை எடுக்காமலும் கண்டிக்காமலும் இருக்கும் இந்தியாவின் மவுனம் அதிர்ச்சி அளிக்கிறது.



          இலங்கையுடன் இந்தியா கொண்ட கள்ள நட்பின் காரணமாக இந்தியாவுக்கு  எதிராகவும்  இலங்கை செயல்பட ஆரம்பித்து உள்ளதாக தெரிகிறது.
 
         இலங்கையின் கிழக்கு கடற்கரை பகுதியில்  இஸ்ரேல்  மொசாம்பிக் பயங்கரவாதிகள் தீவிரவாத பயிற்சியை சிங்களர்களுக்கு கொடுத்துவருவதாக செய்திகள் வருகின்றன.

         இந்தியாவுக்கு எதிராக நட்பு நாடான இலங்கையில் தீவிரவாத பயிற்சிகள் நடக்கின்றன.  தீவிரவாதிகள், பயங்கவாதிகள் என்றாலே அது பாகிஸ்தான் தான்,என்று முட்டாள்தனமான நம்பிக்கையில் இருக்கும் இந்தியாவால்,  இலங்கையில் இஸ்ரேல் அமெரிக்கா,சீனா போன்ற நாடுகளின் நடவடிக்கைகளைப் பற்றி  கவலைபடுவதில்லை.!

        சொந்த மக்களை காப்பாற்ற வக்கற்ற இந்திய அரசு  எதிர்வரும் காலத்தில், இலங்கையினால் ஏற்படப்போகும் ஆபத்துகளை எப்படி தடுக்கமுடியும்? என்ற கேள்விஎழுகிறது.

       இந்தியாவின் வெளிநாட்டு கொள்கைகளில் மாற்றம் ஏற்பட்டால் ஒழிய, இந்தியாவுக்கு எதிர்காலம் இல்லை என்று நினைக்கத் தோன்றுகிறது.!




Thursday, 3 October 2013

ராகுல் இமேஜும், காங்கிரஸ் டேமெஜும் ..

           குற்றம் செய்த வழக்கில் இரண்டு ஆண்டுகளுக்கு மேலாக தண்டனை பெரும் எம்.பி.கள்,எம்.எல்.ஏக்களை காப்பாற்ற காங்கிரஸ் தலைமையிலான அரசு கொண்டுவந்த அவசர சட்டத்திற்கு ஜனாதிபதி ஒப்புதல் அளித்து,நிறைவேறும் தருவாயில் வாபஸ் பெறப்பட்டு உள்ளது.

          வாபஸ் பெற காரணம், காங்கிரஸ் கட்சியின் துணைப் பொது செயலாளர்  ராகுல் காந்தி என்பது எல்லோரும் அறிந்த செய்திதான். !
 ஆரம்ப கட்டத்திலேயே இந்த அவசர சட்டத்தை எதிர்க்காமல் கடைசி நேரத்தில், அதுவும் பிரதமர் வெளிநாட்டில் இருந்தபோது  ராகுல் தனது எதிப்பை தெரிவித்தது, பலவேறு சர்ச்சைகளையும் சந்தேகத்தையும் ஏற்படுத்தி இருந்தது. 
 
 
      
    ஊழல்,கிரிமினல் நாடாளுமன்ற எம்.பி.களை பாதுகாக்க  காங்கிரசின்  தலைவர்  சோனியா முதல்  கபில்சிபல்,  ப.சிதம்பரம் வரை அவசர சட்டத்தை ஆதரித்து கருத்து தெரிவித்து இருந்தனர். 
 
     எனினும்,  ராகுலின் தீவிர எதிர்ப்பால்  குற்றம் புரிந்து தண்டனைக்கு ஆளாகும் எம்.பி.கள் பதவியை இழக்கும் நிலை தற்போது  ஏற்பட்டு உள்ளது !
 
        அவசர சட்டத்தை வாபஸ் பெற வைத்ததன் மூலம் காங்கிரஸ் கட்சியில் செல்வாக்கு மிக்க தலைவராக ராகுல் காட்சி தருகிறார்.  இது,  ராகுலின் அரசியல் எதிர்காலத்துக்கு பயன்படும்.  நடைபெற இருக்கும் 5 மாநில தேர்தலுக்கும் காங்கிரசின் பிரச்சாரதிற்கும் நாடாளுமன்ற தேர்தலில் காங்கிரஸ் தங்களை பரிசுத்தவான்களாக காட்டிக்கொள்ளவும் கூட பயன்படலாம், என்பதில் வியப்பு ஒன்றும் இல்லை. ! 
 
     ஏற்கனவே,  டேமேஜாகி உள்ள காங்கிரஸ் கட்சி  ஊழல் கிரிமினல் குற்றவாளிகளுக்கு பாதுகாப்பு தரும்  சட்டத்தை கொண்டுவர முயற்சித்த செயலால்  பொதுமக்களிடம் காங்கிரஸ் கட்சியின் செல்வாக்கு மேலும்   டேமேஜாகி இருந்தது. 
 
 
 
        பா .ஜ.க.போன்ற கட்சிகள்  காங்கிரசின் ஊழலையும், முறைகேடுகளையும் கண்டித்தும்,வெளிபடுத்தியும் தனது செல்வாக்கை வளர்த்து வரும் நிலையில்  குற்றவாளிகளை பாதுகாக்கும் சட்டத்தையும் தேர்தல் பிரச்சாரத்துக்கு பயன் படுத்திக் கொள்ளும்   வாய்ப்பை  ராகுல் தடுத்துவிட்டார். 
 
     மேலும் இளைஞர்கள் மத் தியில் தான்  முந்தைய காங்கிரஸ் காரார்களைபோல  ஊழலுக்கு, முறைகேடுகளுக்கு ஆதரவாளன் இல்லை. என்பதை வெளிபடுத்த  வாய்ப்பை ஏற்படுத்தியுள்ளது. !
 
          ராகுலின் அவசர சட்ட எதிர்ப்பு ஒருவகையில் வரவேற்கதக்கதுதான். இனி ஊழல்,குற்ற செயல்களை எந்தவித பயமும்,கவலையும் இன்றி செய்ய நினைக்கும் அரசியல்வாதிகள் சற்று நிதானித்து,சாட்சிகள் இல்லாமல் செய்ய முடியுமா?என்று கவலைபடுவார்கள்.!

         சிலர் திருந்தவும்,  குற்ற செயலில் ஈடுபட யோசிக்கவும் கூட வாய்ப்பு உள்ளது.   மேலும் சிலர், இதுவரை தாங்கள் செய்த குற்றங்களுக்கு தண்டனை பெறாமல் தப்பிக்க  நினைத்து முயற்சிகள்  மேற்கொள்ளுவார்கள் !   அதன் எதிர்வினையாக.. வக்கீல்கள்..ஏன் தீர்ப்பு சொல்லும் நீதிபதிகளை மிரட்டவும் நீதிபதிகளிடம்  பேரம் பேசவும் கூட பிரயத்தனம் செய்வார்கள். 
 
       இவைகள் இன்றி,  எல்லா கட்சிகளும்   குற்றப்பின்னணி கொண்டவர்களை வேட்பாளர்களாக நிறுத்துவது ஓரளவு தடுக்கப்படவும், உண்மையில் சில நேர்மையாளர்கள் தேர்தலில் போட்டியிட விரும்பும் சூழல் ஏற்படுவதும் நடக்கும்.!  
 
      ஆகவே,  அவசர சட்டம் வாபஸ் பெறப்பட்டது. நாட்டுக்கு,  நாட்டின் எதிர்கால நலனுக்கு,  நாட்டின் நலனை விரும்பும் கட்சிகளுக்கு,  நாட்டில் உள்ள நேர்மையாளர்களுக்கு  நல்லதுதான்  வரவேற்கத் தக்கதுதான் என்பது எனது கருத்தாகும் !

        இப்படீல்லாம் நடக்கும் என்று யார் கண்டார்கள் என்று நினைத்து புலம்பும் கிரிமினல் அரசியல் வாதிகளுக்கு வேண்டுமென்றால் இது வருத்தத்தை ஏற்படுத்தலாம்!


Friday, 27 September 2013

ஆர்.எஸ்.எஸ்-இன் தேசபக்தி இலட்சணம்...

            தேசபக்திக்கு உதாரணமாக தங்களை கட்டிக்கொள்ளும் ஆர்.எஸ்.எஸ் கும்பலுக்கும் தேசபக்திக்கும் எந்த சம்பந்தமும் இல்லை.நடக்கும் காலகட்டத்தில் சுதந்திர போராட்டம் நடந்த காலத்தில் ஆங்கிலேயர்களுக்கு விசுவாசம் காட்டி, ஆங்கிலேயர்களின் காலை நக்கிப் பிழைத ஆர்.எஸ்.எஸ் கும்பல், தங்களது பழைய வரலாறு யாருக்கும் தெரியாது என்று நினைத்து, தங்களது இந்திய துரோகத்தை,மோசடிகளை மறைத்து  இந்தியாவின் தேசபக்தர்களாக வேஷம் கட்டி வருகிறார்கள்.

         ஆங்கிலேயர்கள் இராணுவத்துக்கு ஆட்களை சேர்த்தபோது, இந்து இளைஞர்களை ஆங்கிலேய இராணுவத்தில் சேர்த்த பாவிகள், இவர்கள்.! ஆர்.எஸ்.எஸ். காவிக்  கும்பலின் ராணுவ வீரர்களைக் கொண்டே ஆங்கிலேயர்கள் இந்திய சுதந்திர போராட்டத்தை ஒடுக்கி  வந்தார்கள்.

          அதுமட்டுமில்லை, ஆங்கிலேயர்களை வெளியேற்ற 1942-யில் "வெள்ளையனே வெளியேறு" இயக்கத்தை காங்கிரஸ் ஆரம்பித்து, கம்யுனிஸ்டுகள்,  முஸ்லிம்லீக் போன்ற அமைப்புகள் ஆதரித்து, போராடிய போது,  இந்த காவி துரோகிகள் சுதந்தியதுக்காக  போராட வில்லை அந்நியர்களை எதிர்க்கவில்லை! மாறாக ஆர்.எஸ்.எஸ்-இன் தலைவராக இருந்த கோல்வாக்கர்  இந்து இளைஞர்களை தமது அமைப்பில் சேர்க்கும் முயற்சியில் கவனம் செலுத்தினார். எங்கே தங்கள் பிள்ளைகள் காங்கிரசில் சேர்ந்து ,ஆங்கிலேயருக்கு எதிராக போராட்டம் நடத்தி,சிறைக்கு போய்விடுவார்களோ என்ற அச்சத்தில் பார்ப்பனர்கள் பலரும் தங்கள் பிள்ளைகளை ஆர்.எஸ்.எஸ். அமைப்பில் சேர்த்தனர்.(பார்ப்பனர்களுக்கு  என்னே தேசபக்தி !)

           எப்போதும் தங்களது நலனை மட்டுமே பெரிதாக நினைக்கும் பார்ப்பன கும்பல் இன்று தேசபக்திக்கு சொந்தகாரர்கள் போல போடும் வேடமும் அடிக்கும் கூத்தும், ஆர்ப்பட்டமும், நடிப்பும் சொல்ல தரமற்றது. வேட்கக்கேடானது.

          இந்தியாவில் எல்லோரும் சுதந்திரத்திற்காக போராடிய போது,சிறை பட்டபோது,செக்கிழுத்து,கல்லுடைத்து கஷ்டப்பட்டபோது ஆங்கிலேயர்களை எதிர்த்து தங்களது வாழ்வை, வசதியை இழந்தபோது, ஆர்.எஸ்.எஸ்-காரர்கள் ஆங்கிலேயரை   பயன்படுத்தி  தங்கள் சொந்த நலனை, வியாபரத்தை நடத்தினார்கள்.

டிரெவர் டிரைபர்க் என்ற பத்திரிக்கையாளர் அதனை  எழுதியுள்ளார்.

     "அதே நேரத்தில் பல ஆர்.எஸ்.எஸ் தலைவர்கள் பிரிட்டீஷ்  ராணுவத்துக்கு வேண்டிய  ராணுவ எந்திரங்களை சப்ளை செய்யும் கான்ட்ராக்ட் டுகளை எடுத்தனர்.1943-ம் ஆண்டு கிழக்கு வங்காளத்தில் கடும் பஞ்சம் ஏற்பட்டபோது,  இருந்த உணவுப் பொருள்களை எல்லாம்  இந்த ஆர்.எஸ்.எஸ் காரர்கள் வாரிக் கொண்டு போய், பிரிட்டீஷ் ராணுவத்தினருக்கு கொடுத்தனர். பஞ்சத்தால் பரிதவித்த மக்கள் மேலும் கொடுமைக்கு உள்ளாயினர். இந்த காண்ட்ராக்டு காரர்களிடம் பணம் ஏராளமாக வர ஆரம்பித்தது பிரிட்டீஷ் ராணுவ நிதிக்கு பணத்தை அள்ளி வீசினர்.( அப்போதுதானே காண்ட்ராக்டு கிடைக்கும் } ஆர்.எஸ்.எஸ்செய்தித்தாள்களுக்கும், பத்திரிக்கைகளுக்கும் அரசாங்கம்  பேருதவி செய்தது. ஏராளமான அரசு விளம்பரங்கள் தரப்பட்டன. இந்த நடவடிக்கைகள், ஆர்.எஸ்.எஸ் காரர்கள் தேசியப் போராட்டத்தில் பங்கேற்றவர்கள் என்ற மாயையை உடைத்துக் காட்டுகிறது" 
என்று டிரெவர் டிரைபர்க் அவரது  FOUR FACES OF SUBVERSION என்ற நூலில்( பக்கம்-27) எழுதி  உள்ளார்.

          ஆங்கிலேயர்களிடம் விசுவாசம் காட்டி  இந்திய சுதந்திரத்துக்கு இடையுறாக ஆங்கிலேய ராணுவத்துக்கு ஆள் சேர்த்தும்,காண்ட்ராக்டு எடுத்தும், கூட்டிகொடுத்தும்,  காட்டிகொடுத்தும்  துரோகம் செய்த ஆர்.எஸ்.எஸ்-காரர்கள்  இன்று தேச பக்தர்களாக,சுதந்திர போராட்ட வீரர்களாக, தேச தலைவர்களாக,  தங்களை கூசாமல் சொல்லி கொள்ளுகிறார்கள்!   ஆர்.எஸ்.எஸ்-காரர்களின் ஆங்கிலபக்தியை  இன்று, இந்திய தேசபக்தியாக  சொல்லி  ஏமாற்றுவதை என்னவென்று சொல்வது?
 


Thursday, 26 September 2013

திருச்சிக்கு வந்த சோதனையும் தமிழர்களின் வேதனையும்

         திருச்சிக்கு நரேந்திர மோடி வந்திருப்பது  தமிழர்களுக்கு வரப்போகும் மிகபெரிய  வேதனைக்கு சான்றாகும்.  தமிழகத்தில்  வகுப்புவாத ஆர்.எஸ்.எஸ்-யும் அதன் பயங்கரவாதத்தை நடைமுறைபடுத்தும் கட்சியான பி.ஜே.பி-யும் வளர்வதும், அதற்க்கு ஆதரவு தருவதும் எரியும் கொள்ளியால் தலையை சொறிந்து கொள்வதாகும்.

         ஆர்.எஸ்.எஸ். என்பது ஆரியத்தை  அடிப்படையாக கொண்டது. தமிழர்களின் நாகரீகம்,பண்பாட்டுக்கு எதிரானது. தமிழ் மொழிக்கு எதிரானது  என்பதால் அதனை  ஆரம்பம் முதலே தமிழர்கள்  எதிர்த்து வந்தனர் என்பதே வரலாறு. இன்று இந்த வரலாற்றை மறந்து தமிழர்கள் அறிய ஆதிக்க ஆட்சிக்கு ஆதரவாக செயல்படுவது. தாயை வெறுத்துவிட்டு,தாசிக்கு மரியாதை தரும் இழிவுக்கு ஒப்பானதாகும்.
 
 
        ஒரு பியூனாகபார்ப்பனன்  இருந்தாலும் அவனது காலை  பெரிய அதிகாரியாக (மற்றவர்கள்) இருப்பவர்கள் தொட்டு வணங்க வேண்டும் என்று  குறிப்பிட்டு  கோல்வாக்கர்( bunch of thoughts )எழுதினார். 
 
ஆர்.எஸ்.எஸ்-இன் பிராத்தனை பாடல் என்ன தெரியுமா? 

நான் பிறந்த தாய் நாடே உன்னை வணங்குகிறேன்
என்னை வளர்த்த ஆரிய நாடே உன்னை வணங்குகிறேன்   
நாங்கள் உழைக்கும் புண்ணிய நாடே உன்னை வணங்குகிறேன்
நாங்கள் முழுமையான இந்துக்களாகும்
குணத்தை விரைந்து தாருங்கள்
உங்கள் கடவுளின் சக்தியை எங்களிடம் புகுத்துங்கள்
எங்களை ராமனின் சீடர்களாக்குங்கள்
நாங்கள் நம்பிக்கையின் காவலர்களாவோம்
சாம்ராட் ஸ்ரீ ராமதாசுக்கு வெற்றி கிட்டட்டும்
அவரே இந்த தேசத்தின் குரு
 இந்தியத்தாய் வெற்றிபெறட்டும்.    --என்பதாகும்.

           இப்பாடல் ஆர்.எஸ்.எஸ்.-கும்பலால் வழிபாட்டு பாடலாக 1939-ஆண்டுவரை மராட்டியிலும், இந்தியிலும் பாடப்பட்டது. பிறகு "எங்களை ஆளாக்கிய ஆரிய நாடே" என்பது தெரிய கூடாது  என்று பார்பனர்களின் பாசையான சமஸ்கிருததுக்கு மாறுதல் செய்யப்பட்டது. 
 
 
          அதுமட்டுமில்லை இவர்கள் இந்தியாவின் குருவாக வணங்கும்  ஸ்ரீ ராமதாஸ் யார் என்றால், அவர் சிவாஜி மன்னனின் குரு .!  தான் போராடி பெற்ற வெற்றிகளை இந்த பார்ப்பன குருவின் காலடியில் தான் காணிக்கையாக சிவாஜி செலுத்தி வந்தான்.  சிவாஜி மன்னனாக இருந்தாலும் இந்த நாட்டை ஆண்டவர் பார்ப்பனர் ராமதாஸ். !

     அதனால்தான் ஆர்.எஸ். எஸ். கார்கள் இவரை குருவாக ஏற்று பிராத்தனை நடத்துகிறார்கள். முஸ்லிம்களைப் போரிட்டு தோற்கடித்துவிட்டு, விரட்டி விட்டு, வெற்றிகளை பார்ப்பனர்கள் காலடியில் குவிக்க வேண்டும்  என்ற நோக்கத்தை வெளிபடுத்தும் பாடல்தான்  ஆர்.எஸ்.எஸ்-இன் பிராத்தனை பாடலாக, அதுவும் பார்ப்பனர்களின் மொழியான சமஸ்கிருதத்தில் இன்றும் பாடி வருகிறார்கள்.

                                                                                                                                                                              பார்பனீயத்தை,சாதிய  ஒடுக்குமுறையை,   எதிர்த்து போராடிய தந்தை பெரியார் பிறந்த மண்ணில், காந்தியை கொன்ற கும்பல்..,
மதகலவரங்களை நடத்தி நாட்டை சுடுகாடாக ஆக்கிவரும் கும்பல்..., கொள்ளையிட்டும்... , கொலை செய்தும்..., வன்முறையை தூண்டியும்..., வகுப்பு வாதத்தை ஆதரித்தும் வரும் வன்முறை கும்பல்...,
 
       அதுவும் பார்ப்பனர்கள் ஆட்சிக்கு பாதை அமைக்கும் கும்பல்.. ,
தமிழகத்தில் வளர்வதும்...,  தமிழர்கள் அக்கும்பலை ஆதரிப்பதும்...  
மிக பெரிய கொடுமையாகும். குற்றமாகும்.

         தமிழர்களுக்கு,  தமிழ் மொழிக்கு ,தமிழ் நாகரீகத்திற்கு,  தமிழர் நல்வாழ்வுக்கு எதிராக உள்ள பார்ப்பன, பாசிச சக்திகளை  தமிழர்கள் வரவேற்பது என்பது    தங்களுக்கு தாங்களே தமிழர்கள்   பாடை கட்டிகொள்வதற்கு ஒப்பாகும்!

Wednesday, 25 September 2013

தமிழர்களும் இந்தியாவும் இலங்கையும்..

         பேரறிஞர் அண்ணா அவர்கள்," வடக்கு வாழ்கிறது தெற்கு தேய்கிறது" என்று மத்திய அரசும் இந்திய காங்கிரஸ் கட்சி ஆட்சியும் தென்மாநிலங்கள் வளர்ச்சிக்கு முட்டுக்கட்டை இடுவது குறித்து அன்றே கூறினார்.



           அண்ணா கூறிய மத்திய அரசின் பாரபட்சம் இன்றும் தொடர்கிறது. அன்றும் காங்கிரஸ் ஆட்சி இன்றும் காங்கிரஸ் தலைமையிலான ஆட்சிதான் மத்தியில் நடைபெறுகிறது. காங்கிரசின் பாரபட்சம், குறிப்பாக அது தமிழர்கள் மீதும் தமிழகத்தின் மீதும் கொண்டுள்ள பார்வையில் எந்த மாற்றமும் இல்லை.!


         தமிழர்கள் மீது  கடும் வெறுப்புணர்வை காட்டுவதற்கு காரணம், ஆதியில் இருந்து  பார்ப்பனிய பாசிசத்தை சாடியும், அதற்கு எதிராக திராவிடம் பேசியும் வந்ததாகும். !

           இன்று திராவிடம் என்ற சொல் அதன் அர்த்தத்தை இழந்துவிட்டது. திராவிடக் கொள்கை நீர்த்து போய்விட்டதாக தோன்றுகிறது. ஒட்டுமொத்த திராவிடர்களை,தமிழர்களை ஒற்றுமைப்படுத்தி தலைமையேற்கும் ஆற்றலை தமிழக தலைவர்கள் இழந்துவிட்டார்கள்.தங்களுக்குள் போட்டியும் ஆதிக்க குணமும் கொண்டு, சண்டை இட்டதால் ஆதிக்க சக்தியான பாசிச சக்திக்கும்,அதன் ஆட்சியாளர்களுக்கும் திராவிட வெறுப்பு இன்று தமிழின வெறுப்பாகவும்,விரோதமாகவும் வளர்ச்சி அடைந்து விட்டது. !

        இந்த உண்மையை உணராமல் தமிழின தலைவர்கள் இருந்து வருகிறார்கள் அதனால்  இன்றும் பாசிச ஆட்சியாளர்களால் தமிழர்கள் பாதிக்கப்பட்டு வருகின்றன.  இந்தியாவின் தமிழர்கள் மீதான வெறுப்பால்  தமிழர்களின் நலனும் முன்னேற்றமும் தமிழகத்தில் மட்டும் பாதிப்பை ஏற்படுத்துவதோடு நின்று விடவில்லை!   எங்கெல்லாம் தமிழர்கள் பெரும்பான்மையாக இருகிறார்களோ, எங்கெல்லாம் தமிழர்கள் தங்களது அடிப்படை உரிமைக்காக போராடுகிறார்களோ, அங்கெல்லாம் பாதிப்பை ஏற்படுத்தி வருகிறது.



       இலங்கையில் பெருவாரியாக இருக்கும் தமிழர்களின் ஜீவாதாரம் அளிக்கப்பட்டு, பொருளாதாரம் நசுக்கப்பட்டு, வாழ்வாதாரம் பறிக்கப்பட்டு, உயிருக்கே போராடும்  நிலைக்கு தள்ளப்பட்டனர்.!  காரணம் இந்திய ஆட்சியாளர்களின் தமிழர் மீதான வெறுப்புணர்வும், பாரபட்சமும் தான்.!


         இந்திய ஆட்சியாளர்களின் பாசிச குணமே  இலங்கையை நடப்பு நாடாக கருத செய்து வருகிறது.  அங்கே ஒடுக்கப்பட்டு, உரிமை இழந்து, தமிழர்கள் வாடும் நிலைக்கு தள்ளப்பட்டு உள்ளதற்கும் காரணமாகும்.

           சமத்துவம் சகோதரத்துவம் வேண்டும்,விரும்பும் பாகிஸ்தானை பகை நாடாக எண்ணுவதற்கும் இந்திய ஆட்சியாளர்களின் பாசிச குணமே காரணமாகும்.

         எதிரியாக பகை நாடாக கருதும் பாகிஸ்தான் கூட தமிழக மீனவர்களை கொல்வதில்லை,சித்திரவதை செய்வதில்லை, உணவிட்டு,கண்ணியமாக நடத்தி, அனுப்புகின்றது .

          ஆனால், இந்தியாவின் நட்பு நாடக உள்ள இலங்கை தமிழர்களுக்கு இழைத்த கொடுமைகள் கொஞ்சமா என்ன?  தமிழக மீனவர்களை கொன்று குவிப்பதை என்ன வென்று சொல்வது.?  இன்றும் ,இலங்கையில் தமிழக மீனவர்கள் சிறைபட்டு சிறுமைப்பட்டு,சித்தரவதையை அனுபவிக்கிறார்கள். !

      ஆனாலும்,  இந்திய அரசு தமிழர்கள் என்பதாலேயே கண்டுகொள்வதில்லை. இலங்கையை தட்டி கேட்பதும் இல்லை! அதே சமயத்தில்  இலங்கையை சேர்ந்த மீனவர்கள் இந்தியாவில் கொல்லபடுவதில்லை, சித்திரவதையோ, கடுமையான சிறைதண்டனையோ அடைவதும் இல்லை.  அவர்கள் இலங்கைக்கு பத்திரமாக அனுப்பி வைக்கப்  படுகிறார்கள்.

        ஆக, இந்தியாவிலும், இலங்கையிலும்,  பாசிச கொடுமைகளை செய்யும் எந்த நாட்டிலும்  தமிழர்களுக்கு, சம உரிமை,  சமத்துவம், நியாயம் கேட்டு போராடும்  ஜனநாயக மக்களுக்கு கொடுமைகள் நடப்பது மட்டும் குறைய போவதில்லை என்பதையே  இந்தியாவும் இலங்கையும் தமிழர்களுக்கு  சொல்லும் செய்தியாக இருக்கிறது.!



Friday, 20 September 2013

மோடியால் மூன்றாம் உலகப்போர் வரும்?

          ஆப்கானிஸ்தான்,பாகிஸ்தான்,பங்களா தேஷ்,இலங்கை, நேபாளம், உள்ளிட்ட அகண்ட பாரதத்தை இந்து ராஜ்ஜியமாக  நினைக்கும், தனது லட்சியமாக வைத்திருக்கும் ஆர்.எஸ்.எஸ்.-யின்  ஏவலாள் நரேந்திர மோடி  பிரதமர் வேட்பாளராக  அறிவிக்கப்பட்ட உடனே  காவி பண்டாரங்களும், காலிதனம் செய்யும் இந்துத்துவ குரங்குகளும் இந்தியாவில் மோடி அலை வீசுவதாக,இளைஞர்களிடம் எழுச்சி தோன்றி இருப்பதாக பொய்யையே மெய்போல பரப்பி வருகிறார்கள்!


         கள்ளுண்ட கருங்குரங்கு கணக்காய்  மோடியும் மயக்கத்தில் பிதற்ற ஆரம்பித்து விட்டார்.  முன்னாள் ராணுவ வீரர்களைக் கொண்டு  இந்நாள் ராணுவ வீரர்களை  இந்துத்வா சதியில் சிக்க வைக்கவும், ஷாகாக்களில்      தனது குண்டர்களுக்கு வெறியுட்டுவதைப் போல நாட்டு மக்களுக்கு வெறியேற்றும் விதமாக பேசவும் ஆரம்பித்துவிட்டார்.

            இந்தியாவில் சீனாவின் ஊடுருவலை தட்டி கேட்க  மன்மோகன் சிங்குக்கு தைரியமில்லை,பாகிஸ்தான் எல்லையில் செய்யும் அத்துமீறலை தடுக்க முடியவில்லை.இந்த அரசு  கையாலாகாத அரசு.என்பதுபோல பேசியும் பிரசாரத்தையும் ஆரம்பித்து விட்டார்.

      தமிழகத்தில்  வரும் 26-ம் தேதி இளந்தாமரை மாநாடு என்ற பெயரில்  பிரசாரத்தை ஆரம்பித்து, தனது பிரதாபத்தை காட்ட இருக்கிறார். அமைதியாக இருக்கும் தமிழகம்  மோடி வருகையால் ரணகளமாகும் சூழலுக்கு மாறும் ஆபத்து இருக்கிறது. காவிகளின் காலித்தனங்கள் ஜே-அரசுக்கும் அதிகாரத்துக்கும் ஆபத்து ஏற்படுத்துவதுடன் தமிழகத்தின் அமைதிக்கும் ஆப்பு வைக்கும் என்பதை இப்போதே சொல்லலாம்.

      இது ஒருபுறம் இருக்கட்டும், தேர்தல் நடந்து மோடி ஒருவேளை பிரதமர் ஆகிவிட்டால்  என்ன நடக்கும்? முஸ்லிம்கள் வழக்கம் போல பாதிக்கப் படுவார்கள்.  ஆட்சியையும்,அரசு இயந்திரமும்  காவி மயமாகும், பகவத் கீதையும்,  பஜனைகளும் பாடதிட்டங்கள் ஆகும்.  அரசு கஜானா ,மக்கள் வரிப்பணம்,  நலத்திட்டங்களுக்கு செலவழிப்பது மாறி,காவிகளின் வளத் திட்டங்களுக்கு திருப்பிவிடப்படும்.  கல்விகொள்கை என்பது காவி கொள்கை ஆகும்.  இதுபோன்ற சீர்கேடுகள்,கொடுமைகள் இந்தியாவில் நடக்கும் என்று எதிர்பார்க்கலாம் !

        ஆர்.எஸ்.எஸ். கொள்கைப்படி,சர்வ வல்லமை உள்ள பிரதமராக அவதரித்து இருக்கும்  மோடியால்  இந்தியாவின் அயல் உறவுக் கொள்கையில் மற்றம் ஏற்படும்.பெட்ரோல் முதலியவைகளை  முஸ்லிம் நாடுகளிடம் இருந்து  இறக்குமதி செய்வது  மெல்ல மெல்ல குறையும், பெட்ரோல் அதிகம் உள்ள முஸ்லிம் நாடுகளை ஏற்கனவே  ஆக்கிரமித்து, அடாவடி செய்து  பெட்ரோல் வியாபாரத்தில் ஈடுபட்டுள்ள அமரிகாவிடம் பெட்ரோலுக்கும்,ஆயுதத்தை போல கையேந்த வேண்டிய நிலை ஏற்படும். அமரிக்க வல்லரசு போடும் அணைத்து கண்டிசன்களுக்கும் ஆமாம் போடவேண்டிய நிலை மோடிக்கு ஏற்படும். 

        ஆமாம் போடுவதை இந்தியாவில் எதிப்பவர்களை சமாளிக்க அண்டை நாடுகளிடம் அடிக்கடி உரசிகொள்ளவும்,சீண்டிபார்க்கவும் வேண்டிய நிலை மோடிக்கு ஏற்படும். அதுமட்டுமின்றி, அகண்ட பாரத கனவை, இலட்சியத்தை வைத்திருக்கும்   ஆர்.எஸ்.எஸ். கொள்கையால், பாகிஸ்தானுடனோ, சீனாவுடனோ போர் தொடுக்கவும் மோடி முனையலாம். இந்துவை ராணுவமாக்கும்   இராணுவத்தை இந்துமயமாக்கும் ஆர்.எஸ்.எஸ். நிர்பந்தத்தால்...  அப்படி ஒரு நிலை ஏற்பட்டால்  அது  மூன்றாம் உலகபோராக  மாறுவதை நிச்சயம் தடுக்க முடியாது. ஏனென்றால், மூன்றாவது உலகப்போர் இந்தியாவை மையமாக வைத்தே நடக்கும் என்று  நாஸ்டர்டாம் என்பவர் எப்போதோ கணித்து சொல்லி உள்ளாராம்.! 

        மோடி.. நாஸ்டர்டாம் கணிப்பையும், ஆர்.எஸ்.எஸ். கனவையும் நிறைவேற்ற மாட்டார் என்பதை எப்படி நம்ப முடியும்..?

Wednesday, 18 September 2013

அரசியல் வாதிகளின் ஏழைகள் மீதான கருணை..

         ராகுல் காந்தி  காங்கிரஸ் கட்சியும்  ஆட்சியையும் ஏழைகளின் நலனுக்காக பாடுபடுவதாக சமீபத்தில் கூட்டமொன்றில் ஆவேசமாக பேசியுள்ளார். வழக்கம் போல பாரதிய ஜனதா கட்சி கண்டனம் தெரிவித்து உள்ளது.
 
          காங்கிரஸ் கட்சி ஆகட்டும்,பி.ஜே.பி-யாகட்டும்  பன்னாட்டு தரகு முதலாளிகள் கார்பரேட் கம்பனிகள், பெரும் தொழிலதிபர்களின் கண் அசைவுக்கும்,விருப்பத்திற்கும் ஏற்ப கைகட்டி  சேவகம் பார்க்கும் அடிமை ஊழியர்களாகவே இருந்து வருகின்றன.


                   இதுவரை ஏழைகளின் நலனுக்காக,அவர்களின் வாழ்க்கை முன்னேற்றத்திற்காக  இவ்விரு கட்சிகளும் பெரிதாக எதையும் செய்துவிடவில்லை. மாறாக மேலும் மேலும்  ஏழ்மையை வளர்த்து,ஏழைகளின் வாழ்கையை கடும் நெருக்கடிக்கு ஆளாக்கி வந்துள்ளன.

       பிகாரின் டொங்க்ரியா கோண்டு  இனமக்களின் வாழ்வாதாரமாக பன்னெடுங்காலம் இருந்துவந்த நியம்கிரி மலை  இப்போது லண்டனில் வாழ்ந்துவரும் இந்திய கோடிஸ்வரரான அனில் அகர்வால் என்பவருக்கு சொந்தமான வேதாந்தா என்ற மிகப்பெரிய சுரங்கத் தொழில் நிறுவனத்துக்கு விற்கப்பட்டு விட்டது. இதனால் ஆயிரகணக்கான பழங்குடியின மக்களின் வாழ்க்கை கேள்விகுறி ஆகிவிட்டது.



         இதுபோலவே பல்வேறு  சுரங்க நிறுவனங்களுக்கு வரைமுறையே இன்றி,அனுமதி வழங்கப்பட்டு இருக்கிறது. லட்சக்கணக்கான மக்கள் ஏழைகளாக ஆகி உள்ளனர். தங்களது வாழ்விடத்தை பறிகொடுத்து உள்ளனர். இயற்கை ஆதாரங்கள்,ஊற்றுகள்,ஆறுகள்,காடுகள் அழிக்கப்பட்டு,மக்கள் வறுமைக்கு ஆளாகி இருப்பது குறித்து இந்த ஆளும் கட்சி, எதிர்கட்சிகளுக்கு கவலை இல்லை.

       லட்சகணக்கில் விவசாயிகள் தற்கொலை, புதிய தொழில் கொள்கையால் பல லட்சம் தொழிலாளர்கள்  வேலை இழப்பு, மக்கள் அன்றாடம் வாங்கும்,உணவுப்பொருள் விலை ஏற்றம்,பெட்ரோல் டீசல் விலை ஏற்றம்,சமையல் எரிவாயு விலையேற்றம்,   என்று  நடுத்தர மக்களும் ஏழைகளாக ஆட்சியாளர்களால்  மாற்றப்பட்டு வருவதை வசதியாக மறந்து விட்டு,இவர்கள் ஏழைகளின் நலனுக்காக  பாடுபடுவதாக கூறுவது ஏழைகளை கிண்டல் செய்து  அவமானபடுத்தும் செயலாகும்.  வக்கிர குணத்தை காட்டுவதாகும்.


            இது ஒருபுறம் இருக்க,  பாரதிய ஜனதா கட்சியும் ஏழைகளை உருவாக்குவதிலும்,அவர்களை சுரண்டி,கொடுமைப்படுதுவதிலும்  காங்கிரசுக்கு சளைத்த கட்சி இல்லை. அக்கட்சியின் ரிமோட் கண்ட்ரோலான ஆர்.எஸ்.எஸ். மற்றும் உள்ள சங்க பரிவார அமைப்புகள்  இந்தியாவில் நடத்திய வன்முறைகள்,கலவரங்களால், ஏழ்மைக்கு ஆளானவர்கள் ஏராளமாகும், உடமைகள்,வீடுகள்,இழந்து அகதிகள் ஆக்கப்பட்டு ஏழைகளாக ஆனவர்கள் எண்ணில் அடங்காதவர்கள்.

          இந்தியா பாகிஸ்தான் பிரிவினைக்கு பிறகு, 1981-ஆம் ஆண்டுக்குள் ஆர்.எஸ்.எஸ். 5000-க்கு மேற்பட்ட கலவரங்களை நடத்தி நாட்டை சுடுகாடாக்கியது. இந்திய மக்களின் ஏழ்மையைக்கு  ஆர்.எஸ்.எஸ்,சங்க பரிவார அமைப்புகளை விட வேறு எந்த அமைப்பும் கட்சியும் அதிகம் உழைத்திருக்க முடியாது. அப்படிப்பட்ட கட்சி ஏழ்மையை பற்றிய கருத்துக்கு கண்டனம் செய்கிறது. எல்லாம் காலத்தின் கோலம்.

          போகட்டும் இப்போது காங்கிரசுக்கும் பி.ஜே.பி-க்கும் ஏழைகள் மீது எதற்கு இந்த கருனைபார்வை,பரிவு?  இன்னும் பறிக்க முடியாத  வாக்குகள்  ஏழைகளிடம் இருப்பதும்,அவைகளை வரும் நாடாளுமன்ற தேர்தலுக்கு  எய்த்து,பார்க்கவும்தான் இவ்விரு கட்சிகளும்  நாடகம் நடத்துகின்றன. நீலிகண்ணீர் வடிகின்றன. காமராஜர்  கூறியதுபோல ஒருகுட்டையில் ஊறிய மட்டைகள் அல்லவா ?


Monday, 16 September 2013

உ.பி கலவரத்தின் பயங்கரம்..

     உ.பியின் முஸாஃபர் நகரில் நடந்த கூட்டுப் படுகொலையின் கொடூரத்தை கண்டு முஸாஃபர்நகர் மாவட்ட மருத்துவமனையில் இறந்த உடல்களை போஸ்ட்மார்ட்டம் நடத்திய மருத்துவர்கள் கூட நடுங்கிப் போயுள்ளனர்.
மருத்துவர்களின் அனுபவத்தை கேட்டால் நெஞ்சு பதறும். ஒரு பெண்ணை இரண்டு துண்டாக பிளந்துள்ளனர். தீயில் பொசுக்கிய உடல்கள் ஆணா? பெண்ணா? என்று கூட அடையாளம் காணமுடியவில்லை. ஒன்பது வயது சிறுவனின் தலையை அடித்து சிதைத்துள்ளனர்.
செப்டம்பர் 7-ஆம் தேதி முதல் 12 உறுப்பினர்களை கொண்ட மருத்துவர்கள் குழு மாநிலத்தில் மிகக்கொடூரமாக நடத்தப்பட்ட இனப்படுகொலையில் பலியானவர்களின் உடல்களை போஸ்ட் மார்ட்டம் செய்வதற்காக இரவு,பகலாக பணியாற்றி வருகின்றனர்.53 உடல்களை போஸ்ட் மார்ட்டம் செய்ததில் 40 உடல்கள் மட்டுமே அடையாளம் காணப்பட்டுள்ளன. 13 உடல்கள் அடையாளம் காணமுடியாத அளவுக்கு கோரமாக உள்ளன.
                
      வெள்ளிக்கிழமை மிகக்கோரமான நிலையில் போப், சிகேரா ஆகிய போலீஸ் நிலையங்களில் இருந்து வந்த இரண்டு ஆண்களின் உடல்களை அடையாளம் காணமுடியவில்லை. பெரும்பாலானவை கூர்மையான ஆயுதங்களை பயன்படுத்தி கொலைச் செய்யப்பட்டுள்ளதாக மருத்துவர்கள் தெரிவிக்கின்றனர்.
     புல்கானாவில் ஒரு குடும்பத்தில் நான்குபேர் கொல்லப்பட்டுள்ளனர். ஒரு பெண்ணை இரண்டு துண்டாக வெட்டிக் கொலைச் செய்துள்ளனர் காட்டுமிராண்டிகளை விட கேவலமானவர்கள். அவருடைய இடுப்புக்கு மேல் பகுதி தனியாகவும், இடுப்புக்கு கீழ் உள்ள பகுதி தனியாகவும் மருத்துவமனைக்கு கொண்டுவரப்பட்டது. அவரது முகம் கடுமையாக தாக்கி கோரமாக்கப்பட்டிருந்தது.
     புல்கானாவில் கடுமையான பழிவாங்கும் உணர்ச்சியோடு குற்றவாளிகள் மக்களை கொலைச் செய்துள்ளனர் என்று மருத்துவர்கள் கூறுகின்றனர்.
     எட்டு வயது சிறுவர்கள் உள்பட முற்றிலும் தீயில் பொசுங்கிய இரு உடல்கள் செப்டம்பர் 10-ஆம் தேதி மருத்துவமனைக்கு கொண்டுவரப்பட்டது அவை ஆணா? பெண்ணா? என்று அடையாளம் காண முடியவில்லை. 11 பேரின் டி.என்.ஏ சாம்பிள் எடுத்து பரிசோதனைக்காக பாதுகாக்கப்பட்டுள்ளது.
    புல்கானாவில் 16 பேர் கொல்லப்பட்டுள்ளனர் என்பது உறுதிச் செய்யப்பட்டுள்ளது.
    தீயில் பொசுங்கிய குழந்தையின் உடலை போஸ்ட் மார்ட்டம் செய்த தன்னால் 24 மணிநேரம் உணவு கூட சாப்பிட முடியவில்லை என்று மருத்துவர் ஒருவர் தனது வேதனையை வெளியிட்டுள்ளார்.
      பாரதீய ஜனதா கட்சி ஆட்சிக்கு வருவதற்கு நடத்தும் வன்முறைகள், கலவரங்கள் படுகொலைகள் யாவும் நாகரீக சமூகத்தை  குழிதோண்டி புதைக்கும் செயல்கள்! அதுமட்டுமில்லைஅவைகள் காவி பயங்கரமாகும்! பண்டைய காலத்தில் வாழ்த்த காட்டுமிராண்டி காபாலிகர்கள்,காலாமுகர்கள் ஆகியவர்களின் நரபலி வேட்டைகளை இவர்கள் இப்போதும்  நடத்தி வருவதாக தோன்றுகிறது. (தகவல் உதவி (நன்றி:) பழனிபாபா.இன்)