Sunday, 7 July 2013

சாதிகள் மட்டுமே நீதியானது!

ஷாஜகானே.. !
நீயும் காதலித்தாய்,
மும்தாஜை நேசித்தாய்!
 உங்களால் காதல்ஆசீர்வதிக்கப்பட்டது!

காதலியின் இறப்புக்குப் பின்பும்
உனதுநேசம்  உன்னதமென;
உலகுக்கு அறிவித்தாய்!
உதயமானது தாஜ் மஹால்!

உனது காதல் மட்டுமல்ல,
நீ கட்டிய கல்லறையும்;
காதலின் அடையாளமானது!
உலகின் அதிசயமானது!
 
 

சாதியைச் சொல்லி,
காதலின் நீதியைக் கொன்று,
காதலே குற்றமென்று..
இங்கே கல்லறை கட்டுகிறார்கள்!

சில்லறை மனிதர்களின்,
சிறுமதியால்  துவேசத்தால்;
காதலே இன்று சமாதியானது!
சாதிகள் மட்டுமே நீதியானது!









1 comment:

  1. ``தங்கள் அருமையான பதிவுகளை TamilBM( http://tamilbm.com/ ) திரட்டியிலும் இணையுங்கள்.

    ReplyDelete